ഞാൻ കൊറച്ചു പുച്ഛം വാരി വിതറി….
കാറിന്റെ മറ്റേ സൈഡും തുറക്കുന്നത് ഞാൻ ശ്രദ്ധിച്ചു….
അച്ഛൻ ഇനി വേറെയും കല്യാണം കഴിച്ചോ അവരെ കൂട്ടി വന്നതാണോ ഇനി.പാവം എന്റെ അമ്മ. ഞാൻ സോഫയിൽ നിന്നും എഴുന്നേറ്റ് നേരെ അങ്ങോട്ട് ചെന്നു.
ഭാഗ്യം പെണ്ണല്ല അമ്മ രക്ഷപ്പെട്ടു. ഒരു ആണാണ് ഡോർ തുറന്ന് ഇറങ്ങിയത്
ഇയാൾ വല്ല സന്യാസി മറ്റോ ആണോ കഴുത്തിൽ രുദ്രാക്ഷ മാല കാവി മുണ്ട് കയ്യിൽ ഒരു തുണി സഞ്ചി പിന്നെ ഒരു നീല ഹാഫ് കൈ ചെക്ക് ഷർട്ടും.
മ്മ് സന്യാസി തന്നെ……
കാണാൻ അത്ര വലിയ പ്രായം ഒന്നും ഇല്ല കുറ്റി താടി ആണ്….
“തിരുമേനി……”
ഏഹ്….. ആരാ ഇപ്പൊ അത് ഞാൻ ചുറ്റും ഒന്ന് നോക്കി
ഓഹ്…. അമ്മയാണോ അപ്പോൾ ഇയാൾ സന്യാസി അല്ലെ. ഞാൻ ആൾടെ മുഖത്തേക്ക് ഒന്ന് നോക്കി അയാൾ ഒരു വശ്യമായ ചിരി എന്നെ നോക്കി ചിരിച്ചു..
ഏതാണ് ഈ അലവലാതി അയാളുടെ ചിരിക്ക് മറുപടി ആയി ഞാൻ ഒന്ന് പുച്ഛിച്ചു കൊടുത്തു
വെറുതെ ഒരു സുഖം.
“എന്താ അവിടെ തന്നെ നിൽക്കുന്നെ കേറി വരു”അമ്മ പറഞ്ഞു.
അയാൾ അകത്ത് കയറി സോഫയിൽ ഇരുന്നു പാറു ചേച്ചിയും നന്ദു ചേച്ചിയും കാർത്തു ചേച്ചിയും എന്റെ അടുത്തു വന്നു നിന്നു
ദേവു ചേച്ചി എവിടെ ഞാൻ ചുറ്റും ഒന്ന് നോക്കി
പുള്ളി കുറച്ചു മാറിയുള്ള സോഫയിൽ കാലിന്മേൽ കാലും കയറ്റി വച്ചു ലാപ്ടോപ് നോക്കി ഇരിക്കാണ്.
ഉഫ് സിങ്കപെണ്ണ്…..
ചേച്ചിക്ക് ദൈവത്തിൽ വിശ്വാസം ഒന്നും ഇല്ല അത് കൊണ്ട് ഇങ്ങനെ ഉള്ളവരെ കാണുമ്പോ പുച്ഛം മാത്രം ആണ് ചേച്ചിടെ സ്ഥായി ഭാവം.എന്റെയും……
പക്ഷെ നന്ദു ചേച്ചി നേരെ ഓപ്പോസിറ്റ് ആണ്
ബാക്കി രണ്ട് പേർക്ക് കുറച്ചൊക്കെ ഉണ്ട്…
ശേഷം അയാൾ തുടർന്നു
‘മേനോൻ സാർ എല്ലാം പറഞ്ഞിരുന്നു. അച്ഛൻ വയ്യാ അതാ എന്നെ കൂടെ അയച്ചത്”
ഓ പിന്നെ ഇയാളുടെ അച്ഛൻ വന്നാൽ അങ്ങട്ട് മല മറിക്കും അമ്മ ഉള്ളത്കൊണ്ട് ഞാൻ മനസ്സിൽ പറഞ്ഞു സമാധാനിച്ചു
ഇയാളുടെ പേര് രാജീവൻ എന്നാണ് അച്ഛന്റെ പേര് ഇരവിൽ മാണിക്യൻ മറ്റേ കുടുംബ മന്ത്രവാദി ഇല്ലേ ആൾടെ മകൻ ആണ് ഇത്.
“അത് സാരല്ല്യ. തിരുമേനി…… എന്തെങ്കിലും പ്രതിവിധി കാണാൻ കഴിയുമോ ഉറങ്ങിട്ടൊക്കെ കുറച്ചു ദിവസമായി മനസിന് ആകെ ഒരു വല്ലായ്മ” അമ്മ പറഞ്ഞു
രാജീവൻ:”ഞാൻ എന്തായാലും ഒന്ന് നോക്കട്ടെ”
ശേഷം കയ്യിലെ തുണി സഞ്ചിയിൽ നിന്നും ഒരു പാലകയ്യെടുത്തു. കുറെ സിനിമകൾ കണ്ടത് കൊണ്ട് തന്നെ അത് എന്താണ്മ എന്ന് മനസ്സിലാക്കാൻ അതികം സമയം വേണ്ടി വന്നില്ല. കൊറേ നേരം കണ്ണടച്ചു ആ മണിപോലുള്ള സാധനം കയ്യിൽ വച്ച് ഉരുട്ടി.
“ഇന്ന് വല്ലോം നടക്കോ ഇത് ഇപ്പൊ കൊറേ നേരം ആയല്ലോ”
ഇത്തവണ മനസ്സിൽ ഉള്ളത് ഞാൻ പോലും അറിയാതെ എന്റെ വായിൽ നിന്നും വന്നു
പെട്ടല്ലോ നാഥാ…..
എന്റെ മുഖത്തേക്ക് രണ്ട് തീക്കണ്ണുകൾ നോക്കുന്നത് ഞാൻ തിരിഞ്ഞ് നോക്കാതെ തന്നെ കണ്ടു. നിങ്ങൾക്ക് മനസ്സിൽ ആയി കാണുമല്ലോ ആരാ അത് എന്ന്..
“സിദ്ധു…….” അമ്മയുടെ ഉഗ്ര ശാസന എത്തി
പിന്നെ ഞാൻ ഒന്നും മിണ്ടാൻ പോയില്ല അതെ സമയം തന്നെ അയാൾ ഞെട്ടി കണ്ണുകൾ തുറന്നു. ചെറിയ വിയർപ്പ് തുള്ളികൾ അയാളുടെ മുഖം മൂടിയിരുന്നു
ഇനി അമ്മ എന്നെ വിളിച്ചത് കേട്ട് ഞെട്ടി ഉണർന്നതാണോ….
ഈ അമ്മ പാവം ആ മനുഷ്യനേം കൂടെ പേടിപ്പിച്ചു
ശേഷം അയാൾ അമ്മടെ മുഖത്ത് നോക്കി തുടർന്നു……
തുടരും………….