നെക്സ്റ്റ്!!
ആ റിസപ്ഷനിൽ നിൽക്കുന്ന പയ്യൻറെ വിളി വന്നതും, മാനസിയുടെ മുന്നിൽ നിന്നിരുന്ന ആ മറുനാടൻ ദമ്പതികൾ റിസപ്ഷൻ ലക്ഷയമാക്കി നടന്നു,,
അവർ അകന്നു മാറാൻ കാത്തു നിന്ന കണക്കെ പിന്നിൽ നിന്നിരുന്ന യുവാക്കളിൽ ഒരുവൻ മാനസിയുടെ അടുത്തേക്ക് കുറച്ചു ചേർന്ന് നിന്ന് കൊണ്ട് ചോദിച്ചു,,,
നിങ്ങൾ കൊച്ചിക്കാരിയാണോ??
അവിചാരിതമായ ആ പെട്ടെന്നുള്ള ചോദ്യത്തിൽ മാനസി ചെറുതായി ഒന്ന് പതറിയെങ്കിലും,, അവൾ ‘അതെ’ എന്ന് പതിഞ്ഞ സ്വരത്തിൽ ആ ചെറുപ്പക്കാരന് മറുപടി നൽകി,,,
ഞാനും ബേസിക്കലി കൊച്ചി കാരൻ തന്നെയാ,, ബട്ട് ഇപ്പോൾ യൂറോപ്പിൽ സ്റ്റെൽഡ് ആണ്,, ഇപ്പോൾ ഒരു ബിസിനസ് ഡീൽ ക്ലോസ് ചെയ്യാൻ വന്നതാ,, അതും കോടികളുടെ ബിസിനസ് ഡീൽ,,,
അയാൾ പറയുന്നതൊക്കെ മാനസി ചെറുതായി തലയിളക്കിക്കൊണ്ടു മൂളിക്കേട്ടു,, ഒപ്പം ഇയാൾ എന്തിനാ ഇതൊക്കെ തന്നോട് പറയുന്നത് എന്ന് മനസ്സിൽ ചിന്തിക്കുകയും ചെയ്യുന്നുണ്ടായിരുന്നു,,
അപരൻ സംസാരം തുടർന്നു,,,
ഞങ്ങൾ ഇതുപോലെ ബിസിനസ് ആവശ്യങ്ങൾക്ക് വരുമ്പോൾ മിക്കവാറും ഈ ഹോട്ടലിലാണ് താമസിക്കാറു,, നിങ്ങളും ഇവിടെയാണോ താമസിക്കുന്നെ,,,
അയാളുടെ ആ ചോദ്യത്തിന് മാനസി അല്ല എന്ന അർത്ഥത്തിൽ തലയിളക്കി,,,
പിന്നെ ഇവിടെ നിങ്ങൾ മറ്റെന്തെങ്കിലും ആവശ്യത്തിന് വന്നതാണോ,, (അയാൾ വിടുന്ന ലക്ഷണമില്ല)
അതെ! ഞാൻ ഇവിടെ ഒരാളെ കാണാൻ വന്നതാ,, മാനസി നിഷ്കളങ്കമായി അയാൾക്ക് മറുപടി കൊടുത്തു,, (അവളുടെ ശബ്ദം ചെറുതായി വിറയ്ക്കുന്നുണ്ടായിരുന്നു)
മാനസിയുടെ ആ മറുപടി കേട്ടതും,, ആ അപരൻ പിന്നിൽ നിൽക്കുന്ന തൻ്റെ കൂട്ടുകാരന് കൈകൾ ഉയർത്തി തമ്പ്സപ്പ് കാണിച്ചു,,,
ഞങ്ങൾ നാളെ രാത്രി വരെ ഇവിടെ ഉണ്ടാകും,, മാടത്തിനെ കോൺടാക്ട് ചെയ്യാൻ വല്ല വിസിറ്റിങ് കാർഡോ അല്ലെങ്കിൽ മൊബൈൽ നമ്പറോ,,,
അയാൾ പറഞ്ഞു വരുന്നതിന്റെ പൊരുൾ മനസ്സിലാകാതെ മാനസി അയാളെ തന്നെ തുറിച്ചു നോക്കിക്കൊണ്ടിരിക്കെ ആ റിസപ്ഷനിൽ നിൽക്കുന്ന പയ്യൻ വീണ്ടും ഒച്ചയിട്ടു വിളിച്ചു
നെസ്റ്റ്!!
തൻ്റെ ഊഴം വന്നു എന്ന് തിരിച്ചറിഞ്ഞതും മാനസി ഒരു കുതിപ്പിന് റിസെപ്ഷൻറ്റെ മുന്നിലെത്തി,,,
മറ്റൊരു രീതിയിൽ പറഞ്ഞാൽ ആ പയ്യന്മാരുടെ ഇടയിൽ നിന്നും ഓടി രക്ഷപ്പെട്ടു എന്നും പറയാം!!
അല്ല,, ഇവിടെ ആ പയ്യന്മാരെയും കുറ്റം പറഞ്ഞിട്ട് കാര്യമില്ല,, കാണാൻ ഭംഗിയുള്ള യൗവ്വനയുക്തയായ ഒരു സ്ത്രീ,,, ഇത്രയും വലിയ ഹോട്ടെലിൽ വളരെ ട്രഡീഷണൽ വസ്ത്രത്തിൽ വന്നിരിക്കുന്നു,, അവർ ഇവിടെ അല്ല താമസം എന്നും പറയുന്നു,, അപ്പോൾ ഏതേലും ഗസ്റ്റിനു സർവീസ് കൊടുക്കാൻ വന്ന ഒരു കോൾ-ഗേൾ ആണെന്ന് അവർ സംശയിച്ചെങ്കിൽ, അത് തീർത്തും സ്വാഭാവികം!!
യെസ് മാം,, ഹൌ ക്യാൻ ഐ ഹെല്പ് യു ? ആ റിസപ്ഷൻ പയ്യൻറെ വകയായിരുന്നു ചോദ്യം,,
അത് ഞാൻ മായേച്ചിയെ,, അല്ല,, സോറി,, മായാ സുരേഷിനെ കാണാൻ വേണ്ടി,,, ആ പയ്യൻമാരുടെ ഇടയിൽ നിന്നും രക്ഷപ്പെട്ടു വന്ന പരിഭ്രാന്തി മാറാത്ത കണക്കെ മാനസി തപ്പിത്തടഞ്ഞു പറഞ്ഞു,,,
ഓ,, മായാ മേടത്തിനെ കാണാൻ വന്നതാണോ,, ഒരു നിറഞ്ഞ പുഞ്ചിരിയോടെ ആയിരുന്നു ആ റിസപ്ഷനിസ്റ്റ് ചോദിച്ചത്,,,
ശേഷം അയാൾ ഐപാഡിൽ ബുക്കിംഗ് ലിസ്റ്റ് നോക്കിയതിനു ശേഷം,, നിങ്ങളുടെ പേര് മാനസി എന്നാണോ എന്ന് ചോദിച്ചു ഉറപ്പു വരുത്തി,, എന്നിട്ടയാൾ ഒരു ആക്സസ് കാർഡ് മാനസിക്ക് കൈമാറി മാടത്തിനെ കാണാനുള്ള അനുവാദവും കൊടുത്തു,,,
തൻ്റെ കയ്യിൽ കിട്ടിയ ആക്സസ് കാർഡ് ഒരു പകപ്പോടെ തിരിച്ചും മറിച്ചും നോക്കുന്ന മാനസിയോടായി അയാൾ ചെറുചിരിയോടെ പറഞ്ഞു,,
അത് മായാ മാഡം താമസിക്കുന്ന ഫ്ലോറിലേക്കുള്ള ആക്സസ് കാർഡാണ്,, മാഡം ഇവിടെ ഒരു വി ഐ പി സ്യൂട്ടിലാണ് താമസം ,, ആ ഫ്ലോറിലേക്കു ആക്സസ് കാർഡില്ലാതെ പ്രവേശിക്കാൻ സാധിക്കില്ല,,,
‘മാനസി’ എല്ലാം മനസ്സിലായി എന്ന കണക്കെ തലയിളക്കി അവിടെ നിന്നും നടക്കാൻ തുടങ്ങിയതും,, മാഡത്തിന് ലിഫ്റ്റ് ഉപയോഗിക്കാം,, 35th ഫ്ലോർ,, റൂം നമ്പർ 3502 എന്നും അയാൾ പിന്നിൽ നിന്നും വിളിച്ചു പറഞ്ഞു,,,