അര മണിക്കൂര് കഴിഞ്ഞു അവര് ഇറങ്ങി വരുമ്പോള് ടോണി പേപ്പര് വായിച്ചിരിക്കുവായിരുന്നു
” കുട്ടാ..വിശന്നോടാ?” ആലീസ് അവന്റെ തലയില് തലോടി
” ഞാന് വിളമ്പാം സാറെ ” ആലീസ് അടുക്കളയിലേക്കു പോയപ്പോള് ടോമി ടോണിയുടെ അടുത്തിരുന്നു
“മോനെ .,…സോറി “
‘ എന്തിനാ അങ്കിളേ ?’
” നീ കേറി വന്നപ്പോ ഞാന് …”
” സാരമില്ല അങ്കിളേ ….എന്നെ കെട്ടിയിട്ടിട്ടാ അവരു ചിലപ്പോ മമ്മിയെ ..പക്ഷെ ഇന്ന് മമ്മിയുടെ മുഖത്ത് എനിക്ക് കണ്ണീരിനു പകരം ചിരിയാ കണ്ടത് ….”
ടോണി മുഖം തുടച്ചു …. അവന്റെ കണ്ണുകളില് നിന്നും കണ്ണ് നീര് വീണ്ടും പുറത്തേക്ക് ഒഴുകി
” കരയല്ലേ ഇച്ചായാ …..എന്റെ ഇച്ചായന് ഇങ്ങനെയല്ല …..അണോരുത്തനാ..ഇച്ചായന് ഇങ്ങനെ പെണ്ണുങ്ങളെ പോലെ കരയരുത് ….”
അമ്മു ടോണിയുടെ കണ്ണുകള് ഒപ്പി അവിടെ ഉമ്മ വെച്ചു
” അമ്മൂ …നീ അച്ചായനെ അപ്പുറത്തേക്ക് കൊണ്ട് പോ “
സിസിലിയും വല്ലതായിരുന്നു .
” എന്നിട്ടിച്ചായ ….ഇച്ചായന് എങ്ങനെ അമേരിക്കയില് എത്തി ? പപ്പാ കഴിഞ്ഞ വര്ഷം മരിച്ചു എന്നല്ലേ പറഞ്ഞെ ? മമ്മി ?”
‘ ടോമി അങ്കിള് ആ ലീവ് കഴിഞ്ഞു പോകുന്നതിനു മുന്പേ എന്റെ റിസള്ട്ട് വന്നിരുന്നു . അങ്കിള് എന്നെ ഹോട്ടല് മാനെജ്മെന്റ് കോഴ്സിനു ചേര്ത്തിട്ടാണ് പോയത് …മദ്രാസില് …ഞാനവിടെ പഠിത്തത്തോടൊപ്പം ഹോട്ടലില് ജോലിയും നോക്കി …ആദ്യത്തെ ലീവിന് വന്നപ്പോള് മമ്മിയുടെ നേരെയുള്ള ആക്രമണം വല്ലാതെ കൂടിയിരുന്നു …. ഞാന് പപ്പയെയും മമ്മിയെയും മദ്രാസിനു കൂട്ടി കൊണ്ട് പോയി . അവിടുത്തെ ഒരു കോളനിയില് ഒറ്റ മുറി വീട്ടില് താമസം ….കത്തിലൂടെ ടോമിയങ്കിളിനെ ഞാന് വിവരങ്ങള് അപ്പപ്പോള് അറിയിച്ചു …എന്റെ ഫീസും വീട്ടു ചിലവിനുള്ള കുറച്ചു പൈസയും അദ്ദേഹം അയച്ചു തന്നു കൊണ്ടിരുന്നു … കോഴ്സ് പൂര്ത്തിയാക്കിയ ഉടനെ എന്നെ അദ്ദേഹം അങ്ങോട്ട് കൊണ്ട് പോയി …ആ കോളനിയില് മമ്മിയും പപ്പയും സുരക്ഷിതര് ആയിരുന്നു ..പക്ഷെ ആറു മാസത്തിനുള്ളില് മമ്മി മരിച്ചു … ചോര തുപ്പിയാ മരിച്ചതെന്ന് ആളുകള് പറഞ്ഞറിഞ്ഞു … ടോമി അങ്കിള് വന്നാണ് അടക്കം ചെയ്തത് …പപ്പയെ അദ്ദേഹം പ്രായമായവരെ നോക്കുന്ന സ്ഥലത്താക്കി ….എനിക്കപ്പോഴും സ്ഥിരമായ ജോലിയൊന്നും ആയില്ലായിരുന്നു “
” എന്നിട്ടിച്ചായന് എന്ത് ചെയ്തു ? ടോമി അങ്കിള് ഇപ്പോളെവിടെയുണ്ട്? “
‘ ജോലി ഒന്നുമാകാതെ , പെപ്പെര്സും ഒന്നും ശേരിയാകാതെ ഇരുന്നപ്പോള് അങ്കിളാണ് പറഞ്ഞത് …നിനക്ക് നല്ല സൌന്ദര്യം ഉണ്ടല്ലോ …ജിമ്മിലൊക്കെ പോയി ബോഡി ഒക്കെ ഒന്ന് ശെരിയാക്ക്….എന്നിട്ട് സിറ്റിസന്ഷിപ്പുള്ള ഏതേലും മലയാളിയെ കറക്കി കല്യാണം കഴിക്ക് …അതെ പറ്റൂള്ളൂ എന്ന് …”
” തമാശയായി പറഞ്ഞതാണെങ്കിലും എനിക്കത് കൊണ്ട് …എങ്ങനെ എങ്കിലും അവിടെ നില്ക്കുക ….കുറച്ചു പൈസ ഉണ്ടാക്കുക ..പപ്പയെ നന്നായി നോക്കുക …പോയ വീടും ഒക്കെ തിരിച്ചു പിടിക്കുക …അതൊക്കെയാണല്ലോ ഒരു ചെറുപ്പക്കാരന്റെ ആലോചനകള് “
” പറ ഇച്ചായ …എന്നിട്ട് ?”
” അമ്മൂ ….ഒരു വര്ഷം കൂടിയേ എനിക്ക് അവിടെ നില്ക്കാന് പറ്റൂണ്ടായിരുന്നുള്ളൂ …..അതിനുള്ളില് ..”
” അതിനുള്ളില് …?” അമ്മു അവന്റെ അടുത്ത് വന്നിരുന്നു കരം ഗ്രഹിച്ചു തലോടി കൊണ്ടിരുന്നു
സിസിലി അപ്പോഴും കിച്ചന് സ്ലാബില് ചാരി നില്ക്കുകയായിരുന്നു …അവളുടെ കണ്ണില് നിന്ന് തോരാതെ കണ്ണുനീര് ഒഴുക്ന്നുണ്ടായിരുന്നു
:” ടോമി അങ്കിള് മരിച്ചു …അറ്റാക്ക് …ആകെയുണ്ടായിരുന്ന പ്രതീക്ഷയും അസ്തമിച്ചു “
” ഈശ്വരാ ..എന്നിട്ടെങ്ങനാ അച്ചായാ ….അവിടെ തന്നെ നിന്നത് ?”
സിസിലി അടുത്തേക്ക് വന്നു കോഫീ ടേബിളിന്റെ ഇപ്പുറത്ത് ഇരുന്നു …ടോണിയുടെ ചെയറില് മടിയില് എന്ന വണ്ണമാണ് അമ്മു ഇരുന്നത് …അവന്റെ കഥ കേള്ക്കാനും ..ആശ്വസിപ്പിക്കാനും
” ടോമി അങ്കിള് മരിച്ചു കഴിഞ്ഞു ഒരു ദിവസം ആന്റി എന്നെ കാണാന് വന്നു ….ഞാന് ഒന്ന് രണ്ട പ്രാവശ്യമേ അവരെ കണ്ടിട്ടുള്ളൂ ……അങ്കിള് എന്നെ അവിടെ കൊണ്ട് പോകുമ്പോള് എല്ലാം ആന്റിക്ക് ഡ്യൂട്ടി ആയിരിക്കും …..സംസാരിച്ചു ഇരുന്നപ്പോള് അവരെന്നോട് ചോദിച്ചു …വിസ തീരാറായില്ലേ , എന്താ തീരുമാനം എന്ന് ?”