ഞാൻ ഒന്ന് ചിരിച്ചോണ്ട് പതിയെ എഴുന്നേറ്റ്. ഫുഡ്‌ കൊടുക്കുന്നതിൽ ഇപ്പോൾ യാതൊരു കുഴപ്പമില്ല ന്ന് ഡോക്ടർ പറഞ്ഞിട്ടുണ്ട്.. പക്ഷെ പെണ്ണിനെ ഒന്ന് കളിപ്പിക്കണം ന്നേ കരുതിയുള്ളു.
തിരിച്ചു ബ്രെഡ് ഓംപ്ലേറ്റുമായി തിരിച്ചെത്തുമ്പോൾ അവളെന്നെ നോക്കി കിടപ്പുണ്ടായിരുന്നു.
“” ന്നാ.. ഇനിയിപ്പോ ഇത് കാട്ടാഞ്ഞിട്ട് വേണ്ടാ.. “”
“” താങ്ക്സ്.. “”
“” ആയിക്കോട്ടെ.. “” ഞാൻ പതിയെ അവളെ നോക്കി ഇരുന്നു.. ആ കണ്ണുകളിൽ ഇപ്പോ എല്ലാത്തിനോടുമൊരു അത്ഭുതം, ഇടക്ക് ആ ചുണ്ടിനെ തലോടി നാവ് നാനവറിയിക്കുന്നുണ്ട്.
വായിലെക്ക് വച്ചൊരു കടി എടുത്തതും ആ ആ മിഴികൾ അടഞ്ഞു.. പിന്നെ ചുണ്ടിന്റെ കോണിൽ ഒരു ചിരി വിരിഞ്ഞിറങ്ങുന്നത് ഞാൻ കണ്ടു. അത് മതി എനിക്ക്,
“” കിടക്കണ്ടേ ഡാ.. ഇങ്ങനെ ഓരോന്ന് പറഞ്ഞിരുന്നാൽ ന്റെ കൊച്ചിന് വല്ലസുകോം വരും.. “”
“” കിടക്കണോ ഇപ്പോളെ… “” അവളൊന്ന് ചിണുങ്ങി ചുണ്ടുകൂർപ്പിച്ചു, ഈ കഴിഞ്ഞു പോയ ഓരോ നിമിഷവും ഞാൻ തൊട്ടറിയുകയായിരുന്നു ന്റെ പെണ്ണിന്റെ തിരിച്ചുവരവ്, അല്ലങ്കിൽ അവളുടെ സന്തോഷം.
ആദ്യ കാഴ്ചയിലെ പ്രണയമായിരുന്നില്ല അവളെനിക്, എന്നുമവളെനിക്ക് അത്ഭുതമായിരുന്നു, സ്നേഹം കൊണ്ടൊരു മായാജാലം തീർക്കുന്ന അത്ഭുതം
“” പിന്നെ വേണ്ടേ… ബാ… “”
“” ന്നാ എനിക്കി … നെഞ്ചിന്റെ ചൂടറിഞ്ഞു കിടക്കണം ന്ന്.. പറ്റുവോ…?? “”
മറുപടി ക്കായി ആ കണ്ണുകൾ ന്റെ മുഖമാകെ തിരയുമ്പോൾ, ഒരുപാട് കളിപ്പിക്കാൻ തോന്നിയില്ല, ആ പച്ച ബെഡ്ഷീറ്റ് ചെറുതായി ഉയർത്തി അവൾക്കൊരം ചേർന്ന് കിടന്ന്, ഞാൻ കിടന്നെന്ന് അറിഞ്ഞതും അവൾ ന്റെ ഷർട്ട്‌ ന്റെ ബട്ടൻസ് ഒന്നുരണ്ടെണ്ണം അഴിച്ചു വളഞ്ഞു മാറ്റി നെഞ്ചിൽ തല ചെയ്ച്ചു, വലതുകൈ ന്റെ നെഞ്ചിലെ രോമങ്ങളിൽ കഥകൾ കുറിച്ചു.
“” ഇവിടെ ഇങ്ങനെ കിടക്കുമ്പോൾ ന്തോ വല്ലാത്തൊരു ധൈര്യാ.. ഒന്നും വരില്ലെന്ന് ആരോ ഉള്ളിൽ നിന്ന് പറയുന്നത് പോലെ.. “”
“” അത് വേറാരുമല്ലെന്റെ പെണ്ണെ ന്റെ പ്രാണനാ.. അത് പറയണേ… “”
“” നന്ദി പ്രിയനേ… എന്നും ഒരച്ഛനെപോലെ ന്നേ ഈ നെഞ്ചിൽ ചേർത്തുപിടിച്ചതിന്..,
ഒരമ്മയെ പോലെ ന്റെ വേദനകളെയും വാശികളെയും ഈ നെഞ്ചിൽ ചുമന്നതിനു..,
കൂടപ്പിറപ്പിനെ പോലെ ശകാരിച്ചതിനു,കുസൃതി കാട്ടിയതിനു,
എല്ലാത്തിനുമുപരി എന്നുമീ നെഞ്ചിൽ ചേർത്തി മിടിപ്പ് എനിക്കായി നൽകിയതിന്..,, “”
“” ഏഹ്ഹ് എന്താടോ ഇത് മാപ്പ് പറച്ചിലോ.. എങ്കിൽ എല്ലാകൂടെ ഒരുപാട് കടലാസിൽ എഴുതി തന്നേരെ ഞാൻ സൗകര്യമുള്ളപോലെ വായിച്ചോളാം.. “”
“” മിണ്ടാണ്ട് കിടക്ക് ജന്തു… “”
കുറച്ചു നേരത്തേക്ക് പിണക്കമൊന്നുമില്ല, ഏഹ് ഉറങ്ങിയോ.. അങ്ങനെ വരാൻ സാധ്യതയില്ലല്ലോ..
“”ഏട്ടാ…. “”” അഹ് വിളിവന്നു… മിണ്ടില്ല കൂർക്കം വലിക്കുന്നത് പോലെ കാട്ടി
“” കള്ള ഉറക്കം നടിച്ചാ നല്ല പിച്ച് പിച്ചുട്ടോ… “”
എന്നിട്ടും ഞാൻ കണ്ണ് തുറക്കാതെ ആയപ്പോ പെണ്ണ് കിടന്ന് ചിണുങ്ങാൻ തുടങ്ങി
“” ഏട്ടാ…….. “”
“” ഓ പറയെന്റെ പെണ്ണെ.. ഉറങ്ങിട്ടില്ല..!””
“” കെട്ടിപിടി…””
“” ഏഹ് ഇപ്പൊ പിന്നെ പിടിച്ചേക്കുന്നതെന്തുവാ കൊച്ചേ.. “”
“” അഹ് അതല്ല.. മുറുക്കെ കെട്ടിപിടി… “”
“” എടി വേദനിക്കും നിനക്ക്.. ചുമ്മാ ഓരോന്ന് കാണിച്ചു ഇല്ലാത്ത ഓരോന്ന് ഉണ്ടാക്കി വക്കല്ലേ…’”
“” ഒന്നുല്ല.. പിടിക്കാൻ പറ്റുവോ ഇല്ലയോ.. ഇപ്പൊ അറിയണം നിക്ക്.. “”
“” ഇനി അതിന്റെ പേരിൽ ബഹളം വേണ്ടാ.. ഹ്മ്മ്…. മതിയോ…’””
അവൾക് വലിയ ബുദ്ധിമുട്ട് തോന്നാത്തക്കവണ്ണം കെട്ടിപിടിച്ചതും കൊഞ്ചിക്കൊണ്ട് പെണ്ണെന്റെ നെഞ്ചിൽ മുഖമിട്ടുരച്ചു.
“” ഇനി വല്ലതുമുണ്ടോ തമ്പുരാട്ടിക്ക്… “”
ഞാൻ അവളുടെ കളികൾ കണ്ട് ചോദിച്ചുപ്പോയി
“” ണ്ട് പറയട്ടെ…? “” ആ കണ്ണുകൾ പെടുന്നനെ ന്റെ മുഖത്തേക്ക് നോട്ടമെറിഞ്ഞു
“” ഇത് തീർന്നില്ലേ… “”
“” ന്നാ പോ… ഞാൻ ചോദിക്കുന്നില്ല.. “”
“”ഞാൻ വെറുതെ പറഞ്ഞതല്ലേ.. ന്റെ പെണ്ണിന്റെ ആഗ്രഹം അല്ലാതെ വേറെ ആരുടെ ആഗ്രഹമാ ഞാൻ തീർക്കാ… “”
“” ഉണ്ടല്ലോ.. നിങ്ങടെ പഴേ ആള്.. അഹ് അഞ്ചു.. ചെല്ല് പോ.. ന്നോട് മിണ്ടണ്ട.. “”
അവള് കെറുവിച്ചു തിരിഞ്ഞു കിടന്ന് അപ്പോളും ന്റെ കൈ ചുറ്റി ആ വയറിനു മുകളിൽ വച്ചിട്ടുണ്ട്..
“” ന്നാ പ്പോ.. വലിയ ഡിമാന്റ് ആണെകിൽ നിക്ക് കേൾക്കണ്ട.. “”
“” ആഹ്ഹ് അങ്ങനെ പറയല്ലേ… ചോദിക്ക് ഒന്നുടെ…’ ഞാൻ പറയാം.!!.””
ഞാൻ കാര്യമായിട്ടാണെന്ന് മനസിലായതും പെണ്ണ് പെട്ടെന്ന് തിരിഞ്ഞു കിടന്നേന്റെ ഷട്ടിൽ പിടുത്തമിട്ടു. ഞാൻ ഒന്ന് ഏക്കിച്ചിരിച്ചു ഉടനെ
“” ന്ത്‌ ദുഷ്ടനാന്ന് നോക്കിയേ… പോടാ… “”
“” ചുമ്മാ ഒരുപാട് രസത്തിനല്ലെടാ.. ഇനി പറ ന്താ ന്റെ കൊച്ചിന്റെ ആഗ്രഹം.. “”
“” പറയട്ടെ…””
“” മ്മ്മ്.. പറയ്.. “”
“” സത്യായിട്ടും പറയുമേ… “”
“” നീ ധൈര്യായിട്ട് പറഞ്ഞോ.. “”
“” ന്നാ …. പണ്ട് കോളേജിൽ പഠിക്കുമ്പോൾ ഞാൻ പിണങ്ങുമ്പോൾ ഒരുപാട് കൂട്ടം കാണിക്കില്ലായിരുന്നോ.. ദേ ഇവിടെ കടിച്ചിട്ട് അമർത്തിയോരുമ്മ… “”
ഇടക്ക് അവളെന്തോ ഓർത്ത്.. പഴേ കാര്യമായിരികാം. പണ്ടവൾ ന്നോട് പിണങ്ങി ഏതേലും മൂലക്ക് പോയിരിക്കും., അധികം ആളുള്ള സ്ഥലം അവളാ സമയം തിരഞ്ഞെടുക്കില്ല കാരണം ഞാൻ പിണക്കം മാറ്റാൻ വരുമെന്നവൾക് അറിയാം. അപ്പോളെല്ലാം കവിളിൽ ഒരു കടി കൊടുത്ത് ആ ഭാഗത്തു അമർത്തിയൊരു ഉമ്മ കൊടുത്താണ് പെണ്ണിന്റെ പിണക്കം മാറ്റുന്നെ.. അതാണ് പെണ്ണ് പറഞ്ഞ് വരുന്നേ .
“” അതിന് നിന്റെ പിണക്കം മാറിയില്ലേ.. ഇനിയെന്തിനാ..?? “”
ഞാൻ അവളെയൊന്ന് വട്ട് പിടിക്കാൻ നോക്കി.ഉടനെ നെഞ്ചിൽ ഒരു പോറൽ ആഹ്ഹ് അവള് കടിച്ചതാ..
“” ആര് പറഞ്ഞ് ന്റെ പിണക്കം മാറിയിന്ന്… ഞാൻ ഇപ്പോളും പിണക്കത്തിലാ… “”
ചുണ്ട് രണ്ട് സൈഡിലേക്ക് കോട്ടി അവൾ പരിഭവം കാണിച്ചു തിരിഞ്ഞു കിടന്ന്.. ഒരു പത്തു മിനിറ്റ് കഴിഞു ഞാൻ ഒരു ചിരിയോടെ ഉയർന്നു പൊങ്ങി പുറകിലൂടെ തലയെത്തിച്ചു അവളുടെ കവിളിൽ വേദനയില്ലാത്ത ഒരു കടി കൊടുത്തൂ പിന്നീട് അവിടെ തന്നെ അമർത്തിയൊരു ഉമ്മയും, കുറച്ചുനേരം ആ കവിളിൽ ന്റെ ചുണ്ടുകൾ പതിഞ്ഞിരുന്നു.