“എന്നാ ഇതും കൂടി മുക്കിക്കോ.”
നേരത്തെ ഇട്ടിരുന്ന തുണി ബക്കറ്റിൽ ഇട്ടു.
“വേഗം കുളിച്ച് വാ ട്ടോ…അമ്മ അപ്പുറത്തേക്ക് പോകുവാ.”
“ആാ..”
സ്മിത അകത്തേക്ക് കേറി. കഴുകിയ അടിവസ്ത്രങ്ങൾ ജനൽ കമ്പിയിൽ വിരിച്ചിട്ട ശേഷം ഫോണുമെടുത്ത് പുറത്തിറങ്ങി രാധയുടെ വീട്ടിലേക്ക് നടന്നു.
“ചേച്ചീ….”
“ആഹ് വന്നോ? കേറിയിരുന്നോ സ്മിതേ…ഞാൻ ദേ ഈ തുണി വിരിച്ചിട്ട് ഇതാ വരുന്നു.”
“ചേട്ടൻ ഇല്ലേ?”
“കടയിൽ പോയിരിക്കയാ…ഭക്ഷണം വാങ്ങാൻ.”
ചാരി വെച്ചിരുന്ന ഡോർ തുറന്ന് സ്മിത അകത്തേക്ക് കേറി. തങ്ങളുടെ വീട് പോലെ തന്നെ ഒരെണ്ണം. ഒരു ഹാളും രണ്ട് കിടപ്പുമുറികളും. ഹാളിൽ തന്നെയാണ് ടിവി. ഹാളിൽ ഒരു പഴയ സോഫയുണ്ട്. പിന്നെ നാലഞ്ച് പ്ലാസ്റ്റിക്ക് കസേരകളും. സ്മിത ഫോൺ നോക്കി ഇരിക്കുമ്പോ അടുക്കള ഡോർ തുറന്നടയുന്ന ശബ്ദം കേട്ടു.
ഒരു ഈറൻ ലുങ്കി നെഞ്ചിൽ കയറ്റി കെട്ടി തലയിൽ തോർത്തുമായി രാധ കേറി വന്നു. സ്മിത ആദ്യമായിട്ടാണ് രാധയെ അങ്ങനെ കാണുന്നത്. ഓരോ അടി വെയ്ക്കുമ്പോഴും ദേഹം തുളുമ്പുന്നു.
“ഞാൻ തുണി മാറിയിട്ട് വരാട്ടോ. ഇരിക്കേ”
അതും പറഞ്ഞ് മുറിയിലേക്ക് കേറി വാതിൽ ചാരി. സ്മിതയുടെ ശ്രദ്ധ വാട്സ്ആപ്പിലും.
“എല്ലാം ഒതുക്കി കഴിഞ്ഞോ?”
രമേശേട്ടൻ്റെ ശബ്ദം കേട്ട് സ്മിത തലയുയർത്തി.
“ഒരു വിധം ചേട്ടാ…അവധി ദിവസം നോക്കി ബാക്കി സാധനങ്ങൾ കൂടി എടുത്ത് വെയ്ക്കണം.”
“ഇതിപ്പോ സൗകര്യമായില്ലേ. വാടകയും കുറവ്, സ്റ്റേഷനും അടുത്ത്. പിന്നെ അവൾക്കൊരു കൂട്ടും ആയല്ലോ.”
സ്മിത ഒന്ന് പുഞ്ചിരിച്ചു.
“ഞാൻ കുളിച്ചിട്ട് വരാം. എടിയേ പൊതി ഞാൻ ദേ അടുക്കളയിൽ വെച്ചിരിക്കാണെ.”
“ആ…” ഉള്ളിൽ നിന്ന് മറുപടി വന്നു.
മകനും കുളിച്ചു വന്നതിന് ശേഷം നാല് പേരും കൂടി കഴിക്കാൻ ഇരുന്നു. കാര്യങ്ങൾ സംസാരിച്ച് ഭക്ഷണം കഴിച്ച് തീർത്തു. രമേശന് രണ്ടെണ്ണം അടിക്കുന്ന ശീലമുണ്ട്. ചിന്തുവും രമേശനോപ്പം വീടിന് പുറത്ത് കസേരയിട്ട് ഇരുന്നാണ് ഭക്ഷണം കഴിക്കാൻ ഇരുന്നത്.
അടിക്കുന്നോ എന്ന് രമേശൻ അവനോട് ചോദിച്ചത് കേട്ട് സ്മിത അവനെ നോക്കി ഒന്ന് കണ്ണുരുട്ടി. അവൻ അത് കണ്ട് വേണ്ടെന്ന് മറുപടി പറഞ്ഞതും സ്മിതയുടെ ഫോണിൽ ആ മെസേജ് വന്നത്…
(തുടരും)