“““എന്താടാ ഒറ്റയ്ക്ക് നിലാവും നോക്കിയൊരു ഇരിപ്പ്….. വല്ല പെണ്ണും മനസ്സിളക്കിയോ?””””
“““ഒന്ന് പോ മാമാ…… പെണ്ണേ””””
മാമൻ ചോദിച്ചത് ഏറെക്കുറെ ശരിയാണെങ്കിലും ഞാനല്പം പുച്ഛത്തോടെ അത് തള്ളി…..
“““നീയെന്റെ പെങ്ങടെ മോൻ തന്നെ…. മുരടൻ…….. എടാ നീ ഈ മാമനെ പോലെ ഇച്ചിരി റൊമാന്റിക് ആവെടാ….. പെണ്ണ് വന്നാലല്ലേ ജീവിതത്തിന് ഒരു ത്രില്ലുള്ളു”””
“““ഓ മുപ്പത്തിയഞ്ചാം വയസ്സില് പെണ്ണ് കെട്ടിയപ്പോഴല്ലേ മാമന്റെ ലൈഫിൽ ത്രില്ല് വന്നത്….. അത് വെച്ച് നോക്കുമ്പോ എനിക്കിനീം ഒരുപാട് സമയണ്ട്””””
മാമനിട്ട് തിരിച്ച് കൊട്ടാനുള്ള അവസരം ഞാൻ മുതലാക്കി…. അതിൽ മാമന്റെ പത്തിയൊന്ന് താഴ്ന്നു……
പിന്നെ കുറച്ചു നേരത്തെ ശാന്തതയ്ക്ക് ശേഷമാണ് മാമൻ വീണ്ടും സംസാരിച്ച് തുടങ്ങിയത്…..
“““മോനേ മിലങ്കുട്ടാ””””
“““എന്തോ””””
മാമൻ വിളിച്ച അതേ ഈണത്തിൽ ഞാൻ വിളി കേട്ടു….
“““ഇന്ന് രാത്രി മോൻ അമ്മേടെ കൂടെ കിടക്കോ?”””
“““ഏഹ് അതെന്താ?””””
ഒട്ടും ചിന്തിക്കാതെയാണ് ഞാൻ കാര്യം ചോദിച്ചത്….. അപ്പോൾ മാമൻ ഇരുന്ന് പരുങ്ങി….. ഒരു കള്ള ചിരിയും……. അതിലെനിക്ക് കാര്യം കത്തി…… സാധാരണ ഞാൻ വരുമ്പോൾ മാമന്റെ കൂടെയാണ് കിടക്കാറ്, മാമി അമ്മയുടെ കൂടെയും…… ഇപ്പൊ പക്ഷെ പഴയ പോലെയല്ല, മാമനിപ്പൊ മൈസൂരാണ് ജോലി, വാരാന്ത്യങ്ങളിൽ മാത്രേ നാട്ടിൽ വരാൻ കഴിയു…… അപ്പൊ അവർക്ക് ഭാര്യക്കും ഭർത്താവിനും അവരുടെ സ്വകാര്യത വേണമല്ലോ…. ഏത്…… ഷേ… ഞാൻ അത് തീരേ ചിന്തിച്ചില്ല…..
“““ഉം…. ശരി ശരി….. നമ്മളൊരു ശല്യമാവാനില്ലേ”””
ഞാൻ മാമനെ കളിയാക്കി കൊണ്ട് പറഞ്ഞു…..
അങ്ങനെയാണെങ്കിൽ ഇന്ന് രാത്രി അമ്മയോട് സംസാരിച്ച് സോറിയും പറഞ്ഞ് കാര്യങ്ങൾക്ക് സമാധാനം കണ്ടുപിടിക്കാലോ എന്നായിരുന്നു എന്റെ ചിന്ത…..
അത് കഴിഞ്ഞ് ഞങ്ങളെല്ലാരും ഒരുമിച്ച് അത്താഴം കഴിക്കാൻ ഇരുന്നു….. അമ്മയെന്റെ തൊട്ടടുത്താണ് ഇരുന്നത്….. ഞങ്ങൾ തമ്മിലുള്ള അകൽച്ച വേറെയാരും അറിയാതിരിക്കാൻ ഞങ്ങള് രണ്ടുപേരും അഭിനയിച്ചെങ്കിലും ഞങ്ങൾ പരസ്പരം ഒന്നും മിണ്ടിയില്ല….. അത്താഴം കഴിഞ്ഞ് സീരിയൽ പ്രവാഹം അവസാനിച്ചത് കൊണ്ട് ഞാൻ ടീവിക്ക് മുന്നിൽ ഇരുന്നു….. അമ്മച്ചനും അമ്മാമ്മയും അവരവരുടെ മരുന്നുകളെല്ലാം കഴിച്ചിട്ട് കിടക്കാൻ പോയി….. മാമൻ എന്റെ കൂടെ ടീവിയുടെ മുന്നിൽ ഇരുന്നു….. ഒടുക്കം അടുക്കളയിലെ പണികൾ തീർത്ത് മാമി വന്നപ്പോൾ മാമൻ വേഗം ഗുഡ് നൈറ്റ് പറഞ്ഞ് മാമിയേം കൂട്ടി മുകളിലെ നിലയിലുള്ള അവരുടെ മുറിയിലേക്ക് പോയി….. മൂന്നാമത്തെ മുറിയിൽ അമ്മയും കയറി….. ഒരു പത്ത് മിനിറ്റ് കൂടി ടീവിക്ക് മുന്നിൽ ഇരുന്നിട്ടാണ് ഞാൻ മുറിയിലേക്ക് പോവാൻ തീരുമാനിച്ചത്..
മുറിയുടെ വാതിൽക്കലെത്തി അകത്തേക്ക് നോക്കിയപ്പോൾ അമ്മ കട്ടിലിൽ ചുമരിനോട് ചേർന്ന് ചരിഞ്ഞ് കിടക്കുന്നത് കണ്ടു….. ഇന്ന് പകല് മുഴുവൻ ധരിച്ച ചുരിദാർ തന്നെയാണ് വേഷം…. ഞാൻ ശബ്ദമുണ്ടാക്കാതെ ഉള്ളിലേക്ക് കയറി കതകടച്ചതും എല്ലാം കൂടി ഇടിഞ്ഞുപൊളിഞ്ഞ് വീഴുന്നത് പോലൊരു ശബ്ദം മുഴങ്ങി…. വാതിൽ നിലത്തുരഞ്ഞ വൃത്തിക്കെട്ട ഒച്ച…… അത് കേട്ട് അമ്മയൊന്ന് തലതിരിച്ച് നോക്കിയിട്ട് ഒന്നൂടെ ചുമരിനോട് ചേർന്ന് ഒതുങ്ങി കിടന്നു……. ഞാൻ കട്ടിലിലേക്ക് കയറി…… രണ്ടുപേർക്ക് തികച്ച് കിടക്കാൻ പറ്റുന്നൊരു കുഞ്ഞ് കട്ടിലാണിത്, പക്ഷെ അമ്മ പരമാവധി ചുമരിനോട് ചേർന്ന് ഒതുങ്ങി കിടക്കുന്നത് കൊണ്ട് എനിക്ക് സുഖമായി കിടക്കാൻ കഴിയും….. ഞാൻ കട്ടിലിൽ കയറി മലർന്ന് കിടന്നു…… ഫാനിനും ആവിശ്യത്തിൽ കൂടുതൽ ഒച്ചയുണ്ട്….. അതും ശ്രദ്ധിച്ച് കൊണ്ട് ഞാനല്പനേരം അങ്ങനെ കിടന്നു…..
“““അമ്മാ””””
അല്പനേരത്തെ മൗനത്തിന് ശേഷം ഞാൻ വിളിച്ചു….. പക്ഷെ പ്രതികരണമില്ല
““““അമ്മാ…..””””
ഞാൻ കുറച്ചൂടെ ശബ്ദത്തിൽ വിളിച്ചു….. വീണ്ടും പ്രതികരണമില്ല….