💓 ആരതി കല്യാണം 💓 – 10 8അടിപൊളി  

 

തെരക്കേടില്ലാൻഡ് തല്ല് കിട്ടിയ കാരണാന്നു തോന്നണു കുളിക്കണ സമയത്ത് നല്ല വേദന തോന്നി…!

 

അങ്ങനെ കുളിയും കഴിഞ്ഞ് കട്ടിലിൽ കെടന്ന ഓർമ മാത്രേ ഒള്ളു, വെക്കം ഒറങ്ങി പോയി…!

 

പിറ്റേന്ന് കോളേജിലെത്തിയപ്പോ ഞാൻ ആദ്യം തപ്പിയത് ആരതിയെ ആയിരുന്നു…! പക്ഷെ കോളേജു മൊത്തം അരിച്ചുപറക്കിട്ടും അവള്ടെ പൊടിപോലും കിട്ടിയില്ല…!

 

ഇവളിനി പഠിപ്പ് നിർത്തിയോ…? ഏയ്യ്…! അങ്ങനെ വരാൻ വഴിയില്ല…! തന്ത ചത്തൂന്നറിഞ്ഞാലും മേക്കപ്പിട്ട് നിക്കണവള…! അപ്പോ നിർത്തിപ്പൊവാനൊന്നും സാധ്യത ഇല്ല…! ഇനി നാളെ നോക്കാം…!

 

പക്ഷെ അത് കഴിഞ്ഞുള്ള പല ദിവസങ്ങളിലും ഞാൻ ആരതിയെ തപ്പി കോളേജ് മുഴുവൻ നടന്നെങ്കിലും അവളെ എങ്ങും കണ്ടില്ല…! എനിക്കാണേൽ അവളെ കണ്ട് നല്ല വാക്ക് വല്ലതും പറയാതെ ഒരു സമാധാനോം ഇല്ലായിരുന്നു…!

 

അങ്ങനെ ഇരിക്കെയാണ് ഒരു ദിവസം എനിക്കൊരു ഐഡിയ തോന്നിയത്…!

 

“” എടാ നിന്റെ ഫോണോന്ന് തന്നെ…! “” എന്റടുത്ത് ഹരിയോട് കത്തി അടിച്ച് ഇരുന്നിരുന്ന അജയ്യേ ഞാൻ തോണ്ടികൊണ്ട് പറഞ്ഞു…! കത്തിയടിയിൽ മുഴുകിയിരുന്നിരുന്ന അവൻ എന്തിനാന്നു പോലും ചോദിക്കാതെ ഫോണെനിക്ക് നേരെ നീട്ടി…!

 

ഞാനതും വാങ്ങി കുറച്ച് അപ്പുറത്തേക്ക് മാറി നിന്നു…! ശേഷം ഇന്ന് രാവിലെ അമ്മേടെ ഫോണിൽ നിന്നും ആരതിടെ നമ്പർ എടുത്ത ഞാൻ അത് അജയ്‌ടെ ഫോണിൽ അടിച്ചതിന് പിന്നാലെ കോളും ചെയ്തു…!

 

“” ഹലോ…! ആരാ…?”” അധികം താമസിക്കാതെ അവൾ ഫോണെടുത്തതും ഇങ്ങോട്ട് ചോദിച്ചു…!

 

“” ആരു ചേച്ചി…! “” എന്റെ ഉദ്ദേശം ചൊറിയലാണ്…! അതിന് വേണ്ടി ഞാൻ അവളെ നീട്ടിയൊന്ന് വിളിച്ചു…!

 

“” ഡാ പട്ടി…! “” കാള് കട്ടാക്കുംന്ന് പ്രതീക്ഷിച്ച എന്നെ ഞെട്ടിച്ചുകൊണ്ട് അവളോരൊറ്റ ചീറലായിരുന്നു…! ഇത് കൊള്ളാലോ കളി…!

 

“” അയ്യോ ആരുചേച്ചിക്ക് ആള് മാറീന്ന തോന്നണേ…! ഇത് രാജീവ്‌ മാമനല്ല…! ഞാനാ ഞാൻ…! ആരു ചേച്ചിടെ അഭി…! “” ഒരു ഗ്യാപ് കിട്ടിയതും ഞാനവൾടെ തന്തക്കിട്ടൊന്ന് കൊട്ടി…! അങ്ങേ അറ്റത്ത് അവള്ക്കിടന്ന് കിതക്കുന്നത് എനിക്ക് കേൾക്കാം…!

 

“” നീ ചെവിയിൽ നുള്ളിക്കോ ഇതിനൊക്കെ ഞാൻ നിനക്ക് തന്നിരിക്കും…! “”

 

“” അയിന് നിനക്ക് സമയം കിട്ടീട്ട് വേണ്ടടി…! അടുത്ത പ്രൊജക്ട്ടൊക്കെ ചെയ്ത് വരുമ്പഴക്കും എത്ര സമയം പിടികൂന്ന വിചാരം…! എന്തായാലും ഞാൻ കാത്തിരിക്കും…! അപ്പോ എല്ലാം പറഞ്ഞപോലെ…! ബൈ…! “” അതും പറഞ്ഞ് ഞാൻ കട്ടാക്കി…! അവൾടെമ്മേടൊരു ഭീഷണി…!

 

എന്തൊരു മനസുഖം…! എന്നെ കൊല്ലാൻ നോക്കിയെന് അവളെ വലിച്ച് കീറാനാണ് എനിക്ക് തോന്നിയത്…! പക്ഷെ തൽകാലം ഇത്രേം മതി…!

 

“”ന്നാ നിന്റെ ഫോൺ…! അറിയാത്ത നമ്പറീന്ന് വല്ലോരും വിളിച്ച എടുക്കാൻ നിക്കണ്ട…!”” ഫോണ് തിരിച്ച് കൊടുക്കണേനു മുന്നേ അവള്ടെ നമ്പർ ഞാൻ ബ്ലോക്ക്‌ ആക്കിയെങ്കിലും ഇനി വേറെവല്ല നമ്പറീന്നും വിളിച്ചാലോന്ന് വിചാരിച്ച് ഞാൻ മുൻകരുതലു പോലെ അവനോട് പറഞ്ഞു…!

 

അവിടുന്ന് അങ്ങോട്ടുള്ള ദിവസങ്ങളിൽ ഞാൻ നല്ല ഹാപ്പി ആയിരുന്നു…! കാരണം അരതീടെ എക്സാം അടുത്തു…! എക്സാമെല്ലാം കഴിഞ്ഞ പിന്നെ ആ ശവത്തിനെ പിന്നെ കാണണ്ടല്ലോ…! ഇതിനെക്കാളും വലിയൊരു പണി കൊടുക്കാൻ പറ്റില്ലല്ലോന്നൊരു സങ്കടം മാത്രേ എനിക്കോള്ളു…!

 

പക്ഷെ അതിന് വേറെയൊരു വഴിയുണ്ട്…! മിക്കവാറും ഇവിടത്തെ പഠിപ്പ് കഴിഞ്ഞ അവളെ പിടിച്ച് കെട്ടിക്കും…! കല്യാണത്തിന് അരതീടെ കെട്ട്യോനെ നാട്ട്കാരുടെ മുന്നിലിട്ട് തല്ലീട്ടാണെങ്കിലും വേണ്ടില്ല അവളെ ഞാൻ നാറ്റിക്കും…! അങ്ങനെ അവളെക്കൊണ്ട് ഞാൻ ‘ അയ്യോ എന്റെ ഏട്ടായിയെ ഒന്നും ചെയ്യല്ലേ…! ഞാൻ എന്ത് വേണേലും ചെയ്യാവേ…! ‘ ന്ന് പറയിപ്പിച്ചാലെ എനിക്ക് സമാധാനാവു…!

 

അങ്ങനെ തേർഡ് ഇയർസിന്റെ എക്സാം അങ്ങനെ തീർന്നു…! ആ ദിവസങ്ങളിൽ ഞങ്ങക്ക് ക്ലാസ്സൊന്നും ഉണ്ടായിരുന്നില്ല…! ഞങ്ങളാണെങ്കി സെക്കന്റ്‌ ഇയർ ആവുന്നതിന്റെ എക്സ്സൈറ്റ്മെൻറ്റിലാണ്…!