ഇതു ഒരു തുടക്കം മാത്രം – 1

 

ഹോസ്പിറ്റൽ ഡ്രസിങ് റൂമിൽ നേഴ്സുമാർ എൻറെ കയ്യിൽ ഒട്ടിയിരിക്കുന്ന പീസുകൾ ഇളക്കിമാറ്റുമ്പോൾ വേദന കാരണം അല്ലറാതിരിക്കാൻ ഞാൻ പല്ല് കടിച്ചുപിടിച്ച് മുരണ്ടുകൊണ്ടിരുന്നു. ഇതൊന്നും കാണാനുള്ള പ്രാപ്തിയില്ലാതെ കരഞ്ഞ് കലങ്ങിയ കണ്ണുകളുമായി അമ്മ ഡ്രസ്സിംഗ് റൂമിന് പുറത്തിറങ്ങി നിന്നു. പൊള്ളലിൽ മുഴുവൻ മരുന്നു വെച്ച് ഡ്രസ്സ് ചെയ്ത് കഴിഞ്ഞപ്പോൾ രണ്ട് കയ്യിലും വലിയ പാറക്കല്ലുകൾ എടുത്തുവച്ച പോലെ വേദന. അമ്മയ്ക്ക് ഒന്നും പറ്റിയില്ലല്ലോ എന്നത് മാത്രമാണ് ഒരു ആശ്വാസം.

 

ഡ്രസ്സിംഗ് എല്ലാം കഴിഞ്ഞ് പുറത്ത് ഇറങ്ങിയപ്പോൾ അവിടെ ഭിത്തിയിൽ ചാരി കണ്ണുമടച്ച് അമ്മ നിക്കുന്നു. ഞാൻ അമ്മയുടെ അടുത്ത് ചെന്ന് ഒരു കൈ അമ്മയുടെ തോളിൽ കൂടെ ഇട്ട് നിന്നു. ചുവന്ന കണ്ണുകളുമായി അമ്മ എന്നെ നോക്കിയപ്പോൾ ഞാൻ അമ്മയെ നോക്കി ചിരിച്ചു.

 

ഞാൻ: അമ്പലത്തിൽ പോയി വന്നിട്ട് വല്യമ്മാവന്റെ വീട്ടിൽ പോകാനുള്ള പ്ലാൻ പൊളിഞ്ഞല്ലോ. ഇതുകൊണ്ട് അങ്ങനെയെങ്കിലും ഒരുപകാരം ഉണ്ടായല്ലോ എനിക്ക്. അയാളുടെ തള്ള് കേൾക്കണ്ടല്ലോ.

 

അമ്മ: ദേ ചെറുക്കാ എനിക്കുവേണ്ടി കൈ പൊള്ളിച്ച് നിക്കുവാണെന്ന് നോക്കത്തില്ല നല്ല അടി വെച്ച് തരും. എൻറെ വലിയ ആങ്ങളയാ അത്. (ചിരിച്ചുകൊണ്ട്) വാ മരുന്നു വാങ്ങിയിട്ട് പോകാം.

 

മരുന്നു വാങ്ങാൻ അമ്മ പോയപ്പോഴാണ് ഞാൻ ആലോചിച്ചത്. ഇനിയുള്ള കുറച്ചുദിവസം കൈ അനക്കാൻ പറ്റില്ല. നനയ്ക്കാനും പാടില്ല. അപ്പോൾ പള്ളി നീരാട്ടും പ്രഭാതകൃത്യങ്ങളും ഒക്കെ ജഗപൊഗ. കൈവെള്ളയുടെ ഉള്ളിലും പുറത്തും പൊള്ളൽ ഉണ്ടെങ്കിലും എന്തോ ഭാഗ്യത്തിന് രണ്ട് കൈയുടെയും ചൂണ്ടുവിരലിലും തള്ളവിരലിന്റെ അറ്റം ഒന്നും പറ്റിയിട്ടില്ല. ഹാവൂ സമാധാനമായി. ഫോണിൽ കുത്താൻ ഉള്ള വിരൽ എങ്കിലും ബാക്കി ഉണ്ടല്ലോ. ഇനി ബാക്കിയുള്ള കാര്യങ്ങൾ കൂടെ തീരുമാനം ആക്കണം. അതുകൊണ്ട് ഞാൻ അമ്മയോട് പോയി പറഞ്ഞു മെഡിക്കൽ സ്റ്റോറിൽ നിന്ന് ഒരു പാക്കറ്റ് ടിഷ്യു പേപ്പറും ബോഡി വൈപ്സും വാങ്ങിക്കോളാൻ. പള്ളി നീരാട്ട് മുടങ്ങിയാലും ബാത്റൂമിൽ പോയാൽ ഇനിയിപ്പോൾ വെസ്റ്റേൺ രീതിയിൽ എങ്കിലും വൃത്തിയാക്കാമല്ലോ. അതിനും ആരുടെയെങ്കിലും സഹായം ചോദിക്കേണ്ടി വരുന്നതിലും നല്ലത് നാട് വിടുന്നതാണ്.

 

അങ്ങനെ ഞങ്ങൾ തിരിച്ചു വീട്ടിൽ എത്തി. അമ്മ എന്നെ എൻറെ മുറിയിൽ കൊണ്ട് കിടത്തി എൻറെ കൂടെ ഇരുന്നു. വിവരമറിഞ്ഞ് അയൽക്കാരുടെയും അടുത്തുള്ള ബന്ധുക്കളുടെയും ഒക്കെ വരവ് തുടങ്ങി. കൂട്ടത്തിൽ പ്രായം ഉള്ള സ്ത്രീകൾ അമ്മയുടെ ശ്രദ്ധക്കുറവിനെ ശാസിച്ചപ്പോൾ ചെറുപ്പക്കാരായ സ്ത്രീകൾ എൻറെ ധൈര്യത്തിനെ വാനോളം പുകഴ്ത്തി. അങ്ങനെ വിരുന്നുകാർ ഒക്കെ പോയി ഒന്ന് സ്വസ്ഥമായപ്പോൾ ഞാൻ രണ്ടു വിരലുകൊണ്ട് ഫോൺ എടുത്ത് ബെഡിൽ ഇട്ടു ചരിഞ്ഞുകിടന്നുകൊണ്ട് ഫോണില് തോണ്ടി എൻറെ ഫ്രണ്ട്സിനെ വിളിച്ചുപറഞ്ഞു. ഉച്ചകഴിഞ്ഞപ്പോൾ അവരും വന്ന് കണ്ടിട്ട് പോയി. അങ്ങനെ വീണ്ടും വീട്ടിൽ അമ്മയും ഞാനും മാത്രം.

ഇനി കുറച്ചു ദിവസത്തേക്ക് അമ്മയുടെ കൈ കൊണ്ട് വാരി തന്ന് കഴിക്കാമല്ലോ എന്ന് വിചാരിച്ചപ്പോൾ ഒരു സന്തോഷം.

 

 

അടുത്തദിവസം തിങ്കളാഴ്ച അമ്മ ലീവ് എടുത്തു. എന്നെ ഭക്ഷണവും മരുന്നും കഴിപ്പിച്ചും എൻറെ കൂടെ ഇരുന്നു വർത്താനം പറഞ്ഞു ആ ഒരു ദിവസം അങ്ങനെ പോയി. ബാത്റൂമിൽ പോകല് ഒക്കെ ബുദ്ധിമുട്ടായിരുന്നു എങ്കിലും വിരലുകൊണ്ട് ഷോട്ട്സ് താഴ്ത്തിയും മുണ്ട് പൊക്കിയും ഒക്കെ കാര്യങ്ങൾ നടത്തി. കുളിക്കാൻ പറ്റാത്ത കാരണം ബോഡി വൈബ്സ് കൊണ്ട് അമ്മ തന്നെ ദേഹം എല്ലാം തുടച്ച് തന്നു. രണ്ടു ദിവസം കൂടെ ലീവ് എടുക്കാൻ വേണ്ടി അമ്മ ബാങ്കിൽ മാനേജറെ വിളിച്ചു ചോദിച്ചു. അപ്പോൾ അയാൾ ഓരോ ന്യായം പറഞ്ഞു ഒഴിവാക്കി. അമ്മ ജോലിക്ക് പൊക്കോ എനിക്ക് കുഴപ്പമില്ല എന്നുള്ള എൻറെ ഉറപ്പിന്റെ പേരിൽ അമ്മ മനസ്സില്ല മനസ്സോടെ അടുത്തദിവസം ജോലിക്ക് പോയി. അധികം ദൂരമില്ലാത്തത് കാരണം ഉച്ചയ്ക്ക് ബിജു ചേട്ടൻറെ ഓട്ടോ വിളിച്ച് വീട്ടിൽ വന്ന് എനിക്കുള്ള ഭക്ഷണവും മരുന്നും കഴിപ്പിച്ചിട്ട് അമ്മ തിരിച്ച് ജോലിക്ക് പോയി. അങ്ങനെ ഒരു ദിവസം കൂടെ കഴിഞ്ഞു പോയി. രണ്ട് കൈയുടെ വേദന ദിവസം കഴിയുംതോറും കുറഞ്ഞു വന്നു കൊണ്ടിരുന്നു. രാവിലെ എന്നെ കഴിപ്പിച്ചിട്ട് ജോലിക്ക് പോകുന്ന അമ്മ ഉച്ചയ്ക്ക് വരുന്നത് വരെ ഫോണിൽ കുത്തിക്കൊണ്ട് ഇരുന്ന് ഞാൻ സമയം കളയും. ഉച്ചയ്ക്ക് കഴിപ്പിച്ചിട്ട് അമ്മ പോയി കഴിഞ്ഞാൽ പിന്നെ അമ്മ വരുന്നിടം വരെ കിടന്നുറങ്ങും. വൈകിട്ട് അമ്മ വരുമ്പോൾ പിന്നെ ഫുൾ ടൈം ഞാൻ അമ്മയുടെ കൂടെയായിരിക്കും. ഭക്ഷണം ഒക്കെ ഉണ്ടാക്കിയിട്ട് ഞങ്ങൾ ഹാളിൽ വന്ന് ടിവി കണ്ടുകൊണ്ടിരിക്കും. അപ്പോൾ ഞാൻ അമ്മയുടെ മടിയിലേക്ക് തല വച്ച് കിടക്കും. അമ്മ പതിയെ തലമുടിയിൽ ഇങ്ങനെ തലോടിക്കൊണ്ടിരിക്കും. കൈരണ്ടും അനക്കാൻ വയ്യെങ്കിലും ഇതുപോലെ അമ്മയുടെ സ്നേഹം അനുഭവിച്ച് കഴിയുന്ന ഈ ദിവസങ്ങൾ ഞാനും ഒരുപാട് ഇഷ്ടപ്പെട്ടു തുടങ്ങി.

 

 

അങ്ങനെ അടുത്ത ദിവസവും ഉച്ചയ്ക്ക് അമ്മ വീട്ടിൽ വന്ന് എന്നെ കഴിപ്പിച്ചിട്ട് തിരിച്ചുപോയി.

ഭക്ഷണം കഴിഞ്ഞ് വേറെ ഒന്നും ചെയ്യാൻ ഇല്ലാത്തതു കാരണം ഞാൻ കുറച്ചു നേരം കിടന്ന് ഉറങ്ങാൻ തീരുമാനിച്ചു. റൂമിലെ ഫാൻ ഓഫ് ആയിരുന്നു. എഴുന്നേറ്റുപോയി ഫാൻ ഇടാനുള്ള മടി കാരണം ഞാൻ അങ്ങനെ തന്നെ കിടന്നു. ജനല് തുറന്നിട്ടിട്ടുണ്ടെങ്കിലും റൂമിൽ നല്ല ചൂട് ഉണ്ടായിരുന്നു. വൈകിട്ട് അമ്മ വന്ന വിളിച്ചുണർത്തിയപ്പോഴാണ് ഞാൻ എഴുന്നേൽക്കുന്നത്. ഉച്ചയ്ക്ക് കഴിച്ച പെയിൻ കില്ലർ മരുന്നിന്റെ ആലസ്യത്തിൽ കിടന്ന ഉറങ്ങിയ ഞാൻ എണീക്കുമ്പോൾ വിയർത്ത് കുളിച്ച് കിടക്കുകയായിരുന്നു. ബെഡ്ഷീറ്റും തലയിണയും ഇട്ടിരുന്ന ഷോട്ട്സും വരെ വിയർപ്പിൽ നനഞ്ഞു. നല്ല നീളമുള്ള എൻറെ തലമുടി വിയർപ്പിൽ നനഞ്ഞ് എൻറെ മുഖത്തിനോട് ഒട്ടിക്കിടക്കുകയായിരുന്നു.

 

അമ്മ: എന്താ അപ്പു നിനക്ക് ഈ ഫാൻ ഒന്ന് ഇട്ട് കിടന്നുറങ്ങി കൂടെ? ആകെ വിയർത്തു കുളിച്ചല്ലോ.

 

ഞാൻ: അത് സാരമില്ല അമ്മേ. ചൂടൊന്നും ഞാനറിഞ്ഞു പോലുമില്ല സുഖമായിട്ട് കിടന്നുറങ്ങി.

 

വിയർത്ത് ഒട്ടിയ എൻറെ മുടിയിഴകൾ മുഖത്തുനിന്ന് നീക്കി സാരി തലപ്പുകൊണ്ട് എൻറെ മുടിയിലെ മുഖത്തെയും നെഞ്ചിലെമെല്ലാം വിയർപ്പ് അമ്മ തുടച്ചു.

 

ഞാൻ: എന്തിനാ ആ സാരിയിൽ ഇങ്ങനെ വിയർപ്പാക്കി നശിപ്പിക്കുന്ന.

 

അമ്മ: ഇങ്ങനെ തല വിയർത്തു കിടന്നാൽ പനി പിടിക്കും അപ്പു.

 

ഞാൻ: അമ്മയാ വൈപ്സ് എടുത്ത് ഇങ്ങു താ. ഞാൻ വിയർപ്പ് തുടച്ചോളാം.

Leave a Reply

Your email address will not be published. Required fields are marked *