👨‍❤️‍👨👨‍❤️‍👨ശ്രീയുടെ ആമി – 4👨‍❤️‍👨👨‍❤️‍👨 15അടിപൊളി  

“എടി കഴിക്കാനും കൂടി പറയട്ടെ…”

“ഏഹ്.. എനിക്ക് വേണ്ട…”

“ഓ…”

വലിയ ആളെന്ന തരത്തിൽ അവനവളെ നോക്കി മുഖം ചുളിച്ചു. അവന് വേണ്ടുന്ന എണ്ണക്കടിയും രണ്ടു കോഫിയും ഓർഡർ ചെയ്ത് ആമിയെ നോക്കി. അവൾ കൊഞ്ഞനം കുത്തി മുഖം തിരിച്ചു.

“എന്തു പറ്റിയെന്റെ പൊന്നിന്…?”

വാത്സല്യത്തോടെയവൻ അവളെ ചേർത്തപ്പോൾ പരിസരം മറന്നു കൊണ്ട് തന്നെ അവളവന്റെ ചുമലിൽ തല ചായിച്ചു. അപ്പോഴേക്കും അവൻ ഓർഡർ ചെയ്ത സ്നാക്സും രണ്ടു മിനുട്ട് കൊണ്ട് കോഫിയും വന്നു.

“എടി നിനക്ക് വേണ്ടല്ലോ…”

“വേണ്ട…”

“എങ്കി ഈ കോഫി കുടിക്ക്..”

രണ്ടാളും കോഫി ഊതിയൂതി കുടിക്കാൻ തുടങ്ങി.

“എനിക്ക് തരാതെ തിന്നുന്നത് കണ്ടില്ലേ.. പ്രാന്തൻ..”

“പോടീ.. നീ വേണ്ടെന്ന് പറഞ്ഞിട്ടല്ലേ..”

“വേണ്ടെന്ന് പറഞ്ഞാൽ.. ഒന്നൂടെ ചോദിക്കില്ലേ മനുഷ്യൻ..”

“മ്മ് മനസിലായി.. നിന്റെ മൂഡിന്റെ കാര്യം മനസിലായി…

“എന്ത്..?”

“നിനക്ക് ഡേറ്റ് അല്ലേ ഇപ്പൊ…?”

അവൻ ശബ്ദം താഴ്ത്തി ചോദിച്ചു. ആമി ഒന്നും മിണ്ടിയില്ല. പക്ഷെ അതിന്റെ ഉത്തരം അവളുടെ കെറുവിച്ച മുഖത്തുണ്ടായിരുന്നു.

“സോറി.. ഒന്ന് ഓർഡർ ചെയ്യട്ടെ…?”

“വേണ്ട നമുക്ക് പോകാം…”

“ഹ്മ്മ്‌.. എങ്കി നടക്ക്…”

“ഓ…”

വല്ലാതെ മാറി മറിയുന്ന ആമിയുടെ ഭാവങ്ങളുടെ യഥാർത്ഥ കാരണം എന്താണൊന്നും മനസിലാകാതെ റിതിന്റെ ഉള്ളിൽ ഒരു അങ്കലാപ്പ് പടർന്നു. ചിലപ്പോൾ പീരിയഡ്‌സ് ന്റെ തന്നെയാകാം എന്നവൻ സമാധാനിച്ചു. അവർ വേഗം വീടെത്തി. ശ്രീ അപ്പോഴേക്കും വന്നിട്ടില്ലായിരുന്നു.

“എടി ഞാനങ്ങോട്ടു വരണോ..?”

“വേണ്ട.. വേഗം പൊയ്ക്കോ…”

“ഇപ്പോ അങ്ങനെയായി അല്ലേ..?”

“പോട…”

അവൾ ചിരിച്ചു കൊണ്ട് കാറിൽ നിന്നിറങ്ങി.

“കൊണ്ടു വിട്ട വക ഒന്നുമില്ലേ…?”

“ഒന്നുമില്ല… നാളെ കാണാം..”

“എടീ…”

“പോട പ്രാന്ത..”

ഇക്കിളി കൊണ്ടുണ്ടാവുന്ന ചിരിയുടെ സ്വരം കേൾപ്പിച്ച് ആമി തിരിഞ്ഞ് നടന്നു. അവൾ വീട്ടിലേക്ക് കയറുന്നതു വരെ നോക്കിയിരുന്ന ശേഷം റിതിൻ കാർ തിരിച്ചു. മുന്നോട്ട് നീങ്ങുന്ന നേരം ഇറയത്തു നിന്ന് കൈവീശി കാണിക്കുന്നുണ്ട്. പൊട്ടി പെണ്ണ്..! അവൻ ചിരിച്ചു.

വീട്ടിൽ കയറി ഒരായാസത്തോടെ ഇരുന്ന ആമി തന്റെ ഭർത്താവ് എവിടെയെന്നറിയാൻ ഫോണെടുത്ത് ഡയൽ ചെയ്തു. ആദ്യ വിളിയിൽ എടുത്തില്ല. പിന്നെയിങ്ങോട്ട് കോൾ വന്നു.

“ഹെലോ.. ഏട്ടാ.. എവിടെയെത്തി..?”

“ഞാൻ വന്നോണ്ടിരിക്കുവാ… നീ എത്തിയോ?”

“ആ..”

“നേരത്തെയാണല്ലോ…”

“നേരത്തെയോ.?”

“അവന്റെ കൂടെയല്ലേ വന്നത്..?”

“അതെ..”

“അപ്പോ ഈ സമയം നേരത്തെയല്ലേ..?”

അവനൊരു കള്ള ചിരിയോടെ പറഞ്ഞതിന്റെ അർത്ഥം ആമിക്ക്‌ മനസിലായി. പക്ഷെ അതിന്റെ മൂഡിലായിരുന്നില്ല അവൾ.

“എന്റെ കയ്യിൽ നിന്ന് കിട്ടണ്ടെങ്കിൽ വേഗം ഇങ്ങ് വന്നോ..”

“ദേ എത്തി പോയി.”

“ഹ്മ്മ്‌…”

കോൾ കട്ടായ ലാഘവതയോടെ ആമിയുടെ മനസ്സ് ശാന്തമായില്ല. അവളും റിതിനും മാത്രമാകുന്ന സമയങ്ങളിൽ തന്റെ ഭർത്താവ് അതോർത്ത് കൂടുതൽ എന്തൊക്കെയോ ചിന്തിച്ചു കൂട്ടുന്നുണ്ടെന്നു ആമി ഉറപ്പിച്ചു. അല്ലെങ്കിൽ തന്റെ പീരിയഡ്‌സ്ന്റെ വല്ലായ്മ സൂചിപ്പിച്ചിട്ടും ശ്രീ ഇങ്ങനെ ചോദിക്കേണ്ട ആവിശ്യമില്ലെന്ന് അവൾ ഓർത്തു.

മനസ്സിൽ മുളച്ചു പൊന്തുന്ന കൂടുതൽ ചിന്തകൾക്കൊക്ക സ്ഥാനം കൊടുക്കാതെ അവൾ ഫ്രഷ് ആവാൻ കയറി. പത്തു മിനുട്ട് കഴിഞ്ഞപ്പോൾ ശ്രീ വന്നിരുന്നു. അന്ന് രാത്രിയിൽ അവൾക്ക് മെൻസസായി. അന്തരീക്ഷത്തെ ഇരുളുകൾ മൂടിക്കൊണ്ട് സമയം രാത്രിയാമങ്ങളിലേക്ക് നീങ്ങി. കൂടുതൽ വർത്തമാനങ്ങൾക്ക് അവൾക്ക് താല്പര്യമുണ്ടായിരുന്നില്ല.

“ഹാഹ്… ഏട്ടാ ഒന്ന് പതുക്കെ പിടിക്ക്…”

ആമിയെ പതിവ് പോലെ ചെരിച്ചു കിടത്തി ചേർന്ന് കിടക്കുമ്പോൾ അവളുടെ വായിൽ നിന്നുയർന്ന വാക്കുകളാണ്.

“ഓ സോറി… ഞാൻ പതിയെ അല്ലേ പിടിച്ചത്..”

“അല്ല..!”

“സോറി..സോറി..”

“ഈ അവസ്ഥയിലും തൊടാൻ വിട്ട എന്നെ പറഞ്ഞാൽ മതിയല്ലോ..”

അവൾ പരിഭവം പറഞ്ഞു.

‘സോറി പൊന്നേ…”

“ഹ്മ്മ്..”

ആർത്തവ ദിവസങ്ങൾ വേഗത്തിൽ കഴിഞ്ഞു പോകാൻ അവൾ ആശിച്ചു. ഒന്നിലും അധികം ശ്രദ്ധ കേന്ദ്രീകരിക്കാൻ കഴിഞ്ഞില്ല. കൂടാതെ ഇടക്കിടക്ക് വരുന്ന ദേഷ്യവും. പീരിയഡ്‌സിൽ ഉണ്ടാകുന്ന യഥാവിധി ബുദ്ധിമുട്ടുകൾ അനുഭവിക്കുക തന്നെ ശരണം.

അത് മനസ്സിലാക്കി ആ ദിവസങ്ങളിൽ റിതിൻ അവളോട് അധികമായി സമീപിച്ചില്ല. കൂടുതലും വർക്കിന്റെ കാര്യങ്ങൾ മാത്രം സംസാരിച്ചു. അതൊരു തന്ത്രവും ആയിരുന്നു. ആമിക്ക് തന്നോട് സ്‌നേഹം കൂടിയ വേളയിൽ അൽപം അകലം കാണിച്ചാൽ പെണ്ണ് പുറകെ വരുമെന്ന് മുൻപേ മനസിലാക്കിയതാണ്.

പക്ഷെ ശ്രീ അവളെ സ്നേഹം കൊണ്ട് വീർപ്പു മുട്ടിച്ചുകൊണ്ടിരിന്നു. മനസ്സിന്റെ നിലയുറക്കാത്ത അവസ്ഥയിൽ റിതിന്റെ കരുതലും അവൾ വല്ലാതെ ആഗ്രഹിച്ചു. അടുത്തിടെ അനുഭവിച്ച റിതിന്റെ അസാമീപ്യം തന്നോടൊരു താല്പര്യക്കുറവ് ഉള്ളത് പോലെ ആമിക്ക് തോന്നിച്ചു. അതവൾക്ക് ഉൾക്കൊള്ളനായില്ല. വിശേഷ ദിവസവും ഞായറാഴ്ചയും ഉൾപ്പെട്ട ലീവ് ദിവസങ്ങളോട് കൂടി ആമിയുടെ പീരിയഡ്‌സ് ദിവസങ്ങൾ കഴിഞ്ഞു.

പ്രൊജക്റ്റ്‌ വർക്കുകൾ തീർന്നത് കൊണ്ട് അടുത്ത ദിവസം ഓഫീസിൽ അധികം തിരക്കൊന്നും ഉണ്ടായില്ല. പക്ഷെ റിതിന് ബോസ്സ് ഏൽപ്പിച്ച കുറച്ചു മീറ്റിംഗുകൾ ഉണ്ടായിരിന്നു. അത്കൊണ്ട് ഉച്ചക്ക് ശേഷമാണ് റിതിനും ബോസ്സും ഓഫീസിൽ വന്നത്.

അമ്മാവനെ വീണ്ടും ആശുപത്രിയിൽ അഡ്മിറ്റ്‌ ചെയ്തെന്ന വാർത്തയറിഞ്ഞ് ശ്രീക്ക് വീണ്ടും ഉച്ചക്ക് ലീവ് എടുത്ത് പോകേണ്ട അവസ്ഥ വന്നു. ആമിയെ കൂട്ടിയിരുന്നില്ല. അതിലവൾക്ക് പരിഭവവും ഉണ്ടായില്ല.

ഭർത്താവ് ഇല്ലാത്തത് കൊണ്ട് തന്നെ ശ്രദ്ധിക്കാൻ വേറെ ആളില്ല എന്ന് മനസിലാക്കിയ ആമി ഉച്ചക്ക്‌ ശേഷം ഉണ്ടായ വർക്ക് വേഗം തീർത്തു. ഓഫീസ് ടൈം തീരുന്നതിനു അഞ്ചു മിനുട്ട് മുൻപേ റിതിന്റെ കേബിനിലേക്ക് ചെന്നു. കടുംനീല സാരിയും കട്ടിയുള്ള വെള്ള ബ്ലൗസ്സുമാണ് അവൾ ഉടുത്തിരുന്നത്.

ഡോർ തുറന്നു വരുന്ന ആമിയെ കണ്ടപ്പോൾ റിതിന് നല്ല സന്തോഷം തോന്നി. കാരണം ശ്രീ ഉച്ചക്ക് ശേഷം ലീവ് ആയത് കൊണ്ട് അവളെ കൊണ്ടു വിടാനുള്ള തന്ത്രം അവൻ മെനഞ്ഞിരുന്നു. അതവതരിപ്പിക്കൻ ആമിയെ വിളിക്കാൻ നിക്കുമ്പോഴാണ് അവളുടെ വരവ്. പക്ഷെ പെണ്ണിന്റെ ദേഷ്യത്തോടെയുള്ള വരവ് കണ്ടപ്പോൾ അവനൊന്നു പകച്ചു.

“ആമി..”

“ആമിയല്ല കൂമി…”

“ദേഷ്യത്തിലാണോടി..??”

“ഏട്ടനെന്താ പറ്റിയെ..?”

അവനുദ്ദേശിച്ച ചോദ്യമായിരുന്നു അത്.

“എന്റെ പൊന്നേ.. നിന്റെ വായിൽ എപ്പോഴും ഇതേ വരുവുള്ളോ..??”

“പിന്നെ..?”

“നീ ആദ്യം ഒന്നിരിക്ക്…”

അവളത് കേൾക്കാതെ ശാട്യത്തോടെ കയ്യും കെട്ടി നിന്നു. അവൻ എഴുന്നേറ്റ് ആമിയുടെ അടുത്തേക്ക് ചെന്ന് ചുമലിൽ പിടിച്ച് ചെയറിൽ ഇരുത്തിച്ചു.

“എടി പെണ്ണേ എന്റെ മനസ്സിൽ പോലും തോന്നാത്തത് പറഞ്ഞാൽ ദൈവം കോപിക്കും കേട്ടോ..”