കല്യാണം കഴിഞ്ഞു കിച്ചുവിനെയും കൂട്ടി ഒരു മൂന്ന് മണിയോടെ ഞങ്ങൾ തിരികെ വീട്ടിൽ എത്തി. ഗേറ്റ് കടന്ന് അകത്തേക്ക് കയറിയതും കണ്ടു മുറ്റത്ത് കിടക്കുന്ന സഞ്ജയുടെ കാർ.
“””””സത്യാ….””””…. അവൾ പരിഭ്രമത്തോടെ എന്റെ കൈയിൽ ചുറ്റിപ്പിടിച്ചു.
“”””പേടിക്കണ്ടാ… നമ്മളാരേം കൊന്നിട്ടൊന്നുമില്ലല്ലോ…എന്തൊക്കെ വന്നാലും നമ്മളൊരുമിച്ചു ജീവിക്കും…””””… ഞാൻ അവളെ എന്നിലേക്ക് ചേർത്ത് പിടിച്ചു അവൾക്ക് ധൈര്യവും ഉറപ്പും പകർന്നു.
വണ്ടിയുടെ സൗണ്ട് കേട്ടെന്നോണം എല്ലാവരും പുറത്തേക്ക് വന്നു. സന്തോഷത്തോടെ ഇറങ്ങി വന്ന എല്ലാവരുടെയും മുഖം ഞങ്ങളെ കണ്ടയുടൻ കാർമേഘങ്ങൾ തിങ്ങി നിറഞ്ഞത്ത്പോലെ ഇരുണ്ടുകൂടി.
ഞാൻ കിച്ചുവിന്റെ കൈയും പിടിച്ചു ഉമ്മറത്തേക്ക് കയറി……..
“””””ഞങ്ങളുടെ കല്യാണം കഴിഞ്ഞു.””””ഞാൻ എല്ലാവരെയും നോക്കി ഉറച്ച ശബ്ദത്തിൽ പറഞ്ഞു.
എല്ലാവരും ഒരു ഞെട്ടലോടെ ഞങ്ങളെ ഇരുവരെയും നോക്കി.
“”””ഫാ….നാണം ഉണ്ടടാ….നിന്നോടൊക്കെ അന്നേ ചോദിച്ചതല്ലേ… അപ്പൊ അങ്ങിനെയൊന്നും ഇല്ല പോലും.. എന്നിട്ട് നിശ്ചയം കഴിഞ്ഞ് കല്യാണം ഉറപ്പിച്ചും വെച്ച് നിക്കുമ്പോ എല്ലാവരെയും മണ്ടന്മാരാക്കികൊണ്ട് വന്നേക്കുന്നു….”””””… ഞാൻ പറഞ്ഞു തുടങ്ങിയതും അച്ഛൻ എന്നെ നോക്കി ചീറി. ഇത്രയും നാളുകൾക്കിടയിൽ ആദ്യമായാണ് അച്ഛൻ എന്നോട് ചൂടാവുന്നത്.
“””””സത്യയെ ഒന്നുമ്പറയണ്ട….ഞാമ്പറഞ്ഞപ്പോഴാ എനിക്കവനെയിഷ്ടം ആണെന്ന് അവനറിഞ്ഞത്….””””…. എന്റെ നേരെ അച്ഛൻ കയർക്കുന്നത് കണ്ടതും കിച്ചു ഇടയിൽകയറി പറഞ്ഞു.
“”””നിനക്ക് അവനെ ഇഷ്ടം ആയിരുന്നെങ്കിൽ എന്തിനാ സഞ്ജയ് ആയിട്ടുള്ള കല്യാണത്തിന് സമ്മതിച്ചത്…?””””… മാമൻ ദേഷ്യത്തോടെ കിച്ചുവിനോട് ചോദിച്ചു.
പക്ഷെ അതിന് മറുപടി അവളുടെ പക്കലിൽ ഉണ്ടായിരുന്നില്ല. അവൾ മുഖം കുനിച്ചു നിന്നതും ചിറ്റ അവളെ അടിക്കാൻ കൈ ഓങ്ങി. അതെ നിമിഷം ഞാൻ അവളെ പിന്നിലേക്ക് വലിച്ചു എന്നോട് ചേർത്ത് നിർത്തി.
“”””ആരും തല്ലാനും കൊല്ലാനുമൊന്നും വരണ്ടാ… പിന്നെ ഇവളിപ്പോ എന്റെ ഭാര്യയാണ്. അവളെ ആര് വേദനിപ്പിച്ചാലും ഞാൻ ചോദിക്കും….””””… ഞാൻ കിച്ചുവിനെ ചേർത്ത് പിടിച്ചു എല്ലാവരോടുമായി പറഞ്ഞു.
“”””സഞ്ജയ്… സോറി അത് മാത്രമേ എനിക്ക് തന്നോട് പറയാൻ സാധിക്കു…!”””… സഞ്ജയിനെ നോക്കി അപേക്ഷയോടെ ഞാൻ പറഞ്ഞു.
“”””തനിക്കിങ്ങിനെ ഒരു ഇഷ്ടം ഉണ്ടായിരുന്നു എങ്കിൽ നേരത്തെ എന്നോട് പറയാമായിരുന്നു…എനി വേ… ഹാപ്പി മാരീഡ് ലൈഫ് ഗയ്സ്….””””… സഞ്ജയ് ചിരിയോടെ പറഞ്ഞ ശേഷം അവന്റെ പറ്റെന്റ്സിനെയും കൂട്ടി മടങ്ങി പോയി.
അൽപനേരം അവിടം നിശബ്ദത തളംകെട്ടി കിടന്നു.ലാസ്റ്റ് എത്തിയപ്പോ ഒരുമാതിരി നാടകം പോലെ അല്ലെ എല്ലാവരും അവർക്ക് കൊടുത്ത ഡയലോഗ് പറഞ്ഞു പഠിപ്പിച്ചത് പോലെ പറയുന്നു. ആദ്യം എനിക്കും ഒന്നും മനസ്സിലായില്ല പിന്നെയല്ലേ എല്ലാം ഞാൻ അറിഞ്ഞത്.
“”””എടി പൊട്ടി.. നീ വിളിച്ചപ്പോ ഒരു അരമണിക്കൂർ കഴിഞ്ഞിട്ട് ഇങ്ങോട്ട് എഴുന്നള്ളിയാൽ മതീന്നല്ലേ പറഞ്ഞെ എന്നിട്ടാവള് അവര് പോകും മുന്നെ അവനെയും കൂട്ടി വന്നേക്കുന്നു…””””… കിച്ചുവിന്റെ കൈയിൽ നുള്ളിക്കൊണ്ട് ചിറ്റ ചോദിച്ചതും എല്ലാവരുടെ മുഖത്തും അത്രയും നേരം നിറഞ്ഞു നിന്നിരുന്ന കാർമേഘങ്ങൾ ഒഴിഞ്ഞു പോയി പകരം അവിടെ സൂര്യകിരണം പോലെ പുഞ്ചിരി തെളിഞ്ഞു. ഞാൻ ആണെങ്കിൽ ഒരു പുണ്ണാക്കും മനസിലാവാതെ വായുംപൊളിച്ചു എല്ലാവരെയും നോക്കി നിന്നു.
“”””ഞാനെന്തേയാനാ….ഇവിടെ വരും വരെ ഒന്നുമിവൻ അറിയരുതെന്നല്ലേ നിങ്ങള് പറഞ്ഞെ… അപ്പൊ അരമണിക്കൂർ കഴിഞ്ഞിട്ട് പോയാ മതീന്ന് പറയുമ്പോ കാരണം ചോദിച്ച ഞാനെന്തു പറയാനാ…”””… അവള് ചിറ്റയുടെ തലയിൽ കിഴുക്കികൊണ്ട് പറഞ്ഞു.
“”””കറക്റ്റ് ടൈമിംഗിന് ആയിരുന്നു വന്ന് കയറിയത്… അതും അവരുടെ വായിൽ തന്നെ…. ഞങ്ങൾ എല്ലാം അവരോട് പറഞ്ഞു സെറ്റ് ആക്കിയതും നിങ്ങൾ വന്നുകയറിയതും ഒന്നിച്ചു…….””””… എന്റെയമ്മയും ഏതാണ്ടും പറഞ്ഞു. പക്ഷെ എനിക്ക് ഒരു പിടിയും കിട്ടുന്നില്ല.
“”””കറക്റ്റ് സമയത്തു അളിയൻ അഭിനയിച്ചത് കൊണ്ട് വേറെ പ്രശ്നം ഒന്നും ഇല്ല….””””… മാമൻ അച്ഛനെ നോക്കി ചിരിയോടെ പറഞ്ഞു.
അപ്പോഴാണ് അവർ എന്റെ കിളി പോയുള്ള നിൽപ്പ് കണ്ടത്…
“”””അയ്യോടാ മോന് ഒന്നും മനസിലായില്ല അല്ലെ… എടാ പൊട്ടാ അവൾക്ക് നിന്നെ ഇഷ്ടം ആണെന്ന് ഞങ്ങൾക്ക് അറിയാമായിരുന്നു.”””
“”””പക്ഷെ എൻഗേജ്മെന്റ് കഴിഞ്ഞാണ് അവളെല്ലാം ഞങ്ങളോട് പറഞ്ഞത്..കൊറേ ഐഡിയ ഒക്കെ നോക്കി പക്ഷെ ഒന്നും വർക്ഔട് ആയില്ല””””
“”””അങ്ങിനെ അവസാനം കിട്ടിയ ഐഡിയ ആണ് നിന്നെയും കൂട്ടി ട്രിപ്പ് പോക്ക്…അങ്ങിനെ അവസാനം എല്ലാം വിചാരിച്ചത് പോലെ നടന്നു. നിങ്ങൾ ഒന്നിക്കുകയും ചെയ്തു വേറെ പ്രശ്നങ്ങൾ ഒന്നുമില്ലാതെ സഞ്ജയ് ഒഴിഞ്ഞു പോകുവയും ചെയ്തു….”””””
“”””ഞങ്ങൾക്കും നിങ്ങളൊന്നിക്കണം എന്ന് ആഗ്രഹം ഉണ്ടായതുകൊണ്ടാ ഇവളുടെ കൂടെ നിന്നതും എല്ലാം… “”””
“”””മക്കളിപ്പോ കല്യാണവും ഫസ്റ്റ് നൈറ്റും ആഘോഷിച്ചുള്ള വരവാണ് രണ്ടിന്റെന്നും അറിയാം…എന്നാലും ചടങ്ങ് അത് പോലെ നടക്കട്ടെ… “”””
അച്ഛനും അമ്മമാരും ഫുൾ ഹിസ്റ്ററി പറഞ്ഞപ്പോൾ നേരത്തെ പറന്നുപോയ കിളികളുടെ ഒപ്പം ബാക്കിയുള്ള കിളികളും അവറ്റകളുടെ കൂട് വരെയിടുത്തുകൊണ്ട് പറപറന്നു..അപ്പൊ നേരത്തെ ഇവർ എല്ലാം അഭിനയിച്ചത് ആണല്ലേ. അയ്യെ മോശം ഇങ്ങിനെ അഭിനയിച്ചാൽ നെടുമുടി വരെ ചമ്മി മാറി നിൽക്കും. എന്റെ റേഞ്ച് എത്താൻ ഇവർ തുടർച്ചയായി പ്രാക്ടീസ് ചെയ്യണമെന്ന്.. ആഹ് സമയം പോലെ പറഞ്ഞു കൊടുക്കാം.
ഞാൻ കിച്ചുവിനെ നോക്കിയപ്പോൾ അവൾ എന്നെ നോക്കി നല്ല ഇളി.
“”””എടി തെണ്ടി അപ്പൊ എല്ലാവരും കൂടി ചേർന്ന് എന്നെ….””””… ഞാൻ അവളെ നോക്കി പല്ലിറുമ്മി. എന്തോ എല്ലാവരും എന്നെ പൊട്ടനാക്കിയത് അറിഞ്ഞപ്പോൾ സഹിച്ചില്ല. നേരെ കയറി കെട്ടിയോളുടെ നെഞ്ചത്തേക്ക്.
“”””സോറി “”””…അവൾ ചിരിയോടെ എന്നെ നോക്കി പറഞ്ഞു.
“”””സോറി… കോപ്പ്…””””…. ഞാൻ പൊട്ടിത്തെറിച്ചു തുടങ്ങിയതും എല്ലാവരും നോക്കി നിൽക്കേ അവൾ എന്റെ കഴുത്തിൽ കൈച്ചുറ്റി അധരങ്ങൾ കോർത്തിണക്കി മധുചുംബനത്തിൽ നീരാടി.
“”””അതെ ബാക്കിയൊക്കെ റൂമിൽ ചെന്നിട്ട് മതി… ആദ്യം ഈ വിളക്ക് പിടിച്ചു വലതു കാൽ വെച്ച് അകത്തേക്ക് കയറ്…””””…. ചിറ്റയും അമ്മയും ഞങ്ങളെ കളിയാക്കി. ശേഷം അമ്മ ആരതിഉഴിഞ്ഞും ചിറ്റ വിളക്കും തന്നും ഞങ്ങളെ സ്വീകരിച്ചു.
സന്തോഷത്തോടെ ഞാനും കിച്ചുവും വലുത് കാൽ വെച്ച് ഞങ്ങളുടെ പുതിയ ജീവിതത്തിലേക്ക് കയറി.
അങ്ങിനെ ഊള നാടകത്തിനു തിരശീല വീണു…!
<<<<<<⭕️>>>>>>>