സൂര്യൻ അസ്തമിച്ചു….അന്തരീക്ഷമാകെ രക്ത വർണം പടർന്നിരിക്കുകയാണ് ….അവിടെ നിന്നും അവിടെ നിന്ന് സംക്രമ സൗന്ദര്യം ആസ്വദിക്കുകയായിരുന്നു അമൃത …. ചുമലിൽ ഒരു കൈ വീണത് അവൾ അറിഞ്ഞു…. കൈയിലെ സിഗരറ്റ് താഴേക്ക് കളഞ്ഞ് പെട്ടന്ന് തിരിഞ്ഞ് നോക്കിയപ്പോൾ ഗാഥ…അമൃത നിറഞ്ഞ കണ്ണുകളോടെ അവളെ നോക്കി ഒന്ന് പുഞ്ചിരിച്ചു..
ഗാഥ :- “ചേച്ചിക്ക് ഇങ്ങനെയും ഒരു സ്വഭാവമുണ്ടായിരുന്നോ …?” ഗാഥ സ്വൽപ്പം ദേഷ്യത്തോടെ ചോദിച്ചു…
അമൃത : “ഇനി നീയും കൂടെ ദേഷ്യപ്പെട്.. അതിന്റേം കൂടെ ഒരു കുറവേ ഉള്ളു.. സ്വൽപ്പം സമാധാനം തേടിയാണ് മനുഷ്യൻ സിഗരറ്റിന്റെ സഹായം തേടിയത് ” – അവൾ വിതുമ്പുവാൻ തുടങ്ങി..
ഗാഥ : ” ഏയ്.. ചേച്ചി.. ചേച്ചി കരയല്ലേ… ” -അമൃത അവളുടെ മാറിലേക്ക് വീണ് പറയുവാൻ തുടങ്ങി…
അമൃത : “കല്യാണം കഴിഞ്ഞ് എങ്കിലും എന്നോട് സ്നേഹത്തോടെ പെരുമാറും എന്ന് കരുതി…… വേണ്ട എന്നെ സ്നേഹിക്കണ്ട., പക്ഷെ എന്തിനാണ് എന്നെ ഇങ്ങനെ അപമാനിക്കുന്നത് ”
ഗാഥ : “അയ്യേ… ചേച്ചി ഇങ്ങ് നോക്കിക്കേ..” അവൾ അമൃതയുടെ മുഖം കൈവെള്ളയിൽ എടുത്തു… ” അയ്യേ..പെൺകുട്ടികൾ കരയുന്ന കാലമൊക്കെ കഴിഞ്ഞു… ചേച്ചി എന്തിന് കരയണം.. നിങ്ങൾക്ക് സ്വന്തം കാലിൽ നിൽക്കുവാനുള്ള ശേഷിയുണ്ട്…കല്യാണം കഴിഞ്ഞന്നോർത്ത് നിങ്ങൾ ആരുടെയും അടിമയുമല്ല… ചേച്ചിക്ക് ഈ വീട്ടിൽ ഇഷ്ട മുള്ളത് പോലെ ജീവിക്കാം.. എന്തിനും ഞാനും അമ്മയും കൂടെ തന്നെ കാണും.. പിന്നെ ഏട്ടൻ… അങ്ങേരെ നോക്കണ്ട… ഇന്നത്തെ അങ്ങേരുടെ ഷോ കണ്ട് എനിക്കും 2 കൊടുക്കുവാൻ തോന്നി…ഇത്രേയുമായതല്ലേ…, ചേച്ചിയോട് എങ്ങനാണോ അത് പോലെ തന്നെ തിരിച്ചും പെരുമാറുക.. ”
ഒരു കൊച്ച് കുഞ്ഞിനെ പോലെ അവളുടെ കൈക്കുളിൽ ഇരുന്ന് അവൾ എല്ലാം കേട്ടു… ഗാഥ തുടർന്നു..
“അവൻ താനേ വരും ചേച്ചിയുടെ പിറകെ….അങ്ങേർ ആ പെണ്ണിനെ ചതിച്ചതിന് നിങ്ങൾ എന്ത് പിഴച്ചു….. അങ്ങേരെ ഓർത്ത് ചുമ്മാ ടെൻഷൻ അടിക്കേണ്ട…. ഭാര്യ ആണ് അതൊക്ക ശരി തന്നെ പക്ഷെ… ആട്ടും തുപ്പും സഹിച്ച് കഴിയുന്ന ഭാര്യമാർ ഒക്കെ സീരിയയിൽ മാത്രം മതി “…
അവൾ സ്വന്തം ചേട്ടനെ കുറ്റപ്പെടുത്തി… ഗാഥക്കും ഒരു പാട് സങ്കടമായിരുന്നു.. അവൾക്ക് ഒരു കൂടെപ്പിറപ്പിനെ കിട്ടിയത്തിന്റെ സന്തോഷത്തിലായിരുന്നു.. എല്ലാം അവളുടെ ചേട്ടൻ തന്നെ നശിപ്പിക്കുന്ന അവസ്ഥ വന്നപ്പോൾ അവളും അതുലിനോട് നീരസം കാട്ടുവാൻ തുടങ്ങി…
“മറ്റൊരു വീട് വിട്ട് വന്നതാണ് ഏച്ചി… നിങ്ങൾക്ക് ഒരു കുറവും ഇവിടെ വരാതിരിക്കുവാൻ നോക്കേണ്ട ഉത്തര വാദിത്തം എനിക്കുണ്ട്…എനിക്കൊരു ചേച്ചിയെ കിട്ടിയതാണ്… ഞാൻ വിട്ട് കളയില്ല നിങ്ങളെ ”
ഗാഥയുടെ നാവിൽ നിന്നും അത്രയും കേട്ടപ്പോൾ അമൃതക്ക് എന്തെന്നില്ലാത്ത ആശ്വാസം അനുഭവപ്പെട്ടു… അവൾ കണ്ണീര് തുടച്ച് പടിഞ്ഞാറൻ ചക്രവാത്തിലേക്ക് നോക്കി നിന്നു… ചുവന്ന കല്യാണ സാരിയോടൊപ്പം അസ്തമയ സൂര്യന്റെ ചെന്നിറം അവളുടെ മുഖത്തെ തലോടിയപ്പോൾ , ആ സൗന്ദര്യം ഇരട്ടിച്ചു… ഗാഥ അത് നോക്കി ആസ്വദിച്ച് നിന്നു… അവൾ പുറകിലൂടെ ചെന്ന് അമൃതയെ ഇറുക്കി കെട്ടി പിടിച്ചു…. അമൃത മുഖം തിരിച്ച് അവളുടെ കവിളിൽ ഒരു മുത്തം നൽകി… കൂടെ തന്നെ ചിരിച്ച് കൊണ്ട് ആ കവിളിൽ തലോടി നിന്നു….
പക്ഷെ പെട്ടന്ന് തന്നെ ഗാഥ കുതറി പുറകോട്ട് മാറി…….
തുടരും……….