ഹലോ?
ബോസ്സ് : അരുണേ..
ഞാൻ : ആ പറ മാധവേട്ടാ..
ബോസ്സ് : താനെങ്ങോട്ടാ, പോവുന്നത് കൃത്യമായി ?
ഞാൻ : അതു മുംബൈയിലേക്കു അവിടെ ഒരു ചാൻദാസ് പോർട്ടിലേക്..
ബോസ്സ് : അവിടെ ഒരു 2 സമ്പനമായ കുടുംബങ്ങൾ താമസിക്കുന്നുണ്ട്..
ഞാൻ :അറിയാം, അവിടെയാ കല്യാണം..
ബോസ്സ് : ങേ, മനസിലായില്ല…
ഞാൻ : സാറേ, എന്റെ കൂട്ടുകാരിയുടെ കല്യാണം ആ കുടുംബത്തിലുള്ള ഒരാളുമായാണ് നടക്കാൻ പോവുന്നത്…
ബോസ്സ് :ഓ അങ്ങനെയാണോ കാര്യം.. ആ അത് പോട്ടെ.. നിന്നോടൊരു കാര്യം പറയാൻ വേണ്ടിട്ടാണ് വിളിച്ചത്..
ഞാൻ :എന്താ..
ബോസ്സ് : അത്, ആ മിഥിലാപുരിയിലെ രാഷ്ട്രിയ ഗുണ്ടായില്ലേ ഒരു അമർ?
ഞാൻ : എനിക്കറിയാം, ഒരാവശ്യത്തിനായിട്ട് ഞാനങ്ങോട്ട് പോയിരുന്നു..
ബോസ്സ് : അയാൾ കൊല്ലപ്പെട്ടു..
ഞാൻ ഞെട്ടി.. അയാളെ കൊല്ലുകാ എന്നോകെയുള്ളത് സാധാരണ കാര്യമല്ല,
ഞാൻ :അതെങ്ങനെ?
ബോസ്സ് : കൂടുതലൊന്നും എനിക്കുമറിയില്ല, അയാളെ കൊന്നു അവരുടെ പാർട്ടി കൊടിമരത്തിൽ തൂക്കിയ നിലയിലാണ് കണ്ടത്.. അയാളുടെ അച്ഛൻ വിശ്വനാഥൻ മിനിസ്റ്റർ..
ഞാൻ : അറിയാം സാറെ, പുള്ളിക്കാരന്റെ ചുറ്റികളിയെ കുറിച്ച്..
ബോസ്സ് : വൈകാതെ അയാളും അറസ്റ്റ് ചെയ്യപ്പെടും.. തീവ്രവാദബന്ധമുള്ളതിന്..
ഞാൻ : അത് നന്നായി..അവരെപുള്ളല്ലാവരും അവരുടെ വാല് തൂങ്ങി നടക്കുന്നവരും എല്ലാവരും ശിക്ഷിക്കപ്പെടണം..
ബോസ്സ് : അപ്പോൾ നിന്റെ യാത്ര എങ്ങനെയാ?
ഞാൻ : ഫ്ലൈറ്റിൽ. ഡൽഹി റ്റോ മുംബൈ..പിന്നെ അവിടെന്ന് ബസ്സ്.. പിന്നെ അവരുടെ സ്ഥലത്ത് നിന്ന് ഒരു കിമി മാറി ഒരു പിജി ഉണ്ട് അവിടെ ഒരു മാസത്തേക്കുള്ള അഡ്വാൻസ് കൊടുത്തിട്ടുണ്ട്…
ബോസ്സ് :ഈ കല്യാണത്തിന് ശേഷം?
ഞാൻ : ഭാരതപര്യേടനത്തിന് പോവും..
ബോസ്സ് : (ചിരിച്ചു കൊണ്ട് )അപ്പോൾ ശെരി മോനെ..
ഞാൻ : ശെരി മാധവേട്ടാ..
ഫോൺ കട്ടായി..
നിങ്ങൾ ആദ്യം വിചാരിച്ചു കാണും എന്റെ കല്യാണമാണ് നടക്കാൻ പോവുന്നതെന്നല്ലേ…എന്റെ അല്ല, കോളേജ് കാലഘട്ടത്തിൽ എന്റെ കൂടെ പഠിച്ചിരുന്ന ഒരു പെൺകുട്ടിയുടെ കല്യാണമാണ് നടക്കാൻ പോവുന്നത്..
അവളുടെ പേര് നിത്യ.
പുള്ളിക്കാരിയെ പറ്റി പറയുകയാണെങ്കിൽ ഒരു സ്വപ്നജീവിയാണ്.. എപ്പോഴും ആലോചിക്കുന്നത് അവളുടെ ഫ്യൂചർ ഭർത്താവിനെ കുറിച്ചാണ്.. ഏത് തരത്തിലുള്ള വിശേഷണമാണ് ഇവിടെ ഉപയോഗിക്കേണ്ടതെന്ന് എനിക്കറിയില്ല.. ഒന്നുകിൽ ജീവിതത്തിലെ വേദനിപ്പിക്കുന്ന സത്യങ്ങൾ അറിയാതെ ജീവിക്കുന്നവൾ.. അതെല്ലെങ്കിൽ ഭൂലോക മണ്ടി..
ഓഹ്, സോറി, ട്രാക്ക് മാറിപ്പോയി.. അവളെ ഞാൻ ആദ്യമായി കണ്ടുമുട്ടുന്നത് jnuvil വെച്ചു തന്നെയാണ്..അവൾ ബഹിർമുഖിയായിരുന്നു.. ഞാൻ അവളുടെ നേർ ഓപ്പോസിറ്റ് സ്വഭാവമുള്ള ആളും.. നമ്മൾ തമ്മിലുള്ള ഫ്രണ്ട്ഷിപ് എങ്ങനെ സെറ്റായി എന്നത് തന്നെ അത്ഭുതമാണ്..
ആദ്യകാലങ്ങളിൽ എനിക്കവളോട് ഒരു ആകർഷണം ഫീൽ ചെയ്തിരുന്നു.. പിന്നീട് അതിൽ വലിയ കാമ്പില്ല എന്ന് മനസ്സിലാക്കിയപ്പോൾ ഫ്രണ്ടായി തന്നെ ഒതുങ്ങി നിന്നു..
പക്ഷെ എന്തിരുന്നാലും അവൾ ഒരു സ്വാതന്ത്ര്യവിചാരധാരയുള്ള ഒരു പെണ്ണായിരുന്നു.. അവൾ ആർക്കു വേണ്ടിയും സ്വന്തം സെൽഫ് റെസ്പെക്ട് വിട്ടു കൊടുക്കില്ല..അങ്ങനെയുള്ള സന്ദർഭത്തിൽ പ്രതികരിക്കുന്നത് ഞാൻ കണ്ടിട്ടുണ്ട്..
അവളുമായുള്ള പഴയ കാലം അയവിറക്കി ഞാൻ ഞാൻ ഡൽഹി എയർപോർട്ടിലേക്..എയർ ഇന്ത്യയിൽ കയറി ഇക്കണോമിക് ക്ലാസ്സിലെ സീറ്റിലിരുന്നു..ശിവാജി എയർപോർട്ടിൽ ഇറങ്ങാൻ..
________________
പിന്നീട് ഒരു ടാക്സി ബുക്ക് ചെയ്തു എന്റെ സ്ഥലവും പറഞ്ഞു കൊടുത്തു.. ചെറ്റ കുടിലുകളും ചേരികളും ചെളികളും മാറി മറ്റൊരു ലോകത്തേക്ക് ഞാൻ എത്തപെട്ടു..
സമ്പന്നതയുടെയും ആർഭാടത്തിന്റെയും ധാരാളിത്തത്തിന്റെയും ലോകം..
ചാൻദാസ് പോർട്ട്..
അത് പോർട്ട് നഗരമാണെന്ന് പറയാം.
ചുറ്റും ആധുനിക വത്കരിക്കപ്പെട്ട നാട്.. അവിടെ കൂടുതലും ടൂറിസ്റ്റ്സായിരുന്നു.. അവർ അവരുടെ ജോലിയിൽ ഏർപ്പെട്ട് കൊണ്ടിരിക്കുന്നു.
ഒടുവിൽ അയാൾ എന്റെ സ്ഥലത്തെത്തിച്ചു..
ഞാൻ:കിതനാ ഹുവ?
ഡ്രൈവർ : 500
ഞാനാ പൈസയും കൊടുത്തു നേരെ വാടകവീട്ടിലേക് കയറി..
അവിടെ ഒരു മദ്യവയസ്കയായ സ്ത്രീ പേപ്പർ വായിച്ചുകൊണ്ടിരിക്കുകയായിരുന്നു..
ഞാൻ : എസ്ക്യൂസ് മീ?
അവർ എന്നെ നോക്കി.
അവർ സ്പുടമായ ഇംഗ്ലീഷിൽ..
യെസ്?
ഞാൻ : മിസ്. കാത്തെറിന?
കാത് :യെസ്..
ഞാൻ : ഗുഡ് ആഫ്റ്റർനൂൺ മാഡം.. ഞാൻ അരുൺ ജ്യോതിസ്..
എന്റെ ഐഡി കാർഡ് ഞാൻ കാണിച്ചു കൊടുത്തു..
നമ്മൾതമ്മിൽ ഫോണിൽ സംസാരിച്ചായിരുന്നു…
അത് കേട്ട് അവരുടെ മുഖം വിടർന്നു…
കാത് : ഓഹ്, യെസ് യെസ്.. ഓർക്കുന്നു… ഡൽഹിയിൽ നിന്നല്ലേ?
ഞാൻ : അതേ..
കാത് : ഒരു സംശയം, മിസ്റ്റർ..
ഞാൻ :അരുൺ..
കാത് : ആ അരുൺ, എന്തിനാണ് ഒരു മാസം മുൻപേ നിങ്ങൾ ഈ സ്ഥല ബുക്ക് ചെയ്തത് .. വേറൊന്നും കൊണ്ടല്ല.. പൊതുവെ അങ്ങനെയാരും ചെയ്യാറില്ല.
ഞാൻ :അത് വേറൊന്നും കൊണ്ടല്ല, എനിക്കിവിടെ ഒരു ഫങ്ക്ഷന്നുണ്ട്, അപ്പോൾ അതിന്റെ തിരക്കെല്ലാം ഒഴിവാക്കാൻ നേരത്തെ ബുക്ക് ചെയ്തു.. പിന്നെ പരിചയപ്പെട്ടപ്പോൾ ഉടമ മലയാളി.. അതുകൊണ്ട്..
കാത് : ഞാൻ കുട്ടിക്കാലം കോട്ടയത്തായിരുന്നു..പിന്നെ അച്ഛനും അമ്മയും ഇങ്ങോട്ട് കുടിയേറി…
ഞാൻ : റൂം കാണാൻ പറ്റുമോ?
കാത് : അതിനെന്താ, പ്ലീസ് കം..
അവർ എന്നെ ഒന്നാം നിലയിലേക്ക് വിളിച്ചു..എന്നിട്ട് അവർ റൂം കാണിച്ചു..
അത്യാവശ്യം സൌകര്യമുള്ള മുറി..അറ്റാച്ഡ് ബാത്രൂം, ടോയ്ലറ്റ്, പിന്നെ ബാൽക്കണി..
ഒറ്റനോട്ടത്തിൽ തന്നെ എനിക്ക് ഇഷ്ടമായി..
ഞാൻ :കൊള്ളാം. ഞാൻ അഡ്വാൻസ് ആൾറെഡി അടച്ചതാണെല്ലോ.
കാത് : അതേ, അത് കൊണ്ട് വേറെ പണമൊന്നും വേണ്ട..
ഞാൻ :അപ്പോൾ ശെരി, മിസ്..
കാത് : ചേച്ചീന് വിളിച്ചാൽ മതി?
ഞാൻ : അപ്പോൾ ശെരി ചേച്ചി..
കാത് : പിന്നെ 10 മണിക്ക് മുൻപേ വീട്ടിൽ കയറാൻ നോക്കണം കേട്ടോ.. കാരണം 9 :30ന് ഞാൻ ഫ്രണ്ട് ഡോർ അടയ്ക്കും..
ഞാൻ :ശ്രമിക്കാം..
കാത് : നിങ്ങൾ ആരുടെ ഫങ്ക്ഷന്നാണ് ഇവിടെ വന്നത്?
ഞാൻ : എന്റെ പഴയ കൂട്ടുകാരിയുടെ കല്യാണമാണ്, പേര് നിത്യ വരന്റെ പേര്…ഉമ് …
ആ..
അർമാൻ സാഹ..
അത് കേട്ടപ്പോൾ അവരൊന്നു ഞെട്ടി..
കാത് :അവരുടെ കല്യാണത്തിനാണോ നിങ്ങൾ?
ഞാൻ :അതേ, എന്താ കാര്യം?🤔
കാത്: രാജാകന്മാരുടെ കല്യാണത്തിന് വരുന്നയാളെ ആദ്യമായി കാണുകയാണ്..
അവർ ചിരിച്ചു കൊണ്ട് പോയി..
അവർ പറയുന്നത് കാര്യം തന്നെയാണ്..
സാഹ കുടുംബം രാജാകന്മാരുടെ കാലം മുതൽകെയുള്ള കുടുംബം ആയിരുന്നു.. വ്യാപാരത്തിൽ തുടങ്ങി സമ്പന്നരായ അവർ രാജാകന്മാരുമായി അടുപ്പത്തിലായി, പിന്നെ ബ്രിട്ടീഷ് കാരുടെ കൂടെ അടുപ്പം സ്ഥാപിച്ചു.. അത് സ്വാതന്ത്ര്യം വരെ എത്തി.. പിന്നെ അവരവിടുന്നു മാറി ഇവിടെ അവരുടെ സാമ്രാജ്യം പടുത്തുയർത്തി.. പക്ഷെ 80-90 കാലഘട്ടത്തിൽ അവർ സാമ്പത്തികമായി വളരെ നഷ്ടത്തിൽ പോവാൻ തുടങ്ങി.. പക്ഷെ പിന്നീട് ഒരു ഫിനിക്സ് പക്ഷിയെപ്പോലെ ഉയർത്തെഴുനെറ്റു.. ഇപ്പോൾ അവരുടെ കുടുംബത്തിൽ 4പേരാണുള്ളത്