സുഹറ… സുഹറ…
രാവിലെ തന്നെ കിടക്ക പായയിൽ ഉമ്മയെ വിളിക്കുന്ന ശബ്ദമാണ് കേൾക്കുന്നത്…
ആമിന ഇത്ത യാണ്..
എന്താടി.. രാവിലെ തന്നെ.. ആരുടെ പരദൂഷണവും കൊണ്ടാണ് നീ ഇങ്ങോട്ട് …
ഒന്നു പോ ഇത്ത.. ഞാൻ അങ്ങനെ വല്ലവരുടെയും കുറ്റവും കുറവും പറഞ്ഞു നടക്കുക ആണല്ലോ…
ആ.. പിന്നെ.. നീയല്ലേ.. ഉമ്മ ഒരു ചിരിയോടെ ഇത്തയോട് പറയുന്നത് കേട്ടു..
ഇവർ രണ്ടു പേരും എന്റെ ഉറക്കം പോകുമല്ലോ.. പടച്ചോനെ…. കിടക്കയിൽ ഉള്ള തലയണ എടുത്തു ചെവി രണ്ടും പൊത്തി പിടിച്ചു കിടക്കുന്നതിന് ഇടയിലും ആമിന ഇത്തയുടെ ശബ്ദം നല്ലത് പോലെ കേൾക്കുന്നുണ്ട്…
എന്റെ ഇത്ത ഞാൻ അതൊന്നും പറയാൻ വന്നതെല്ല… നമ്മുടെ രാഘവട്ടന്റെ മോളില്ലേ…
ആര്.. സൗമ്യ യോ…
ഹേയ്.. അല്ല.. അത് മൂത്തവൾ.. ഇത് അതിന്റെ ഇളയത് ഒന്നില്ലേ.. മലപ്പുറത്തേക് കെട്ടിച്ചു വിട്ട..
ആ.. ലെച്ചു…
ആ.. അതെന്നെ..
ലെച്ചു വിന്റെ പേര് കേട്ടപ്പോൾ തന്നെ എന്റെ ഉറക്കം മുഴുവനും ഏതോ ഉഗാണ്ട വഴി പോയെന്ന് തോന്നുന്നു….
ഞാൻ പെട്ടന്ന് തന്നെ എഴുന്നേറ്റ് ഇരുന്നു.. ബെഡിൽ നിന്ന് പോലും അവരുടെ സംസാരം വെക്തിയമായി കേൾക്കുവാൻ പറ്റുന്നുണ്ടേലും വീണ്ടും കുറച്ചു കൂടേ അടുത്തേക് എത്തുവാനായി എന്റെ റൂമിന്റെ ജനവാതിലിന്റെ അരികിലേക് ചേർന്ന് നിന്നു..
അങ്ങോട്ട് നിന്നത് കാര്യമായെന്ന് തോന്നുന്നു.. പിന്നെ ഉള്ള ആമിനാത്ത യുടെ ശബ്ദം വളരെ കുറവായിരുന്നു..
അവൾക് എന്ത് പറ്റി… ഞാൻ കഴിഞ്ഞ ആഴ്ച കൂടേ കണ്ടത് ആണല്ലോ.. ഈ വഴി പോകുമ്പോൾ എല്ലാം ഇവിടെ കയറി അര മണിക്കൂർ സംസാരിച്ചേ പോകാറുള്ളൂ… ഉമ്മ ലെച്ചു വിന് എന്ത് പറ്റി എന്നറിയാതെ ആകാംഷ യോടെ ചോദിച്ചു…
ഓളെ.. ഓന് വേണ്ടാ എന്ന്.. ആ ചെറുക്കൻ ഇന്നലെ രാത്രി വീട്ടിൽ കൊണ്ടാക്കിയിട്ട് പോയെന്ന് കേട്ടു..
ടി.. ആമിന നീ ഇല്ലാത്ത വർത്തമാനം പറയരുതേ…
സത്യം ഇത്ത.. ഞാൻ ഇന്ന് പാല് വാങ്ങാൻ പോയപ്പോൾ അവരുടെ അടുത്ത വീട്ടിലെ പുഷ്പ പറഞ്ഞതാ…
ഏത്… സജീവന്റെ ഭാര്യ പുഷ്പയോ…
ആ.. അവൾ തന്നെ…
എന്നാലും.. എന്ത് നല്ല കുട്ടിയ.. എന്റെ നാസി ക് ഓളെ പോലെ ഉള്ള കുട്ടിയെ കിട്ടണേ എന്നായിരുന്നു ഞാൻ ഇന്ന് രാവിലെ പോലും നിസ്കാരം കഴിഞ്ഞു ദുആ ഇരന്നത്..
എന്നാൽ ആ ദുആ ഇങ്ങള് പെട്ടന്ന് തന്നെ മടക്കി കോളി… അത്ര നല്ലതൊന്നും അല്ല ഓളെ കുറിച്ച് കേൾക്കുന്നത്…
ലെച്ചു വിനെ കുറിച്ച് ആമിന ഇത്ത പറയാൻ പോകുന്നത് അത്ര നല്ല കാര്യം അല്ലന്ന് അറിയുന്നത് കൊണ്ട് തന്നെ എന്റെ ഞെരമ്പിൽ രക്തയോട്ടം വർധിച്ചു മൂക്കിന് തുമ്പിൽ ദേഷ്യം നിറയാൻ തുടങ്ങിയിട്ടുണ്ട്…
എന്നെ പരിചയപെടുതാൻ മറന്നു പോയിട്ടോ.. സാവധാനം മതി എന്ന് കരുതി പോയി. അല്ല ഇനി പറഞ്ഞില്ലേൽ ചിലപ്പോൾ ഈ പാർട്ട് കഴിഞ്ഞാലും പറയാറുണ്ടാവില്ല…
ഞാൻ നാസിം.. ഉമ്മയുടെ നാസി.. ഉപ്പ പിന്നെ വായിൽ കിട്ടുന്നത് മുഴുവൻ വിളിക്കും.. ഉപ്പാക് അങ്ങാടിയിൽ ഒരു പലചരക്കു കടയുണ്ട്.. പലചരക്കു കട എന്ന് പറയാൻ പറ്റില്ലാട്ടോ.. ഇപ്പൊ അതാണ്ഞങ്ങളുടെ നാട്ടിലെ സൂപ്പർ മാർക്കറ്റ്.. എകദേശം നല്ല വലുപ്പത്തിൽ പച്ചക്കറി യും പഴവും എല്ലാം കിട്ടുന്ന ഒരു മിനി മാർക്കറ്റ്…
ഞാനും അവിടെ തന്നെ യാണ്.. രാവിലെ നിസ്കാരം കഴിഞ്ഞു ഉപ്പ കട തുറക്കും.. ഞാൻ ഒരു പത്തു മണി ആകുമ്പോൾ ചായ കുടിച്ചു എത്തിയാൽ മതി…
വീട്ടിൽ ഒറ്റമോനാ. മറ്റാരും ഇല്ല കുറുമ്പ് കാട്ടാനും മറ്റൊന്നിനും…ബാക്കി എല്ലാം വഴിയേ പറയാം…
—–
ആമിന നീ ഇങ്ങനെ ഇല്ലാത്ത കാര്യം നാട് മുഴുവൻ കൊട്ടി പറയരുതേ..
എന്റെ ഇത്ത.. എനിക്ക് ഇത് കേട്ടപ്പോൾ തന്നെ ആരോടും പറയാതെ ഒരു സമാധാനവും ഇല്ല അതോണ്ട് അല്ലെ ഞാൻ ഈ പാൽ പാത്രം പോലും വീട്ടിലേക് വെക്കാതെ ഇങ്ങോട്ട് ഓടി വന്നത്… കയ്യിലുള്ള പാത്രം ഉമ്മയുടെ മുന്നിലേക്ക് നീട്ടി ആയിരുന്നു ആമിന ഇത്തയുടെ സംസാരം…
അവൾക് അവിടെ വേറെ ഒരുത്തനോട് ബന്ധം ഉണ്ട് പോലും.. രാത്രി ഓളെ ഓൻ ഇല്ലാത്ത സമയം വരവും പോകും ഉണ്ടെന്ന കേട്ടത്.. ഓളെ കുട്ടി പോലും ഇപ്പൊ ഓന്റെ അല്ല എന്ന ഓൻ പറയുന്നത്…
എന്റെ റബ്ബേ കുട്ടികളൊക്കെ ഇങ്ങനെ തുടങ്ങിയാൽ എന്താ ചെയ്യുക.. ഉമ്മ പോലും ആമിന ഇത്ത പറഞ്ഞത് വിശ്വസിച്ചെന്ന് തോന്നുന്നു… ഉമ്മയുടെ നെടുവീർപ് കേട്ടിട്ട് അങ്ങനെ ആണ് തോന്നുന്നത്..
എന്റെ ഇത്ത.. ലോകാവസാനം അല്ലെ വരുന്നത്.. ഇതും ഇതിലധികവും ഇനി കേൾകാം… പിന്നെ… ഇപ്പോളതെ കുട്ടികൾക്കൊന്നും യാതൊരു മറയും ഇല്ല.. കണ്ടോല കൂടേ വരെ ഇത് ചെയ്യാമെന്ന സ്ഥിതിയ..
എന്ത് ചെയ്യാന്നു… നീ എന്തൊക്കെയാ ആമിന ഈ പറയുന്നത്…
ഓ.. എന്റെ ഇത്ത.. അത് തന്നെ.. ഈ രാത്രി റൂമിൽ നിന്ന് കാട്ടി കൂട്ടുന്നതെ..
ടി പെണ്ണെ… ഒന്ന് പതിയെ പറ. എന്റെ മോൻ ഉണ്ട് ഉള്ളിൽ..
അല്ലെ.. അവൻ ഇത് വരെ എഴുന്നേറ്റ് പോയില്ലേ… നല്ല ആളാ.. ബാപ്പാനെ സഹായിക്കാൻ ആകെ ഉള്ള മുതലാണ്..
ഒന്നും പറയണ്ട ആമിന.. അവൻ രാത്രി ഒരു മണിയാകും കുടീൽ ഒന്ന് കയറാൻ…
ഇത്ത.. സൂക്ഷിക്കണേ.. വല്ലാത്ത കാലമാണ്.. ആരെ വീട്ടീന്ന ഇറങ്ങി വരുന്നത് എന്നൊന്നും നമുക്ക് അറിയില്ല.. ഇങ്ങനെ എന്തേലും പ്രശ്നത്തിൽ പോയി ചാടിയാലേ നമ്മളാറിയൂ.. പിന്നെ കരഞ്ഞിട്ടും മാറത്തു അടിച്ചിട്ടും ഒന്നും കാര്യമില്ല…
പോടീ.. എന്റെ മോനെ എനിക്കറിയാം.. അവനങ്ങനെ ഒന്നും ചെയ്യില്ല.. ഇതെ നമ്മുടെ അങ്ങാടിയിൽ പുതിയ ഒരു കളിക്കുന്ന സ്ഥലം ഉണ്ടല്ലോ.. എന്തോ ടാറോ.. മറ്റോ…
ടർഫ്..
ആ അതെന്നെ അതിൽ കളിച്ചു കൊണ്ട് ഇരിക്കുന്നത് കൊണ്ട നേരം വൈകുന്നത്..
ഹ്മ്മ്.. അതൊക്കെ ശരി തന്നെ.. എന്നാലും ഒരു നോട്ടം ഉണ്ടാവുന്നത് നല്ലതാ.. പിന്നെ പേപ്പറിൽ ഫോട്ടോ വന്നാലേ നമ്മൾ അറിയൂ.. അതും പറഞ്ഞു എനിക്കൊരു നല്ല കൊട്ടും വെച്ചു പരദൂഷണം ആമിന ഇത്ത സ്കൂട്ടായി…
എന്നാലും.. എന്റെ ഇത്ത.. ഇന്നത്തോടെ എന്റെ കളി ഏകദേശം മുടങ്ങി.. ഞാൻ മെല്ലെ അവിടെ നിന്നും തിരിഞ്ഞു ബെഡിലേക് പോയി ഇരുന്നു…
മനസ് മുഴുവൻ എന്റെ ലെച്ചു വാണ്…
ഒരു ഇളം കാറ്റ് പോലെ എന്നെ എന്തോ തഴുകുന്നു… മെല്ലെ എന്റെ കണ്ണുകൾ അടയുന്നത് പോലെ… കുഞ്ഞു സ്വാപ്നത്തിലേക് താഴ്ന്ന് ഇറങ്ങി തുടങ്ങി….
❤❤❤
നാസി.. എടാ നാസി…
എന്താ..
നീ ഒന്ന് പതിയെ പോ.. ഞാനും ആ വഴിക് തന്നെ അല്ലെ…
പിന്നെ. നീ വേണേൽ എന്റെ കൂടേ നടന്നോ… നിനക്ക് എന്താ ഒന്ന് വേഗത്തിൽ നടന്നാൽ.. അര മണിക്കൂർ ആണ് ഉപ്പ ഉച്ചക്ക് ഭക്ഷണം കഴിച്ചു വരുവാൻ തന്ന സമയം..
ഓ പിന്നെ.. അഞ്ചു മിനിറ്റ് വൈകിയാൽ നിന്റെ ബാപ്പ നിന്നെ പിടിച്ചു വിഴുങ്ങി കളയും. നീ ലെച്ചുവെച്ചിയുടെ കൂടേ ആയിരുന്നെന്നു പറഞ്ഞാൽ പോരെ…
ഏച്ചിയോ… ഒരു ഏച്ചി വന്നിരിക്കുന്നു.. ഞാൻ മെല്ലെ പിറകിലേക് തിരിഞ്ഞു കൊഞ്ഞനം കുത്തി കൊണ്ട് പറഞ്ഞു..