💃💃കളിത്തോഴി💃💃 Likeഅടിപൊളി  

മറ്റൊരു സൈറ്റിൽ എന്റെ സുഹൃത്തായ ഒരെഴുത്തുകാരി എഴുതിയ ഒരു കഥയാണ് ഞാൻ അവളുടെ അനുവാദത്തോടെ പൊളിച്ചെഴുതുന്നത്.

മഴതോർന്ന ഒരു പ്രഭാതം, വണ്ടിയോടിക്കാൻ നല്ല രസമാണ്. എനിക്കതു ഇഷ്ടവുമാണ്, നല്ല മെലഡി പാട്ടും കേട്ട് കെട്യോനെയും അരികിലിരുത്തി ഞാൻ റോഡരികിലെ പെട്രോൾ പമ്പിലേക്ക് പതിയെ കയറി.

“എത്ര രൂപയ്ക്കാ മാഡം!”

“1000”

“ആ നീയെന്താടാ പറഞ്ഞെ.”

“ചേച്ചി, പ്ലീസ് രണ്ടൂസത്തേക്ക് അല്ലെ, ഞാൻ പോയിട്ട് തിരിച്ചു വരാ”

“പറ്റില്ല, നീ ഫ്രണ്ട്സന്റെ കൂടെ വെള്ളമടിക്കാൻ അല്ലെ, വേണ്ട മോനെ, നീ വേണേൽ എന്റെ ഒപ്പം കഴിച്ചോ, പുറത്തു പോയി കഴിക്കുന്ന പരിപാടിയൊന്നും തത്കാലം വേണ്ട. ഗോവ പോലും, അയ്യടാ, എന്നെ കൂട്ടാതെ പോകേം വേണം!”

“അപ്പൊ ഞാൻ ചേച്ചിയെ കൂട്ടാതെ പോകുന്നതാണല്ലേ പ്രശ്‌നം?”

“ആണെന്ന് കൂട്ടിക്കോ, പറ്റില്ല എന്ന് പറഞ്ഞാ, പറ്റില്ല, എനിക്ക് നീയില്ലാതെ പറ്റില്ലാ ന്നു പറഞ്ഞാൽ പറ്റില്ല.” സ്ടിയരങ്ങിൽ അമർത്തിപിടിച്ചുകൊണ്ട് സൈഡ് സീറ്റിലിരിക്കുന്ന എന്റെ കെട്യോനെ നോക്കി ഞാൻ ബലം പിടിച്ചു.

“ചേച്ചിമാരെ പ്രേമിക്കുമ്പോ അവർ എല്ലാത്തിനും സമ്മതിക്കും കെട്ടി കഴിഞ്ഞാൽ ഒരു ഫ്രീഡവും, ഇവളുമാര് തരില്ല ശേ, പെട്ടുപോയി!!!” പിറുപിറുക്കുന്ന എന്റെ ചെക്കനെ ഞാനൊന്നു പാളി നോക്കി.

“ഹലോ, എന്താണ് മിസ്റ്റർ മാത്യു നൈനാൻ കോശി. പിറുപിറുക്കുന്നത്?”

“ഒന്നുല്ല അനുരാധ മേഡം, ഗാഡി ചലോ.”

പെട്രോൾ പമ്പിലെ കൊച്ചു പയ്യൻ എന്നെയും കൂടെയിരിക്കുന്ന എന്റെ കെട്യോനെയും നോക്കി അമർത്തി ചിരിച്ചു. ഇവിടെ നിന്ന് സ്‌ഥിരമായി പെട്രോൾ അടിക്കുന്നത് കൊണ്ട് അവനു ഞങ്ങളെ നന്നായിട്ടറിയാം. അവന്റെ നോട്ടത്തിലെ ചിരിയും മുഖത്തുള്ള ആകാംക്ഷയും അതുപോലെ എന്തിനെന്നും എനിക്കറിയാം.

തന്നെക്കാളും ഒന്നോ രണ്ടോ വയസ് മൂത്ത പെണ്ണിനെ കല്യാണം കഴിക്കുന്നത് സാധാരണ നടക്കാറുള്ള കാര്യമല്ലെങ്കിലും, അവളെ നിയന്ത്രിക്കുമ്പോൾ പ്രായം കുറഞ്ഞ ഭർത്താവിന് കിട്ടുന്ന ഒരു സുഖമുണ്ടല്ലോ ? അത് പോലെ തന്നെയാണ് ഞങ്ങൾ പെണ്ണുങ്ങൾക്കും താലി കെട്ടിയ ആണുങ്ങളെ ഇങ്ങനെ കുരങ്ങു കളിപ്പിക്കുമ്പോൾ കിട്ടുന്നതും.
പക്ഷെ അവനെന്റെ മുത്താണ്. എന്റെ ഭാഗത്തു നിന്ന് ഇങ്ങനെ ചില്ലറ ഭരണമൊക്കെ ഉണ്ടാകുന്നത് അവനുള്ളുകൊണ്ട് ആസ്വദിക്കുന്നൊക്കെയുണ്ട്. എനിക്കറിയാമതൊക്കെ! പിന്നെ അവൻ ചേച്ചി ചേച്ചി ന്നു പിന്നാലെ നടന്നു വളച്ചതൊന്നുമല്ല കേട്ടോ! ഞാൻ തന്നെയാണ് അവനെ ആദ്യം ഇഷ്ടപെട്ടതും പ്രൊപ്പോസ് ചെയ്തതും എല്ലാം.

എന്റെ പേര് അനുരാധ, 26 വയസ്‌, പി ജി വരെ പഠിച്ചിട്ടുണ്ട്, അവിവാഹിതയാണ്, പക്ഷെ കന്യകയല്ല.! എന്റെ കല്യാണം കഴിഞ്ഞത് രണ്ടു വർഷം മുൻപായിരുന്നു. എന്റെ കാതൽ കഥയാണ് ഞാനിവിടെ പറയാൻ പോകുന്നത്. ഇപ്പൊ ഞങ്ങൾ കോട്ടയത്തേക്ക് ജോലിക്ക് പോകുന്നു. എനിക്ക് മൂന്നു മാസമാണ്. വീട് തൃപ്പൂണിത്തുറ സ്റ്റേഷന്റെ അടുത്താണ്. ഇത്രയും ബേസിക് പോർട്ടഫോളിയോ. എങ്കിൽ തുടങ്ങാം.

പി ജി യ്ക്ക് ശേഷം പി എസ് സി ബാങ്ക് ടെസ്റ്റ് മുതായലവയുമായി സമയം ചിലവഴിക്കുന്ന സമയത്താണ്, കോട്ടയത്തു ഒരു പ്രിന്റിങ് പ്രെസ്സിൽ ഓഫീസിൽ സ്റ്റാഫ് ആവശ്യമുണ്ടെന്നു ഒരു കൂട്ടുകാരി വഴി ഞാനറിഞ്ഞത്. അവളുടെ അച്ഛന്റെയാണ് പ്രസ്. അങ്ങനെ എനിക്കവിടെ കോൺടെന്റ് റൈറ്റർ ആയിട്ടു ജോലി ശരിയായി. അവിടെന്നു രാവിലേം വൈകിട്ടും ട്രെയിൻ ഉള്ളതിനാൽ യാത്ര സുഖമായിരുന്നു. സ്റ്റേഷൻ വരെ സ്കൂട്ടറിൽ പോകും. അങ്ങനെ സ്ഥിരം പോയി പോയി കുറച്ചു പേരൊക്കെ കൂട്ടുകാരായി കിട്ടി. അതിൽ ഒരാൾ മാത്യു, പിന്നെ റാഫി.

മാത്യുവിനു എന്നെക്കാളും 3 വയസു കുറവാണ്. എങ്കിലും എന്നെ ചേച്ചി എന്നൊന്നും വിളിക്കണ്ട എന്ന് ഞാനവനോട് പറഞ്ഞിരുന്നു. എന്നാലും കാണാൻ കൊള്ളാവുന്ന ആമ്പിള്ളേർ ചേച്ചി എന്ന് വിളിക്കുമ്പോ ഒരു പ്രത്യേക ഹരമാണ് ഹിഹി. അവനെ കാണാൻ തമിഴ് സിനിമയിലെ വിക്രമിന്റെ മകന്റെ അതെ ഛായ ആണ് കേട്ടോ. അത് മാത്രമല്ല ചലപ്പോ കട്ട താടിയും മീശയും, ചിലപ്പോ ക്ളീൻ ഷേവ്, മറ്റു ചിലപ്പോ മീശ മാത്രം, അങ്ങനെ എല്ലാ ലുക്കും ചേരുന്ന ഒരു ടൈപ്പ് ചുള്ളൻ!. അവന്റെ വീട് ഉദയംപേരൂർ ആണ്. കോട്ടയത്തെ ബിസിനസ് ഡെവലപ്മെന്റ് സെന്ററിൽ ആയിരുന്നു അവനു ജോലി.