👻 യക്ഷി 👻 – 1

മുത്തശ്ശി : മോനു ഞാൻ കണ്ടിട്ടില്ല പക്ഷെ അത് കള്ളം ആണെന്ന് പറയുന്നത് നല്ലതല്ല എല്ലാവരും അത് ഇന്നും വിശ്വസിക്കുന്നുണ്ടേൽ അതിനു എന്തേലും കാരണം കാണുമല്ലോ?

ഞാൻ : അത് എന്തേലും ആവട്ടെ എനിക്ക് ആ കഥ ഒന്ന് കേട്ടാൽ മതി. അല്ലാതെ ഞാൻ യക്ഷിയുടെ പുറകെ പോവാൻ ഒന്നും പോണില്ല കേട്ടോ. മുത്തശ്ശിക്ക് അത് പറഞ്ഞു തരാൻ പറ്റുവോ ഇല്ലയോ അത് മാത്രം പറ.

മുത്തശ്ശി : പറഞ്ഞൊക്കെ തരാം പക്ഷെ ഒരു കാരണവശാലും നമ്മുടെ തറവാടിന് പുറത്തുള്ളവർ ഈ കഥ അറിയുകയോ ഇതിൽ പറയുന്നതൊന്നും പരീക്ഷിക്കുകയോ ഒന്നും ചെയ്യരുത് ആ ഒരു ഉറപ്പ് ഉണ്ടേൽ മുത്തശ്ശി മക്കൾക്ക് പറഞ്ഞു തരാം.

ഞാൻ : ഇല്ല മുത്തശ്ശി എന്നെ വിശ്വാസം ഇല്ലേ. പറ വര്ഷങ്ങളായി ആഗ്രഹിക്കുന്നത് ആണ് ഈ കഥ ഒന്നു കേൾക്കണം എന്ന് പറ എന്റെ ജാനു കുട്ടി 😊

മുത്തശ്ശി : പറയാം…

മുത്തശ്ശി എന്റെ നിർബന്ധത്തിന് വഴങ്ങി ആ കഥ പറയുവാൻ സമ്മതിക്കുമ്പോഴും എന്തെന്നില്ലാത്ത ഒരു ഭയം ആ മുഖത്ത് ഞാൻ കണ്ടിരുന്നു.

ഈ കാലഘട്ടത്തിലും ഈ പ്രേതത്തെയും യക്ഷിയെയും ഒക്കെ പേടിക്കുന്നവർ ഉണ്ടോ എന്നായിരുന്നു എന്റെ അത്ഭുതം.

മുത്തശ്ശി പേടിയോടെ ആണെങ്കിലും കഥ പറയാൻ തുടങ്ങി….

കഥയിലേക്ക്……….

മുത്തശ്ശിക്കും ആറു തലമുറ മുൻപാണ് ഈ സംഭവങ്ങൾ എല്ലാം നടക്കുന്നത്.

അന്നത്തെ നമ്മുടെ തറവാട്ടു കാരണവർ ആയിരുന്നു കേളു നായർ.

ദാനധർമിയും നാട്ടുകാരുടെ എല്ലാം കൺകണ്ട ദൈവവും ആയിരുന്ന വലിയ മുത്തശ്ശൻ തന്റെ സ്വന്തമായി ലഭിച്ച ഭൂസ്വത്തുക്കളിൽ എല്ലാവർക്കും തുല്യ അവകാശം ആണെന്ന് പറഞ്ഞുകൊണ്ട് അത് ജനങ്ങൾക്ക് തന്നെ വീതിച്ചു നൽകാൻ തീരുമാനിച്ചതറിഞ്ഞ കേളു അദ്ദേഹത്തെ ശക്തമായി തന്നെ എതിർത്തു.

താൻ അനുഭവിക്കേണ്ട സ്വത്തുക്കൾ ഇത്രയുംനാൾ തനിക്കടിമകൾ ആയി നടന്ന അടിയാളന്മാർ അനുഭവിക്കുന്നത് അദ്ദേഹത്തിന് ചിന്തിക്കാൻ പോലും സാധിക്കുന്ന കാര്യം അല്ലായിരുന്നു.

സ്വത്തുക്കൾ ഒന്നും ആർക്കും കൊടുക്കുന്നതിൽ തനിക്ക് താല്പര്യമില്ല എന്ന് അദ്ദേഹം വലിയ മുത്തശ്ശനെ അറിയിച്ചിരുന്നു എങ്കിലും ഒരു കാര്യം തീരുമാനിച്ചാൽ അത് നടപ്പിലാക്കിയിരിക്കും എന്ന് വാശിയുണ്ടായിരുന്ന അദ്ദേഹം കേളുവിന്റെ വാക്കുകൾക്ക് ഒരു വിലയും കൊടുത്തില്ല.

അച്ഛന്റെ ആ പ്രവർത്തിയിൽ തന്റെ സ്വയം നിയന്ത്രണം വിട്ട കേളു സ്വന്തം അച്ഛൻ ആണന്നു പോലും വകവെയ്ക്കാതെ വലിയ മുത്തശ്ശന്റെ തല വെട്ടി കൊന്നുകളഞ്ഞു എന്നാണ് പറയപ്പെടുന്നത്.

പക്ഷെ അപ്പോഴേക്കും സ്വത്തുവകകൾ എല്ലാം തന്നെ അദ്ദേഹം തന്റെ പ്രജകൾക്ക് നൽകിയിരുന്നു.

തങ്ങൾക്ക് പ്രിയപ്പെട്ട തമ്പുരാനേ കൊന്ന കൊച്ചു തമ്പുരാനെ നാട്ടുകാർ എല്ലാവരും കൂടി പട്ടിയെ തല്ലുന്നത് പോലെ തല്ലി നാടുകടത്തി.

തനിക്കേർപ്പെട്ട മാനഹാനിയും നഷ്ടമായ സ്വത്തുക്കളും അയാളെ എന്തും ചെയ്യാൻ മടിക്കാത്ത ഒരു അസുര ഭാവത്തിലേക്ക് തന്നെ കൊണ്ടെത്തിച്ചു.

പക്ഷെ ശാരീരികമായി ജനങ്ങളെ എതിർക്കാൻ കഴിയില്ല എന്ന് ഉറപ്പുണ്ടായിരുന്ന അദ്ദേഹം തന്റെ ലക്ഷ്യം കാണുന്നതിന് വനങ്ങളിൽ മാത്രം താമസിച്ചിരുന്ന ദുർമന്ത്ര വാദത്തിലൂടെ ശക്തികൾ സ്വയക്തമാക്കിയ ദിഗംബരൻ എന്നാ മന്ത്രവാദിക്ക് അരികിലേക്ക് എത്തി.

ദിഗംബരന് പല കഴിവുകളും ഉണ്ട് എന്ന് കേട്ടിട്ടുണ്ട് എങ്കിലും കൊടിയ വിഷമുള്ള പാമ്പുകൾ കാവൽ നിൽക്കുന്ന പുലിതോലിൽ ഇരുന്ന് തപസ്സു ചെയ്യുന്ന ദിഗംബരന്റെ രൂപം കണ്ട് അദ്ദേഹം കേട്ടുകേൾവിയെക്കാൾ കൂടുതൽ ഭയപ്പെട്ടു.

കരുതിരുണ്ട കണ്ണുകളും രക്ത നിറത്തിലുള്ള വസ്ത്രങ്ങളും ധരിച്ചുകൊണ്ട്  വായുവിൽ ഇരിക്കാനും എന്തിനു നിന്ന നിൽപ്പിൽ ഒരു ശരീരത്തിൽ നിന്നും മറ്റൊരു ശരീരത്തിലേക്ക് വരെ തന്റെ ആത്മാവിനെ കയറ്റാൻ കഴിവുണ്ടായിരുന്നു ദിഗംബരന്.

പേടിച്ചു നിൽക്കുന്ന കേളുവിനെ കണ്ട ദിഗംബരൻ ഭയപ്പെടുത്തും വിധം ശക്തമായ ശബ്ദത്തോട് കൂടി ചോദിച്ചു.

ദിഗംബരൻ : എന്താ മനക്കൽ കോവിലകത്തെ കൊച്ചു തമ്പുരാനേ ഇവിടെ വന്നതിന്റെ ഉദ്ദേശം?

കേളു : എല്ലാം അങ്ങേയ്ക്ക് അറിയാമായിരിക്കും അല്ലോ 🙏

ദിഗംബരൻ : അറിയാം അവകാശപ്പെട്ടതെല്ലാം നഷ്ടമായി അല്ലെ?

അതിനു വേണ്ടി സ്വന്തം പിതാവിനെ പോലും വധിക്കേണ്ടി വന്നിട്ടും ഒന്നും ലഭിച്ചില്ല…..

കേളു : അതെ സ്വാമി…

എന്റെ അടിമകൾ ആയി കിടന്ന നായ്ക്കൾ എല്ലാം എന്നെ കല്ലെറിഞ്ഞു ഓടിച്ചു 😔😡

എനിക്ക് വേണം എന്റെ പാതം തൊടുന്നതെല്ലാം എനിക്ക് മാത്രം ഉള്ളതാവണം.

സ്വാമി എന്നെ ശിഷ്യപ്പെടുത്തണം 🙏

എന്റെ ആവശ്യങ്ങൾ നിറവേറ്റാൻ വേണ്ട കർമങ്ങൾ എനിക്ക് ഓതി തന്നാലും 🙏

ദിഗംബരൻ : മന്ത്രങ്ങൾ ഞാൻ പഠിപ്പിക്കാം പക്ഷെ ഒരു നിബന്ധന.

കേളു : എന്തായാലും എനിക്ക് കുഴപ്പമില്ല സ്വാമി സ്വാമിയുടെ ഏതൊരു ആവശ്യവും ഞാൻ സ്വീകരിക്കാൻ തയ്യാറാണ്.

എനിക്ക് നഷ്ടപ്പെട്ടതൊക്കെ അതിലും കൂടുതൽ എനിക്ക് ലഭിക്കണം..

എന്നെ കല്ലെറിഞ്ഞു ഓടിച്ചവന്മാരും അവരുടെ വരും തലമുറകളും എന്നും എന്റെയും എന്റെ പാരമ്പരകളുടെയും കാൽക്കലിൽ തന്നെ ജീവിക്കണം അത്ര മാത്രമേ എനിക്കുള്ളൂ.

അതിനു എന്തും ചെയ്യാൻ ഞാൻ തയ്യാറാണ്.

ദിഗംബരൻ : ശെരി ഇനി എന്റെ ആവശ്യം ഞാൻ പറയാം….

മനഃശക്തി കൊണ്ടും ലക്ഷ്യംകൊണ്ടും നീ ശക്തനാണ് നിന്നെപ്പോലെ തന്നെ ലക്ഷ്യം സാധിക്കാൻ വേണ്ടി ആണ് ഞാനും ഇതിനു വർഷങ്ങൾ മുൻപ് ഇറങ്ങി പുറപ്പെട്ടത്. ഇന്ന് എന്റെ കാലം അവസാനിക്കാറായി കഴിഞ്ഞിരിക്കുന്നു അതുകൊണ്ട് എനിക്ക് സ്വയക്തമായ എല്ലാം ഞാൻ നിനക്ക് ഉപദേശിക്കാം പക്ഷെ എനിക്ക് പകരം എന്റെ സ്ഥാനം നീ അലങ്കരിക്കണം. എന്റെ അവകാശി ആയി തന്നെ.

ദിഗംബരൻ തന്റെ ആവശ്യം പറഞ്ഞപ്പോൾ സത്യം പറഞ്ഞാൽ ഏറ്റവും കൂടുതൽ സന്തോഷവാൻ ആയത് കേളു തന്നെയാണ്.

തനിക്ക് അദ്ദേഹത്തിന്റെ കഴിവുകൾ ലഭിച്ചാൽ പിന്നെ ഒന്നിനെയും തനിക്ക് പേടിക്കേണ്ട ആവശ്യം വരില്ല എന്തിനു ഈ ഭൂലോകം തന്നെ തന്റെ കാൽക്കൽ വീഴും എന്നയാൾ വിശ്വസിച്ചു.

കേളു : സമ്മതം ആണ് സ്വാമി. പക്ഷെ ഞാൻ ഈ വനത്തിൽ തന്നെ തപസ്സിരുന്നാൽ എന്റെ ആവശ്യങ്ങൾ എല്ലാം എങ്ങനെ ആണ് ഞാൻ ആസ്വദിക്കുക.

ദിഗംബരൻ : അതിന്റെ ആവശ്യം ഒന്നും വരില്ല. നീ ചെയ്യേണ്ടത് എനിക്ക് ചെയ്യാൻ കഴിയാതെ പോയ കാര്യങ്ങൾ ആയിരിക്കണം അതിനു ഒരിക്കലും ഈ വനത്തിൽ തന്നെ നീ താമസിക്കണം എന്നില്ല. നിന്റെ പ്രതികരണങ്ങൾ നടപ്പിലാക്കുന്നതിനും എന്റെ ആവശ്യത്തിനും ഒരേ വഴിയാനുള്ളത്.

യക്ഷി നിങ്ങളുടെ കാവിൽ മറഞ്ഞിരിക്കുന്ന യക്ഷിയെ നീ ഉപാസിക്കണം അവളെ പ്രീതി പെടുത്തണം അവളിലൂടെ നീ നിന്റെ ആവശ്യങ്ങളും എന്റെ നിർബന്ധമായും പൂർത്തീകരിക്കും.

+4

0