💓 ആരതി കല്യാണം 💓 – 1 Likeഅടിപൊളി  

“”നിനക്ക് ചോദിക്കാൻ ഉള്ളത് ചോദിക്ക്…”” ന്നും പറഞ്ഞെന്നെ അവളുടെ മുമ്പിൽ കൊണ്ടുവന്നു നിറുത്തി… ആദ്യം ഒന്ന് പകച്ചെങ്കിലും ഞാൻ പിടിച്ചുനിന്നു… എന്തായാലും എന്റെ മോന്തകണ്ട അവള് ഇത് സമ്മതിക്കില്ല എന്നാ നല്ല വിശ്വാസം എനിക്കുണ്ടായിരുന്നു… പിന്നെ ഒന്നും നോക്കീല… തല താഴ്ത്തി കസേരയിലിരിക്കുന്ന അവളോട് ഞാൻ,

“”ആരതി… നീ ഇവര് പറയുന്നതൊന്നും നോക്കണ്ട… നിനക്കി കല്യാണത്തിന് സമ്മതമല്ലല്ലോ…???”” എന്ന് പറഞ്ഞു ഇപ്പൊ കേട്ടോ എന്നാ മട്ടിൽ ഞാൻ ചുറ്റും നിന്ന എല്ലാവരേം ഒന്നുനോക്കി…

“”സമ്മതമാണ്….!!!! “”

“”ഏഹ് എന്താ???”” അവള് പറഞ്ഞത് ഞാൻ ശെരിക്കും കേട്ടെങ്കിലും അപ്പോഴത്തെ ഞെട്ടലിൽ ഞാൻ ഒന്നും കൂടി ചോദിച്ചു…

“”എനിക്ക് സമ്മതമാണ്…”” അങ്ങനെപറഞ്ഞ എങ്ങനാ… ഞാൻ കേട്ടത് തന്നെയാണോ എല്ലാരും കേട്ടത് എന്നറിയാൻ ഞാൻ അളിയനെ ഒന്ന് നോക്കിയപ്പോ കരയണോ ചിരിക്കണോ എന്ന ഭാവായിരുന്നു കണ്ടത്… തിരിച്ച് ആരതിയെ നോക്കിയപ്പോ അവൾ എന്നെ തന്നെ നോക്കിയിരിക്കുന്നു, ആ മുഖത്ത് ദേഷ്യമാണോ സങ്കടമാണോ എന്ന് മനസിലാവുന്നില്ല… എന്തായാലും സന്തോഷമല്ല, ഒരുതരം നിർവികാരതാ….

പിന്നെ എല്ലാം പെട്ടന്നായിരുന്നു… എന്നെ വേറെ മുറിയിൽ കൊണ്ടുപോയതും ഒരു മുണ്ടെടുത്ത പാന്റിന്റെ മോളിലൂടെ ചുറ്റി നേരെ മണ്ഡഭത്തിൽ ചെന്നിരുത്തി… നേരത്തെ എന്റെ ഷർട്ട്‌ മാറ്റാൻ നോക്കിയെങ്കിലും ഞാൻ സഹകരിക്കാത്തൊണ്ട് നടന്നില്ല… മുമ്പിലിരിക്കുന്ന ചിലർ ഏതാ ഈ മൈരൻ എന്ന രീതിയിൽ എന്നെ നോക്കിയപ്പോ പോയിനെടാ മയിരുകളെ എന്ന മട്ടിൽ ഞാൻ തിരിച്ചും നോക്കി…

കാര്യേങ്ങളെല്ലാം കൈ വിട്ടു പോയല്ലോ ഈശ്വര… ഇത് മുടക്കാൻ ഞാൻ ആവുന്നതും നോക്കിയതാ, പക്ഷെ വിജയിച്ചില്ല… ഞാൻ ഒരു ആഭാസൻ ആണ് ന്ന് പറഞ്ഞാലോ… എനിക്ക് പലസ്ത്രീ ബന്ധമുണ്ടെന്നൊക്കെ അങ്ങ് പറയാം, അല്ലെങ്കി വേണ്ട എന്റെ തള്ള എന്നേം കൊന്ന് ജയിലിൽ പോവും… തലേടെ മേളിൽ പൂവും പറിയും ഒക്കെ വീഴുന്നത് കണ്ട് സൈഡിൽ നോക്കിയെപ്പോ പൂജാരി എന്തോ രഹസ്യം പറയുന്നുണ്ട്… അടുത്ത് ചെന്നു നോക്കിയെപ്പോഴാ അത് രഹസ്യം പറയുന്നതല്ല മന്ത്രങ്ങൾ ചൊല്ലുന്നതാന്ന് മനസ്സിലായത്…

“”കുട്ടിയോട് വരാൻ പറഞ്ഞോളു “” ന്ന് പൂജാരി പറഞ്ഞപ്പോ അത് വേണ്ട അവളവിടെ തന്നെ ഇരുന്നോട്ടെ എന്ന് പറയണം എന്നുണ്ടായിരുന്നു, അങ്ങേര്ടെ വായെലിരിക്കണത് കേൾക്കണ്ടാന്ന് വിചാരിച്ച് മിണ്ടാണ്ടിരുന്നു….

ആരൊക്കെയോ ചേർന്ന് ആരതിയെ എന്റടുത്തു ഇരുത്തി… തിരിഞ്ഞു നോക്കണ്ടിരിക്കാൻ ഞാൻ ആവുന്നത് നോക്കി എങ്കിലും വിജയിച്ചില്ല… ഇപ്പഴും തല താഴ്ത്തി തന്നെയാണ് ഇരിപ്പ്… ആ തിരുമോന്ത ഒന്ന് ശെരിക്ക് കണ്ടിരുന്നെങ്കി ആഞ്ഞൊരു ചവിട്ടുകൊടുക്കാമായിരുന്നു… എന്തൊക്കെ പറഞ്ഞാലും ഇപ്പൊ ഞങ്ങളെ ഒരുമിച്ചു കണ്ടാൽ നിലവിളകിനടുത്തു കരിവിളക്കിരിക്കണ പോലെണ്ട്…

ആരതിടെ അടുത്ത് ഇരിക്കും തോറും എന്റെ ഉള്ളിൽ മുമ്പത്തെ കാര്യങ്ങൾ അലയടിക്കാൻ തുടങ്ങി… ഇവൾ കാരണം ഞാൻ അനുഭവിച്ച നാണക്കേടും പരിഹാസവും എല്ലാം… എനിക്കുറപ്പാണ് ആരതി ഈ കല്യാണത്തിന് സമ്മതിച്ചത് അവൾക് താല്പര്യം ഉണ്ടായിട്ടല്ല… ഇനി ആണെങ്കിൽ തന്നെ അത് എന്റെ കൂടെ സുഖിച്ചു ജീവിക്കാൻ അല്ല മാറിച്ഛ് പകപോകാൻ ആയിരിക്കും…

അല്ലെങ്കിലും പകപോകേണ്ടതും പ്രതീകാരം ചെയ്യണ്ടേതെല്ലാം ഞാൻ അല്ലെ… അവൾ കാരണം എല്ലാവരുടേം മുമ്പിൽ തല കുനിച്ചു നിന്നത് ഞാൻ അല്ലെ… ചെറിയ ചെറിയ പ്രേശ്നങ്ങൾ ഊതിപ്പെരുപ്പിച്ഛ് വഷളാക്കിയേത് മൊത്തം ഇവളല്ലേ??? ആരതി രാജീവൻ!!! പക്ഷെ ഒന്നും വേണ്ട അവൾക് അവളുടെ വഴി എനിക്കെന്റെ വഴിയേന്നും പറഞ്ഞു ഒഴിഞ്ഞുമാറി ഞാൻ നിന്നതല്ലേ ….??? എന്റെ ജീവിതം വെച്ച് കളിക്കാൻ മാത്രം എന്ത് തെറ്റാണ് ഞാൻ ചെയ്തേ??? അറിയില്ല… ഒന്നും….

ഓരോന്നാലോചിച്ഛ് ഇരിക്കുന്നതിനിടെ എന്തോ പറയുന്നത് കേട്ടാണ് ഞാൻ പൂജാരിയെ നോക്കിയത്… പൂജാരി എനിക്ക് നേരെ താലി നീട്ടിയിരിക്കുന്നു… ഒന്ന് മടിച്ച ശേഷം ഞാനാ താലി കയ്യിലെടുത്തു, കൈ നന്നായി വിറക്കുന്നുണ്ട്…

“”കെട്ടികൊള്ളു “” എന്ന് പറഞ്ഞതും എങ്ങാനൊക്കെയോ ഞാൻ താലി അവളുടെ കഴുത്തിനു നേരെ നീട്ടി…ആരതി എന്നെ നോക്കുന്നു, ആ കണ്ണിൽ എന്നോടുള്ള വെറുപ്പും ദേഷ്യവും എല്ലാമുണ്ട്, അതിന് പോടീ പൂറി എന്ന ലുക്ക്‌ ഞാൻ തിരിച്ചും കൊടുത്തു ..പിന്നെ ഒന്നും നോക്കീല രണ്ടും കല്പിച്ഛ് ഒരു കെട്ടായിരുന്നു, കെട്ടാൻ എളുപ്പത്തിന് വേണ്ടി ആര്യേച്ചി അവളുടെ മുടിപൊക്കി പിടിച്ചുതരുവേം ഒപ്പം വേറെന്തോ ഒന്ന് ചെയുവേം ചെയ്തു…. പക്ഷെ ഇതിനിടക്ക് എന്നെ ഞെട്ടിച്ചത് താലികെട്ടുമ്പോ കണ്ണടച്ചു പ്രാർത്ഥിക്കുന്ന ആരതിയാണ്… എന്തിനാ ഇവളി ഷോ കാണിക്കണേ…

താലികെട്ടി സിന്ദൂരം ചാർത്തലും കൈ പിടിച്ച് വലംവക്കലും ഓക്കേ ചെയ്യുമ്പോ എന്റെ ഉള്ളിലേക്ക് പഴയ ഓർമ്മകൾ കുത്തി തുളച്ചു കേറുന്നുണ്ടായിരുന്നു….

തുടരും…..