👨‍❤️‍👨👨‍❤️‍👨ശ്രീയുടെ ആമി – 4👨‍❤️‍👨👨‍❤️‍👨 22അടിപൊളി  

പ്രൊജക്റ്റ്‌ വർക്കുകൾ തീർന്നത് കൊണ്ട് അടുത്ത ദിവസം ഓഫീസിൽ അധികം തിരക്കൊന്നും ഉണ്ടായില്ല. പക്ഷെ റിതിന് ബോസ്സ് ഏൽപ്പിച്ച കുറച്ചു മീറ്റിംഗുകൾ ഉണ്ടായിരിന്നു. അത്കൊണ്ട് ഉച്ചക്ക് ശേഷമാണ് റിതിനും ബോസ്സും ഓഫീസിൽ വന്നത്.

അമ്മാവനെ വീണ്ടും ആശുപത്രിയിൽ അഡ്മിറ്റ്‌ ചെയ്തെന്ന വാർത്തയറിഞ്ഞ് ശ്രീക്ക് വീണ്ടും ഉച്ചക്ക് ലീവ് എടുത്ത് പോകേണ്ട അവസ്ഥ വന്നു. ആമിയെ കൂട്ടിയിരുന്നില്ല. അതിലവൾക്ക് പരിഭവവും ഉണ്ടായില്ല.

ഭർത്താവ് ഇല്ലാത്തത് കൊണ്ട് തന്നെ ശ്രദ്ധിക്കാൻ വേറെ ആളില്ല എന്ന് മനസിലാക്കിയ ആമി ഉച്ചക്ക്‌ ശേഷം ഉണ്ടായ വർക്ക് വേഗം തീർത്തു. ഓഫീസ് ടൈം തീരുന്നതിനു അഞ്ചു മിനുട്ട് മുൻപേ റിതിന്റെ കേബിനിലേക്ക് ചെന്നു. കടുംനീല സാരിയും കട്ടിയുള്ള വെള്ള ബ്ലൗസ്സുമാണ് അവൾ ഉടുത്തിരുന്നത്.

ഡോർ തുറന്നു വരുന്ന ആമിയെ കണ്ടപ്പോൾ റിതിന് നല്ല സന്തോഷം തോന്നി. കാരണം ശ്രീ ഉച്ചക്ക് ശേഷം ലീവ് ആയത് കൊണ്ട് അവളെ കൊണ്ടു വിടാനുള്ള തന്ത്രം അവൻ മെനഞ്ഞിരുന്നു. അതവതരിപ്പിക്കൻ ആമിയെ വിളിക്കാൻ നിക്കുമ്പോഴാണ് അവളുടെ വരവ്. പക്ഷെ പെണ്ണിന്റെ ദേഷ്യത്തോടെയുള്ള വരവ് കണ്ടപ്പോൾ അവനൊന്നു പകച്ചു.

“ആമി..”

“ആമിയല്ല കൂമി…”

“ദേഷ്യത്തിലാണോടി..??”

“ഏട്ടനെന്താ പറ്റിയെ..?”

അവനുദ്ദേശിച്ച ചോദ്യമായിരുന്നു അത്.

“എന്റെ പൊന്നേ.. നിന്റെ വായിൽ എപ്പോഴും ഇതേ വരുവുള്ളോ..??”

“പിന്നെ..?”

“നീ ആദ്യം ഒന്നിരിക്ക്…”

അവളത് കേൾക്കാതെ ശാട്യത്തോടെ കയ്യും കെട്ടി നിന്നു. അവൻ എഴുന്നേറ്റ് ആമിയുടെ അടുത്തേക്ക് ചെന്ന് ചുമലിൽ പിടിച്ച് ചെയറിൽ ഇരുത്തിച്ചു.

“എടി പെണ്ണേ എന്റെ മനസ്സിൽ പോലും തോന്നാത്തത് പറഞ്ഞാൽ ദൈവം കോപിക്കും കേട്ടോ..”

“പിന്നെന്താ കഴിഞ്ഞ ദിവസങ്ങളിലൊന്നും എന്നെ നോക്കാഞ്ഞേ..? സംസാരിക്കാഞ്ഞേ..?”

കൊച്ചു കുട്ടികളുടെ പരിഭവം പറച്ചിൽ പോലെയാണ് അവളുടെ സംസാരം.

“പോടീ.. നിന്റെ മട്ടും കളിയും കണ്ടാൽ ആളുകളെ ഇപ്പൊ കുത്തിയിടും എന്നായിരുന്നില്ലേ..അപ്പോ നിന്റെ മനസ്സ് ശെരിയല്ലാതിരിക്കുമ്പോൾ എന്റെ സംസാരത്തിൽ നി പൊട്ടിത്തെറിച്ചാലോ എന്ന് പേടിച്ചിട്ടാ സത്യം പറഞ്ഞാൽ മിണ്ടാഞ്ഞെ.”

അവളെ സമാധാനിപ്പിച്ച് റിതിൻ തിരികെ ചെയറിൽ വന്നിരുന്നു.

“ഹോ.. എന്തൊരു കണ്ടു പിടിത്തം..”

“പിന്നല്ലാതെ..”

“എങ്കി ഫോൺ വിളിക്കുന്നതിനെന്നാ?? മെസ്സേജ് അയക്കുന്നതിനെന്ന…?”

“നിന്റെ കല്യാണം കഴിഞ്ഞതിനു ശേഷം ഞാൻ നിന്നെ വിളിക്കുകയോ മെസ്സേജ് അയക്കുകയോ ചെയ്തിട്ടുണ്ടോ.? ഇല്ലല്ലോ..? അപ്പോഴൊന്നും നിയിത് ചോദിച്ചും ഇല്ലല്ലോ…”

അവൾ ഒന്നും മിണ്ടാതെ കേട്ടു നിന്നു. അവൻ തുടർന്നു.

“അതാണ്‌…! ഭാര്യ ഭർതൃ ബന്ധത്തിൽ ഏർപ്പെട്ട പെണ്ണിന് ഫോണിൽ ചിലവഴിക്കാൻ സാഹചര്യങ്ങൾ കുറവായിരിക്കും. അത് മനസ്സിലാക്കി നിങ്ങളുടെ കുടുംബത്തിൽ ഇടപെടേണ്ട എന്ന് കരുതി തന്നെയാ വിളിക്കാഞ്ഞതും മെസ്സേജ് അയക്കാഞ്ഞതും.”

“ഏട്ടന് എല്ലാത്തിനും ഒരു കാരണവും ഉണ്ട് ന്യായവും ഉണ്ട്.”

“അല്ലേടി.. സത്യമാ പറഞ്ഞത്..”

“എന്നെയൊഴിവാക്കാനോ മറ്റോ ഉള്ള പ്ലാനിലാമോ..”

അവൾ പിറുപിറുത്തു പക്ഷെ അവനത് കേട്ടിരുന്നു.

“ഞാൻ കേട്ടു. ദേഷ്യം പിടിപ്പിക്കാനാണ് വന്നതെങ്കിൽ എനിക്ക് വയ്യ..”

“ഓ..” അവൾ ചുണ്ട് കോട്ടി.

“ഈ പെണ്ണിന്റെ പിണക്കം മാറുന്നില്ലല്ലോ ഈശ്വരാ…. നിനക്ക് എന്താ വേണ്ടത് പറയ്.. എന്തും ഞാൻ ഇപ്പൊ കൊണ്ടു വരും…”

“എനിക്കൊന്നും വേണ്ട.. ഏട്ടന്റെ കൂടെ കുറച്ച് നേരം തനിച്ചിരിക്കണം..”

“വൗ റൊമാന്റിക്..! ഇതിനാണോ പെണ്ണേ എന്നെയിങ്ങനെ ക്രൂശിച്ചത്..?

“അതെന്ന് കൂട്ടിക്കോ..”

“നീ വാ…”

“എവിടെ പോവും…?”

“എവിടെ വേണേലും പോകാം..”

അപ്പോഴേക്കും ഓഫീസ് ടൈം കഴിഞ്ഞ് എല്ലാരും പോകാൻ തുടങ്ങിയിരുന്നു. ബോസ്സിന്റെ കേബിനിലേക്ക് റിതിനെ വിളിക്കുന്നതിന്‌ മുൻപേ അവരും പുറത്തിറങ്ങി. ഈ കാര്യം ശ്രീയെ അറിയിക്കാൻ വേണ്ടി ആമി ഫോണെടുത്തു.

“റിതിൻ കൊണ്ടു വിടാം എന്ന് പറഞ്ഞു.. പോകുവാണേ..”