“ ഇതെന്താ ടോണിച്ചാ, ഇതിനും മാത്രം സാധനങ്ങൾ..?’
ടോണിയുടെ കയ്യിൽ രണ്ട് മൂന്ന് കവറുകൾ കണ്ട് ഷംസു ചോദിച്ചു.
“ എനിക്ക് ഉടുക്കാൻ ലുങ്കിയൊന്നുമില്ലെടാ.. കുറച്ച് ലുങ്കിയും, ടീ ഷർട്ടും വാങ്ങി.. നമുക്ക് പോയാലോ.. ഇനിയെന്തെങ്കിലും വാങ്ങാനുണ്ടോ… ?”
“ ഞാനിന്ന് രാത്രിയിലേക്ക് ബിരിയാണി ഉണ്ടാക്കാം എന്ന് കരുതി.. അതിനുള്ള സാധനങ്ങളൊക്കെ ഞാൻ വാങ്ങിയിട്ടുണ്ട്.. ഇത്ത നന്നായിട്ട് ബിരിയാണിയുണ്ടാക്കും..
പിന്നെ ടോണിച്ചാ.. ചൂടാക്കാൻ എന്തെങ്കിലും വാങ്ങിയാലോ.. രാത്രി മൊത്തം ഉറക്കൊഴിക്കേണ്ടതാ… നല്ല തണുപ്പുമായിരിക്കും..””
കള്ളച്ചിരിയോടെ ഷംസു പറഞ്ഞു.
“ അത് വേണോ ഷംസൂ…റംലാക്ക് അതൊക്കെ ഇഷ്ടമാകുമോ… ? “
മദ്യപിച്ച് അവളുടെ അടുത്തേക്ക് പോകുന്നത് ശരിയല്ലെന്ന് ടോണിക്ക് തോന്നി.
“ അതൊന്നും കുഴപ്പമില്ല ടോണിച്ചാ.. ഇക്ക നല്ല വെള്ളമായിരുന്നു.. ഏതായാലും ഒന്ന് വാങ്ങാം.. “
ഷംസുവിനെ പിന്നിലിരുത്തി ടോണി ബിവറേജിലേക്ക് വണ്ടി വിട്ടു. ഷംസു ഒരു ഫുള്ള് തന്നെ വാങ്ങി.
അവനിതൊരു ആഘോഷമാക്കാനുള്ള തീരുമാനമാണ്. ടോണി പറഞ്ഞ് കറിയാച്ചനുള്ള ഒരു കുപ്പിയും വാങ്ങി.
എല്ലാം കഴിഞ്ഞ് ചുരം കയറുമ്പോൾ നേരം ഉച്ചയായിരുന്നു.
=========================
കറിയാച്ചന്റെ കടക്ക് മുന്നിൽ ബുള്ളറ്റ് നിർത്തി രണ്ടാളും ഇറങ്ങി.
റംലക്ക് വാങ്ങിയ കവർ ടോണി, ഷംസുവിന്റെ കയ്യിൽ കൊടുത്തു.
“ ഇന്നാ… ഇത് കൊണ്ടുപോയി നിന്റെ ഇത്താക്ക് കൊടുക്ക്.. ഞാൻ വരുമ്പോഴേക്ക് ഒരുങ്ങിയിരിക്കാൻ പറ…”
ഷംസു വേഗമത് വാങ്ങി അവന്റെ സ്കൂട്ടിയുടെ സീറ്റ് പൊക്കി അതിനടിയിലേക്ക് വെച്ചു. അവൻ വാങ്ങിയ ചിക്കനും മറ്റ് സാധനങ്ങളും അവിടെ വെച്ചു.
ടോണി കവറുകളുമായി അകത്തക്ക് കയറി.ഉച്ചവരെയുള്ള കച്ചവടം കഴിഞ്ഞ് കറിയാച്ചൻ എല്ലാം വൃത്തിയാക്കുകയായിരു.
ടോണിയുടെ കയ്യിലുള്ള കവറുകളിലേക്ക് കറിയാച്ചന്റെ നോട്ടം പോയതും, ടോണി കുപ്പിയെടുത്ത് അയാൾക്ക് കൊടുത്തു.
അത് കിട്ടിയതോടെ കറിയാച്ചനെല്ലാം മറന്നു.
ടോണി അകത്തേക്ക് കയറി എല്ലാം അലമാരയിൽ വെച്ചു.
സുരേഷേട്ടൻ ആറ് കാലുകൾ നാട്ടി കോൺക്രീറ്റ് ചെയ്ത് ഉറപ്പിച്ചിട്ടുണ്ട്.
അതിൻമേൽ ഇനി ഇന്ന് തൊടാൻ പറ്റില്ല.
ടോണി ചെല്ലുമ്പോൾ അവർകൊണ്ടുവന്ന ഉച്ച ഭക്ഷണം
വട്ടം കൂടിയിരുന്ന് കഴിക്കുകയാണ്.
“ടോണി… കാല് നാട്ടിയിട്ടുണ്ട്.. ഇനി മുകളിലേക്കും,സൈഡിലേക്കുമുള്ളത് കട്ട് ചെയ്ത് വെക്കാം.. അതിൻമേൽ ഇന്നിനി പണിയൊന്നും നടക്കില്ല.. “”
ടോണിയെ കണ്ട് സുരേഷേട്ടൻ പറഞ്ഞു.
“ ശരി ചേട്ടാ.. അതൊക്കെ ചേട്ടന്റെ ഇഷ്ടം പോലെ ചെയ്തോ…”
ടോണി പണിയെല്ലാം നോക്കിക്കണ്ടു.
“ടോണിച്ചാ, വാ.. നമുക്ക് കഴിക്കാം.. “
കടയിൽ നിന്നും തല പുറത്തേക്കിട്ട് കറിയാച്ചൻ വിളിച്ചു.
രണ്ടാളും ഒരുമിച്ചിരുന്ന് ഭക്ഷണം കഴിച്ചു.
നാൻസി ചോറൊന്നും കൊണ്ട് പോവാറില്ല.. മൂന്ന്മണിക്ക് വന്നിട്ടേ അവൾ കഴിക്കൂ..
ഭക്ഷണം കഴിച്ച് ടോണി നന്നായിട്ടൊന്ന് ഉറങ്ങാൻ തീരുമാനിച്ചു.
ഇവിടെ വന്ന രണ്ട് രാത്രിയും ശരിക്കുറങ്ങിയിട്ടില്ല. ഇന്നും അത് തന്നെയാകും അവസ്ഥ. അത് കൊണ്ട് ഇപ്പോ നന്നായൊന്നുറങ്ങാം.
അവൻ കറിയാച്ചന്റെ മുറിയിലേക്കാണ് ഉറങ്ങാൻ കയറിയത്.
നാൻസിയുടെ മുറിയിൽ കിടന്നാൽ ശരിയാവില്ല.
രണ്ട് കഴപ്പികളും ഇപ്പോൾ വരും.
പിന്നെ ഉറങ്ങാൻ സമ്മതിക്കില്ല രണ്ടും.
ഇന്ന് രാത്രി ഇവിടെ നിന്ന് മാറി നിൽക്കാൻ നാൻസിയോടും, കറിയാച്ചനോടും എന്ത് നുണയാണ് പറയേണ്ടതെന്നാലോചിച്ച് അവൻ ഉറങ്ങാൻ കിടന്നു.
💋 💋 💋 💋 💋 💋
“വല്ലാത്തൊരു എടങ്ങേറായല്ലോ റംലാ…
ഇത്രയും ദിവസമുണ്ടായിട്ട് ഇന്നാണല്ലോ അവനിങ്ങോട്ട് വരാൻ തോന്നിയത്.. ?
ഇനിയിപ്പോ എന്താ ചെയ്യാ… ?”
നബീസു നിരാശയോടെ പറഞ്ഞു.
അനിയത്തിയുടെ വീട്ടിലേക്ക് മൗലീദ് പാരായണത്തിന് പോകാൻ ഒരുങ്ങുകയാണവർ..
അപ്പോഴാണ് റംലക്കൊരു കോൾ..
അവളുടെ ആങ്ങള റഷീദ് ഒരു മാസം മുൻപ് ഗൾഫിൽ നിന്നും ലീവിന് വന്നിട്ടുണ്ട്.
അവനിന്ന് വൈകുന്നേരം ഇങ്ങോട്ട് വരുന്നുണ്ടെന്ന് .