ദേവ് :എടാ ശെരി ഞാൻ എന്നാ ഇറങ്ങുവാ പിന്നെ കാണാം
ഇത്രയും പറഞ്ഞു ദേവ് അവിടെ നിന്നിറങ്ങി
വൈകുന്നേരം ദേവ് കാറുമായി തന്റെ വീട്ടിലേക്ക്
“”ഹോ ഈ നശിച്ച ബ്ലോക്ക് ഇനി എപ്പോ വീട് എത്താനാണു ”
പെട്ടെന്നാണ് റോഡിനരികിൽ ഇരിക്കുന്ന ജിൻസിയെ ദേവ് കണ്ടത്
“ഇവൾ എന്താ അവിടെ ഇരിക്കുന്നത് ഓഹ് ഞാൻ എന്തിനാ ഇതൊക്കെ നോക്കുന്നത് എനിക്ക് എന്റെ കാര്യം മാത്രം നോക്കിയാൽ പോരെ ”
എന്നാൽ ദേവ് വീണ്ടും അവളെ നോക്കി
“എന്തൊ പ്രശ്നമുണ്ടെന്നു തോന്നുന്നു ഒന്ന് പോയി ചോദിച്ചാലോ ”
ദേവ് വേഗം കാറിൽ നിന്നിറങ്ങി ജിൻസിയുടെ അടുത്തേക്ക് എത്തി അവളുടെ കണ്ണുകൾ നിറഞ്ഞിരിക്കുന്നത് അവൻ ശ്രദ്ധിച്ചു
ദേവ് :ജിൻസി എന്താ ഇവിടെ ഇരിക്കുന്നത് എന്താ പ്രശ്നം
പെട്ടെന്നാണ് ജിൻസി ദേവിനെ ശ്രദ്ധിച്ചത് അതോടു കൂടി അവൾ അടക്കി വച്ചിരുന്ന കണ്ണീർ പുറത്തേക്കു വന്നു
ദേവ് :ജിൻസി എന്താ ഇത് ആളുകൾ ശ്രദ്ധിക്കുന്നു നീ വന്നേ
ദേവ് ജിൻസിയുമായി കാറിനുള്ളിലേക്ക്‌ കയറി
ദേവ് :എന്താ ജിൻസി പ്രശ്നം എന്താണെങ്കിലും പറ
എന്നാൽ ജിൻസി ഒന്നും മിണ്ടാതെ കരച്ചിൽ തുടർന്നു
ദേവ് :എടീ കോപ്പേ കരയാതെ കാര്യം പറയ്‌
ജിൻസി :ആ ടോം അവൻ..
ദേവ് :അവൻ നിന്നെ എന്തെങ്കിലും ചെയ്തോ
ജിൻസി :അവൻ എന്നെ ഒരു പാർട്ടിക്ക്‌ കൊണ്ടുപോയി അവന്റെ കൂട്ടുകാരും അവരുടെ ഗേൾ ഫ്രെണ്ട്സുമെല്ലാം അവിടെയുണ്ട് അവർക്ക് എന്നെ പരിചയപ്പെടണം എന്നാ എന്നോട് പറഞ്ഞത് അവിടെ പോയ ശേഷമാണ് എന്നെ ഒരു കോമാളിയായാണ് അവിടെ കൊണ്ട് പോയത് എന്നെനിക്ക് മനസ്സിലായത് അവിടെയുള്ളവരെല്ലാം ചേർന്ന് എന്നെ ഒരുപാട് അപമാനിച്ചു എന്നെ കൊണ്ട് മദ്യം കുടിപ്പിക്കാൻ ശ്രമിച്ചു ഞാൻ സമ്മതിക്കാതെ വന്നപ്പോൾ ബലം പ്രയോഗിച്ചു പിന്നെ അവന്റ ചില കൂട്ടുകാർ അവരോടൊപ്പം പോയാൽ…
ജിൻസി വീണ്ടും ഉച്ചത്തിൽ കരയാൻ തുടങ്ങി
ദേവ് :മതി കരയണ്ട ഓരോന്നിലോട്ട് എടുത്ത് ചാടുന്നതിനു മുൻപ് ഇതൊക്കെ ആലോചിക്കണമായിരുന്നു നീ പറഞ്ഞതൊക്കെ വച്ച് നോക്കുമ്പോൾ നീ പോയത് ബ്ലു സ്റ്റാർ പാർട്ടിക്കാണ് എല്ലാ മാസവും ഇതുപോലെ അവർ ആരെയെങ്കിലുമൊക്കെ ബലിയാടാക്കാറുണ്ട് ഇത്തവണ നിന്നെയാണ് അവർക്കു കിട്ടിയത് പിന്നെ നീ പറഞ്ഞില്ലേ ഒരു ടോം അവൻ കോൺടാക്ടർ ജോണിന്റെ മോൻ ആണോ
ജിൻസി :അതെ
ദേവ് :കൊള്ളാം നിനക്ക് വേറേ ആരെയും കിട്ടിയില്ലേ പെണ്ണെ നീയൊക്കെ ഒന്നും ചിന്തിക്കാതെ എടുത്ത് ചാടിയിട്ടാ ഈ നാട്ടിൽ ഓരോന്നൊക്കെ സംഭവിക്കുന്നത് വേറൊന്നും പറ്റാതിരുന്നത് ഭാഗ്യം
ജിൻസി :അവൻ എന്നെ ശെരിക്ക് സ്നേഹിക്കുന്നുണ്ടെന്നാ ഞാൻ കരുതിയത് ഒരുപാട് നാളായി പുറകേ നടന്നു ഞാൻ ഇല്ലെങ്കിൽ ചത്തുകളയും എന്ന് വരെ അതുകൊണ്ടാ ഞാൻ എന്നിട്ട് അവൻ..
ജിൻസി വീണ്ടും കരയാൻ തുടങ്ങി
ദേവ് വേഗം കാർ മുന്പോട്ട് എടുത്തു
ജിൻസി :എങ്ങോട്ടാ ഈ പോകുന്നത്
ദേവ് :നിനക്ക് പ്രതികാരം വീട്ടണ്ടെ അതിനുവേണ്ടി പോകുകയാ പാർട്ടി ഇതുവരെ കഴിഞ്ഞിട്ടുണ്ടാകില്ല നമുക്ക് ഒന്ന് പോയിട്ട് വരാം
ഇതേ സമയം ജാനി ബേക്കറിയിൽ
ജെയ്സൺ :എന്താ ജാനി ഇങ്ങനെ നോക്കുന്നത്
ജാനി :ഞാൻ പറഞ്ഞതല്ലേ ജൈസാ ഇന്ന്‌ വരാൻ പറ്റില്ലെന്ന് പിന്നെന്തിനാ ഇങ്ങോട്ടേക്കു വന്നത്
ജെയ്സൺ :എനിക്ക് നിന്നെ കാണാതെ ഇരിക്കാൻ പറ്റുന്നില്ല ജാനി അതുകൊണ്ടല്ലേ
ജാനി :ഒന്ന് പോ ജൈസാ ചേച്ചി എങ്ങാനും വന്നാൽ
ജെയ്സൺ :ചേച്ചി വന്നാൽ എന്താ പ്രശ്നം ഞാൻ കസ്റ്റമർ ആണെന്ന് പറഞ്ഞാൽ മതി ഇവിടെയുള്ള സ്പെഷ്യൽ ഐറ്റംസ് ഓക്കെ ഇങ്ങ് എടുത്തേക്ക്‌
ജാനി :ഇത് വലിയ കഷ്ടം തന്നെയാ ജൈസാ ഏത് നേരത്താണാവോ എനിക്ക് ഇവനോട് ഇഷ്ടമാണെന്ന് പറയാൻ തോന്നിയത്
ജെയ്സൺ :നീ എന്റെ സൗന്ദര്യം കണ്ട് മയങ്ങിപോയതല്ലേ ലാൻഡ്രി
ജാനി :അയ്യോ സൗന്ദര്യം കണ്ടാലും മതി കുരങ്ങനെ പോലെയുണ്ട് മണ്ടൻ ജെയ്സൺ
ജെയ്സൺ :മണ്ടൻ നിന്റെ.. എങ്കിൽ പറ എന്നെ എന്ത് കൊണ്ടാ ഇഷ്ടപ്പെട്ടത്
ജാനി :പറയാൻ മനസ്സില്ല കൊണ്ടുപോയി കേസ് കൊടുക്ക്
ജെയ്സൺ :ഒന്ന് പറ ജാനി നീ എന്നെ ഇത്രയും സ്നേഹിക്കാൻ എന്താ കാരണം
ജാനി :അതാ ഞാനും ആലോചിക്കുന്നത് എന്തായിരിക്കും ആ കാരണം നിനക്ക് ആകെ ഉള്ളത് കുറച്ചു ദേഷ്യവും കുറച്ചു അഹങ്കാരവും പിന്നെ കുറേ മണ്ടത്തരങ്ങളുമാണ് ഇതിൽ എന്ത് കണ്ടിട്ടാ ഞാൻ നിന്നെ സ്നേഹിച്ചത്
ജെയ്സൺ :മതി ജാനി ഞാൻ പോകുവാ
ഇത്രയും പറഞ്ഞു ജെയ്സൺ പോകുവാൻ ഒരുങ്ങി
ജാനി :നിൽക്ക് ജൈസാ ഇത്ര പെട്ടെന്ന് പിണങ്ങിയോ ഞാൻ പറഞ്ഞ കാര്യങ്ങളൊക്കെ നിന്നെ പുറമേ നിന്ന് കാണുന്നവർക്ക് തോനുന്നതാ ആദ്യം എനിക്കും അങ്ങനെയൊക്കെ തന്നെയാ തോന്നിയത് പക്ഷെ സത്യമെന്താണെന്ന് അറിയാമോ നീ സത്യത്തിൽ ഒരു പഞ്ച പാവമാണ് ജൈസാ ഉള്ളുകൊണ്ട് നീ ഇപ്പോഴും ഒരു കൊച്ചു കുട്ടിയാണ് ഒരു പാവം കുട്ടുമോൻ
ജെയ്സൺ :ഒന്ന് പോയേ ജാനി കുട്ടുമോൻ എനിക്കാ പേര് ഇഷ്ടമല്ല
ജാനി :എനിക്കാ പേര് വലിയ ഇഷ്ടമാണ് നീ എനിക്ക് വേണ്ടി എന്തൊക്കെയാ ജൈസാ ചെയ്തിട്ടുള്ളത് ആദ്യമൊക്കെ ഞാൻ അതൊക്കെ കണ്ടില്ലാ എന്ന് നടിച്ചു പക്ഷെ എത്ര കാലം ഒരു പെണ്ണിന് അതൊക്കെ കണ്ടില്ല എന്ന് നടിക്കാൻ പറ്റും നീ എനിക്ക് വേണ്ടി ചെയ്തതോന്നുന്നു വേറെയാരും എനിക്ക് വേണ്ടി ചെയ്തിട്ടില്ല ജൈസാ
ജെയ്സൺ :ജാനി അത് പിന്നെ..
ജാനി :എന്താ ജൈസാ
ജെയ്സൺ :നീ പറഞ്ഞതെല്ലാം ശെരി തന്നെയാ പക്ഷെ ഒരു കാര്യമുണ്ട് ഇനി അത് നിന്നോട് മറച്ചു വെക്കുന്നത് ശെരിയല്ല ഞാൻ അന്ന് തന്നില്ലേ ഒരു സ്വിമ്മിംഗ് ഗ്ലാസ്സ്
ജാനി :അതെ സാറാ ലുയിയുടെ
ജെയ്സൺ :അത് സത്യത്തിൽ സാറാ ലൂയിയുടെ അല്ല ഞാൻ നിന്നെ പറ്റിച്ചതാ സോറി..
ജാനി :ടാ നീ കൊല്ലുടാ നിന്നെ ഞാൻ
ജാനി വേഗം തന്നെ ജെയ്സന്റെ മുടി പിടിച്ചു വലിക്കാൻ തുടങ്ങി
“ആ ജാനി വിട് വിട് ”
“ഇല്ലടാ നിന്നെ ഇന്ന്‌ ഞാൻ കൊല്ലും കള്ളാ എന്നോട് കള്ളം പറഞ്ഞല്ലേ ”
“അമ്മേ ഊ ഞാൻ ചുമ്മാ പറഞ്ഞതാ ലാൻഡ്രി അത് ഒർജിനലാ ഒർജിനൽ ”
“എനിക്ക് നിന്നെ ഒട്ടും വിശ്വാസമില്ല ”
“ആ ഞാൻ ലേലം പിടിച്ച പേപ്പറുകൾ കാണിക്കാം സത്യം സത്യം ഊ ”
ജാനി പതിയെ മുടിയിലെ പിടി അയച്ചു
ജെയ്സൺ :എന്ത് പിടിയാ ജാനി ഈ പിടിച്ചത്
ജാനി :എല്ലാം ഞാൻ സഹിക്കും ചതിക്കാൻ നോക്കിയാൽ ഉണ്ടെല്ലോ
ജെയ്സൺ :ഇല്ല ജാനി ഒരിക്കലും അത് ഉണ്ടാകില്ല
ജാനി :സോറി ജൈസാ ഞാൻ കളിക്ക് ചെയ്തതാ നൊന്തോ
ജെയ്സൺ :പിന്നില്ലേ എന്നാലും സാരമില്ല ഇതിനു പകരമായി എനിക്ക് എന്തെങ്കിലും തന്നാൽ മതി
ജാനി :എന്ത് തരാൻ ബർഗർ മതിയോ
ജെയ്സൺ:ബർഗർ നീ ഒന്ന് പോയേ ജാനി എനിക്കൊരു മുത്തം തന്നാൽ മതി
ജാനി :അയ്യടാ മനസ്സിലിരിപ്പ് കൊള്ളാമല്ലോ
ജെയ്സൺ :പ്ലീസ് ജാനി
ജാനി പതിയെ ചിരിച്ചു കൊണ്ട് ജെയ്സന്റെ കവിളിൽ മുത്തമിട്ടു
ജെയ്സൺ :ഉം താങ്ക്സ് ലാൻഡ്രി
