എന്റെ കുട്ടി എന്നേ ഇനി ആന്റി എന്ന് വിളിക്കാണ്ടാട്ടോ…. അപ്പച്ചിന്നു വിളിച്ചാൽ മതി.
തുളസിയുടെ കണ്ണു നിറഞ്ഞു. ആരും ഇല്ലാത്ത അനാഥക്കു ആരൊക്കയോ ആയതു പോലെ.
അച്ചുവും അടുത്ത് വന്നു.
എന്റെ കണ്ണനെ തിരിച്ചു തന്ന ഇയാളോട് എന്താ ഇപ്പോൾ പറയുക.
ആ മതി… മതി…. എന്റെ മോളെ എല്ലാരും കുടെ കണ്ണു വെച്ചത്…. എല്ലാരുടെയും മൈൻഡ് ഒന്ന് ഒക്കെ ആകാൻ പറഞ്ഞു.
ആയ ആരുടെ മോളു… അച്ചു ആണ് മറുപടി നൽകിയത്..
എന്റെ പൊന്നു മൊളാ നീ പോടീ…. അവളെ തന്നോട് അടിപ്പിച്ചു കല്യാണി അമ്മ പറഞ്ഞു…
ആ അതൊക്കെ പോട്ടെ എല്ലാർക്കും യാത്രാ ക്ഷീണം കാണും പോയി ഒന്ന് ഫ്രെഷായി വാ…. മാധവൻ എല്ലാരോടുമായി പറഞ്ഞു.
എന്ന അങ്ങനെ ആകട്ടെ…… കേശവൻ വല്യച്ഛൻ കൃഷ്ണയുടെ തോളിൽ തട്ടി പറഞ്ഞു.
എല്ലാരും അവരുടെ റൂമിലേക്ക് പോയി.
പിന്നെ വിശേഷങ്ങൾ ഒക്കെ പറഞ്ഞു, ആഹാരം ഒക്കെ കഴിച്ചു, കളിയും, ചിരിയുമായി അന്നത്തെ രാത്രി സുന്ദരമാക്കി. എല്ലാരും കൂടെ ഉള്ള ഒരു ഒത്തുചേരൽ ആഘോഷമാക്കാൻ ആണ് പ്ലാൻ
പിറ്റേ ദിവസം ഓരോരുത്തവർ ആയി എത്തി ചേർന്ന്. അന്ന് ആണ് പൂജകൾക്കു തുടക്കം കുറിക്കുന്നെ.
കുരുത്തോല കൊണ്ടും, പൂക്കൾ കൊണ്ടും ക്ഷേത്രം അലങ്കരിച്ചു സുന്ദരമാക്കിയിരുന്നു. കോട്ടും, കുരവയും, മന്ത്ര ശബ്ദങ്ങളാലും സുന്ദരമായി അന്തരീക്ഷം.
അന്ന് വൈകുന്നേരം ഭഗവതി സേവ ആയതിനാൽ എല്ലാരും ഒത്തുകുടി. അച്ചുവിനെയും, തുളസിയെയും അവിടെ കണ്ടില്ല..
അവന്റെ കണ്ണുകൾ അവിടെ ആകെ തിരഞ്ഞു.
അപ്പോൾ ആണ് വീടിന്റെ ഫ്രണ്ടിൽ വാതുക്കൽ തന്നെ നോക്കി നിക്കുന്നതുളസിയിൽ അവന്റെ കണ്ണുടക്കിയത്. അവന്റെ മുഖം ഒന്ന് തുടുത്തു.
അവളെ ഒന്ന്കൂടി നോക്കിയ കൃഷ്ണയുടെ കണ്ണു വിരിഞ്ഞു.
വാ പൊളിച്ചു നിന്നു പോയി അവൻ ..
സെറ്റ് സാരി ഉടുത്തു സുന്ദരിയായി തുളസി.
പച്ച ബ്ലവുസും, സ്വർണ കസവോടു കൂടിയ സാരി. മുടി കെട്ടി ഒതുക്കി വെച്ചിരിക്കുന്നു. ഒരു സ്വർണ ജിമിക്കിയിട്ട്, കഴുത്തിൽ പച്ച പാലക്കാ മാലയണിഞ്ഞു, വലതു കയ്യിൽ രണ്ടു സ്വർണ വള അണിഞ്ഞു ഒരു അപ്സരസിനെ പോലെ നിക്കുന്നു അവൾ.
തന്നെ തന്നെ നോക്കി നിക്കുന്ന കൃഷ്ണയെ കൈ മാടി വിളിച്ചു അവൾ.
കുറച്ചു നേരം മുൻപേ പറത്തി വിട്ട കിളികളെ കുട്ടിൽ കേറ്റി അവൾക്കു അരികിലേക്ക് നടന്നു അവൻ.
എന്താ മോളെ ആകെ സെറ്റ് ആണല്ലോ. മോളുസ് ചേട്ടനെ ചീത്തയാക്കും ഉറപ്പാ…..
അയ്യടാ ഇങ്ങു വാ… ചേട്ടൻ.
പിന്നെ എന്തിനാ വിളിച്ചേ..
അതോ…
ആ.. പോരട്ടെ..
അതു മുല്ലപ്പു വേണം.. മേടിച്ചു തരുമോ….
അവൾ ഒരു കൊഞ്ചലോടെ ചോദിച്ചു
അത്യാവശ്യം ആണോ.
ആ.. എനിക്കും അച്ചുനും വേണം. പ്ലീസ്.
വാങ്ങി തന്നാൽ എന്തു തരും..
ഒരു കുത്തുതരും…… പോയി വാങ്ങു കണ്ണാ…
ആ ഒക്കെ ഒക്കെ. ഞാൻ പോയി നോക്കട്ടെ…
ഒരു ചിരിയോടെ അവൻ അവിടുന്ന് പോയി.