ഞാൻ ശ്രദ്ധ മാറ്റി സാധനങ്ങൾ അവളെ ഏല്പിച്ചു. ബിയറും മറ്റും ഫ്രിഡ്ജിൽ കൊണ്ട് പോയി വെച്ചു.
അവൾ കിച്ചണിലേക്ക് പോയപ്പോൾ ഞാൻ ബാത്റൂമിൽ ചെന്ന് ഒരു കുളി പാസ്സാക്കി.
തിരിച്ചു വന്ന് ചാർജർ അഡാപ്റ്ററിൽ മെമ്മറി ഇട്ട് വെച്ചു. അവൻ വന്ന ശേഷം പ്ളഗ് പോയിന്റിൽ വെയ്ക്കാം എന്ന് കരുതി.
മേശയിൽ തിരഞ്ഞപ്പോൾ എന്റെ പഴയ നോക്കിയ യുടെ ഒരു മൊബൈൽ അതിലുണ്ടായിരുന്നു. അത് ഓൺ ചെയ്ത് അതിലും ഒരു മെമ്മറി ഇട്ട് വെച്ചു. എന്നിട്ട് ആ മൊബൈലിന്റെ വോയിസ് റെക്കോർഡ് ഓപ്പൺ ചെയ്ത് കട്ടിലിന്ന് അടിയിൽ ടാപ്പ് വെച്ച് ഒട്ടിച്ചു. ഇത്രേം ചെയ്ത് പുറത്തിറങ്ങി..
ഏകദേശം ഒരു എട്ട് മണിയായപ്പോൾ രവി അവന്റെ കാറിൽ വന്നു. വന്നപാടെ അവൻ ഒരു ലെറ്റർ എടുത്ത് നിഷയ്ക്ക് കൊടുതിട്ട് പറഞ്ഞു
” അപ്പോയിന്മെന്റ് ലെറ്ററാണ്, നാളെ തന്നെ ജോയിൻ ചെയ്യണം ”
അവൾ സന്തോഷം കൊണ്ട് തുള്ളിച്ചാടിയില്ല എന്നെ ഉള്ളൂ..
” ഉറപ്പായും സർ ”
അവൻ വീട്ടിലേക്ക് കയറി സോഫയിൽ ഇരുന്നു. ഞാൻ എന്റെ ഉള്ളിലെ ദേഷ്യം പുറത്ത് കാണിക്കാതെ അവനോട് സംസാരിച്ച് കൊണ്ടിരുന്നു.
നിഷ ആ സമയം അവന് കുടിക്കാൻ ജ്യൂസ് എടുക്കാൻ പോയതായിരുന്നു.
അല്ലെങ്കിലും എനിക്കെന്തിനാ അവനോട് ദേഷ്യം, ഈ ഒരു സന്ദർഭത്തിൽ സന്തോഷിക്കയല്ലേ ഞാൻ വേണ്ടത്..
ജ്യൂസ് കുടിച്ച് അവന് നിഷയ്ക്ക് അവളുടെ ജോലിയെ കുറിച്ചോക്കെ പറഞ്ഞ് കൊടുത്തു കൊണ്ടിരുന്നു. അങ്ങനെ സംസാരിച്ച് സംസാരിച്ച് സമയം പോയതറിഞ്ഞില്ല.
ഞാൻ അവളോട് ഫുഡ് എടുത്ത് വെക്കാൻ പറഞ്ഞു..
ഡൈനിങ് ടേബിളിൽ എല്ലാം നിരത്തി വെച്ച ശേഷം അവൾ ഞങ്ങളെ വിളിച്ചു.
ഞാനും രവിയും കൈ കഴുകി ഭക്ഷണം കഴിയ്ക്കാൻ ഇരുന്നു. നിഷായപ്പോൾ ഫ്രിഡ്ജിൽ നിന്ന് ബിയറും സ്കോച്ചുമെല്ലാം ടേബിളിലേക്ക് എടുത്ത് വെച്ചു.
ഫുഡ് കഴിക്കുന്നതിനോട് കൂടെ ഞങ്ങൾ ബിയറും പൊട്ടിച്ച് കുടിച്ചു. എനിക്ക് ഒരു ബിയർ മുഴുവനും നിഷയും രവിയും ഒരു ബിയറിന്റെ പാതിയും ഒഴിച്ച് കുടിച്ചു..
അതിന് ശേഷം അവൾ തന്നെ ഗ്ലാസിലേക്ക് മദ്യം ഒഴിച്ച് തന്നു. ഞങ്ങൾ മൂന്നു പേരും പതിയെ അതും കുടിച്ച് കൊണ്ട് ഓരോന്ന് സംസാരിച്ചു.
പെട്ടെന്ന് നിഷ എന്തോ ഓർത്തത് പോലെ പറഞ്ഞു
” അയ്യോ.. ഏട്ടാ.. മുൻവശത്തെ വാതിൽ അടച്ചിട്ടില്ല , അതൊന്ന് അടച്ചിട്ട് വരോ..”
എനിക്ക് കാര്യം പിടികിട്ടി എന്നെ അവിടന്ന് ഒഴിവാക്കി എന്റെ മദ്യത്തിൽ മയക്ക് പൊടി ഇടണം, അത് മുൻകൂട്ടി കണ്ട ഞാൻ അതിനൊരു മറു പ്ലാനും റെഡി ആക്കി വെച്ചിരുന്നു.
ഞാൻ വാതിലിന് അടുത്തേക്ക് പോയി. ഹാളിൽ നിന്ന് ഡൈനിങ്ങ് ഹാളിലേക്ക് വലിയ “റ” പോലെ ഒരു ചുമരാണ് അവിടന്ന് ഇടത്തോട്ട് തിരിഞ്ഞാലാണ് മെയിൻ ഡോർ ഉള്ളത് .
ഞാൻ പതിയെ ചെന്ന് അത് കുറ്റിയിട്ടു. അവിടന്ന് നോക്കിയാൽ ഡൈനിങ് ഹാളിൽ എന്താണ് നടക്കുന്നത് എന്ന് കാണാൻ കഴിയുമായിരുന്നില്ല.
പക്ഷെ അവിടെ എന്താണ് നടക്കുന്നത് എന്ന് എനിക്ക് ഊഹിക്കാമായിരുന്നു.
ഞാൻ തിരിച്ച് വന്നപ്പോൾ എന്റെ ഗ്ലാസിൽ അവൾ മദ്യം ഒഴിച്ചു വെച്ചിരുന്നു..
ഞാൻ ചിയേർസ് പറഞ്ഞ് അത് കുടിക്കാൻ വായിലേക്ക് അടുപ്പിക്കുമ്പോൾ അവർ രണ്ട് പേരും എന്നെ ഇടം കണ്ണിട്ട് നോക്കുന്നുണ്ടായിരുന്നു.
” ഹാ.. ഛി.. ”
ഞാൻ പെട്ടെന്നു ഒന്ന് തുമ്മി.. പിന്നെയും തുമ്മാൻ വന്നപ്പോൾ ഞാൻ എന്റെ ഗ്ലാസുമെടുത്ത് വാഷ് പേസിനടുത്തേക്ക് ഓടി.. ഒരു ഇടച്ചുമര് കൊണ്ട് ഡൈനിങ്ങ് ഹാളും വാഷ് പേസും മറഞ്ഞിരിക്കുന്നത് കൊണ്ട് അവർക്ക് എന്നെ കാണാൻ പറ്റുമായിരുന്നില്ല.
ഞാൻ വാഷ് പേസിലേക്ക് ആ മദ്യം ഒഴിച്ച് സിംഗിന്റെ അടിയിൽ നിന്ന് ഞാൻ നേരത്തെ വാങ്ങിച്ച കോളയിൽ നിന്ന് എടുത്ത് ഒഴിച്ചു.അപ്പോഴും തുമ്മൽ നിർത്തിയിരുന്നില്ല.
” എന്താ ഏട്ടാ പറ്റിയേ..? ഞാൻ വരണോ..? ”
നിഷ അവിടുന്ന് വിളിച്ച് ചോദിച്ചു.
“വേണ്ട ഞാൻ ഇതാ വരുന്നു..”
ഞാൻ മറുപടി കൊടുത്തു. എന്നിട്ട് കോള ഒഴിച്ച ഗ്ലാസ്സുമായി അവരുടെ അടുത്തേക്ക് പോയി..
” സോറി രവി.. എന്താ അറിയില്ല രണ്ട് ദിവസമായി ഒരു തുമ്മൽ വന്ന് പെട്ടിട്ടുണ്ട്, നാളെ ഒന്ന് ഡോക്ടറെ കാണണം.. അപ്പൊ വീണ്ടും ഒരു ചിയേർസ്”