“അതാ ഞാൻ ചോദിച്ചത്.. അയാളെ തല്ലാൻ നീയാരാ… ?..നിന്റെ തോട്ടമാണോ അത്… ?.. തിരിച്ച് കിട്ടുമ്പോ സണ്ണിയുണ്ടാവോ നിന്റെ കൂടെ..?”..
ബെറ്റി, പതിയെ മാർട്ടിന്റെ മനസിലേക്ക് വിഷം കയറ്റാൻ തുടങ്ങി..
“എന്നെ സണ്ണിയാണ് അവിടെ കാവലേൽപ്പിച്ചത്..,അവനും ഞാനും കൂടിയാണ് അയാളെ തല്ലിയത്.. മാത്രമല്ല, ആദ്യത്തെ അടിയടിച്ചത് മാഡത്തിന്റെ മോള് തന്നാ…”
“അതൊന്നും എനിക്കറിയണ്ട… അവര് തല്ലിയെങ്കിൽ അതവരുടെ മുതലാ… അതിൽ നിനക്കെന്ത് കാര്യം… ?..
ചന്ദ്രേട്ടൻ ആരാന്നറിയോ നിനക്ക്… ?..
ഹോസ്പിറ്റലിൽ നിന്ന് പുറത്തിറങ്ങിയാ ആദ്യം വരുന്നത് നിന്റടുത്തേക്കായിരിക്കും…”
“അത് പ്രശ്നമില്ല മാഡം… എന്റെ കാര്യം നോക്കാൻ എനിക്കറിയാം… “
ഈ സംസാരം തുടരാൻ മാർട്ടിന് താൽപര്യമില്ലായിരുന്നു..
പക്ഷേ, ഭീഷണിയാണ് അവർ ഉദ്ദേശിക്കുന്നതെങ്കിലുംഅവരുടെ സംസാരത്തിൽ ഒരു തരം വശീകരണമാണ് അവന് തോന്നിയത്.. ഒരു തരം കൊഞ്ചൽ..
“നിന്റെ കാര്യം നീ തന്നെ നോക്കേണ്ടിവരും… അപ്പുറത്തെ ബെഡിൽ നീയും കിടക്കും.. കയ്യും കാലും ഒടിഞ്ഞ്… അത് വേണോടാ… ?”
“ഞാനെന്ത് ചെയ്യണമെന്നാ മാഡം പറയുന്നത്,..?”..
അവൻ കയറി വരുന്നുണ്ടെന്ന് ബെറ്റിക്ക് മനസിലായി..
“അത് ചോദിക്ക്… നീയെന്ത് വേണമെന്ന് ഞാൻ പറയാം… പക്ഷേ, എനിക്കൊരുറപ്പ് വേണം.. നീയെന്റെ കൂടെ നിൽക്കുമെന്ന്… എങ്കിൽ നീ പ്രതീക്ഷിക്കാത്ത പലതും നിനക്ക് കിട്ടും..പലതും… എന്ന് വെച്ചാ നീ സ്വപ്നത്തിൽ പോലും വിചാരിക്കാത്തത്…”
“മാഡം കാര്യം പറഞ്ഞില്ല…”
“അതല്ലേ ഞാനീ പറഞ്ഞത്… നീ എന്റെ കൂടെ നിൽക്കുമെന്ന് എനിക്കുറപ്പ് വേണo… ഒരു പത്ത് മിനിറ്റ് കഴിഞ്ഞ് നീ വാട്സാപ്പ് നോക്ക്.. കാര്യങ്ങളെല്ലാം ഞാൻ വിശദമായി പറയാം…”
ബെറ്റിയുടെ കോൾ കട്ടായി..
മാർട്ടിൻ ശരിക്കും അൽഭുതപ്പെട്ട് പോയി.. അവൾ പറഞ്ഞത് പൂർണമായും അവന് മനസിലായില്ല. എങ്കിലും ചില കാര്യങ്ങൾ മനസിലായി.. വിശദമായി പറയാം എന്നല്ലേ അവര് പറഞ്ഞത്… നോക്കാം…
അവൻ ബെറ്റിയെ ഒന്നോർത്തു നോക്കി.. പലവട്ടം കണ്ടിട്ടുണ്ട്.. സുന്ദരമായി മേക്കപ്പ് ചെയ്ത്, വില കൂടിയ സാരിയിൽ പൊതിഞ്ഞ ഒരു സർപ്പ സുന്ദരി.. കൊതിയോടെ നോക്കിയിട്ടുണ്ട്..തന്റെ മാതലാളിച്ചിയാണെ ബോധമുള്ളത് കൊണ്ട് അധികം സ്കാൻ ചെയ്തിട്ടില്ല.. എങ്കിലും ഈ നാട്ടിലെ വലിയൊരു സുന്ദരി തന്നെയാണവർ..
പക്ഷേ, അവർ ദുഷ്ടയാണ്… സൂക്ഷിക്കണം…
താനവർക്കൊപ്പം നിൽക്കണമെന്നാണവർ പറഞ്ഞത്… അതെന്തിനാവും..?..
കൂടുതലൊന്നും മാർട്ടിന് ചിന്തിക്കേണ്ടി വന്നില്ല.. വാട്സാപ്പിൽ തുരുതുരെ മെസേജ്..ഏകദേശം പത്തോളം വോയ്സ് മെസേജ്..
മുഴുവൻ കേട്ട് കഴിഞ്ഞ് മാർട്ടിൽ ബെഡിലേക്ക് മലർന്ന് കിടന്നു.. പെട്ടെന്നൊരു തീരുമാനമെടുക്കാൻ മാർട്ടിനായില്ല.. അവന്റെ മനസൊന്ന് ചാഞ്ചാടിയിരുന്നു… അത്രയും കൊതിപ്പിക്കുന്ന ഓഫറാണ് ബെറ്റിയവന് കൊടുത്തത്,.. ആണായിപ്പിറന്ന ആർക്കും തട്ടിമാറ്റാനാവാത്ത നല്ല കിടിലൻ ഓഫർ… ഇപ്പൊഴല്ലങ്കിൽ പിന്നെ,ഇനിയൊരിക്കലും നടക്കാനിടയില്ലാത്ത, തനിക്ക് ചിന്തിക്കാൻ പോലും കഴിയാത്ത വാഗ്ദാനമാണ് ബെറ്റി അവന് മുന്നിൽ വെച്ചത്..
മാർട്ടിൻ ശരിക്കും ഒന്നുലഞ്ഞിരുന്നു..
പക്ഷേ, അവരുടെ ആവശ്യം.. അതിത്തിരി പ്രശ്നമാണ്..
എല്ലാ കാര്യങ്ങളും ബെറ്റിയവനോട് പറഞ്ഞു..
അവർക്ക് സണ്ണിച്ചനെ തകർക്കണം.. അതവനെ കൊന്നിട്ടായാലും.. ചന്ദ്രനുമായുള്ള ബന്ധവും, അവൾ യാതൊരു മടിയുമില്ലാതെ മാർട്ടിനോട് പറഞ്ഞു.. ഇനിയാ ബന്ധം ഉണ്ടാവില്ലെന്നും, താനിനി മാർട്ടിനുമായുള്ള ബന്ധമാണ് ആഗ്രഹിക്കുന്നതെന്നും ബെറ്റി പറഞ്ഞപ്പോ നിലത്ത് നിന്ന് ഒന്നുയർന്ന് ചാടാൻ തോന്നിപ്പോയി മാർട്ടിന്..
ബെറ്റിയുടെ ഓരോ വാക്കിലും മാർട്ടിൻ,
സണ്ണിയോടൊപ്പം നിന്നാലുള്ള ദോഷങ്ങളും,തന്റൊപ്പം നിന്നാലുള്ള ഗുണങ്ങളും അവനെ ഓർമപ്പെടുത്തുന്നുണ്ടായിരുന്നു…
നല്ല വശ്യമധുരമായ സ്വരത്തിൽ, ഏതൊരാളെയും മയക്കാൻ ശക്തിയുള്ള, കാമത്താൽ പൊതിഞ്ഞ, ബെറ്റിയുടെ വാക്കുകൾ മാർട്ടിനേയും ഇളക്കുന്നുണ്ടായിരുന്നു..