“”എന്നിട്ടെന്തു പറഞ്ഞു “” അവളുടെ കൂടെ ചിരിക്കുന്നതിനിടയിൽ ഞാൻ ചോദിച്ചു..
“”എന്ത് പറയാൻ, ഒന്നും പറഞ്ഞില്ല. പിന്നെ സംസാരിക്കാമെന്നു പറഞ്ഞു വച്ചു.””
“”അയ്യോ അതെന്താ അങ്ങനെ ചെയ്തേ… ഇനി അവർ തെറ്റിദ്ധരിക്കില്ലേ “”
“”അല്ലാതെ പിന്നെ ഞാൻ എന്ത് പറയണമായിരുന്നു… നിന്നെ ഇഷ്ടമല്ലാന്നു നുണപറയാനോ..no way.. അങ്ങനെ നുണ പറയേണ്ട ആവിശ്യം എനിക്കില്ല “” എന്റെ അടുത്തുനിന്നും എണീറ്റ് നിന്ന അവൾ എന്നെ നോക്കാതെ പറഞ്ഞു..
“”ചേച്ചി!! അതിനർത്ഥം ചേച്ചിക്ക് എന്നോട് പ്രണയമാണെന്നാണോ “” അല്പം ഞെട്ടലോടെ ഞാൻ ചോദിച്ചു..
“”അല്ലാന്നു ഞാൻ പറഞ്ഞില്ലല്ലോ.. എനിക്കിഷ്ടമാണ് ഒരുപാട്…. നിന്നെ സ്വന്തമാക്കാൻ ഏത് പെണ്ണാടാ ആഗ്രഹിക്കാത്തെ. പക്ഷെ നീ പേടിക്കണ്ട.. എനിക്ക് നിന്റെ എല്ലാ കാര്യങ്ങളും അറിയുന്നതല്ലേ.. അത് മനസിലാക്കാനുള്ള ബുദ്ധിയെനിക്കുണ്ട്. പിന്നെ എന്റെ ഇഷ്ടം അത് എന്നും എന്റെ ഉള്ളിൽ ഉണ്ടാവും “” ഒരു മങ്ങിയ ചിരിയോടെ അവൾ പറഞ്ഞു തീർത്തു.
എനിക്കൊന്നും മനസിലാവുന്നില്ല.. ജീവിതം ഇത്രക്ക് സുന്ദരമാണോ.. അതോ ഇത്രെയും ബുദ്ധിമുട്ടുള്ളതായിരുന്നോ? മാഡത്തിനും എന്നോട് പ്രണയമുണ്ട്.
“”എന്താടാ മിണ്ടാതിരിക്കുന്നെ.. നീ ഒന്നും വിചാരിക്കേണ്ട.. ഞാൻ പറഞ്ഞില്ലേ .. ജീവിതകാലം മുഴുവൻ ഒരു ബെസ്റ്റി ആയി ഞാൻ ഉണ്ടാവും.. അത് മതി.”” എന്റെ മിണ്ടാട്ടം കണ്ടപ്പോൾ അവൾ പറഞ്ഞു.
“”എന്തിനാടി ചേച്ചി പെണ്ണെ ഇങ്ങനെ എന്നെ വിഷമിപ്പിക്കുന്നത്.. നീ ഇങ്ങനെയൊക്കെ പറയുമ്പോൾ അറിയാതെ എനിക്കും ഇഷ്ടം തോന്നുവാ “” അവളുടെ അടുത്തേക്ക് ചെന്നു. അവളുടെ മുഖം കൈകളിൽ കോരിയെടുത്തു ഞാൻ പറഞ്ഞു. എന്റെ കണ്ണുകൾ അൽപ്പം തുളുമ്പി..
“”അയ്യേ എന്റെ മോൻ കരയുന്നോ.. വന്നേ “” എന്റെ കണ്ണുകൾ തുടച്ചു എന്റെ കൈകൾ പിടിച്ചു കൊണ്ടു എന്നെ ചേർത്ത് പിടിക്കുന്നതിനിടയിൽ അവൾ പറഞ്ഞു.
കുറച്ചു സമയം ഒന്നും ഉരിയാടാതെ പരസ്പരം സ്നേഹിച്ചു ഞങ്ങൾ കെട്ടിപിടിച്ചു..
“”ടാ … ഒന്നും പേടിക്കണ്ട എന്നും ഞാൻ ഉണ്ടാവും.. ഇപ്പോൾ ഉള്ള പ്രശ്നങ്ങൾ തീരട്ടെ.. അതാണ് വലുത്. ഇപ്പോൾ നീ പൊക്കോ എനിക്ക് ഒറ്റയ്ക്ക് കുറച്ചു നേരം കരയണം “” വിതുമ്പി കൊണ്ടവൾ പറഞ്ഞു..
“”വേണ്ട.. ഈ അവസ്ഥയിൽ നിന്നെ ഞാൻ ഒറ്റക്കിട്ടു പോവില്ല..””
“”വേണ്ട പോ.. പ്ലീസ് ഞാൻ പറഞ്ഞാൽ കേൾക്കില്ലേ..”” എന്റെ ശരീരത്തിൽ നിന്നും മാറി കൊണ്ടു ഞാൻ പറഞ്ഞു..
“”പോകാം.. കുറച്ചു കഴിഞ്ഞോട്ടെ.. ഇവിടെ വന്നേ..”” അവളെ എന്നിലേക്ക് വലിച്ചടുപ്പിച്ചു..
ആ ചുണ്ടുകൾ ഞാൻ സ്നേഹത്തോടെ നുണഞ്ഞു അവളും!!
“”ഇനി ഞാൻ പോകാം.. സമാധാനമായിട്ടിരിക്കു.. ഇനി ഓഫീസിൽ വരുമ്പോൾ ഇതിന്റെ സങ്കടം കാണിച്ചു നടക്കരുത് “” അവളുടെ മനസ്സ് ഇപ്പോൾ ഒറ്റക്ക് നിൽക്കാനാണ് ആഗ്രഹിക്കുന്നത്. അത് മനസിലാക്കിയ ഞാൻ അവളോട് പറഞ്ഞു..
ഒരു മൂളൽ മാത്രമായിരുന്നു മറുപടി. കുറച്ചു നേരം കണ്ണോട് കണ്ണുകൾ നോക്കി നിന്നു ഞാൻ റൂമിലേക്ക് നടന്നു….
പാവം ചിലപ്പോൾ ഒരുപാട് ആഗ്രഹിച്ചു കാണും.. ആഗ്രഹിച്ചതൊന്നും എല്ലാർക്കും കിട്ടണമെന്നില്ലല്ലോ. തിരക്കേറിയ റോടുകളിൽ ഒരു ഭ്രാന്തനെ പോലെ ചിന്തിച്ചു ഞാൻ നടന്നു.
റൂമിലെത്തിയപ്പോഴും ഞാൻ വേറെ ഏതോ ലോകത്തായിരുന്നു.. വാതിൽ തുറന്ന അവരെ കൂടുതൽ മൈൻഡ് ചെയ്യാതെ ഞാൻ ബെഡിൽ പോയി കിടന്നു..
“”എന്ത് പറ്റി.. ആകെ ഒരു വിഷമം “” എന്റെ കൈകളിൽ പിടിച്ചു മിയ ചോദിച്ചു. ആവണി അടുത്ത് പേടിയോടെ എന്നെ നോക്കി നിന്നു..
“”ഒന്നുമില്ലെടീ.. ഞാൻ കൂട്ടുകാരന്റെ കൂടെ കുറച്ചു നേരം സംസാരിച്ചു.. അവന്റെ അവസ്ഥ കേട്ടത് മുതൽ ഒരു….”” ഒരു നുണ തട്ടിവിട്ടു..
“”ഹോ സാരമില്ല… ഞാൻ നിനക്കെന്തെങ്കിലും പ്രശ്നമുണ്ടെന്നു കരുതി പേടിച്ചു “” സമാധാനത്തോടെ ആവണി പറഞ്ഞു.
“”എന്നാലും നീയൊക്കെ ഇങ്ങനെ മൂഡ് out ആയാലോ.. “” മിയ ചോദിച്ചു.
അപ്പോഴേക്കും മൂന്നു പേരുടെയും ഫോണിൽ ഒരേ സമയം മെസ്സേജ് വന്നു. കമ്പനി ഒഫീഷ്യൽ ഗ്രൂപ്പിൽ നിന്നാണ്..
“” Our staff ജെയ്സൺ will be the next assistant മാനേജർ of സ്പാർട്ടൻസ് ഗ്രൂപ്പ് “”
അത് വായിച്ചതും ഞങ്ങൾ മൂന്നു പേരുടെയും കണ്ണുകൾ നിറഞ്ഞു.. എന്റെ വിഷമങ്ങൾ പോയി മാഡത്തിനോട് ഒരു കടപാട് തോന്നി.. മിയയും ആവണിയും എന്നെ കെട്ടിപിടിച്ചു ഉമ്മ തന്നു..
“”എംഡി നേരിട്ടയച്ച മെസ്സേജ് ആണ്.. നിന്റെ ഒരു ഭാഗ്യം മോനെ “” കരഞ്ഞും ചിരിച്ചും സന്തോഷത്തോടെ മിയ പറഞ്ഞു..
“”എനിക്ക് ഒന്നും പറയാൻ സാധിക്കുന്നില്ല.. “” വാക്കുകൾ കിട്ടാതെ ആവണി പറഞ്ഞു..
“”ഒന്നും പറയണ്ട.. എന്റെ സ്വപ്നങ്ങളിലേക്കുള്ള രണ്ടാമത്തെ ചവിട്ടുപടിയാണിത്.. ഈ വാക്കുകൾ എനിക്കൊരുപാട് സന്തോഷം തരുന്നതാണ്. “”
“”എന്തായാലും ഇത് നമുക്കാഘോഷിക്കണം.. അല്ലെടീ “” ആവണിയെ നോക്കി മിയ പറഞ്ഞു..
പിന്നെ ഒന്നും നോക്കിയില്ല വസ്ത്രം മാറലും റൂം ലോക്ക് ചെയ്യലും ഇറങ്ങലും കഴിഞ്ഞു. ഇടയ്ക്കു മാഡത്തിന് ഒരു മെസ്സേജ് ചെയ്തിട്ടു.. അങ്ങനെ ഞങ്ങൾ മൂന്നു പേരും ഒരു മാളിൽ കയറി… ഫുഡ് ഓർഡർ ചെയ്തു കഴിച്ചു.. വിഷമങ്ങളൊക്കെ മൂന്നുപേരും മറന്നാസ്വാധിച്ചു… ഒച്ചയും ബഹളവുമായി മാളു മൊത്തം ഞങ്ങൾ.. ഏതോ ഒരു ഹിന്ദി സിനിമക്ക് കയറി മനസിലാവാത്ത രംഗങ്ങൾക്ക് പോലും ഞങ്ങൾ ആർത്തു കൂവി.. പലരും ഞങ്ങളുടെ കൂടെ കൂടി ആർത്തുല്ലസിച്ചു. ആവണിയൊക്കെ ഇങ്ങനെ ആസ്വദിക്കുന്നത് ഞാൻ ആദ്യമായിട്ടാണ് കാണുന്നത്.. എല്ലാം കഴിഞ്ഞു തിരിച്ചു. ഞങ്ങൾ റൂമിലേക്ക് നടന്നു..
സ്ട്രീറ്റ് ലൈറ്റിന്റെ വെളിച്ചത്തിൽ നിലാവുള്ള ആ രാത്രിയിൽ വാഹനങ്ങളുടെ വലിയ ബഹളമില്ലാതെ ശാന്തരായി മൂന്നുപേരും നടന്നു.. ഒരു കയ്യിൽ ആവണിയും മറുകയ്യിൽ മിയയും പിടിച്ചിരിക്കുന്നു.. രണ്ടു പേരും ശരീരത്തോട് ചേർന്നാണ് നടക്കുന്നത്. വല്ലാത്തൊരു ഫീൽ ആയിരുന്നു അത്..
“”എന്തൊരു രസാല്ലേ ഇങ്ങനെ കറങ്ങി നടക്കാൻ..”” ആകാശത്തെ അമ്പിളിയെ നോക്കി ആവണി പറഞ്ഞു..
“”സത്യം നല്ല രസായിരുന്നു ഇന്ന്. എല്ലാം വേദനകളും മറന്നു നല്ലോണം ആസ്വദിച്ചു “”
അത് കേട്ടപ്പോൾ മിയ കണ്ണു മിഴിച്ചു എന്നെ നോക്കി.
“”അതിനു നിനക്കെന്തു പ്രശ്നം.. നീ ഹാപ്പിയല്ലേ “”
ഒന്നുമറിയാതെ ആവണി ചോദിച്ചു..
“”ഇപ്പോൾ നല്ലോണം ഹാപ്പി ആണ് “” കൂടുതൽ സംസാരിക്കാൻ നിൽക്കാതെ അവിടെ ഒരു കോമഡി ഇട്ടു.. മിയ അപ്പോഴും മുന്നോട്ടു നോക്കി എന്തോ ആലോചിച്ചു നടക്കുകയായിരുന്നു..