ഏട്ടാ ഏട്ടാ ഹലോ …..! ഇതെന്താ സ്വപ്നം കാണുവാണോ അനിയത്തി മൃദുലയുടെ വിളികേട്ടാണ് മിഥുൻ ചിന്തയിൽ നിന്ന് ഞെട്ടി ഉണരുന്നത്
മിഥുൻ : ഒന്നുല്ല അമ്മുട്ടി ഞാൻ ഓഫീസിലെ ഒരു കാര്യം ഓർത്തിരുന്നതാ
അമ്മു : പിന്നെ അതൊന്നുമല്ല ചേട്ടൻ ഇന്ന് കാണാൻ പോകുന്ന ആ ചേച്ചീനെപ്പറ്റി അല്ലേ ഓർത്തത് കള്ളം പറയണ്ട
മിഥുൻ : പിന്നെ ഇതുവരെ കാണാത്ത ഒരാളെപ്പറ്റി ഓർക്കാൻ എനിക്ക് വട്ടാണല്ലേ ഒന്ന് പോയെടി
അമ്മു : പോടാ നിന്നെ അമ്മ വിളിക്കുന്നു
അതു പറഞ്ഞു അമ്മു റൂമിന്നു ഇറങ്ങി ഓടി
കുളിക്കുന്നതിനായി മിഥുൻ ബാത്റൂമിലേക്കും
മിഥുൻ കോൺടാക്ടർ ശിവദാസന്റെയും അംഗൻവാടി ടീച്ചറായ പ്രിയയുടെയും രണ്ടാമത്തെ മകൻ ഇപ്പോൾ ഗവണ്മെന്റ് സർവീസിൽ അസിസ്റ്റന്റ് സുപ്രണ്ടായിജോലിചെയ്യുന്നു ചേട്ടൻ : മഹേഷ് (മനു) ബാങ്ക് ഓഫീസർ ചേട്ടത്തി : ആതിര ടീച്ചർ അനിയത്തി : മൃദൂല (അമ്മു) ബിടെക് സെക്കൻഡ് ഇയറിന് പഠിക്കുന്നു ഇതാണ് മിഥുന്റെ കുടുംബം ഒരാൾ കുടിയുണ്ട് മഹേഷിന്റെയും ആതിരയുടെ മോൾ ആരുഷി
പെട്ടന്ന് റെഡിയായി മിഥുൻ താഴെയെത്തി ബ്രേക്ക് ഫാസ്റ്റ് കഴികാനിരുന്നു മിഥുന് കഴിക്കാൻ ദോശവിളമ്പികൊണ്ട് അമ്മ പറഞ്ഞു 12.30നാണു മുഹൂർത്തം നമ്മൾ അവിടെപോയി പെണ്ണ് കണ്ട് സമയത്ത് എത്തുവോ
അച്ഛൻ : അതൊക്കെ എത്തും ഇല്ലെങ്കിൽ ഇപ്പോ എന്താ കേട്ട്കാണാൻ പറ്റില്ലെന്നല്ലേ ഉള്ളു
പ്രിയ : അതു നടക്കില്ല എന്റെ വീട്ടിൽ നടക്കുന്ന ഒരു കല്യാണത്തിന് നിങ്ങൾക്ക് സമയത്ത് എത്താൻ പറ്റില്ലേ
അമ്മു : പിന്നെ ആ അലവലാതി മാളൂന്റെ കല്യാണത്തിന് ഇവിടുന്ന് പോകുന്നത് തന്നെ വലിയകാര്യം അവിടെ സമയത്തിനൊന്നും എത്തണ്ട അച്ഛാ
പ്രിയ : അതുപറയാൻ നീ ആരാടി അതും പറഞ്ഞുകൊണ്ട്
അമ്മുവിനെ തല്ലാൻ കൈയോങ്ങികൊണ്ട് പ്രിയ ചീറിയടുത് പ്രിയയെ തടഞ്ഞുകൊണ്ട് ദാസൻ പറഞ്ഞു എന്റെ മോളെ തൊട്ടാൽ നിന്നെ ഞാൻ കാണിച്ചുതരാം
പ്രിയ : ദാസേട്ടാ നിങ്ങൾ കേട്ടില്ലേ ഇവൾ പറഞ്ഞത് അല്ലെങ്കിലും ഇവൾ പറയുന്നത്തിനും ചെയ്യുന്നത്തിനും നിങ്ങളാലാണല്ലോ കൂട്ട്
ദാസൻ : അതേ എന്റെ മോൾക്ക് എന്നും ഞാൻ ഉണ്ട്
മഹേഷ് : ഒന്ന് നിർത്തുവോ എല്ലാരും
പ്രിയ : മനു നീ കേട്ടില്ലേ ഇവൾ പറഞ്ഞത്
മഹേഷ് : എടി പെണ്ണേ നിന്റെ നാക്ക് ഞാൻ ചെത്തി ഉപ്പിലിടും നോക്കിക്കോ
മഹേഷിനെ കൊഞ്ഞനം കുത്തി കാണിച്ച് അമ്മു അകത്തേക്കോടി
ആതിര : അമ്മേ ദേ ഇവളെയൊന്നു പിടിച്ചേ അല്ല നിങ്ങളൊന്നും റെഡിയായില്ലേ
മഹേഷ് : ഞങ്ങളൊക്കെ എത്രനേരായി റെഡിയായി നിക്കുന്നു കെട്ടിലമ്മ ഇപ്പോഴല്ലേ ഇങ്ങോട്ട് എഴുന്നള്ളുന്നത്
ആതിര : ദേ മനുവേട്ടാ രാവിലെ തന്നെ എന്നെക്കൊണ്ടൊന്നും പറയിപ്പിക്കരുത്
മിഥുൻ : എല്ലാരും ഒന്ന് നിർത്തുവോ ഒന്നാമത് മനുഷ്യയനിവിടെ ടെൻഷൻ അടിച്ചിരിക്കുവാ
മഹേഷ് : അല്ല ടെൻഷൻ അടിക്കാൻ മാത്രം കല്യാണം മാളുവിനല്ലേ നിന്റെ അല്ലല്ലോ
ദാസൻ : മനു പോവുന്നവഴി നമുക്കൊരു കുട്ടിയെ കാണാനുണ്ട് നിന്നോടും ആതിമോളോടും പറയാനിരിക്കുവായിരുന്നു
ആതിര : എവിടെയാ അച്ഛാ
ദാസൻ : ആലുവ ഭാഗത്ത് എവിടേയോ ആണ് നിങ്ങളുടെ കൊച്ചിച്ചൻ ഹരി കൊണ്ടുവന്ന ആലോചനയാ
മഹേഷ് : വെറുതെയല്ല അച്ചൂന് ടെൻഷൻ നീ ഇന്ന് കെട്ടണ്ടടാ പെണ്ണ് കണ്ട് സമയമെടുത്ത് സാവധാനം കെട്ടിയമതി ഇല്ലെങ്കിൽ എന്നേ പോലെ ആവും
ദാസൻ : എന്താടാ എന്റെ മോൾക്ക് കുഴപ്പം
മഹേഷ് : അയ്യോ ഒന്നുല്ലേ വെറുതെ പറഞ്ഞതാണാച്ഛാ
മിഥുൻ : ഏട്ടാ,ഏട്ടത്തി അച്ഛനോടൊന്നു പറ നമുക്ക് വേറൊരു ദിവസം പോവാം
ദാസൻ : വേറൊരു ദിവസവുമില്ല ഇന്ന് തന്നെ നമ്മൾ പോവും
മിഥുൻ അമർഷത്തോടെ അവിടെനിന്നും കൈകഴുകാനായി എണിറ്റു
ആതിര : അച്ഛാ അവന് ഇഷ്ടമല്ലേ പിന്നെ നമ്മൾ പോകണോ നമുക്ക് വേറൊരു ദിവസം പോയാൽ പോരേ
ദാസൻ : മോളെ ഇന്ന് അവനെ കൊണ്ടുപോയില്ലെങ്കിൽ അവൻ വരില്ല പിന്നെയും എന്തെങ്കിലും പറഞ്ഞു മുങ്ങും ഇതിപ്പോ എത്രാമത്തെ ആലോചനയിൽ നിന്നാ അവൻ ഒഴിഞ്ഞു മാറുന്നെ