“അല്ല പറഞ്ഞ് പറഞ്ഞ് നീ ആ അണ്ണാച്ചിയെ പ്രേമിക്കാൻ തുടങ്ങിയോ?”
” ഞാനോ, ആ അണ്ണാച്ചിയെയോ നല്ല കഥയായി ”
“പിന്നെന്തിനാ അവന്റെ കാര്യത്തിൽ നിനക്കിത്ര ശുഷ്കാന്തി. അവൻ നിനക്ക് വല്ല കൈമടക്കും തന്നോ?”
“അങ്ങനെയൊന്നുമില്ല. പക്ഷേ, … അയാളൊരു നല്ല വ വ്യക്തിയാണെന്ന് എനിക്ക് ഫീൽ ചെയ്യുന്നു”
“ഓ…. നിന്റെയൊരു ഫീലിങ്ങ് ” സുമയ്യ പുച്ഛഭാവത്തിൽ ചുണ്ടുകൾ കോട്ടി
“നീയെന്നെ വല്ലാണ്ട് പുച്ഛിക്കുകയൊന്നും വേണ്ട. നീ തന്നെയല്ലെ അയാൾക്ക് എന്നോട് ഇഷ്ടമാണെന്ന് എന്നോട് പറഞ്ഞത്.?”
“അതെന്റെ ഒരുഹമല്ലേ,…. ഞാൻ പറഞ്ഞത് അയാളിനിയും നിന്റെ പുറകെ വരുകയാണെങ്കിൽ നിന്നോട് ഇഷ്ടമാണെന്നല്ലേ.”
” അതേ…. പക്ഷേ എന്റെ മനസ് പറയുന്നു അയാൾക്ക് എന്നോട് ഇഷ്ടമുണ്ടായിട്ടാണ് മാറി നടക്കുന്നതെന്ന്.”
” നിന്നോട് ഇഷ്ടമുണ്ടായിട്ടാണ് അയാൾ മാറി നാടക്കുന്നതെങ്കിൽ ഇപ്പോൾ നിന്റെ പിന്നാലെ നടക്കുന്ന മണു കൂസൻമാരെകാൾ മാന്യനാണ് ”
“അങ്ങനെ തന്നെയാണ് എനിക്കും ഫീൽ ചെയ്തത് ”
“അയാൾക്ക് നിന്നോട് ഇഷ്ടമുണ്ടെങ്കിൽ അയാൾ ഇനിയും നീ കാണാതെ നിന്റെ വഴിയിലൂടെ വരും… നിന്നെ കാണാനായി മാത്രം “
ഇനി അയാളെന്നെ കാണാൻ വേണ്ടി ശ്രമിക്കുമോ?
അയാളുടെയുള്ളിൽ നിന്നോട് യഥാർത്ഥ ഇഷ്ടമുണ്ടെങ്കിൽ അയാളിനിയും നിന്നെ കാണാൻ ശ്രമിക്കും
അതെന്താ അങ്ങനെ
അതാണ് മോളെ യഥാർത്ഥ പ്രണയം. അതറിയണമെങ്കിൽ പ്രണയിക്കുക തന്നെ വേണം. അല്ലാതെ പ്രണയം ശരിയല്ലണം പറഞ്ഞ് നടക്കുന്നവർക്ക് അത് മനസ്സിലാവില്ല.
അല്ല യഥാർത്ഥ പ്രണയം അവിടെ നിൽക്കട്ടെ. നിനക്കെങനെ അറിയാം യഥാർത്ഥ പ്രണയത്തെ കുറിച്ച്.നിനക്ക് വല്ല പ്രണയവുമുണ്ടോ? നെറ്റി ചുളിച്ചു കൊണ്ട് ഷഹാനസുമയ്യയോട് ചോദിച്ചു.
എനിക്കങ്ങനെയൊന്നുമില്ല പറഞ്ഞ് കേട്ടതാണ് പരുങ്ങലോടുകൂടി അവൾ പറഞ്ഞു
നീയങ്ങനെ ഉരുണ്ടു കളിക്കണ്ട ഞാനായിട്ട് ആരോടും പറയാൻ പോകുന്നില്ല.സത്യം എന്നോട് പറ സുമയ്യയുടെ മുഖഭാവം ശ്രദ്ധിച്ചു കൊണ്ട് ഷഹാനപറഞ്ഞു.
ഞാനെങ്ങനെ യത് നിന്നോടു പറയും
നീയൊന്ന് പറ ഞാനത് കേൾക്കട്ടെ ശരി ഞാൻ പറയാം. പക്ഷേ നീയായിട്ട് ആരോടുമത് പറയരുതേ അവൾ ഒരു വട്ടം കൂടി അപേക്ഷിച്ചു.
ഇല്ലെടീ ഇനിയൊരു കാര്യവും നിന്നോട് ഞാൻ മറച്ച് വെക്കില്ല. എന്നോട് ക്ഷമിക്കെടീ സുമയ്യ വരാന്തയിലേക്ക് കയറി ഷഹാനയെ കെട്ടിപ്പിടിച്ചു. അവളുടെ കൺകോണുകളിൽ നനവുണ്ടായിരുന്നു.
എടീ ഷഹാന, നീ ഇവളെയിങ്ങനെ കെട്ടിപ്പിടിച്ചു നിൽക്കാതെ എന്നെയൊന്ന് കെട്ടിപ്പിടിച്ച് നോക്ക്. നിനക്കെന്ത് വേണമെങ്കിലും ഞാൻ തരാം. വരാന്തയിലൂടെ നടന്ന് വന്ന മിധുൻ ഒരു വളിച്ച ചിരിയോടെ അവളോട് പറഞ്ഞു.
പെട്ടന്ന് തന്നെ ഷഹാന സുമയ്യയിൽ നിന്ന് അടർന്നു മാറി.കാലിൽ നിന്ന് ചെരിപ്പൂരിയെടുത്തു.
ആ കണ്ണുകൾ ചുവന്നിരുന്നു. അവൾ മൂർച്ചയുള്ള ഒരു നോട്ടത്തോടെ അവനോട് ചോദിച്ചു എന്താടാ നിനക്ക് വേണ്ടത്
ഒന്നുമില്ല
പിന്നെ ഞാൻ കേട്ടതോ ,ഒരു വട്ടം കൂടെ പറ ഞാനൊന്ന് കേൾക്കട്ടെ
അത് എന്നെയൊന്ന് കെട്ടിപ്പിടിക്കാൻ.. ട്ടേ ഷഹാനയുടെ കൈ ഉയർന്നു താണു. സുമയ്യ ഞെട്ടലോടെ ഷഹാനയുടെ മുഖത്തേക്ക് നോക്കി.
തുടരും.
