വീട് എത്തിയപ്പോഴാണ് പിന്നെ ഞാൻ വാഹനം നിർത്തിയത്. വാഹനത്തിന്റെ ശബ്ദം കേട്ടിട്ടാവണം ഒരു മാക്സി ധരിച്ചു കൊണ്ട് മാമിയുടെ അമ്മ വന്നത്. ഇവരുടെ സൗന്ദര്യമാണ് മാമിക്ക് കിട്ടിയതെന്നു എനിക്ക് തോന്നി. അവർ എന്നോട് ചിരിച്ചു കൊണ്ട് അകത്തേക്ക് കയറി ഇരിക്കാൻ പറഞ്ഞു. അപ്പോൾ മാമി എന്നെ നോക്കി. ഞാൻ ഒന്നും മിണ്ടിയില്ല. ഉമ്മറത്തെ ഒരു പഴയ കസേരയിൽ ഞാൻ ഇരുപ്പുറപ്പിച്ചു. അവർ അകത്തേക്ക് പോയി.
അമ്മ ഒരുഗ്ലാസ് വെള്ളവുമായി വന്നു. എന്നോട് അകത്തിരിക്കാൻ പറഞ്ഞു. പക്ഷെ അവർ നിർബന്ധിച്ചപ്പോൾ ഞാൻ അകത്തെ സോഫയിൽ ഇരുന്നു. വെള്ളം കുടിച്ചു.
“മോനിപ്പോൾ എന്താ ചെയ്യുന്നേ ” ചിരിച്ചു കൊണ്ടുള്ള അവരുടെ ചോദ്യം എന്നെ ചിന്തകളിൽ നിന്നും ഉയർത്തി.
“ഞാൻ ഇനി ഡിഗ്രി എടുക്കാൻ നിക്കുന്നു ” വളരെ ചുരുക്കി ഞാൻ പറഞ്ഞു.
“എന്ന മോൻ ഇരിക്ക്. ഞാൻ ഭക്ഷണം അടുപ്പത്താണ് അത് നോക്കട്ടെ ”
ഞാൻ ചിരിച്ചു തലയാട്ടി. അവർ അടുക്കളയിലേക്ക് പോയി. മാമിയും അമ്മയും തമ്മിലുള്ള സംസാരം അങ്ങനെ കേൾക്കാം. ഞാൻ മൊബൈലെടുത്തു റീൽസ് കണ്ടിരുന്നു. പക്ഷെ മനസ്സിനൊരു സുഖം കിട്ടുന്നില്ല. പതിയെ എണീറ്റ് ഉമ്മറത്ത് പോയിരുന്നു.
അല്പനേരത്തിനു ശേഷം മാമി വന്നു.
“രാജു നീയെന്താ ഒന്നും മിണ്ടാതെ ഇങ്ങനെ പുറത്തിറങ്ങിയിരിക്കുന്നെ. വാ അകത്തു വന്നിരിക്ക് ”
ഞാൻ മിണ്ടിയില്ല.
“രാജു നിന്നോടാ പറഞ്ഞെ. ദേ അമ്മ അപ്പുറത്തുണ്ട്ട്ടോ. എന്തെങ്കിലും വിചാരിക്കും. വന്നകാതിരിക്ക് ”
അത് ശരിയാണെന്ന് എനിക്കും തോന്നി. ഇങ്ങനെ ഇരുന്നാൽ അമ്മയെന്തെങ്കിലും കരുതും. പക്ഷെ ഞാൻ വിട്ടു കൊടുത്തില്ല. മെല്ലെ മാമിയുടെ മുഖത്തേക്ക് നോക്കി. എന്റെ മുഖം വാടിയിരിക്കുന്നത് കണ്ടപ്പോൾ മാമിയുടെ മുഖം മങ്ങുന്നത് ഞാൻ ശ്രദ്ധിച്ചു. പതിയെ എന്റെ അടുത്തേക്ക് വന്നു.
“ടാ ഞാൻ നിന്റെ മാമിയല്ലേ നീയൊന്നു കേൾക്കു. നീയിങ്ങനെ മിണ്ടാതിരുന്നാൽ എനിക്ക് വിഷമമാകും. നമുക്കിതിനെ കുറിച്ച് വീട്ടിൽ ചെന്നിട്ട് സംസാരിക്കാം. ഇപ്പോൾ അകത്തേക്ക് വാ ”
മാമി എന്റെ കൈ പിടിച്ചു. എനിക്ക് മിണ്ടാതിരിക്കാൻ തോന്നിയില്ല. അവൾ പറയുന്നതിലും കാര്യമുണ്ട്. അല്ലെങ്കിലും ഞാൻ എന്തിനാ വെറുതെ വാശിപിടിക്കുന്നെ. ഞാൻ അമ്മ വരുന്നുണ്ടോന്നു നോക്കി പതിയെ മാമിയുടെ അടുത്തേക്ക് വന്നു.
” എനിക്ക് മാമിയെ ഒരുപാട് ഇഷ്ടമാണ്. പക്ഷെ അതൊരു മറ്റേ കണ്ണിൽ അല്ല. അല്ലെങ്കിലും ഇഷ്ടമാണ്. എന്റെ കൂടെ എപ്പോഴും ഉണ്ടാവുമോ ”
അത് കേട്ടത്തോടെ മാമിക്കു ഭയങ്കര സന്തോഷമായി. ആ മുഖങ്ങളിൽ നിന്നും അത് വ്യക്തം. മാമി എന്റെ കൈപിടിച്ച് മാമിയുടെ കൈകളിൽ വച്ചു. ഭയങ്കര സോഫ്റ്റ് ആയിട്ട് തോന്നി എനിക്ക്.
“അതെന്താ നീയെങ്ങനെ പറഞ്ഞെ. ഞാൻ എപ്പോഴും നിന്റെ കൂടെ ഉണ്ടാവും. നിന്റെ ഫ്രണ്ട് ആയിട്ട്. ഇപ്പോൾ നീ അകത്തേക്ക് വാ. ഞാൻ എന്റെ മുറിയൊക്ക കാണിക്കാം”
ഞാൻ ചെറിയ ചിരിയോടെ മാമിയുടെ കൂടെ അകത്തേക്ക് പോയി. മാമിയുടെ മുറി കാണിച്ചു തന്നു. അവിടെ ഇപ്പോൾ ആരും കിടക്കാറില്ല. കുറെ ബുക്കുകൾ ഉണ്ട്. എല്ലാം അടുക്കി വൃത്തിയായി വച്ചിട്ടുണ്ട്. അമ്മ അപ്പുറത്ത് അടുക്കളയിൽ ഉണ്ട്. ശബ്ദം കേൾക്കാം.
“ഇതാണ് എന്റെ റൂം. എന്റെ കുട്ടിക്കാലം തൊട്ടേ ഞാൻ ഇതിലാണ് കിടക്കുന്നതു. ഇപ്പോൾ ഇവിടെ ആരും ഇല്ല ”
ഞാൻ ചിരിച്ചു. മാമി അതുകണ്ടു.
“ആഹാ ചിരിയൊക്കെ വന്നോ. എന്റെ കുട്ടാ നിന്റെ വാടിയ മുഖം കണ്ടപ്പോൾ ഒരുപാട് വിഷമമായി. ഇപ്പോഴാണ് സമാധാനമായത് ”
ഞാൻ മാമിയെ നോക്കി പുഞ്ചിരിച്ചു. എനിക്ക് ഒന്നും പറയാൻ സാധിക്കുന്നില്ല.
“കണ്ടോ എന്തൊരു ചിരിയാണ് ചെക്കന്. എന്നിട്ട് അതും മറച്ചു വെച്ചു മുഖം കറുപ്പിച്ചിരിക്കുന്നു ”
പതിയെ എന്റെ അടുത്തുവന്നു എന്റെ രണ്ടുകവിളിലും നുള്ളിക്കൊണ്ട്..