💓 ആരതി കല്യാണം 💓 – 5 37അടിപൊളി  

 

 

 

“” ശരത്തേട്ടൻ എന്നെ വിളിച്ഛ് കാര്യങ്ങളൊക്കെ പറഞ്ഞായിരുന്നു… എല്ലാം കേട്ടപ്പോ പിന്നെ അവടെ നിക്കാൻ തോന്നീല…ഞാൻ അമ്മയോട് ഒരത്യാവിശ്യം ഉണ്ടെന്നും പറഞ്ഞിങ്ങു പൊന്നു… ഇവന്മാരെ വിളിച്ഛ് കാര്യം പറഞ്ഞപ്പോ ഇവരും…!”” കട്ടിലിന്റെ അടുത്തുണ്ടായിരുന്ന ബീൻ ബാഗിൽ ഇരുന്ന് വിച്ചു എന്റെ മുഖത്തെ പാടിലേക്ക് നോക്കികൊണ്ട് പറഞ്ഞതും ഞാൻ അവന്മാരെ എല്ലാമോന്ന് നോക്കി ഇന്നുണ്ടായ സംഭവങ്ങളെല്ലാം വിസ്തരിച്ചു…!!

 

 

 

“”അയ്യേ…!!! അത്രേം നേരം അവളുമാര്ടെ ചെലപ്പ് കെട്ടിരുന്നിട്ട് അതിന്റെ ദേഷ്യം മൊത്തം അവന്മാരെ തല്ലി തീർത്തിരിക്കുന്നു…! ഊള…!!”” എല്ലാം കേട്ട് യദു എന്നെ ഇരുത്തി ഒന്ന് പുച്ഛിച്ചപ്പോ എനിക്കൊന്നും പറയാനുണ്ടായില്ല… അല്ലേലും അവൻ പറഞ്ഞത് ശെരിയല്ലേ…!

 

 

 

“” എന്റെ പൊന്ന് പൊട്ടാ…!! ആ സമയത്ത് നിന്റെ വായിലെന്തായിരുന്നു..? പഴോ…?? നിനക്ക് അപ്പൊ തന്നെ നാല് തെറിയും പറഞ്ഞ് ഇറങ്ങി പോരാർന്നില്ലേ…?? “” യദുവിനെ പിന്താങ്ങി ഹരിയും ഒപ്പം കൂടിയതോടെ ഞാൻ അവന്മാരെ ദൈനിയതയോടെ നോക്കിയെങ്കിലും അവരത് മൈന്റക്കിയില്ല…!! അതിന് പിന്നാലെ ഒരു മയവുമില്ലാതെ അജയ്യും എന്നെ ഊക്കിയപ്പോ ഇനി ഞാനൊന്നും പറഞ്ഞിട്ട് കാര്യല്ലന്നെനിക്ക് ബോധ്യമായി… മൈര്…! ഇതിനാണോ എല്ലാംകൂടി ഇങ്ങോട്ട് കെട്ടിയെടുത്തെ…!

 

 

 

“” അപ്പൊ നിങ്ങൾക്കിത്രേം നേരായിട്ട് ഒന്നും മനസ്സിലായില്ലേ…??”” അത്രേം സമയം മിണ്ടാണ്ടിരുന്ന വിച്ചു എല്ലാവരേം നോക്കി അത് ചോദിച്ചപ്പോ അവന്റെ വായേന്ന് ഇനിയെന്താ വരാബോണേന്നുള്ള കാര്യം കത്തിയ ഞാൻ കണ്ണുകൊണ്ട് പറയെല്ലെന്ന് ആംഗ്യം കാണിച്ചെങ്കിലും ആ മൈരനത് കാര്യമാക്കാതെ ഇപ്പോ ശെരിയാക്കി തരാന്നമട്ടിൽ എന്നെയൊന്ന് നോക്കി…

 

 

 

“”എന്ത് മനസ്സിലായില്ലെന്ന്…?? ഇതെന്തോന്നെടാ കഥകളിയോ…?? “” ഞങ്ങൾടെ കോപ്രായം കണ്ട യദു നിന്ന് ചീറി…!!

 

 

 

“” നീയൊക്കെ എന്താ വിചാരിച്ചേ, ഇവനീ പെണ്ണുങ്ങളെ അടുപ്പിക്കാത്തത് വലിയ ചിഗ്മ ബോയി ആയോണ്ടാണ്ന്നാണോ…! “” അവൻ പറയുന്നത് കേട്ട് എല്ലാവരും എന്നേം അവനേം മാറി മാറി നോക്കിയപ്പോ ഞാൻ തല താഴ്ത്തി…!! ഈശ്വര..! നീയെന്നെ ഒന്ന് കൊന്നു തരോ…?

 

 

 

“” എടാ പൊട്ടന്മാരെ, ഇവന് പണ്ടുമുതലേ പെണ്ണുങ്ങളെ പേടിയാ… ശാസ്ത്രീയമായി പറഞ്ഞ ഗൈനോഫോബിയ…! സംശയം ഉണ്ടെങ്കി നിങ്ങളീ വാക്കൊന്ന് ഗൂഗിളിൽ അടിച്ചുനോക്ക്… അതോണ്ട് ആർക്കെങ്കിലും ഇവനൊരു പണികൊടുക്കണം എന്ന് തോന്നിയ ഏതേലും കുറച്ച് പെണ്ണുങ്ങളേം ഇവനേം കൂടി ഒരു റൂമിൽ പൂട്ടിയിട്ട മതി… പിറ്റേ ദിവസം ഇവൻ ചത്തിട്ടുണ്ടാവും…!!”” തുരു തുര വന്നിരുന്ന ഊക്കിന്‌ പിന്നാലെ ഇതുംകൂടി ആയപ്പോ ആസനത്തിൽ ആപ്പ് വച്ച അവസ്ഥയായിരുന്നു എനിക്ക്… പിന്നാലെ അവന്റെയൊക്കെ ചിരികൂടി ആയപ്പോ ഞാനാകെ ഇല്ലാണ്ടായി…!

 

 

 

“” ഈ ഇവനാണോ അന്ന് അവടെ കെടന്ന് ഒരേയൊരു രാജാവേന്നൊക്കെ പറഞ്ഞ് കൊണയടിച്ചേ…!! “” എങ്ങനൊക്കെയോ ചിരി ഒതുക്കി അജയ്യ് അത് ചോദിച്ചതും ഞാൻ കട്ടിലിൽ നിന്ന് ചാടി ഇറങ്ങി… ശേഷം ടേബിളിൽ ഇരുന്ന ജഗ് എടുത്ത് കുറച്ച് വെള്ളവും കുടിച്ചു തിരിച്ച് കട്ടിലിൽ തന്നെ കേറി ഇരുന്നു…!! നല്ല ദാഹം, അതോണ്ട…!!

 

 

 

വിച്ചു പറഞ്ഞതെല്ലാം ശെരിയാണ്… പക്ഷെ അതിനെല്ലാം ഒരു വ്യക്തമായ കാരണം കൂടി ഉണ്ട്…!!

 

 

 

ചെറുപ്പം മുതലേ ഭൂലോക കുരുത്തം കെട്ടവനായ ഞാൻ ഒന്നാം ക്ലാസ്സിലെല്ലാം ടീച്ചർമാർക് ഒരു തലവേദനയായിരുന്നു…! ക്ലാസ്സ്‌ എടുക്കുമ്പോ അടുത്തിരിക്കുന്നവനെ ഒരു കാര്യോം ഇല്ലാതെ അടിക്കുക, വെറുതെ ക്ലാസ്സിലിരുന്ന് ബഹളം വെക്കുക, ടീച്ചർ ക്ലാസ്സിൽ ഉണ്ടെങ്കിലും അതൊന്നും മൈന്റ് ആക്കാതെ ഡെസ്കിൽ കേറി നിന്ന് അലമ്പുണ്ടാകുക, ഇതെല്ലാം എന്റെ വിനോദങ്ങളായിരുന്നു… അതോണ്ടൊക്കെ തന്നെ എന്റെ അമ്മ സ്കൂളിലെ ഒരു സ്ഥിരം സന്ദർശകയായി…! എന്നിട്ടും സ്വഭാവത്തിൽ ഒരു മാറ്റവും എനിക്കുണ്ടായില്ല എന്നത് മറ്റൊരു സത്യം…!! അവസാനം ഒരു വഴിയും മുന്നിൽ കാണാത്ത എന്റെ അന്നത്തെ ക്ലാസ്സ്‌ ടീച്ചറായിരുന്ന ജലജ ടീച്ചർ എനിക്കെതിരെ ആ ബ്രഹ്മസ്ത്രം ഉപയോഗിച്ചു….!!! ഒരു ദിവസം ടീച്ചറോട് ചോദിക്കാതെ ഇറങ്ങി പോയി മൂത്രമൊഴിച്ചു തിരിച്ചുവന്നയെന്നെ ആ പെണ്ണുമ്പിള്ള പിടിച്ച് പെണ്ണുങ്ങളുടെ നടുകിരുത്തി…!! നടുകെന്ന് പറഞ്ഞ ഒത്ത നടുക്ക്… രണ്ട് വശത്തായി അഞ്ചു വിതം ബെഞ്ചുകളുണ്ടായിരുന്ന ക്ലാസ്സിൽ ഒരു സൈഡിൽ ആണുങ്ങളും മറ്റേ സൈഡിൽ പെണ്ണുങ്ങളും ആയിരുന്നു ഇരുന്നിരുന്നത്… അതിൽ പെണ്ണുങ്ങളുടെ സൈഡിലെ മൂന്നാമത്തെ ബെഞ്ചിൽ അവളുമാരുടെ നടുക്ക് കൊണ്ടോയി എന്നെ ഇരുത്തി…!! എന്റെ സ്ഥാനത്ത് വേറെ വല്ലവരും ആയിരുന്നെങ്കിൽ ഇതെല്ലാം ചിലപ്പോ ആസ്വദിച്ചേനെ, പക്ഷെ എന്റെ പിഞ്ചു മനസ്സിന് ഇതൊരു വലിയ ശിക്ഷയായിട്ടാണ് തോന്നിയത്… അല്ലെങ്കിൽ ടീച്ചർ ഈ ചതി ചെയ്യില്ലല്ലോ…!!