🏘️ ബോസ്റ്റൻ ബംഗ്ലാവ് 🏘️ – 21 13അടിപൊളി  

“ആന്റണി….?” മുറിയിലെ കസേരയിൽ ഇരുന്നുകൊണ്ട് തനിക്കു നേരെ വിരൽചൂണ്ടുന്ന ആളെ കണ്ട ആശ്ചര്യത്തിൽ ഡാനിയേൽ പറഞ്ഞു.

ആഴ്ചകളായി കാണാനില്ലാ എന്ന് ലൈല അവകാശപ്പെട്ട അവളുടെ ഭർത്താവ് ആന്റണിയെ ഡാനിയേൽ ഈ മുറിക്കുള്ളിൽ എങ്ങനെ പ്രതീക്ഷിക്കാനാണ്…? പോലീസ് അന്വേഷിച്ചിട്ട് പോലും കണ്ടെത്താനാകാത്ത ആന്റണി എങ്ങനെയാണ് ആഴ്ചകളായ് പൂട്ടിക്കിടക്കുന്ന ഈ മുറിക്കുള്ളിൽ എത്തിയത് .? ഡാനിയേൽ ആകെ ആശയക്കുഴപത്തിലായി.

ഡാനിയെ കണ്ട ആന്റണി ഒരക്ഷരം പോലും മിണ്ടിയില്ല, എന്നാൽ അവനു നേരെ ചൂണ്ടിയ ആന്റണിയുടെ വിരൽ വിറച്ചുകൊണ്ടേയിരുന്നു. ആന്റണിയുടെ നെറ്റിയിലെ സിന്ദൂരക്കുറി ഡാനി കണ്ടു എന്നാൽ ആ കുറി ചോര കൊണ്ടുള്ളതാണെന്ന് മനസ്സിലാക്കാൻ അവന് അധികം ആലോചിക്കേണ്ടി വന്നില്ല. ആന്റണിയുടെ കണ്ണിനു ചുറ്റും ഇരുണ്ട പാടുകൾ പടർന്നിരിക്കുന്നു.

“അ…ആന്റണി…. ആർ യൂ ഓക്കെ…?”ഡാനിയൽ മുറിക്ക് ചുറ്റും നോക്കി. മുറിക്കുള്ളില്‍ ആന്റണി ഉണ്ട് എന്നതല്ലാതെ താൻ അവസാനം കണ്ടതിനേക്കാൾ വലിയ മാറ്റം ഒന്നും റൂമിന് സംഭവിച്ചതായി അവന് തോന്നിയില്ല.സൈഡ് ബോർഡ്, കുപ്പികൾ, സോഫ, ഓയിൽ ലാമ്പ്, എല്ലാം പഴയത്പോലെ തന്നിരിപ്പുണ്ട്. ഡാനിയേൽ പ്രതിമ പോലെ നിന്ന കരടിയെ നോക്കി, പെട്ടെന്ന് കരടി അനങ്ങിയത് പോലെ അവന് തോന്നി …അവന്റെ തോന്നൽ അല്ലായിരുന്നു അത്.ഡാനിയൽ കരടിയെ തിരിഞ്ഞു നോക്കിയപ്പോഴേക്കും അത് വാതിലിനടുത്തേക്ക് ഒരടി നീങ്ങിയിരുന്നു. കരടിയുടെ ചോരകണ്ണുകൾ തന്നെ രൂക്ഷമായി നോക്കുന്നതുപോലെയവന് തോന്നി.

“ആന്റണി…. ഹേയ്.. സമയമില്ല.. വേഗം വാ.. പുറത്തേക്ക് വാ….” വാതിൽക്കൽ നിന്നുകൊണ്ട് തന്നെ കസേരയിലിരുന്ന ആന്റണിയോട് പുറത്തേക്ക് വരാനായി അവൻ കൈനീട്ടി കാണിച്ചു. അവൻ കണ്ണടച്ച്ത്തുറന്ന നേരത്തിൽ കരടി വാതിലിന്റെ അടുത്തേക്ക് രണ്ടടികൂടെ അടുത്തു.കരടിയുടെ മുരൾച്ച അവനെ ഭയപ്പെടുത്തി.

ഈ സമയവും തളർന്ന ശരീരവുമായി കസേരയിലിരുന്ന ആന്റണി അവനു നേരെ വിരൽ ചൂണ്ടിക്കൊണ്ടേയിരുന്നു.

“ഡാനിയേൽ….”സ്റ്റെപ് ഇറങ്ങി വരുന്ന റിയയുടെ ശബ്ദം ഡാനിയുടെ കാതുകളിൽ പതിഞ്ഞു.

“ഞാനിവിടുണ്ട്…”ആന്റണിയുടെ മുഖത്ത് നിന്നും കണ്ണെടുക്കാതെ തന്നെ ഡാനിയേൽ റിയയുടെ ചോദ്യത്തിനുള്ള മറുപടി നൽകി.ആ കരടി ഇപ്പോൾ ഡാനിയുടെയും ആന്റണിയുടെയും ഇടയിലായി നിൽക്കുകയാണ്. ജീവൻ വെച്ച കരടി വീണ്ടും പഴയത് പോലെ പ്രതിമ പോലെ നിൽക്കുന്നു. കരടിയുടെ പ്രതിമ പോലുള്ള നിൽപ്പ് ആന്റണിയിന്മേലുള്ള ഡാനിയുടെ കാഴ്ചയെ ഭാഗികമായി മറച്ചു.ശരീരത്തിന് ജീവൻ ഇല്ലായിരുന്നെങ്കിലും കരടിയുടെ കണ്ണുകൾ അവനെ കോപത്തോടെ നോക്കുകയായിരുന്നു. “ഷിറ്റ്” കണ്ണിമ വെട്ടാതെ കരടിയുടെ കണ്ണുകളിൽ നോക്കി ഡാനിയേൽ നിന്നു. “ആന്റണി…ഹേയ്…വാ…ഇപ്പോൾ പറ്റിയില്ലെങ്കിൽ പിന്നെ….. വാ…റൂമിന് വെളിയിലേക്ക് വാ…രക്ഷപ്പെടാം ”കരടിയുടെ ശ്രദ്ധ തന്നിലാണെന്ന് ഉറപ്പിച്ച ഡാനിയേൽ പറഞ്ഞു.

എന്നാൽ ആന്റണിയുടെ മുഖത്ത് യാതൊരു ഭാവ വ്യത്യാസവും ഉണ്ടായിരുന്നില്ല.ഡാനിയേൽ പറഞ്ഞത് കേട്ട ഭാവം പോലുമവൻ കാണിച്ചില്ല. പക്ഷെ അപ്പോഴും ഡാനിയെ നോക്കി അയാൾ സഹായത്തിനായി കൈ ഉയർത്തിക്കൊണ്ടിരുന്നു.

“ഡാനിയേൽ……നോ…..”സ്റ്റൈർകേസ് ഓടിയിറങ്ങിയ റിയ സീക്രെട് റൂമിന്റെ വാതിലിനു ഉള്ളിലേക്ക് കയറാനായി നിന്ന ഡാനിയെ ഷർട്ടിൽ പിടിച്ചു പിറകിലേക്ക് വലിച്ചിട്ട ശേഷം ഞൊടിയിടയിൽ റൂമിന്റെ വാതിൽ വലിച്ചടച്ചു “പടക്ക്…..”.മിന്നായം പോലെ റൂമിനുള്ളിൽ നിന്ന ഭീമൻ കരടിയെ റിയ കണ്ടു.മുറിയടച്ചതിന്റെ എക്കോ ബംഗ്ലാവാകെ മുഴങ്ങിക്കേട്ടു.

“ആ.. ആ റൂമിൽ കേറരുത്…”വിറയ്ക്കുന്ന സ്വരത്തിൽ റിയ പറഞ്ഞു.

“യെസ്…”ഡാനിയുടെ ശബ്ദത്തിൽ ഭയം നിഴലിച്ചിരുന്നു “ഓഹ് ഷിറ്റ്.. വെയിറ്റ് വെയിറ്റ്…ആന്റണി…ലൈലയുടെ ഭർത്താവ് ആന്റണി റൂമിനുള്ളിലുണ്ട്..”

“നോ വേ…അതിനുള്ളിൽ ജീവനുള്ള ആരും കാണില്ല..

“അത് ചേട്ടത്തിക്ക് എങ്ങനറിയാം…?”അടച്ച സീക്രെട് റൂമിന്റെ നോമ്പിൽ പിടിച്ചു റൂം തുറക്കാൻ ശ്രമിച്ചുകൊണ്ട് ഡാനിയേൽ ചോദിച്ചു. പക്ഷെ വാതിൽ ലോക്ക് ആയിരിക്കുന്നു. തുറക്കാൻ പറ്റുന്നില്ല.