അങ്ങനെ സിനിമ ഒക്കെ കഴിഞ്ഞ ഞങ്ങൾ എല്ലാവരും ഞങ്ങളുടെ വീട്ടിലോട്ട് പുറപ്പെട്ട് …
ഞാൻ ഒരു 5 മണിയോടെ വീട്ടിൽ എത്തി… വീട്ടിൽ ചെന്ന് കയറിയ പാടെ അമ്മ അവിടെ കലി തുള്ളി എന്നെയും നോക്കി അച്ഛനുമായി അവിടെ ഉണ്ടായിരുന്നു.
നിന്നെ ഇതിനാണോടാ സ്കൂളിൽ വിടുന്നത്…. അമ്മ ദേഷ്യത്തോടെ എന്നോട് ചോദിച്ചു….
ഞാൻ ക്ലാസ്സ് കട്ട് ചേയ്ത പോയ കാര്യം അമ്മ അറിഞ്ഞ കാണും അതായിരിക്കും ഇങ്ങനെ കിടന്ന് ചൂടാവുന്നത് എന്ന് ഞാൻ വിചാരിച്ചു..
അത് അമ്മേ …. ഇത്രയും മാത്രം പറഞ്ഞ് തീരും മുൻപ് അമ്മ ചാടി കയറി എന്നോട് പറഞ്ഞ് : മിണ്ടരുത് നീ….
അങ്ങനെ അമ്മയുടെ കുറെ ചിത്ത വിളി ഞാൻ കേട്ടു… പക്ഷെ എന്നെ അത്ഭുതപെടുതിയത് അച്ഛന്റെ മാനo ആയിരുന്നു. ഞാൻ ആദ്യമായിട്ട് അല്ലായിരുന്നു സിനിമയ്ക്ക് പോകുന്നത് എന്ന് അച്ഛന് അറിയാമായിരുന്നു കാരണം ഞാൻ ക്ലാസ്സിൽ നടക്കുന്നത് എല്ലാം അച്ഛനോട പറയുമായിരുന്നു… അതു മാത്രമല്ല സാധാരണ അമ്മ എന്നെ ചീത്ത പറയുമ്പോൾ അച്ഛൻ ആയിരുന്നു എന്നെ രക്ഷിക്കുന്നത്. എന്നാൽ ഇന്ന് അച്ഛൻ മിടാതെ അവിടെ ഇരുന്നതെ ഉള്ളു…
ചിലപ്പോൾ പ്രിൻസിപ്പാൾ വിളിച്ച് വഴക്ക് പറഞ്ഞായിരിക്കും അതായിരിക്കും എന്ന് ഞാൻ സ്വയം ചിന്തിച്ചു…
അങ്ങനെ അമ്മയുടെ വഴക്ക് ഒക്കെ കഴിഞ്ഞ ഞാൻ എന്റെ ബാഗ് കൊണ്ട് അകത്തു വക്കാൻ പോയി… പോകുന്നേന് മുൻപ്പ് ഞാൻ അച്ഛന് ഇതോക്കെ എന്ത് എന്ന രീതിയിൽ ഞാൻ ഒരു പുഞ്ചിരി നല്കി എന്നാൽ അച്ഛൻ അങ്ങനെ തന്നെ ഇരുന്നു…. എന്റെ മനസ്സിൽ സംശ്യയങ്ങൾ ഇരച്ചു കയറി… എന്തായിരിക്കും അച്ഛൻ ഇങ്ങനെ ഇരിക്കാൻ കാരണം… ഞാൻ ബാഗ് വച്ച് മുറ്റത്തോട്ട് ഇറങ്ങി..
എത്ര ആലോചിച്ചിട്ടും ഒരു പിട്ടിയും ഇല്ല… ഒടുവിൽ അച്ഛനേട് തന്നെ ചോദിക്കാൻ തീരുമാനിച്ചു…
ഞാൻ എന്റെ വീട്ടിലോട്ട് കയറി… എന്റെ വീട് എന്ന പറഞ്ഞാൽ ആകെ 5 മൂറിയെ ഒള്ളു.. നല്ല വിശാമായ രു ഹാള് ഒരു അടുക്കള മൂന്ന് ബെഡ് റൂമും ഇതാണ് എന്റെ വീട് …
ഞാൻ നേരെ ഹാളിലുടെ അച്ഛന്റ യും അമ്മയുടെയും റൂമിലോട്ട് പോയി… എന്നാൽ അച്ഛൻ അവിടെ ഇല്ലായിരുന്നു… ഞാൻ നേരെ എന്റെ റൂമിലോട്ട് പോയി … അവിടെ ചെന്നപ്പോൾ അച്ഛൻ അവിടെ കട്ടിലിൽ ഇരുപ്പോണ്ടായിരുന്നു ….
അച്ഛാ എന്താ പറ്റിയത് ?… അച്ഛന് അറിയാവുന്നത് അല്ലെ ഞാൻ ഇങ്ങനെ ക്ലാസ്സ് കട്ട് ചെയ്യുന്നത് ഒക്കെ ?… ഞാനും കൂടെ ഇരുന്നിട്ട് ചോദിച്ച് ….
(ഞാൻ ഇടക്ക് ഒക്കെ ഇങ്ങനെ ക്ലാസ്സ് കട്ട് ചെയ്ത് സിനിമയ്ക്ക് ഒക്കെ അവരോടോപ്പം പോകാരുള്ളതാണ് … അത് അച്ഛന് അറിയാവുന്നത് ആണ്.. അച്ഛന് അത് കുഴപ്പമില്ലാത്തതുമാണ് കാരണം എനിക്ക് പരീക്ഷയ്ക്ക് ഒക്കെ അത്യാവിശം നല്ല മാർക്ക് കിട്ടുന്നത് കൊണ്ടാണ്… എനിക്കും എന്റെ ഗാങ്ങിനും എപ്പോഴും 70 percent above കിട്ടാരുണ്ട് )
മോനെ അത് ഒന്നും അല്ല പ്രശ്നം.. നിനക്ക് ആരെങ്കിലുമായിട്ട് പ്രണയം ഉണ്ടെങ്കിൽ അത് എന്നോട് പറഞ്ഞുടേ ?….. നിന്റെ എന്തേലും ഇഷ്ടത്തിന് ഞാൻ എതിര് നിന്നിട്ടുണ്ടോ?
എയ് പ്രണയമോ എനിക്കോ … ഒന്ന് പോയിക്കെ അച്ഛാ … അല്ല ആരാണ് ഇത് അച്ഛനോട് പറഞ്ഞത് …. ഞാൻ ചിരിച്ച് കൊണ്ട് അച്ഛനോട് ചോദിച്ചു
അപ്പോ നിനക്ക് ആ ലക്ഷ്മിയോട് പ്രമം ഒന്നും ഇല്ലേ…
ഒന്ന് പോയിക്കെ അച്ഛാ … ഈ പച്ചകള്ളം ആരാണ് അച്ഛനോട് പറഞ്ഞത്?… അവൾ എന്റെ ബെസ്റ്റ് ഫ്രണ്ട് മാത്രമാണ് ….
ബെസ്റ്റ് ഫ്രണ്ട് മാത്രം ആണല്ലോ?
അതെ അച്ഛാ സത്യം….
എന്നാൽ മോൻ പോയി കഴിക്ക്.. അമ്മയോട് ഞാൻ പറഞ്ഞോളാം.. ഇതുവരെ ഒന്നും കഴിച്ചില്ലല്ലോ …
വേണ്ട അച്ഛാ ഞാൻ പുറത്തു നിന്ന് കഴിച്ചു….
എന്നാൽ ശരി മോനെ ….
അല്ല അച്ഛാ ഇത് ആരാണ് അമ്മയോട് പറഞ്ഞത് ?…. (അച്ഛൻ അല്ല എന്ന എനിക്ക് ഉറപ്പാണ് കാരണം അച്ഛൻ ആണ് ഇത് അറിഞ്ഞത് എങ്കിൽ ആദ്യം എന്നോട ചോദിച്ചിട്ടെ അമ്മയാട് പറയത്തോള് എന്ന് എനിക്ക് ഉറപ്പാണ് )
അത് അറിഞ്ഞുടാ മോനെ…
അങ്ങനെ ആ പ്രശ്നം അവിടെ തീർന്നു… എന്നാലും എന്റെ മനസ്സിൽ ഒരു ചോദ്യം അവശേഷിച്ചു …. ആരായിരിക്കും ഈ കാര്യം വീട്ടിൽ പറഞ്ഞത്…
ഇതും ആലോചിച്ച് ഞാൻ വാതിൽക്കൽ നിൽക്കുമ്പോ അതാ ലക്ഷ്മി നടന്നു വരുന്നു… ( ലക്ഷ്മി എന്റെ അനിയത്തിയുടെ കൂടെ 10-ൽ പഠിച്ച കുട്ടിയാണ് . ഇപ്പോൾ എന്റെ അതേ സ്കൂളിലാണ്. കൂടാതെ ഞങ്ങളുടെ അയൽക്കാരുടെ ഏക സന്താനമാണ്… എന്റെ വീട്ടുകാർക്ക് ലക്ഷ്മിയോട് നല്ല സ്നേഹമാണ് … പക്ഷെ എനിക്ക് അവളെ കണ്ണ് എടുത്തി കണ്ടുടാ … കാരണം എനിക്ക് പാര വെക്കുക എന്നതാണ് അവളുടെ മെയിൽ ഹോബി…. വീട്ടിൽ എല്ലാവരും അവളെ ലച്ചു എന്നാണ് വിളിക്കാർ എന്നാൽ ഞാൻ അവളെ എച്ചി എന്നും….
പാര എന്ന് പറയുമ്പോൾ സ്കൂളിൽ എന്ത് നടന്നാലും അത് രണ്ട് ഇരട്ടി ആക്കി വീട്ടിൽ വന്ന് പറഞ്ഞ എന്നെ അമ്മയുടെ കയ്യിൽ നിന്ന് വഴക്ക് കേൾപ്പിക്കുക എന്നതാണ് അവളുടെ പരുപടി … നമ്മുക്ക് പിന്നെ സ്ഥിരം അമ്മയുടെ അടുത്ത നിന്ന് കേൾക്കുന്നത് കൊണ്ട് വലിയ പ്രശ്നം ഒന്നും ഇല്ല… )
ഇനി ഇവള് ആണോ ഈ കാര്യം വീട്ടിൽ പറഞ്ഞത് …. ആവാൻ സാധ്യത ഉണ്ട്.. ഞാൻ എന്റെ മനസ്സിൽ ആലോചിച്ചു…
ഡീ നീ ആണോ എനിക്ക് പ്രേമം ഉണ്ട് എന്ന് വീട്ടിൽ പറഞ്ഞത് ? …. അവൾ എന്റെ അടുത്ത് എത്തിയപ്പോൾ ഞാൻ ചോദിച്ചു
അതെ ഞാൻ തന്നെ ആണ് പറഞ്ഞത്… അവളുടെ മറുപടി….
എടീ ദൂഷട്ടെ നീ എന്തിനാ ഇങ്ങനത്തെ കള്ളത്തരം ഒക്കെ വീട്ടിൽ പറയുന്നത്…
കള്ളത്തരമോ… മോന് പ്രേമം ഇല്ലാഞ്ഞിട്ടിണോ അവളുടെ കൂടെ എപ്പഴും നടക്കുന്നത്…
ഒഹോ … ഒരു പെണ്ണുമായിട്ട് നടന്നാൽ അത് പ്രേമം ആണോ … അവൾ എന്റെ ഫ്രണ്ടാണ്.. ഫ്രണ്ട് മാത്രം കേട്ടല്ലോ…. പിന്നെ ഫ്രണ്ട് അല്ലേ തന്നെ ഇപ്പോൾ നിനക്ക് എന്താണ് …ഞാൻ എനിക്ക് ഇഷ്ടം ഉളവരുടെ കൂടെ നടക്കും…. അത് ഒന്നും നീ ശ്രദ്ധിക്കണ്ട കാര്യവും ഇല്ല… ഇവിടെ വന്ന് എഴുന്നള്ളിക്കുകയും ചെയല്ല …കേട്ടല്ലോ … ഞാൻ അവളോട് ദേഷ്യത്തിൽ തന്നെ പറഞ്ഞ എന്നിട്ട് മുറ്റത്തോട്ട് പോയി….
ഇനി ഇവൾ ഇതെല്ലാം പോയി ഇനി അമ്മയോട് പറയുമോ എന്തോ?…. ആ എന്തെല്ലും ആവട്ട് എന്ന് വിചാരിച്ചു ഞാൻ അവിടുന്ന് അകത്തു പോയി…..
അച്ഛൻ അമ്മയെ പറഞ്ഞ മനസ്സിലാക്കിയതു കൊണ്ടായിരിക്കും …. പിന്നേ അമ്മ അതിനെ പറ്റി ചോദിച്ചതോ പറഞ്ഞതൊ ഒന്നും ഇല്ല….
പിറ്റേന്ന് രാവിലെ അമ്മ തന്നെ ആണ് എന്നെ കുത്തിപ്പൊക്കി സ്കൂളിലോട്ട് വിട്ടു..
പതിവ് പോലെ സ്കൂളിൽ ചെന്നപ്പോൾ ലേറ്റ് ആയിരുന്നു… ക്ലാസ്സിലോട്ട് കയറിയപ്പോൾ ആദ്യ പീരിഡ് തുടങ്ങിയിരുന്നു …