ഇവരുടെ ഒക്കെ കൂടെ പാവം ഞാനും. പിന്നീടുള്ള ദിവസങ്ങൾ ഞങ്ങൾ ആഘോഷിക്കുക ആയിരുന്നു.
അങ്ങനെ ഇരിക്കുമ്പോളാണ് എനിക്ക് പ്രേമിക്കണം എന്ന് ചിന്ത വരുന്നത് പക്ഷെ ഞാൻ അത് ആരോടും പറഞ്ഞില്ല.
സമയം ആരെയും കാത്ത് നില്കാതെ മുൻപോട്ട് തന്നെ പോയി അങ്ങനെ ഞങ്ങൾ സെക്കന്റ് സെമിസ്റ്റർ കഴിഞ്ഞു എനിക്ക് വീണ്ടും ഒരു വിഷയം പോയി. ആ പോട്ടെ പുല്ല് എന്ന് ഞാനും.
അങ്ങനെ ഇരിക്കെ ഫ്രഷേഴ്സ് വരുന്ന ദിവസം ആയി ഞങ്ങൾ പതിവിലും നേരത്തെ കോളേജിൽ പ്രേസേന്റ് ആയി റാഗിംഗ് ഒന്നും താല്പര്യം ഇല്ലാത്തതുകൊണ്ട് ഞങ്ങൾ കൊറച്ചു വായ്നോക്കാം എന്ന ഉദ്ദേശത്തോടെ പോകുന്നതും വരുന്നതുമായ എല്ലാ കുട്ടികളെയും നോക്കിക്കൊണ്ടിരുന്നു.
അതിനിടയിൽ ഞാനും കണ്ടു ഒരു പെൺ കുട്ടിയെ വട്ട മുഖവും കുഞ്ഞി കണ്ണുകളും നൊണക്കുഴിയും എല്ലം ഒള്ള ഒരു സുന്ദരീ കുട്ടി.
അവളെ കണ്ടപ്പോ തന്നെ എന്റെ ഉള്ളിൽ ആരോ പറയുന്നേ പോലെ ഇവൾ നിനക്കുള്ളതാ എന്ന്. പക്ഷെ ഞാൻ അതൊന്നും അവന്മാരോട് പറയാൻ പോയില്ല. അവൻമാർ അറിഞ്ഞ പിന്നെ തീർന്നു എന്നെ കൊണ്ട് അവളെ പ്രെപോസ് ചെയ്യിപ്പിച്ചേ പിന്നെ അളിയന്മാർ വിശ്രമിക്കു. ഞാൻ ഉള്ളിലെ മോഹം ഒരു കൂട്ടിൽ ഇട്ട് തല്കാലത്തേക്ക് അടച്ചു വെച്ചു.
വീണ്ടും മാസങ്ങൾ കഴിഞ്ഞു ഇപ്പൊ ഞങ്ങൾക്ക് വന്ന മാറ്റം എന്തെന്നാൽ അഖിലിനും അഫ്സലിനും ലൈൻ സെറ്റായി അഫ്സലിന് കോളേജിൽ തന്നെ ഒള്ള ഒരു കൊച്ചും അഖിലിന് അവന്റെ നാട്ടിൽ ഒള്ള വേറെ ഒരു കൊച്ചും. അതുംകൂടെ ആയപ്പോ എനിക്ക് പ്രേമിക്കാൻ ഒള്ള തോര കൂടി കൂടി വന്നു.
ഞാൻ അത് കൂട്ടത്തിൽ എന്റെ ബെസ്റ്റ് ഫ്രണ്ട് ആയ അമലിനോട് പറയുകയും ചെയ്തു അവൻ ആണെ കട്ട സപ്പോർട്ടും പിന്നെ ഒന്നും നോക്കില്ല അവളെ പ്രെപോസ് ചെയ്യാൻ തീരുമാനിച്ചു. അടുത്ത ദിവസം ചെയ്യാം എന്ന് അമലിനോട് പറയുകയും ചെയ്തു.
അന്ന് രാത്രി ഞാൻ വീട്ടിൽ വന്നു ശേഷം കിടക്കുമ്പോ ചിന്ദിച്ചത് മുഴുവൻ എങ്ങനെ പ്രൊപോസ ചെയ്യാം എന്നതിനെ കുറിച്ചാണ്.
ഒരു പ്രേമം ഉണ്ടായാൽ വരുന്ന മാറ്റങ്ങളെ കുറിച്ച് അഖിലിനെയും അഫ്സലിനെയും ഉദാഹരണം വച്ച് ഞാൻ ചിന്തിച് നോക്കി. അതിൽ നിന്നും എനിക്ക് ചില പോയിന്റുകൾ കിട്ടി.
പ്രേമം തുടങ്ങിയ ശേഷം അവന്മാർ ഞങ്ങളുടെ കൂടെ അധികസമയം നിൽക്കാറില്ല മൊത്തം ഫോണിൽ ആയിരിക്കും.
പിന്നെ എന്ത് സ്പെഷ്യൽ ഡേയ്ക്കും അവളുമാർക്ക് ഗിഫ്റ്റ് കൊടുക്കണം. എന്നേം കുറ്റിപ്പോയി ഇടക്ക് അവർ ഗിഫ്റ്റ് വാങ്ങാറുണ്ട്.
പിന്നെ അവളുമാർക്ക് മാസമാസം റീചാർജ് ചെയ്തുകൊടുക്കണം.
ഇടക്ക് കൂൾബാറിൽ കൊണ്ടുപോകണം.
കോളേജിൽ എന്തേലും ഫങ്ഷൻ നടക്കുകയെന്നെങ്കിൽ അവർക്ക് കൂട്ടുകാരുടെ കൂടെ കൂടാൻ പറ്റില്ല ഫുൾ ടൈം അവളുടെ കൂടെ വേണം.
ഇതിലെ ചിലകാര്യങ്ങൾ എനിക്ക് ഒക്കെ ആയിരിന്നു പക്ഷെ പൈസ വച്ചുള്ള കളി.
ഒരിക്കെ വളെന്റൈൻസ് ഡേയ്ക്ക് ഗിഫ്റ്റ് വാങ്ങി കൊടുത്തില്ല എന്ന് പറഞ്ഞ് അഫ്സലിന്റെ പെണ്ണ് അവനോട് മിണ്ടാതെ ഇരുന്നു പിന്നെ കൊറച്ചു പയ്സേടെ ഗിഫിറ്റ് കിട്ടിയപ്പോ അവളുടെ പിണക്കോം മാറി.
അപ്പം എങ്ങനെ പോയാലും മാസം 2000 രൂപ എങ്കിലും പ്രേമിക്കുന്ന പെണ്ണിനുവേണ്ടി ചിലവാക്കണം. അത് എന്നെകൊണ്ട് താങ്ങാൻ പറ്റുന്ന ചിലവ് അല്ലാരുന്നു കാരണം ഇടക്ക് അവധി ദിവസങ്ങളിൽ ഓണിക്ക് പോകുമെങ്കിലും അതൊന്നും ഒന്നിനും തെകയില്ലാരുന്നു.
അന്ന് ഞാൻ ഒരു തീരുമാനം എടുത്തു എനിക്ക് പ്രേമിക്കണ്ട. കാരണം എന്റെ ചിന്തയിൽ എല്ലാ പെൺകുട്ടികളും പ്രേമിക്കുന്നത് പൈസ ഉള്ളവനെ മാത്രം
ആയിരുന്നു.
പിന്നീടും ഒന്ന് രണ്ട് പെൺകുട്ടികളോട് ഇഷ്ടം തോന്നി എങ്കിലും എന്റെ ചിന്താഗതികൾ എന്നെ അതിൽനിന്നും എല്ലാം മാറ്റി നിർത്തി.
അങ്ങനെ ഇരിക്കെ ചേച്ചിയുടെ കല്യാണം ആയി ഞാൻ ആകെ അവർ 5 പേരെയേ വിളിച്ചോളാരുന്നു അവരുടെ കൂടെ കൂടിയും മാറ്റ് പണികൾ എടുത്തും ഞാൻ സമയം കളഞ്ഞു പക്ഷെ ചേച്ചി വീട്ടിൽ നിന്നും പോകുകയാണ് എന്ന് ഓർത്തപ്പോ എനിക്ക് നല്ല വിഷമവും ഒണ്ടാരുന്നു.