🏘️ബോസ്റ്റൻ ബംഗ്ലാവ് – 6 🏘️ 8അടിപൊളി 

“ഒന്നുമില്ല, മോളേ…” ജൂലി മകളുടെ അടുത്ത് ചെന്ന് അവളുടെ തോളിൽ തട്ടിക്കൊണ്ട് പറഞ്ഞു

“പ്രേതങ്ങളോ?” ഡാനിയേലിൻ്റെ മുഖം വിളറി. അവൻ പെട്ടെന്ന് കത്രീനയെ ഓർത്ത് വിഷമിച്ചു. “വീട്ടിൽ നിന്ന് പ്രേതങ്ങളെ ഓടിക്കാൻ ആണോ നിങ്ങൾ വന്നത്..?”

ഡെയ്സി അമ്മയുടെ അടുത്തേക്ക് ചേർന്ന് നിന്നു അവളുടെ ചെവിയിൽ ചോദിച്ചു “എന്താ അമ്മ ഇതൊക്കെ.. പ്രേതമോ…പ്രാങ്ക് വല്ലതും ആണോ ഇത്..?” എന്താ നടക്കുന്നതെന്ന് മനസിലാകാതെ ഡെയ്സി ചോദിച്ചു

“ഏയ്…ചുമ്മാ…നീ പേടിക്കണ്ട…അവരീ വീടൊന്ന് നോക്കിയിട്ട് പൊക്കോളും. പഴയ ബംഗ്ലാവ് അല്ലേ…നീ പേടിക്കാതെ”മകളെ ആശ്വസിപ്പിക്കാൻ ജൂലി പറഞ്ഞു

“നിങ്ങളുടെ ഹസ്ബൻഡ് എവിടെ…?”ലൈല ചോദിച്ചു

“മുകളിലെ റൂമിൽ ഉണ്ട്.. വരൂ…”ജൂലി ലൈലയെയും, ആന്റണിയെയും മുകളിലേക്ക് നയിച്ചു

“മക്കളെ.. നിങ്ങൾ കോളേജിൽ പോയി വാ.. അപ്പോഴേക്കും എല്ലാം കഴിയും. പോയി വാ”ആഹാരം കഴിച്ചു എഴുന്നേറ്റ മക്കളോട് ജൂലി പറഞ്ഞു

“ഓ.. ഷിറ്റ്” ഡാനിയേൽമെല്ലെ പറഞ്ഞു

“എന്താടാ ഇവിടെ നടക്കുന്നത്…?അമ്മയ്ക്ക് വട്ടായോ..?ആഹ്..വാട്ട്‌ എവെർ.. ലെറ്റസ്‌ ഗോ” ബാഗ് തൂക്കി പുറത്തേക്ക് നടക്കാൻ പോയ ഡെയ്സി പറഞ്ഞു

“അമ്മ അല്പം തടിച്ചത് പോലെ നിനക്ക് തോനുന്നുണ്ടോ.?”അമ്മയുടെ മാറ്റതെ കുറിച്ച് ഡെയ്സി സഹോദരനോട് ആരാഞ്ഞു

“ആ.. അറിയില്ല…”ഡാനിയേൽ മറുപടി നൽകി

ഡാനിയൽ ബാഗ് എടുക്കാൻ മടിച്ചു അവിടെ തന്നെ താങ്ങി തൂങ്ങി നിന്നു.. അവന് വീട് വിട്ടിറങ്ങാൻ തോന്നിയില്ല. “ഇപ്പോൾ വന്നവർ കത്രീനയെ ഉപദ്രവിക്കുമോ…?”അവൻ സ്വയം ചോദിച്ചു . എന്നാൽ ഇക്കാര്യത്തിൽ അവന് എന്ത് ചെയ്യാൻ കഴിയും

“പേടിക്കണ്ട…. ഇതിനേക്കാൾ വലിയ കൊമ്പന്മാരെ ഞാൻ കണ്ടിട്ടുണ്ട്…ധൈര്യമായി കോളേജിൽ പോയി വാ.. ഞാൻ ഇവിടെ തന്നെ കാണും” ഡാനിയുടെ ചെവിയിൽ കത്രീനയുടെ സ്വരം പതിഞ്ഞു. അവൻ ചുറ്റും നോക്കിയെങ്കിലും അവളെ കാണാൻ പറ്റിയില്ല. പക്ഷെ കത്രീനയുടെ വാക്കുകൾ അവന് ധൈര്യം നൽകി

ഡാനിയൽ ചിരിച്ചുകൊണ്ട് സഹോദരിയെ നോക്കി. അവൾ അപ്പോഴേക്കും നടന്നു വാതിൽക്കൽ എത്തിയിരുന്നു.കത്രീന പറഞ്ഞത് അവൾ കേട്ടതായി തോന്നിയില്ല. അവൻ ഒരു ദീർഘനിശ്വാസമെടുത്തു. . “ഓൾ ഈസ്‌ വെൽ.. ഓൾ ഈസ്‌ വെൽ…”.എന്നവൻ സ്വയം പറഞ്ഞു, ശേഷം ഡെയ്സിയുടെ പിറകെ ബസ് പിടിക്കാൻ വീട്ടിൽ നിന്ന് ഇറങ്ങി

🔸🔸🔸

ലൈലയും, ആന്റണിയും ബംഗ്ലാവിൽ പാരനോർമൽ ആക്ടിവിറ്റീസിനെ പറ്റിയുള്ള പഠനം തുടങ്ങി.ഗോവൻ മലയാളികൾ ആണെങ്കിലും രണ്ടാളും മലയാളവും, ഇംഗ്ലീഷും ചേർന്ന ഭാഷയാണ് അധികം സംസാരിക്കുന്നത്. അതിൽ തന്നെ ലൈലയെ കണ്ടാൽ അസ്സൽ മദാമ്മ ലുക്ക്‌ ആണ്. ഇന്ത്യക്കാരി ആണെന്ന് ആരും പറയില്ല

ലൈലയോടും, ആന്റണിയോടും ജൂലി ബംഗ്ലാവിൽ എന്തൊക്കെയോ പ്രശ്നങ്ങൾ ഉള്ളത് പോലെ തോന്നി എന്ന് മാത്രമേ പറഞ്ഞിട്ടുള്ളു, അല്ലാതെ കത്രീനയെ കണ്ടതും അവളുടെ കരവിരുതുകളാൽ തന്റെ ശരീരത്തിൽ വന്ന മാറ്റങ്ങളും ഒന്നും പറഞ്ഞിട്ടില്ല. അല്ലെങ്കിൽ തന്നെ അതൊക്കെ എങ്ങനെയാണ് പുറത്ത് പറയുന്നത്

ലൈലയും ആന്റണിയും ലൈബ്രറിയിൽ നിന്നാണ് ജോലി തുടങ്ങിയത്.

“ഇത് എന്ത് വലിയ ലൈബ്രറിയാ…. എല്ലാ ഭാഷയിലെ ബുക്കും ഉണ്ടെന്ന് തോനുന്നു”കയ്യിലിരുന്ന ഇലക്ട്രോ മഗ്‌നറ്റിക് ഫീൽഡ് ഡിട്ടെക്റ്റർ കൊണ്ട് റൂമിലെ ഇഞ്ചും മൂലയും പരതിക്കൊണ്ട് ആന്റണി ചോദിച്ചു

“ഏയ്.. എന്റെ മീറ്ററിൽ സിഗ്നൽ കാണിക്കുണ്ട്…ഇട്സ് സോ ഹൈ” ലൈലയുടെ കയ്യിലെ EMFD മെഷീനിൽ വലിയ രീതിയിൽ സിഗ്നൽ കാണിച്ചു

 

ഷെൽഫിൽ ഇരുന്ന ഒരു പുസ്തകത്തിന്റെ അടുത്ത് നിന്ന് വലിയ രീതിയിൽ signal വരുന്നത് കണ്ട് ലൈല ആ പുസ്തകത്തിന്റെ ചുറ്റും നന്നായി കണ്ണോടിച്ചു.. കത്രീനയ്ക് ഇഷ്ടപ്പെട്ട “First Love” എന്ന പുസ്തം ആയിരുന്നു അത്

“ഇവിടെ പുസ്തകങ്ങൾക്ക് പിന്നിൽ എന്തോ ഉണ്ട്.”സംശയത്തോടെ ലൈല പറഞ്ഞു

ലൈല ഷെൽഫിൽ ഇരുന്ന “first love” അടക്കമുള്ള 3-4 പുസ്തകം എടുത്ത് മാറ്റി

“ഓ.. മൈ…. ഗോഡ്..”പുസ്തകം മാറ്റിയപ്പോൾ കണ്ട കാഴ്ച ലൈലയെ ഞെട്ടിച്ചു