പിന്നെ മാനസിയെ ഉപദേശിക്കുമ്പോലെ പറഞ്ഞു,, മോളെ മാനസി,, ഇയാളുമായി കൂടുതൽ കമ്പനി കൂടാൻ നിക്കണ്ട,, സംസാരിക്കാൻ ആരെയെങ്കിലും കിട്ടിയാൽ പിന്നെ അയാളെ വധിച്ചിട്ടേ വിടത്തുള്ളൂ,,
മായ അത് പറഞ്ഞതും മാനസി പതിഞ്ഞ രീതിയിൽ ഒന്ന് പൊട്ടിച്ചിരിച്ചു ,,, ദത്തനും ആ ചിരിയിൽ പങ്കു ചേർന്നു,,
പിന്നെ മാനസി,, ദത്തനും നമ്മുടെ ഒപ്പം ലഞ്ചിന്‌ കാണും,, നിനക്ക് കുഴപ്പമില്ലല്ലോ??
ഏയ്,, ഇല്ല ചേച്ചി,, മാനസി മുഖത്തെ പുഞ്ചിരി മായാതെ പറഞ്ഞു,,,
സത്യത്തിൽ,, ഇങ്ങോട്ടു കയറി വരുന്ന സമയത്തു ആദ്യം ദത്തനെ കണ്ടപ്പോൾ മാനസിക്ക് നിരാശ തോന്നിയിരുന്നു,, മാനസിയുടെ ഇന്നത്തെ ആഗമന ഉദ്ദേശം തന്നെ മായേച്ചിയുമായി കുറച്ചു നേരം തനിച്ചു ചിലവഴിക്കുക,, പിന്നെ ഏറ്റവും മുഖ്യമായ തൻ്റെ ജോലിക്കാര്യത്തെ പറ്റി സംസാരിക്കുക എന്നതൊക്കെ ആയിരുന്നു,, പക്ഷെ ഇതിപ്പോൾ ഇങ്ങനെ ഒരു അന്യൻറ്റെ മുന്നിൽ വെച്ച് എങ്ങനെ തൻ്റെ കാര്യങ്ങളൊക്കെ മായേച്ചിയോടു പറയും എന്ന ആശങ്ക അവർക്കുണ്ടായിരുന്നു,,,
പക്ഷെ ഇപ്പോയെന്തോ ദത്തനുമായി കുറച്ചു നേരം സംസാരിച്ചപ്പോൾ തന്നെ താൻ അയാളുമായി പെട്ടെന്ന് കംഫോര്ട്ടബിൾ ആയി വരുന്നത് പോലെ മാനസിക്ക് തോന്നി,,,
മായ തുടർന്ന് സംസാരിച്ചു,,,
ആ പിന്നെ മാനസി,,, ഞാൻ നേരത്തെ പറഞ്ഞല്ലോ ദത്തൻ ഡൽഹി സ്റ്റെൽഡ് ആണെന്ന് അതുപോലെ ഒരുപാടു ബിസിസ്നെസ്സ് സ്വന്തമായുള്ള ഒരു വ്യവസായ പ്രമുഖൻ കൂടിയാണ് ദത്തൻ,,, ഒരുപാടു ഫാക്ടറികൾ, റീടൈൽ സ്റ്റോറുകൾ,തീയേറ്ററുകൾ അങ്ങനെ,,, അങ്ങനെ,,,
ഓ,, മതി മായെ,,, ഇനിയും പൊക്കിയാൽ എൻ്റെ ഈ കഷണ്ടിത്തല ചെന്ന് റൂഫിൽ ഇടിക്കും,, (അങ്ങനെ പറഞ്ഞു ദത്തൻ പൊട്ടിചിരിച്ചതും മായയും, മാനസിയും അയാളുടെ ആ ചിരിയിൽ പങ്കാളിലകളായി)
അതിരിക്കട്ടെ,, മാനസിയുടെ ഭർത്താവു എന്ത് ബിസിനെസ്സ് ആണ് ചെയ്യുന്നേ,,, ദത്തനായിരുന്നു അത് ചോദിച്ചത്,,,
ഇല്ല,, എൻ്റെ ഭർത്താവു ബിസിനെസ്സിൽ അല്ല,,, അദ്ദേഹം ഒരു ടീച്ചറാണ്,, കണക്കു ടീച്ചർ,,,
ഓഹ്,, കണക്കു ടീച്ചറോ?? അത്രയും പറഞ്ഞു ദത്തൻ പുകച്ചു ചുളിച്ചു,,
തൻ്റെ ആ പ്രതികരണം കണ്ടു ഒരു സംശയത്തോടെ തന്നെ നോക്കിയിരിക്കുന്ന മാനസിയോടായി ദത്തൻ തുടർന്ന് സംസാരിച്ചു,,,
ഓഹ്,,, ക്ഷമിക്കണം,, എനിക്ക് പഠിക്കുന്ന കാലം തൊട്ടേ കണക്കു ഇഷ്ട്ടമല്ല,, ബോറിങ്,, എനിക്ക് ഏറ്റവും ഇഷ്ട്ടപ്പെട്ട വിഷയം ഹിസ്റ്ററി ആയിരുന്നു,,,
ശേഷം ദത്തൻ ഹിസ്റ്ററി വിഷയങ്ങളായ വേൾഡ് വാറിനെ പറ്റിയും അതുപോലെ സമാനമായ മറ്റു വിഷയങ്ങളെ പറ്റിയും വാതോരാതെ സംസാരിച്ചു തുടങ്ങി,,,
ഏതാണ്ട് പത്തു മിനിറ്റോളം ദത്തൻറ്റെ ആ വധം കേട്ടതും മാനസി അറിയാതെ ഒരു കോട്ടുവായ വിട്ടുപോയി,,,
മാനസിയുടെ പ്രതികരണം കണ്ട മായ പെട്ടെന്ന് തന്നെ ദത്തൻറെ കയ്യിൽ ഒരു ഇടി കൊടുത്തു കൊണ്ട് “മതി,, ആ പെണ്ണിൻ്റെ തല തിന്നത്” എന്ന് പറഞ്ഞു കൊണ്ട് ദത്തന് ഒരു താക്കീത് കൊടുത്തു,,
മായ തുടർന്നു,,,
ഇവളുടെ ഭർത്താവ് പഠിപ്പിക്കുന്നത് കണക്കാണെങ്കിലും,, വീട്ടിൽ കൂട്ടുകാരുമൊത്തു ഇരുപത്തിനാലു മണിക്കൂറും ചർച്ച ചെയ്യുന്നത് ഇതുപോലുള്ള ചരിത്ര വിഷയങ്ങളാണ്,, അതിൽ നിന്നും ഒരു മോചനം തേടിയാ,, ആ കൊച്ചു ഇങ്ങോട്ടു വരുന്നത്,, ഇനി നീയും ഇവിടെ ഇരുന്നു ചരിത്രം വിളമ്പി ആ കൊച്ചിനെ വെറുപ്പിക്കല്ലേ,, പ്ളീസ്,,, ഒരു തമാശ രീതിയിൽ കൈകൾ കൂപ്പിക്കൊണ്ടായിരുന്നു മായ അവരുടെ വാക്കുകൾ അവസാനിപ്പിച്ചത്,,,
അതെന്താ?? മാനസിക്ക് ചരിത്രം ഇഷ്ടമല്ലേ? സോഫയിലേക്ക് ഒന്നൂടെ പിന്നോക്കം ചാരിയിരുന്നു,, അല്പം ഗൗരവമേറിയ സ്വരത്തിലായിരുന്നു ദത്തൻ അത് ചോദിച്ചത്,,,
ഏയ്,, ഇഷ്ട്ടമല്ല എന്നല്ല,,, ബട്ട്,, ഒരു വിഷയം തന്നെ കുറെ കാലമായി കേട്ട് കൊണ്ടിരിക്കുമ്പോൾ ആർക്കായാലും ബോർ അടിക്കില്ലേ?? അത്രയേ ഉള്ളൂ ,,, മാന്സിയും സോഫയിൽ ഒന്ന് ഇളകിയിരുന്നു,,,
ഓഹ്,, ഐ സീ,,, സൊ എന്താണ് മാനസിക്ക് ഏറ്റവും ഇഷ്ട്ടപ്പെട്ട കാര്യം?? ദത്തൻ അടുത്ത ചോദ്യം മുന്നോട്ടു വെച്ചു,,,
എനിക്ക് ഏറ്റവും ഇഷ്ട്ടപ്പെട്ടതോ ?? മാനസി സ്വയം ചോദിക്കുന്നത് പോലെ ആ ചോദ്യം ആവർത്തിച്ചു,,,
ദത്തൻ ഒന്നിന് പിറകെ ഒന്നായി മാനസിയോട് ഇങ്ങനെ സമ്സരിച്ചു കൊണ്ടിരുന്നപ്പോൾ,, ഇയാൾ കാര്യങ്ങൾ കുറച്ചു വേഗത്തിൽ അല്ലെ മുന്നോട്ടു കൊണ്ടുപോകുന്നേ?? അല്പം ആർത്തിക്കൂടുതൽ കാണിക്കുന്നില്ലേ? എന്ന സംശയം മായയുടെ ഉള്ളിൽ തോന്നിയെങ്കിലും അവർ ഒന്നും പറയാൻ നിന്നില്ല,, മറിച്ചു മാനസിയുടെ ഉത്തരത്തിനായി ദത്തനോടൊപ്പം മായയും മാനസിയുടെ മുഖത്തേക്ക് നോട്ടം തറപ്പിച്ചു,,,
മാനസിയോട് ഇങ്ങനെ ഒരു ചോദ്യം ഇതിനു മുമ്പ് ആരും ചോദിച്ചിരുന്നില്ല,, അവൾ ഒരിക്കലും അങ്ങനെയുള്ള കാര്യങ്ങൾ സ്വയം ചിന്തിച്ചിട്ടും ഇല്ലായിരുന്നു,, അതുകൊണ്ടു തന്നെ പെട്ടെന്ന് ഒരു ഉത്തരവും മാനസിയുടെ മനസ്സിൽ തെളിയുന്നില്ല,,,
അൽപ സമയം കഴിഞ്ഞിട്ടും മാനസിയുടെ ഭാഗത്തു നിന്നും പ്രതികരണമൊന്നും വരാതായപ്പോൾ അവളുടെ രക്ഷയ്ക്കെന്നപോലെ മായ ദത്തനോടായി പറഞ്ഞു,,,
നീ അവളെ വിട്ടേക്ക് ദത്താ,,, അല്ലേലും ഇതാ നിങ്ങൾ ബിസിനെസ്സ് കാരുടെ ഒരു പ്രശ്നം,,, ചുമ്മാ ആരോടെങ്കിലും സംസാരിക്കയാണെങ്കിലും അത് ഒരു ഇൻറ്റർവ്യൂ എടുക്കുന്ന കണക്കാ അവസാനം ആയിത്തീരുക!!
പക്ഷെ മായയുടെ ആ കാഴ്ചപ്പാടിനോട് മാനസി യോജിച്ചില്ല,,,
മാനസി പറഞ്ഞു,, അത് സാരമില്ല ചേച്ചി,, ശരിക്കു പറഞ്ഞാൽ എനിക്ക് ആ ചോദ്യം ഇഷ്ട്ടമായി,, പക്ഷെ പെട്ടെന്ന് ഒരു ഉത്തരം അങ്ങോട്ട്,,,
മാനസി,, വീണ്ടും ആലോചനയിൽ മുഴുകി,,, ദത്തൻറ്റെയും മായയുടെയും നോട്ടം വീണ്ടും മാനസിയുടെ നേർക്ക് പതിഞ്ഞു,,,
മാനസി ആഴത്തിൽ തന്നെ ചിന്തിച്ചു,,, എന്താണ് തനിക്ക് തന്റ്റെ ജീവിതത്തിൽ ഏറ്റവും ഇഷ്ട്ടപ്പെടുന്ന കാര്യം??
തൻ്റെ ജീവിതം എന്ന് പറയുന്നത് തൻ്റെ ആ കൊച്ചു ഫ്ലാറ്റും, ഹർഷനും, മോളുമാണ്,, അതിനു അപ്പുറത്തേക്കുള്ള ഒരു ലോകം അവൾ ഇന്നേവരെ സ്വപ്നം കണ്ടിട്ടില്ല!!
മാളൂട്ടി!! എൻ്റെ മോള് ,,, അതാണ് ജീവിതത്തിൽ എനിക്ക് ഏറ്റവും സന്തോഷം തരുന്ന കാര്യം (നിറഞ്ഞ പുഞ്ചിരിയോടെ ആയിരുന്നു മാനസി ആ മറുപടി പറഞ്ഞത്)
പക്ഷെ മാനസിയുടെ ആ മറുപടി കേട്ട ദത്തൻ അല്പം പുച്ഛത്തോടെ തലയിളക്കി,,, ശേഷം സ്മസാരിച്ചു തുടങ്ങി,,,
ഞാൻ അതല്ല ആ ചോദ്യം കൊണ്ട് ഉദ്ദേശിച്ചത്,, അതിപ്പോ സ്വന്തം മക്കളെ ആർക്കാ ഇഷ്ടമില്ലാത്തെ?? എനിക്കും മൂന്ന് മകകളുണ്ട്,, അതിൽ ഒരു മകൾക്കും ഒരു കുഞ്ഞുണ്ട്,, എനിക്കും അവരെ എല്ലാവരെയും ഇഷ്ട്ടമാണ്,,,
ഞാൻ ചോദിക്കുന്നത് മാനസി എന്ന വ്യക്തിക്ക് സ്വന്തമായി ചെയ്യാൻ ഇഷ്ട്ടമുള്ള കാര്യങ്ങൾ എന്തൊക്കെയാണ്,, എന്തിനോടാണ് നിങ്ങൾക്കു അഭിനിവേശമുള്ളതു,, എന്തൊക്കെ കാര്യങ്ങളാണ് നിങ്ങളെ സന്തോഷവതിയാക്കുക ??