അവിടെ ചെന്ന് എന്നെ കണ്ടപാടെ അയാളുടെ ഒരു ഒടുക്കത്തെ ചാട്ടം. ഞാൻ ഏതോ അന്താരാഷ്ട്ര കുറ്റവാളി എന്നപോലെ അയാൾ എന്റെ സർവ കുറ്റങ്ങളും നിരത്തി. ഞാൻ ചെയ്തത് തൂക്കിക്കൊല്ലാനുള്ള തരത്തിലുള്ള കുറ്റമാണ് എന്ന ലൈൻ.
അതുകൊണ്ട് താനിനി ഇവിടെ പഠിക്കേണ്ട. ടിസി വാങ്ങി പൊക്കോ…..അയാൾ പറഞ്ഞു നിർത്തി.
ഒരുവാക്ക് മിണ്ടാൻ എനിക്ക് ഒരു അവസരം തന്നത് അപ്പോളാണ്.
എന്തിന്????
എന്തിനെന്നോ???? ആറേഴു പേരെ തല്ലിച്ചതച്ചിട്ടു എന്തിനെന്നോ???? നിന്നെയൊക്കെ പോലീസിൽ പിടിപ്പിക്കുവാ വേണ്ടത്. വധശ്രമമാ വധശ്രമം. നിനക്ക് ടിസി തന്നു വിടാനാണ് മാനേജ്‌മെന്റിന്റെ തീരുമാനം. ഒരു ഗുണ്ടയെ വെച്ചു പൊറുപ്പിക്കാൻ ഞങ്ങൾക്ക് വയ്യ.
തെളിവുണ്ടോ????എനിക്ക് ചെറുതായി ദേഷ്യം വന്നു. പ്രത്യേകിച്ച് ആ ഗുണ്ട എന്ന പരാമർശം കേട്ടപ്പോൾ.
തെളിവോ??? എന്തിന്??? ആശുപത്രിയിൽ കിടക്കുന്ന ആ ഏഴെണ്ണം പോരെ…..
എന്റെ സർവ നിയന്ത്രണവും വിട്ടു.
അത് പോരല്ലോ സാറേ…..എന്നെ അവന്മാർ ഇതേ കോളേജിന്റെ മുറ്റത്തിട് പട്ടിയെ തല്ലുമ്പോലെ തല്ലിച്ചതച്ചപ്പോലും ബോധമില്ലാതെ ഞാൻ മൂന്നാലു ദിവസം ഞാൻ ആശുപത്രിയിൽ കിടന്നപോലും സാറിന് കിട്ടാത്ത തെളിവ്. അന്ന് സാറിന് തെളിവ് ഇല്ലാതെ കഞ്ഞി പോലും ഇറങ്ങില്ലാരുന്നല്ലോ…..ഇപ്പൊ ഞാനൊന്ന് തിരിച്ചു കൈ വെച്ചപ്പോൾ സാറിന് തെളിവ് വേണ്ടല്ലേ….അത് ഏത് മറ്റെടത്തെ നിയമമാന്ന് എനിക്കിപ്പോ അറിയണം. ഈ കോളേജിൽ പഠിക്കുന്ന ഒരുത്തൻ എങ്കിലും എനിക്കെതിരെ സാക്ഷി പറഞ്ഞാ അന്ന് ഞാനീ കോളേജ് വിടും. അല്ലാണ്ട് എന്നെ ഇറക്കാമെന്നു ഒരു മറ്റവനും വിചാരിക്കേണ്ട.
ഞാൻ നിന്നു കലിതുള്ളി. എന്തായാലും പുറത്തായി. അപ്പൊ രണ്ടെണ്ണം പറഞ്ഞിട്ട് ഇറങ്ങിപ്പോകാം അത്രയേ ഞാൻ കരുതിയൊള്ളു. എന്തായാലും അതേറ്റു. എന്നോട് പൊയ്ക്കോളാണ് പറഞ്ഞു.
ഞാൻ വീണ്ടും ക്ലാസ്സിലേക്ക് നടന്നു. ചന്തുവിന്റെ കളികൾ ഇനി കാണാൻ പോകുന്നല്ലേ ഒള്ളു………അതിനി അടുത്ത ഭാഗത്ത് പറയാം എന്താ????? നിങ്ങളുടെ വിലയേറിയ അഭിപ്രായങ്ങൾ പ്രതീക്ഷിച്ചുകൊണ്ട്
നിങ്ങളുടെ സ്വന്തം
