അവൾ വേഗം രാജീവിനെ വിളിച്ചു, രണ്ട് തവണ വിളിച്ചിട്ടും രാജീവ് ഫോൺ എടുത്തില്ല. രാജീവ് പ്രധാനപ്പെട്ട ഒരു മീറ്റിംഗിൽ ആയിരുന്നു.
സൗമ്യക്ക് എത്രയും പെട്ടെന്ന് ഹോസ്പിറ്റലിൽ എത്തിയാ മതി എന്നായി, അവൾ വേഗം രാഹുലിന്റെ റൂമിലേക്ക് ഓടി കതകിൽ മുട്ടി.
രാഹുൽ വേഗം തന്നെ വാതിൽ തുറന്നു…
കരഞ്ഞു കലങ്ങി തന്റെ മുൻപിൽ നിൽക്കുന്ന മാമിയെ കണ്ട് എന്തോ ആരുതായിക സംഭവിച്ചെന്ന് രാഹുലിന് മനസ്സിലായി…
രാഹുൽ: എന്ത് പറ്റി മാമി, എന്താ ഉണ്ടായേ….
സൗമ്യ: മോനെ… അച്ചന് ആക്സിഡെൻറ് പറ്റിയത്രേ… രാജീവേട്ടനെ വിളിച്ച് കിട്ടുന്നില്ല… നീ വേഗം ഒന്ന് റെഡി ആയിക്കേ.. എനിക്കിപ്പോ ഹോസ്പിറ്റലിൽ പോണം…
രാഹുൽ: മാമി കരയല്ലേ… ഒന്നും സംഭവിച്ച് കാണില്ല… മാമി റെഡി ആയിക്കോ… ഞാൻ കൊണ്ടാക്കി തരാം….
കേട്ടപാതി സൗമ്യ ഓടിപ്പോയി…
വേഗം വേഷം മാറി താഴെ വന്നപ്പോഴേക്കും മുത്തശ്ശനോടും മുത്തശ്ശിയോടും രാഹുൽ എല്ലാം പറഞ്ഞ് കഴിഞ്ഞിരുന്നു. അവരോട് സൗമ്യ പോയി വരാം എന്ന് പറഞ്ഞ് പുറത്തേക്ക് ഓടി.
രാഹുൽ ബൈക്ക് സ്റ്റാർട്ട് ചെയ്തു വെയിറ്റ് ചെയ്തു നിന്നിരുന്നു.
സൗമ്യ ബൈക്കിൽ കേറി രാഹുലിനെ ഇറുകെ പിടിച്ചിരുന്നു.
അവളുടെ മനസ്സിൽ അച്ഛന്റെ മുഖം തെളിഞ്ഞ് വന്നു.
പാവം അച്ഛൻ എന്ത് പറ്റിയോ ആവോ… അവൾ ഏങ്ങി കരഞ്ഞു കൊണ്ടേ ഇരുന്നു… അവളുടെ കണ്ണുനീർ വീണ് രാഹുലിന്റെ പുറം നനഞ്ഞു. രാഹുൽ കുറേ സമാധാനിപ്പിക്കാൻ ശ്രമിച്ചെങ്കിലും അവൾക്ക് സമാധാനം ആയില്ല.
ബൈക്ക് നിറുത്തി അവർ ഹോസ്പിറ്റലിലേക്ക് വേഗം നടന്നു.
അമ്മയും ഹേമയും കാഷ്വാലിറ്റിയുടെ മുന്നിൽ തന്നെ ഉണ്ട്, പിന്നെ ഹോസ്പിറ്റലിലേക്ക് കൊണ്ട് വന്ന രണ്ട് ചേട്ടന്മാരും.
സൗമ്യ ഹേമയോട് കാര്യങ്ങൾ ഒക്കെ ചോദിച്ചറിഞ്ഞു. അത്രക്ക് പേടിക്കാൻ ഒന്നുമില്ല.
കാലിന്റെ എല്ലിന് പൊട്ടൽ ഉണ്ട്. കാലിൽ മുറിവും ഉണ്ട്. കുറച്ച് അതികം ബ്ലഡ് പോയിട്ടുണ്ട്. പിന്നെ ശരീരത്തിൽ അങ്ങിങ്ങായി ചെറിയ രീതിയിൽ തോല് പോയിട്ടുണ്ട്.
എല്ലാം കേട്ട് കഴിഞ്ഞപ്പോ സൗമ്യക്ക് കുറച്ചൊരു സമാധാനം ആയി. അവൾ അമ്മയുടെ അടുത്ത് തന്നെ ഇരുന്നു.
എല്ലാം കേട്ട് കഴിഞ്ഞപ്പോ രാഹുലിനും ആശ്വാസമായി, അവൻ അവിടെ കുറച്ച് മാറി നിന്നു.
കുറച്ച് കഴിഞ്ഞപ്പോ അവർ ഇരിക്കുന്ന ഇടത്തേക്ക് ഡോക്ടർ വന്നു… ഡോക്ടർ വരുന്നത് കണ്ട് രാഹുലും അടുത്തേക്ക് വന്നു.
ഡോക്ടർ: പേടിക്കാൻ ഒന്നുമില്ല, നിങ്ങൾ സമാധാനം ആയിരിക്കൂ… കാലിന്റെ പൊട്ടലിന് ചെറിയ ഒരു ഓപ്പറേഷൻ വേണം, പിന്നെ കുറച്ച് ബ്ലഡ് സങ്കടിപ്പിക്കണം… ആളുടെ ബ്ലഡ് ഗ്രൂപ്പ് O-ve റെയർ ആണ്, ഇവിടുത്തെ ബ്ലഡ് ബാങ്കിൽ അവൈലബിൾ അല്ല, അത് കൊണ്ട് എത്രയും പെട്ടെന്ന് സെയിം ഗ്രൂപ്പ് ഉള്ള ഒരാളെ അറേഞ്ച് ചെയ്യണം…
അതും പറഞ്ഞ് ഡോക്ടർ കൂടെ ഉള്ള സിസ്റ്ററിന് എന്തൊക്കെയോ നിർദ്ദേശങ്ങൾ കൊടുത്ത് കൊണ്ട് പോയി.
സൗമ്യ: ഈശ്വരാ.. എവിടെയാ പോയി ബ്ലഡ് കിട്ടാ.. രാജീവേട്ടനെ വിളിച്ചിട്ട് കിട്ടുന്നും ഇല്ല. പാർട്ടിക്കാരോട് പറഞ്ഞാൽ അവർ അറേഞ്ച് ചെയ്യുമായിരിക്കും…
രാഹുൽ: മാമി… എന്റെ ഗ്രൂപ്പ് O-ve ആണ്, ഞാൻ കൊടുത്തോളാം… മാമി ആരെങ്കിലും വിളിച്ച് ബാക്കി അറേഞ്ച് ചെയ്യാൻ നോക്ക്, ബാംഗ്ലൂർ സെറ്റിൽ ആയോണ്ട് എനിക്കിവിടെ ആരെയും പരിജയമില്ല….
സൗമ്യ: ശെരി മോനെ… ഞാൻ നോക്കട്ടെ…
അവിടെ വേണ്ട കാര്യങ്ങൾ ഒക്കെ രാഹുൽ ഓടി നടന്ന് ചെയ്തു. അവൻ കൂടെ ഉള്ളത് അവർക്കെല്ലാവർക്കും നല്ല ആശ്വാസം ആയിരുന്നു.
അതിന് ശേഷം രാഹുൽ നേരത്തെ കണ്ട സിസ്റ്ററിനെ അന്വേഷിച്ച് പോയി…
സിസ്റ്റർ രാഹുലിനെ ചെക്ക് അപ്പ് ചെയ്യാനും ശേഷം ബ്ലഡ് എടുക്കാനും കൊണ്ട് പോയി.
കുറച്ച് കഴിഞ്ഞ് വേറെ സിസ്റ്റർ വന്ന് സൗമ്യക്ക് ഏതൊക്കെയോ പേപ്പറിൽ ഒപ്പിടാൻ കൊടുത്തു.
അച്ഛനെ ഓപ്പറേഷൻ റൂമിലേക്ക് മാറ്റി.
രാജീവ് സൗമ്യയുടെ കോൾ കണ്ട് തിരിച്ച് വിളിച്ചു, സൗമ്യ കാര്യങ്ങൾ പറഞ്ഞു. രാജീവ് വേഗം തന്നെ ബ്ലഡ് ഡോണറെ റെഡി ആക്കി ഹോസ്പിറ്റലിലേക്ക് തിരിച്ചു…