പുറകിൽ നിന്ന് മാമി ഇടപ്പെട്ടു…. അതോടെ മാമന്റെ സ്വാഗതംചെയ്യൽ അവസാനിച്ചു….
“““എന്തൊക്കെയാണ് വിശേഷം?”””
കോലായിലേക്ക് കയറിയതും മാമി തുടങ്ങി…..
“““സുഖം””””
“““ഊണ് കഴിച്ചോ മോൻ?”””
“““അതെന്ത് ചോദ്യാ…. നീ പോയി ചോറ് വിളമ്പ്…. ഇനിയതവാ കഴിച്ചതാണെങ്കിലും അവൻ ഒന്നൂടെ കഴിച്ചോളും””””
എനിക്ക് പിന്നാലെ കയറിയ മാമനാണ് ആ ഡയലോഗ് പറഞ്ഞത്…..
“““ശരി വാ”””
എന്ന് പറഞ്ഞ് മാമി അകത്തേക്ക് നടക്കാൻ ഒരുങ്ങുമ്പോഴാണ് പുറത്തെ ശബ്ദം കേട്ട് നമ്മുടെ ആള് ഇറങ്ങി വരുന്നത്…..
ഒരു മറൂൺ നിറത്തിലുള്ള ചുരിദാറും കറുപ്പ് പാന്റുമിട്ട് മുടി ഉച്ചിയിൽ കൊണ്ടകെട്ടി വെച്ച് ചിരിച്ചോണ്ട് വന്ന അമ്മ പെട്ടന്നെനെ കണ്ടതും യക്ഷി കുരിശ് കണ്ടത് പോലായി….. ആ മുഖത്ത് ആകെയൊരു പരവേശം….
“““കണ്ടോടീ ചേച്ചി….. നിന്നെ കാണാണ്ടിരിക്കാൻ വയ്യാന്ന് പറഞ്ഞ് ഓടി പിടിച്ചു വന്നതാ നിന്റെ മോൻ….. ചെല്ല്, മുറീകൊണ്ടോയി താരാട്ട് പാടി ഉറക്കി കൊടുക്ക് ഇളാകുഞ്ഞിനെ””””
സാഹചര്യം വീണ്ടും വഷളാക്കാൻ വേണ്ടി മാമന്റെയൊരു വളിച്ച കോമഡി….. എന്നിട്ട് സ്വയം ചിരിക്കാ പണ്ടാരകാലൻ…. ചങ്കരനൊത്ത ചക്കിയെന്ന് പറയുന്നത് പോലെ മാമിയും അത് കേട്ട് ചിരിച്ചു….. അമ്മയുടെ മുഖം ആകെ വിളറി പോയി….. എനിക്കും ആകെയൊരു ചമ്മൽ….
“““മാമി ചോറെടുക്ക്…. വിശക്കുന്നു”””
ആ സീൻ അവിടെ അവസാനിപ്പിക്കാൻ വേണ്ടി ഞാൻ വയറ് തടവി കൊണ്ട് പറഞ്ഞതും മാമി അകത്തേക്ക് ചെന്നു….. ഒപ്പം എന്നെയൊന്ന് ഇരുത്തി നോക്കിയിട്ട് അമ്മയും…… ആ നോട്ടത്തിൽ ഞാൻ ഉരുകി പോവുമെന്ന് തോന്നി….
അകത്തേക്ക് കയറിയപ്പോൾ അമ്മച്ചനും അമ്മാമ്മയും ഒരേയൊരു പേരക്കുട്ടിയെ കുറേ കാലത്തിന് ശേഷം കണ്ടതിന്റെ സ്നേഹം പ്രകടിപ്പിച്ചു…. അത് കഴിഞ്ഞ് ചോറ് കഴിക്കാൻ ഇരുന്നു….. പിന്നെ വൈകുന്നേരം വരെ അമ്മച്ചന്റെയും അമ്മാമ്മയുടേം കൂടെ ഇരുന്നിട്ട് വെയില് പോയപ്പോൾ മാമന്റെ കൂടെ കറങ്ങാൻ ഇറങ്ങി….. അതുവരെ അമ്മയെനോട് മിണ്ടാനേ വന്നില്ല….. വീട്ടിൽ പരിചയമില്ലാത്ത ആരോ വന്നത് പോലെ ഒഴിഞ്ഞു മാറി നടന്നു…. ഇടയ്ക്ക് കണ്ണുംകണ്ണും കൂട്ടി മുട്ടുമ്പോൾ ഒരു കലിപ്പിച്ച നോട്ടവും….
അമ്മയോട് സംസാരിച്ച് പ്രശ്നം പരിഹരിക്കാമെന്ന് കരുതി വന്ന എനിക്ക് മാമന്റെ കൂടെ പുറത്തേക്ക് ഇറങ്ങിയപ്പോൾ അമ്മയിൽ നിന്ന് രക്ഷപ്പെട്ടത് പോലെയാണ് തോന്നിയത്…. അമ്മയുടെ മൗനവും ആ നോട്ടവും ഒക്കെ എന്നെ അസ്വസ്ഥനാക്കുന്നുണ്ടായിരുന്നു….. ഇനി എന്തായാലും ഇവിടെ വെച്ച് സംസാരിക്കാൻ കഴിയുമെന്ന് തോന്നുന്നില്ല…. നാളെ തിരിച്ച് പോവുമ്പോൾ കാറിലിരുന്ന് സംസാരിക്കാം….. അതിന് അമ്മ എന്റെ കൂടെ വരാൻ കൂട്ടാക്കുമോ എന്തോ….. നോക്കാം!!
മാമനുമൊത്ത് തറവാടിന്റെ പുറകിലെ പറമ്പിലൂടെയൊക്കെ നടന്നു….. ഇവിടെയൊന്നും ഒരു മാറ്റവും സംഭവിച്ചിട്ടില്ല….. പിന്നെ തറവാട്ടിലെ എന്റെ പ്രിയപ്പെട്ട സ്ഥലമായ കുളക്കടവിലേക്ക് പോയി….. തറവാട്ടിൽ വന്നാൽ പിന്നെയെന്റെ കുളിയൊക്കെ ഈ കുളത്തിലാണ്…. ഞാനും മാമനും കൂടി കുളത്തിലിറങ്ങി, കുറേനേരം നീന്തിയിട്ട് അന്തരീക്ഷം ഇരുണ്ട് തുടങ്ങിയപ്പോഴാണ് കയറിയത്….. തിരിച്ച് പോവും വഴി ജാംബമരം കുലുക്കി കുറച്ച് ജാംബക്കയും പെറുക്കിയെടുത്തു….. ഇട്ടോണ്ട് വന്ന ഡ്രസ്സല്ലാതെ വേറൊന്നും ഇല്ലാഞ്ഞത് കൊണ്ട് കുളത്തിലെ നീരാട്ട് കഴിഞ്ഞ് മാമന്റെ ഒരു ബനിയനും കാവി മുണ്ടുമാണ് ഞാൻ ധരിച്ചത്…… ജാംബക്ക ഞാനാ മുണ്ടിനുള്ളിൽ നിറച്ചു…..
അടുക്കള വഴിയാണ് ഞങ്ങൾ തിരികെ കയറിയത്…… അമ്മയും മാമിയും അവിടെ എന്തോ കഥയൊക്കെ പറഞ്ഞ് നിൽപ്പുണ്ടായിരുന്നു…..
“““കുളത്തിലിറങ്ങിയല്ലേ…… എന്റെ പൊന്ന് മനുഷ്യാ, നിങ്ങക്കല്ലേ കുളത്തിലെ വെള്ളം പറ്റാത്തത്…. എന്റെ നാത്തു, ഇങ്ങേർക്കിപ്പോ കുറച്ചായിട്ട് കുളത്തിലിറങ്ങിയാ അടുത്ത ദിവസം പനിയുറപ്പാ…… എന്നിട്ട് പോയി ചാടി വന്നത് നോക്ക്”””