🏘️ബോസ്റ്റൻ ബംഗ്ലാവ് – 3 🏘️ 6അടിപൊളി 

“ഏയ്…ഡാനിയേൽ അല്ല.. അവനെ എനിക്ക് അറിയാല്ലോ….. ഇത് മറ്റേതോ പയ്യൻ.. ചെമ്പൻ മുടി ആയിരുന്നു അവനു”ആദം പറഞ്ഞു.

“നിനക്ക് തോന്നിയതാ ആദം.. കം ലെറ്റസ്‌ കിസ്സ്” ഡെയ്സി പറഞ്ഞു.

ആ റൂമിലാകെ എന്തോ പന്തികേട് ഉള്ളത് പോലെ ആദത്തിന് തോന്നി. ആരോ തന്നെ മറഞ്ഞിരുന്നു നോക്കുന്നത് പോലെ അവന്റെ സിസ്ത് സെൻസ് അവനോട് പറഞ്ഞു.അന്തരീക്ഷത്തിൽ ഒക്കെ എന്തോ മാറ്റം പോലെ അവന് തോന്നി.

“വെ.. വേണ്ട.. എനിക്ക് പോണം.. ഇവിടെ എന്തോ പ്രശ്നം ഉണ്ട്..എനിക്ക് പോണം.. എനിക്ക് എന്തോ പേടി തോനുന്നു…”ആദം പറഞ്ഞു.

സത്യത്തിൽ ഡെയ്സിക്ക് ദേഷ്യമാണ് വന്നത്. പാവം പയ്യൻ ആയത് കൊണ്ടാണ് ആദത്തിനെ അവൾ bf ആയി തിരഞ്ഞെടുത്തത്. ഇതിപ്പോൾ ഒരു കളി കളിക്കാം എന്ന് കരുതിയപ്പോൾ അവന് ഈ സ്ഥലം പേടിയാണ് പോലും.

“എന്നാൽ പിന്നെ…അങ്ങനെ ആകട്ടെ”ദേഷ്യം പുറമെ പ്രകടിപ്പിക്കാതെ ഡെയ്സി അവന് പോകാൻ അനുമതി നൽകി.

ഡെയ്സി എഴുന്നേറ്റു ബ്രാ അഡ്ജസ്റ്റ് ചെയ്ത ശേഷം അവനെ താഴേക്ക് കൊണ്ടുപോയി. മുൻവശത്തെ വാതിൽക്കൽ എത്തിയപ്പോൾ അവൾ അവൻ്റെ കവിളിൽ ചുംബിച്ചു. “വെള്ളിയാഴ്ച കാണാം”അവൾ പറഞ്ഞു.

“ഓക്കേ “എന്ന് പറഞ്ഞവൻ തന്റെ ബൈക്കിൽ കേറി സ്ഥലം വിട്ടു. പോകുന്നതിനു മുൻപ് ഒന്നുകൂടി അവനാ ബംഗ്ലാവിലേക്ക് നോക്കി.. അവനെന്തോ ഭയം തോന്നി.

വാതിൽ വലിച്ചടച്ച ശേഷം നിരാശയോടെ ഡെയ്സി റൂമിലേക്ക് നടന്നു. മനസ്സിൽ കണ്ട പ്ലാൻ എല്ലാം നഷ്ടമായ കലിപ്പിൽ ആയിരുന്നു അവൾ.

🔸🔸🔸

അന്ന് അർദ്ധരാത്രിയിൽ, ഡാനിയൽ ഞെട്ടലോടെ തന്റെ കിടക്കയിൽ നിന്നുണർന്നു . ആകാശത്ത് നിന്ന് അവൻ്റെ തുറന്ന ജാലകത്തിലൂടെ നക്ഷത്രവെളിച്ചം ആ മുറിയിലേക്ക് അരിച്ചിറങ്ങി.തണുത്ത കാറ്റ് ഉള്ളിലേക്ക് കടത്തി വിട്ടുകൊണ്ട് ജനാല കാറ്റത് കിടന്നടിച്ചു.കിടക്കുന്നതിനു മുൻപ് ജനാല അടച്ചിരുന്നു എന്ന് ഡാനിയേലിനു ഉറപ്പ് ആയിരുന്നു. എന്നിട്ടിതെങ്ങനെ തുറന്നു..? അവൻ സ്വയം ചോദിച്ചു.

തന്റെ റൂമിന്റെ വാതിലും അടച്ചിട്ടില്ലേ എന്നവൻ കട്ടിലിൽ കിടന്നുകൊണ്ട് നോക്കി.വാതിൽ അടഞ്ഞു കിടക്കുന്നതായി അവൻ കണ്ടു.ഇങ്ങനത്തെ ചെറിയ കാര്യങ്ങൾ ഒന്നും കത്രീനയുടെ വേല ആവില്ല എന്നവൻ വിശ്വസിച്ചു. കാരണം അവൾക്ക് അതിന്റ ആവശ്യമില്ല. മാത്രമല്ല അവൾക്കവനെ വല്ലാണ്ട് ഇഷ്ടമാണെന്നും അവൻ വിശ്വസിച്ചു.

“ചില്ൽ….” എന്തോ പാത്രം വീണു പൊട്ടുന്ന ശബ്ദം അവൻ കേട്ടു. ഡാനിയേൽ ഞെട്ടിപ്പോയി.അടുത്ത റൂമിൽ നിന്നും ഒരു പുരുഷന്റെ ശബ്ദം അവൻ കേട്ടു.

“ആ വയറ്റിൽ കിടക്കുന്ന കൊച്ചിന്റെ തന്ത ആരാണെന്നാ ഞാൻ ചോദിച്ചത്…?”ദേഷ്യപ്പെടുന്ന ആ പുരുഷന്റെ ശബ്ദം ആരുടേതാണെന്ന് ഡാനിയേലിനു മനസിലായില്ല.

“അച്ഛന്റെ അല്ല.. അച്ഛൻ അല്ലാതെ ഈ വീട്ടിൽ വേറെ ആണായി ഞാനല്ലേ ഉള്ളു…”ഒരു ചെറുപ്പക്കാരന്റെ ശബ്ദം ആയിരുന്നു അത്.

“അത് എന്റ കുഞ്ഞല്ലെന്ന് എനിക്കറിയാം…. പറ ആരുടേതാ.”പുറത്തെ മുറിയിൽ നിന്ന് വീണ്ടുമാ ശബ്ദം അവൻ കേട്ടു.ആ ശബ്ദം എല്ലാം നഷ്ടപെട്ട ഒരുത്തന്റേത് പോലെ അവന് തോന്നി.

“ടോ….🎇”ഒരു വെടിയൊച്ച ഡാനിയേൽ കേട്ടു. ഡാനിയേൽ ഭയന്നുപോയി. ബെഡ്ഷീറ്റ് കഴുത്ത് വരെ പുതച്ചു പേടിയോടെ അവൻ ബെഡിൽ ഇരുന്നു.അവനു എന്താണു അവിടെ നടക്കുന്നതെന്ന് മനസിലായില്ല. സ്വപ്നമോ യാഥാർഥ്യമോ..?

ഒരു കാര്യം അവന് മനസ്സിലായി…ഭാര്യ ചതിച്ച ഏതോ ഭർത്താവിന്റെ ദേഷ്യസ്വരമാണ് താൻ കേൾക്കുന്നതെന്ന്.

“തോമസ്…ഇങ്ങോട്ട് ഇറങ്ങി വാ.. നിന്റെ തള്ള എവിടെയാന്നു പറ…”ആ പുരുഷ ശബ്ദം വീണ്ടും പറഞ്ഞു.

“ടോ.. ടോ.. ടോ.. 🎇” മൂന്ന് വെടിയൊച്ചകൾ കൂടി ഡാനി കേട്ടു…അതോടെ അവന്റെ സർവ്വ ധൈര്യവും ചോർന്നു പോയി. അവൻ കിടന്നു വിറച്ചു.

തന്റെ റൂമിന് അടുത്തേക്ക് ആരോ നടന്നു വരുന്ന ശബ്ദം അവൻ കേട്ടു. അവൻ ശ്വാസം അടക്കിപിടിച്ചു ഇരുന്നു. കതക് അടിച്ചിട്ടുണ്ട്, പക്ഷെ ലോക്ക്ഡ് ആണോ..? അവൻ സ്വയം ചോദിച്ചു.

ആരോ കതകിനു മുന്നിലായി വന്നു നിൽക്കുന്ന കാൽപ്പെരുമാറ്റം അവൻ അറിഞ്ഞു.

പെട്ടെന്ന് ഡാനിയുടെ മനസിൽ എന്തോ തോന്നി.. അവനോടൊപ്പം കിടപ്പുമുറിയിൽ മാറ്റാരോ കൂടി ഉണ്ടെന്ന്.. റൂമിലെ അണഞ്ഞു കിടക്കുന്ന ചിമ്മിനിയുടെ അരികിൽ നിന്ന് ഒരു വെളുത്ത രൂപം അവൻ്റെ നേരെ പാഞ്ഞെത്തിയപ്പോൾ അവന്റെ ഹൃദയം ഭയത്താൽ പെരുമ്പറ മുഴക്കി.അത് കത്രീന ആണെന്ന് മനസിലാക്കിയതും അനൊരു ദീർഘ നിശ്വാസം വിട്ടു. അവളുടെ സാന്നിധ്യം അവന് അൽപ്പം ആശ്വാസം നൽകി.

അവൾ കണങ്കാൽ വരെ നീളമുള്ള വെളുത്ത നൈറ്റി ധരിച്ചിരുന്നു.

കത്രീന തന്റെ ഇടം കൈ അവന് നേരെ നീട്ടി. “വാ…വേഗം വാ..”കൈ നീട്ടികൊണ്ട് കത്രീന പറഞ്ഞു.

കത്രീന അവന് നേരെ കൈ നീട്ടിയ ശേഷം വാതിൽക്കലേക്ക് നോക്കി, ശേഷം വീണ്ടും ഡാനിയെ നോക്കി പറഞ്ഞു :-വാ.. ഫെഡറിക്ക് കാണുന്നതിന് മുൻപ് നമുക്ക് പോണം.. അവൻ നിന്നെ കണ്ടാൽ പ്രശ്‌നമാ..

ഡാനിക്ക് അവൾ പറയുന്നത് ഒന്നും മനസിലായില്ല. പക്ഷെ കത്രീന വിളിക്കുമ്പോൾ അത് കേൾക്കാതെ ഇരിക്കാൻ അവന് പറ്റില്ലാലോ.

ഡാനിയേൽ കത്രീനയുടെ തണുത്ത കൈകളിൽ പിടിച്ചുകൊണ്ടു ബെഡിന് താഴേക്ക് ഇറങ്ങി.അന്തരീക്ഷം ആകെ തണുത്തിരുന്നു.

“ടക്ക്.. ടാക്ക് “ കതകിൽ ആരോ തട്ടുന്ന ശബ്ദം അവർ കേട്ടു.

“വേഗം…”ഡാനിയെ കത്രീന കയ്യിൽ വലിച്ചു മുന്നോട്ട് നീങ്ങി. ചിമ്മിനിയുടെ അടുത്തെത്തിയതും, അടുത്തുള്ള ഭിത്തിയിലെ രഹസ്യ വാതിൽ കത്രീന തുറന്നു. ആദ്യമായി അങ്ങൊരു വാതിൽ അവിടെ കണ്ട ഡാനി സ്തബ്ധനായി നിന്നു.

“വാ “ എന്ന് പറഞ്ഞുകൊണ്ട് അവനെയും കൂട്ടി കത്രീന ആ വാതിലിനു ഉള്ളിലേക്ക് കയറി. അകത്തു കയറിയതും കത്രീന ആ വാതിൽ അടച്ചു.

“വാട്ട്‌ ദി ഫക്ക്.. “ഡാനി പറഞ്ഞു.,

“ഫെഡറിക്കിന്റെ അറിവില്ലാതെ പണിക്കാരെക്കൊണ്ട് ഞാൻ ഉണ്ടാക്കിപ്പിച്ചതാ ഈ വാതിൽ “കത്രീന പറഞ്ഞു.

“ഞങ്ങളുടെ വിവാഹത്തിൻ്റെ തുടക്കം മുതൽ തന്നെ, അവൻ പല സമയം പല മാനസികാവസ്ഥയുള്ള ആളായിരുന്നു. പൈസക്കാരിയും, ജോലിക്കാരെ പണം നൽകി സഹായിക്കുകയും ചെയുന്ന കൊച്ചമ്മയെ സഹായിക്കാൻ അല്ലേ ജോലിക്കാർ നോക്കു. അവരാ എനിക്കീ രഹസ്യ വഴി ഫെഡറിക്ക് അറിയാതെ പണ്ട് പണിതു തന്നത്..” കത്രീന പറഞ്ഞു.

അവളുടെ മരവിച്ച കൈ ഡാനിയേലിൻ്റെ ചൂടുള്ള കൈകളിൽ മുറുകെ പിടിച്ചു. “സൂക്ഷിച്ചു ഇറങ്ങു.. താഴേക്ക് പടികൾ ഉണ്ട്.

ഡാനിയേൽ താഴേക്ക് നോക്കി. കോൺക്രീറ്റിൽ കെട്ടിയ ഒരു പഴയ സ്റ്റൈർ കേസ്.. 6-7 പടികൾ ഉണ്ട്.ഇരുട്ട് നിറഞ്ഞ ആ വഴിക്ക് വെളിച്ചം ഏകാൻ ഒരു നിയോൻ ബൾബ് കത്തി എരിയുന്നുണ്ട്.

ഡാനിക്ക് ആകെ കിളി പോയ അവസ്ഥ ആയിരുന്നു.

സെക്സ് ചെയ്യാൻ സഹായിച്ചിരുന്ന ആത്‍മാവായ കത്രീന ആരോ കൊല്ലുമെന്ന് പറഞ്ഞു തന്നെ ഒരു രഹസ്യ വാതിലിന് ഉള്ളിൽ കയറ്റിയിരിക്കുന്നു. ഇത്രയും ദിവസം ആ റൂമിൽ കിടന്നിട്ടും അങ്ങനൊരു വഴി ഉള്ള കാര്യം അറിയാത്തത്തിൽ അവൻ സ്വയം പഴിച്ചു.