💓 ആരതി കല്യാണം 💓 – 1 8അടിപൊളി  

 

“”അല്ലളിയ… നിങ്ങടെ കോസ്റ്റും എവടെ… “” ഞാൻ എന്റെ സംശയം ചോദിച്ചതും അതിന്,

 

“”കോസ്റ്റുമോ..?? ഏത് കോസ്റ്റും..?? “”

 

“”ദേ ഈ കയ്യിലിരിക്കണ കോസ്റ്റും…”” ഞാൻ അളിയന്റെ കയ്യിലുള്ള ഡ്രസ്സ്‌ ചൂണ്ടി പറഞ്ഞു…

 

“”ഓ അത്… അതിടാം.. ആദ്യം നീ വാ…”” അങ്ങനെ ഞങ്ങൾ സ്റ്റേജിന്റെ പിന്നിലെ മുറിയിൽ എത്തി… അവടെ അമ്മേം അച്ഛനും ആര്യേച്ചിയും അച്ഛമ്മേം എല്ലാം ഉണ്ട്… ഞാൻ നേരെ അച്ഛമ്മേടെ അടുത്തേക്ക് പോയി…

 

“”ആ ഇതാര്..??? അമ്മിണി തള്ളയോ… പല്ലൊക്കെ പോയല്ലോ… “” ഞാൻ അച്ഛമ്മയെ കൊഞ്ചിക്കുന്നതിനിടക്ക് അമ്മേം ചേച്ചിയും എന്റെ അടുത്തേക്ക് വന്നു…

 

“”ഇവൻ വന്നോ…. ഇനി ഇപ്പോ എന്താ ചെയ്യാനുള്ളത്ച്ചാ വേഗം ചെയ്തോളാ … ഞാൻ പോയി രാജീവിനോട് പറഞ്ഞിട്ട് വരാം… “” എന്നും പറഞ്ഞ് അച്ഛൻ പൊറത്തേക്ക് പോയി…

 

“”മോനെ ശരത്തെ… നീ ഇവനെ ഒന്ന് വേഗം ഒരുക്ക്…. വേഗാവട്ടെ… മുഹൂർത്തവാറായി…”” അപ്പൊ തന്നെ ശരത്തേട്ടൻ എന്നെ നേരെ നിർത്തി രണ്ട് തോളിലും കൈ വച്ച് എന്നെ അടിമുടി ഒന്ന് നോക്കി… ചേച്ചി കുറച്ച് മാറി നേഖവും കടിച്ഛ് എന്നെ തന്നെ നോക്കി നിക്കുന്നുണ്ട്… എന്നിട്ടളിയൻ,

 

“”അഭി… ഇന്ന് നിന്റെ ‘കല്യാണമാണ്’… “”

 

“”ഓ അയ്ശേരി… ഏഹ്…. !!!??? എന്താ… !!!???”” കാര്യം മനസിലായ ഞാൻ അളിയന്റെ രണ്ട് കയ്യും തട്ടി മാറ്റി ഒന്ന് പൊറകോട്ടുവെച്ചു…

 

“”അവൻ പറഞ്ഞത് കേട്ടില്ലേ… ഇന്ന് നിന്റെ കല്യാണം ആണെന്ന്…”” അമ്മ എന്റെ അടുത്ത് വന്നത് പറഞ്ഞതും എന്റെ തല ഒക്കെ കറങ്ങാൻ തൊടങ്ങി…

 

“”നിങ്ങളെന്താ തള്ളേ കളിക്കുന്നോ… ഇതെന്താ വല്ല പ്രാങ്കോ വല്ലോം ആണ…??? ഏഹ്..?? ഇനി ഏപ്രിൽ ഫൂൾ നേരത്തെയാണോ…??”” എന്നും പറഞ്ഞു ഞാൻ വാതിലിന്റെ അവടെ നിന്ന് പൊറത്തോട്ട് നോക്കി… എന്റെ പിന്നാലെ അളിയനും വന്നു….

 

“”ആ പൊറത്തു ക്യാമെറയോക്കെണ്ട്… അപ്പൊ പ്രാങ്ക് തന്നെ…””

 

“”എടാ പൊട്ടാ അത് കല്യാണത്തിന്റെ ആൽബം പിടിക്കാൻ വന്നതാ…”” എന്റെ കളിക്കണ്ട ചേച്ചി പറഞ്ഞു… എനിക്കൊന്നും മനസിലാവണില്ലല്ലോ… എന്ത് പറിയ ഇവടെ നടക്കണേ… അയ്യോ ആകെ മൊത്തം മൂഞ്ചിയ അവസ്ഥയാണല്ലോ… എല്ലാംകൂടി വയ്യാതെ ഞാൻ നിലത്തിരുന്ന് പോയി….

 

“”എടാ നീ ഞാൻ പറയണേ കേൾക്ക്… നമ്മടെ ആരതിടെ ചെക്കനെ ഇന്നലെ രാവിലെ തൊട്ട് കാണാനില്ല… അന്വേഷിച്ചു ചെന്നപ്പോ അവൻ അവന്റെ കാമുകിടെ കൂടെ നാടുവിട്ടു ന്നാ കേട്ടത്… ഈ പെണ്ണിനാണെങ്കി ജാധകത്തിലെന്തോ ദോഷോ ശാപോ ഏതാണ്ടൊക്കെ ണ്ടെന്ന്…”” അളിയൻ എന്റടുത്തു പറഞ്ഞു മുഴുവിക്കും മുന്നേ ഞാൻ ഇടയിൽ കേറി,

 

“”അയിന് ഞാൻ എന്തോ വേണം… ആ ശാപം ഒക്കെ കൂടി എന്റെ തലേൽ വെക്കണോ… “”

 

“”നീ ഞാൻ പറയണ്ണത് മുഴുവൻ കേൾക്… ഇതറിഞ്ഞു ഇന്നലെ തന്നെ ഇവടെ എല്ലാവരും പറ്റിയ ജാധകം നോക്കി ഇറങ്ങി… കൊറേ നോക്കിട്ടും ചേരുന്നതൊന്നും കിട്ടീല… അപ്പഴാ ആര്യ പറഞ്ഞെ നിന്റെ ജാഥകം ഒന്ന് നോക്കാൻ… നിങ്ങടെ രണ്ടുപേരടേം ജാധകം പണികരുടെ അടുത്ത് കൊടുത്ത് നോക്കിയപ്പോ പത്തിൽ പത്താന്ന പറഞ്ഞെ…””” എന്തോ വല്ല്യേ കാര്യം പോലെ അളിയൻ പറഞ്ഞുതീർത്തതും ഞാൻ,

 

“”പത്തിൽ പത്തോ..?? ഇത് കൊള്ളാം… ഇവരിപ്പോ ജാഥകത്തിനു മാർക്കും ഇട്ടുതുടങ്ങ്യ..??”” ഞാൻ ന്യായമായ എന്റെ സംശയം അവരോട് ഉന്നയിച്ചു…

 

“”എന്തായാലും ഞാൻ ഇതിന് സമ്മതിക്കില്ല… അല്ലെങ്കിലും ഒന്നാലോചിച്ചു നോക്ക്യേ, എന്നെകാളും മൂത്തതല്ലേ അവള്… അപ്പൊ ഇദ്ദേങ്ങനെ ശെരിയാവും…””

 

“”ആ അതൊക്കെ ശെരിയാവും… നീ പറയണ്ണത് അനുസരിക്ക് … പോയി ഒരുങ്ങി വാ… ശരത്തെ നീ ഇവനെ വേഗം ഒരുക്കി അങ്ങോട്ട് വാ…”” ഞാനിവിടെ കെടന്ന് തൊള്ളകാറി ഓരോന്ന് പറയാണെന്ന് എന്റെ തള്ള പുല്ലു പോലെ തള്ളിക്കളഞ്ഞു കൊണ്ട് പറഞ്ഞതും എനിക്ക് അങ്ങ് പൊളിഞ്ഞുകേറി … ഇന്നിവിടെ എന്റെ ശവം വീഴും നോക്കിക്കോ…

 

“” അമ്മേ ഞാൻ സീരിയസ് ആയിട്ട പറയണേ, ഇത് നടക്കില്ല… എന്റെ ലൈഫ് വച്ഛ് കളിക്കാൻ ഞാൻ സമ്മതിക്കില്ല… “”