നജിയ 2

Najiya Part 2 | Author : Perumalclouds

[ Previous Part ] [ www.kambi.pw ]

ഒരിക്കലും കണ്ടുമുട്ടില്ലെന്നു ഉറപ്പുള്ള ഒരാൾ…! അയാളോടൊത്തു ആഗ്രഹങ്ങളിൽ ജീവിക്കാൻ ഭാവനകൾക്കും ഭാവനകളിൽ പൊട്ടിവീഴുന്ന വരിക്കൾക്കും സാധിക്കുന്നു എന്നെ സത്യം ഞാൻ മനസിലാക്കുന്നു. മനോഹരമായ പ്രണയങ്ങൾ നിങ്ങൾ ഓരോത്തർക്കും സംഭവിക്കട്ടെ, അത്തരം പ്രണയങ്ങൾ സ്വന്തമാകാതെ ജീവിച്ചു തീർക്കാൻ വിധി വരട്ടെ.
(നജിയ-ആദ്യ ഭാഗം വായിച്ചതിനു ശേഷം മാത്രം രണ്ടാം ഭാഗം വായിക്കണം)

നജീബിന്റെ കാൾ വന്നാണ് ഞാൻ നാജിയയുടെ ഓർമകളിൽ നിന്നും എഴുന്നേൽക്കുന്നത്. ഞാൻ നജീബിന്റെ കാൾ എടുത്തു,
‘നജീബെ പറയു’
‘നിനക്ക് നജിയ ഡോക്ടറെ അറിയോ?’
‘ഇല്ല. എന്തെ?’
‘എന്നെ ഡോക്ടർ വിളിച്ചിരുന്നു’
‘എന്തിനു?’
‘നിന്റെ ഫോൺ നമ്പർ വേണം എന്ന് പറഞ്ഞു, അതുകൊണ്ടാ ഞാൻ പരിജയം ഉണ്ടോ എന്ന് ചോദിച്ചേ?’
‘നീ കൊടുക്കേണ്ട കാര്യമില്ല നജീബ്. അവർ ഒരു ആർട്ടിക്കിൾ ചെയ്യേണ്ട കാര്യം പറഞ്ഞിരുന്നു. എനിക്കതു ചെയ്യാൻ കഴിയില്ലെന്ന് പറഞ്ഞു.’
‘ടാ, നീ ചെയ്തു കൊടുക്ക്, അതൊരു പാവം സ്ത്രീയാണ്. അവർ പൈസക്ക് വേണ്ടിയല്ല ചികിൽസിക്കാൻ ഇരിക്കുന്നത്. എനിക്ക് എഴുതാൻ കഴിവില്ലല്ലോ, ഉണ്ടയെരുന്നെങ്കിൽ ഞാൻ അവരോടു ചെയ്തു തരാമെന്നു പറഞ്ഞേനെ. ഞാൻ നിന്റെ നമ്പർ കൊടുക്കുന്നുണ്ട്. ഞാൻ പറയുന്നത് മനസ്സിലാക്കാമെങ്കിൽ നീ സംസാരിക്ക് അവരോടു.’
‘നജീബെ…’

ഞാൻ തിരിച്ചെന്തെങ്കിലും പറയും മുൻബ് അവൻ കാൾ കട്ട് ചെയ്‌തിരുന്നു. തിരിച്ചു വിളിച്ചപ്പോൾ നമ്പർ ബിസി ആയിരുന്നു. ട്രെയിനിന്റെ ശബ്‌ദം എന്റെ ഹൃദയമിടിപ്പിലേക്ക് ചേർന്ന്. ഏതു നിമിഷവും അവളുടെ കാൾ? ഇനി എന്തിനു വിളിക്കണം? ഞാൻ എന്ത് പറയണം എന്നിങ്ങനെ ഒരുപാട് ഒരുപാട് ചോദ്യങ്ങൾ…

പെട്ടെന്നൊരു നിമിഷം ഞാൻ കണ്ണുകൾ അടച്ചു. എന്റെ ഇരുകൈകൾക്കുള്ളിൽ വിരിഞ്ഞ താമരപോലെ ഒരിക്കൽ അവളുടെ മുഖം കണ്ട നിമിഷം എന്റെ ഓർമയിൽ വന്നു. ആ കണ്ണുകൾ നിറഞ്ഞിരുന്നോ?

ഫോണിലേക്ക് മെസ്സേജ് വന്ന ശബ്‌ദം കേട്ട് ഞാൻ ഫോൺ എടുത്തു നോക്കി. അവസാനം ത്രിപ്പിൽ സെവൻ വരുന്ന ഒരു ഫോൺ നമ്പർ. ഞാൻ മെസ്സേജ് ഓപ്പൺ ആക്കി.
‘എന്നോട് ഒന്നും സംസാരിക്കേണ്ട. ഞാൻ പറയുന്നത് ഒരു മിനിട്ടു കേട്ടാൽ മാത്രം മതി. ഓക്കെ?’ ഈ മെസ്സേജിന് ഞാൻ റീപ്ലേ കൊടുക്കാൻ നിന്നില്ല.

പക്ഷെ കുറച്ചു നേരം കഴിഞ്ഞു അവളുടെ കാൾ വന്നു. ഞാൻ എടുത്തില്ല. വീണ്ടും കാൾ വന്നു. അവൾ എന്നോട് ചെയ്തത് ആലോചിക്കുമ്പോൾ എനിക്ക് കാൾ എടുക്കാൻ തോന്നിയില്ല. മൂന്നാമതും അവളുടെ കോൾ വന്നു. എന്റെ കൈകളിൽ വിടർന്ന താമരയെ കുറിച്ച് ആലോചിച്ചപ്പോൾ ഞാൻ പോലും അറിയാതെ കാൾ എടുത്തുപോയി.

‘ഞാനാണ് നജിയ, എന്നോട് ദേഷ്യം ആണെന്ന് അറിയാം. ഞാൻ മുമ്പു ഒരിക്കൽ ഒരാൾക്ക് ഒരു പ്രോമിസ് കൊടുത്തിരുന്നു. ഞാൻ നിയോഗങ്ങളിൽ വിശ്വസിക്കുന്നുണ്ട്. നമ്മൾ ഒന്നിക്കാൻ വിധിച്ചവർ ആണെങ്കിൽ ഇനി വീണ്ടും കണ്ടുമുട്ടും. അങ്ങനെ കണ്ടുമുട്ടിയാൽ ഞാൻ നിന്റേതു മാത്രമായിരിക്കും. ഇരുവരും പ്രതീക്ഷിച്ചിട്ടല്ലെങ്കിലും അത് സംഭവിച്ചിരിക്കുന്നു. ഞാൻ വരും നിന്നെ കാണാൻ.’

ഇത്ര മാത്രം പറഞ്ഞുകൊണ്ട് കാൾ കട്ട് ചെയ്തു. അവൾ പറഞ്ഞത് സത്യമല്ലേ? എനിക്ക് അങ്ങനെ ഒരു വാക്കു തന്നിരുന്നു. പക്ഷെ അവൾ എന്നോട് ചെയ്തത് ആലോചിക്കുമ്പോൾ എനിക്ക് ഒന്നും തിരിച്ചു പറയാൻ തോന്നിയില്ല. അന്ന് രാത്രി ഞാൻ കിടക്കുമ്പോൾ അവളെ കുറിച്ചോർത്തു. എത്രെയെല്ലാം ദേഷ്യം കാണിച്ചാലും ഉള്ളിന്റെ ഉള്ളിൽ അവളോടുള്ള പ്രണയം വെമ്പൽകൊള്ളുകയാണ്. മനസ്സിൽ അവളെ കാണരുതെന്ന് ഓർത്തു കണ്ണുകൾ അടച്ചു.

എന്റെ ജോലി തിരക്കുകളിൽ യാത്രകൾക്ക് സമയമില്ലാതായിരിക്കുന്നു. ഓഫീസിൽ ടൈം കഴിയാൻ ഹാഫ് അവർ കൂടിയുണ്ട്. നാസിറ വന്നു പറഞ്ഞു തന്നെ കാണാൻ ഒരു ഡോക്ടർ വന്നിട്ടുണ്ട്. വിസിറ്റിംഗ് റൂമിലാണ്. എനിക്ക് ഉറപ്പായിരുന്നു അത് നജിയ ആയിരിക്കും എന്ന്. ഞാൻ അവൾക്കു മുമ്പിൽ ചെന്ന് നിന്നു. അവൾ ഒരു പർദ്ദ ഇട്ടായിരുന്നു വന്നിരുന്നത്. ഹിജാബിനുള്ളിൽ അവളുടെ മുഖം!