എന്നാൽ പിന്നെ ആതി ചേച്ചി പോയി താമസിക്ക്….
പോക്രിത്തരം പറയാതെ അനി….ആതിര ചീറി….
ചേട്ടത്തി നമ്മൾ പ്രശനം വഷളാക്കാൻ അല്ല …ഒരു തീരുമാനം എടുക്കാനാണ് കൂടിയത്….നീലിമേ നീ എന്ത് പറയുന്നു….
ഞാൻ എന്ത് പറയാനാ….വേലി ചാടുന്ന പശുവിനു കോലു കൊണ്ട് മരണം…അൽപ സ്വല്പം സഹിച്ചൊക്കെ വേണം പെണ്ണുങ്ങൾ നില്ക്കാൻ….
അവരവരുടെ ജീവിതത്തിൽ വരുമ്പോഴേ അവരവർക്ക് മനസ്സിലാകൂ…..അനിത ചൊടിച്ചുകൊണ്ട് പറഞ്ഞു….നിങ്ങള്ക്ക് ഞാൻ ഇവിടെ നിൽക്കുന്നതും ബുദ്ധിമുട്ടാണെങ്കിൽ ഞാൻ എന്റെ കുഞ്ഞിനേയും കൊണ്ട് എങ്ങോട്ടെങ്കിലും മാറി തരാം…എന്നാലും ഞാൻ അയാളുടെ അടുക്കലേക്കു പോകുന്നില്ല….
എന്താണാമമായി ചെയ്യേണ്ടത്….ഞാൻ അമ്മായിയോട് തിരക്കി…
ശ്രീക്കുട്ടൻ ഒരു തീരുമാനം പറ…..അമ്മായി പറഞ്ഞു….
അതെ…അനിയൻ തന്നെ ഒരു തീരുമാനം എടുക്ക്…ആതിര ചേട്ടത്തിയും പറഞ്ഞു….
അനി മോളുടെ ദുഃഖം നമ്മളുടെ ദുഖമാണ്….അവൾ നമുക്കെല്ലാം സന്തോഷത്തോടു ജീവിക്കുന്നത് കാണാനാണ് ആഗ്രഹം….അശോകനെ സംബന്ധിച്ചിടത്തോളം അന്ന് ഞാൻ അനിതയെ വിളിക്കാൻ ചെന്നപ്പോൾ എന്നോട് പറഞ്ഞ അനാവശ്യങ്ങൾ നാളെ അമ്മാവൻ ചെന്ന് ചോദിച്ചാലും പറയും….അവൾക്കു അവനോടൊപ്പം താമസിക്കാൻ താത്പര്യമില്ല എങ്കിൽ ഈ ബന്ധം വേര്പെടുത്തുന്നത് തന്നെയാണ് നല്ലത്…..
ഞാനല്ലല്ലോ അവസാന വാക്ക് പറയേണ്ടത്….ബാഹുലേട്ടനും അമ്മാവനും സുജയുടെ ഭർത്താവുമൊക്കെ ഉണ്ടല്ലോ…അവരോടും കൂടി തീരുമാനിക്കാം…. അങ്ങനെ അന്നത്തെ ആ ചർച്ച അവിടെ അവസാനിപ്പിച്ചു ഞാൻ കാർപോർച്ചിൽ കൈവരിയിൽ ഇറങ്ങിയിരുന്നു….നീലിമയും ആതിരയും പരസ്പരം എന്തോ പറഞ്ഞു കൊണ്ട് അകത്തേക്ക് പോയി അമ്മായി എന്നെ നോക്കി വേദന കലർന്ന ഒരു ചിരി സമ്മാനിച്ചിട്ടു അകത്തേക്ക് വലിഞ്ഞു….അനി മോൾ പുറത്തിറങ്ങി വന്നിട്ട് എന്നോട് പറഞ്ഞു…”നന്ദിയുണ്ട് ശ്രീയേട്ടാ…..ആദ്യമായി എന്റെ വേദന മനസ്സിലാക്കി എനിക്ക് വേണ്ടി സംസാരിച്ചതിന്….തിങ്കളാഴ്ച അമ്മയും ആതിരച്ചിയും ചെട്ടികുളങ്ങര പോകുമ്പോൾ ഞാൻ ശ്രീയേട്ടന്റെ വരവിനു കാത്തിരിക്കും….അത്രയും പറഞ്ഞിട്ട് അവൾ കണ്ണ് തുടച്ചുകൊണ്ട് അകത്തേക്ക് പോയി….ഞാൻ അമ്മായിയച്ഛനെ ഫോൺ ചെയ്തു…..പക്ഷെ ഫോൺ എടുത്തത് ബാഹുലേട്ടനാണ്….
ഹാലോ….അമ്മാവാ….
അമ്മാവനല്ല അനിയാ….
ഹാ ബാഹുലേട്ടനോ….എന്തുണ്ട് കമ്പനി വിശേഷം അമ്മാവനെന്തിയെ…..
അത് പിന്നെ…അവിടെ ആരോടും പറയണ്ടാ….അമ്മാവന് ചെറിയ ഒരു നെഞ്ചു വേദന….അകത്തു ഐ.സി.യു വിലാണ്…ഞാൻ സൽമാനിയ ഹോസ്പിറ്റലിൽ ഉണ്ട്…രാത്രി ഒരു രണ്ടു മണിക്കാണ് തുടങ്ങിയത്….മൂന്നു ബ്ലോക്ക് ഉണ്ടെന്നു പറയുന്നു….ആഞ്ചയോ പ്ലാസ്റ്റി ചെയ്യണമെന്ന് പറയുന്നു….അമ്മാവനെ കണ്ടില്ല….
ഞാൻ പറയാൻ ഉദ്ദേശിച്ച കാര്യം ഈ കാര്യം കേട്ടപ്പോൾ അങ്ങ് നിർത്തി….
പേടിക്കാനൊന്നുമില്ല…മൈനർ ആണ്…അവർ പൈനുള്ള മെഡിസിൻ കൊടുത്തു….നാട്ടിൽ ചെയ്യിക്കുന്നതാണ് നല്ലത് എന്നും പറഞ്ഞു…
അങ്ങനെയാണെങ്കിൽ ഞായറാഴ്ചലത്തേക്കുള്ള ഗൾഫ് എയറിൽ ടിക്കറ്റെടുത്തു കയറ്റി വീട്….അന്ന് സുജയും വരുന്നുണ്ട്…അവളെ കൂട്ടാൻ പോകുമ്പോൾ അമ്മാവനെയും കൊണ്ടുവരാമല്ലോ…നമുക്കിവിടെ അന്ന് തന്നെ അമൃത ഹോസ്പിറ്റലിൽ കാണിക്കുകയും ചെയ്യാം….
ശരി അനിയാ….ഇത് ഇപ്പോൾ തത്കാലം ആരോടും പറയണ്ടാ….
ശരീ ബാഹുലേട്ടാ…..
അന്ന് ഉച്ചയൂണും കഴിഞ്ഞു ഞാൻ നീലിമയേയും കൂട്ടി അമ്പലപ്പുഴക്ക് തിരിച്ചു…..അനിത വിളിച്ചതും തിങ്കളാഴ്ച,ജസ്ന ക്ഷണിച്ചിരിക്കുന്നതും തിങ്കളാഴ്ച….എന്ത് ചെയ്യും….
ഞാൻ ഒന്നും മിണ്ടാതെ ഡ്രൈവ് ചെയ്യുന്നത് കണ്ടു നീലിമ തിരക്കി….
എന്ത് പറ്റി ശ്രീയേട്ടാ….
ഒന്നുമില്ല…സുജയെ വിൽക്കാൻ നമ്മൾ തന്നെ പോകണമെല്ലോ…..
ഓ…ഞാനെങ്ങും വരുന്നില്ല…ഒന്നാമത് നെടുമ്പാശ്ശേരിക്ക്….എന്റെ അമ്മോ ഞാനില്ല…ഇടപ്പള്ളി ഒന്ന് കഴിയണമെങ്കിൽ അരമണിക്കൂർ എടുക്കും….
നീ വരാതെ ഞാൻ ഒറ്റയ്ക്ക് പോകാനോ നീലിമേ….
ചേട്ടൻ വരുന്ന വഴി വീട്ടിൽ കയറിയാൽ മതി….ഞാനും കൂടി തിരുവല്ലേ വരാം….തിങ്കളാഴ്ച അമ്മയും ആതി ചേച്ചിയും ചെട്ടികുളങ്ങര അമ്പലത്തിൽ പോകുന്നുണ്ട്….എനിക്കും ഒന്ന് പോകണം….