💓 ആരതി കല്യാണം 💓 – 5 37അടിപൊളി  

 

 

 

കിരണിന്റെ ടീമിൽ ആൽബിയും സന്ദീപും കളിക്കുന്നുണ്ട്… ഇവന്മാരെപ്പോ ഡിസ്ചാർജ് ആയി ആവോ… സന്ദീപിന്റെ മൂക്കിൽ സ്റ്റിച്ചിന്റെ പാടൊക്കെയുണ്ട്… ആ തല്ലെല്ലാം കഴിഞ്ഞ് ഇപ്പൊ കൊറേ ദിവസമായില്ലേ അതായിരിക്കും കുറ്റീം പറിച്ഛ് പോന്നത്…

 

 

 

ആ കളി തേർഡ് ഇയർസ് 6:1 എന്ന നിലയിൽ വൻ വിജയം കരസ്തമാക്കി… തേർഡ് ഇയർസ് നന്നായി തന്നെ കളിച്ചു, അതിൽ കിരണും ആൽബിയും ഈരണ്ടു ഗോളും വേറെ രണ്ടുപേർ ഓരോ ഗോൾ വിതം അടിക്കുവേം ചെയ്തു… അവന്മാരുടെ ജയിച്ചതിലുള്ള ആഘോഷപ്രകടനങ്ങൾ കണ്ടാ തോന്നും ഇത് വേൾഡ് കപ്പാണെന്ന്… എന്തൊരു വിരോധാഭാസം…!! അതിൽ സന്ദീപ് എന്നെ നോക്കുന്നുണ്ടോന്നൊരു സംശയം…! ആരതിയെ കണ്ടില്ലല്ലോ ന്ന് വിചാരിച്ചിരിക്കുമ്പഴാണ് ഞങ്ങളെ നോക്കി കൂവുന്ന ഒരു കൂട്ടം പെഴച്ച യുവതികളെ കാണുന്നത്… ആ കൂട്ടത്തിൽ ആരതിയെ കണ്ടുപിടിക്കാൻ എനിക്ക് അധികം കഷ്ട്ടപെടേണ്ടി വന്നില്ല…

ഒരു റെഡ് ടി ഷർട്ടും ജീൻസും ആണ് അവളുടെ വേഷം, മുടി പോണി ടൈൽ ആയി കെട്ടിവെച്ചിട്ടുണ്ട്… എന്നെ മാത്രം നോക്കിയുള്ള അവളുടെ കൂവല് കാണുമ്പോ എനിക്ക് പൊളിഞ്ഞു വന്നെങ്കിലും ഇത്രേം പേരുടെ മുന്നിൽ വെറുതെ തെറിപറയണ്ടല്ലോന്ന് കരുതി…!! ഈ മൈരോള് എന്തിനാ ഞങ്ങളെ നോക്കി കൂവണേ…?? അയിന് ആ കൊണാപ്പന്മാര് ഞങ്ങളെയല്ല തോൽപിച്ചെന്ന് അവറ്റകളോട് ആരെങ്കിലും ഒന്ന് പറഞ്ഞ് കൊടുക്ക്…!!! അവരുടെ കൂട്ടത്തിൽ കിരൺ മാത്രമാണ് കുറച്ച് ഡീസന്റായി നിക്കുന്നത്… അവന്റെ മുഖഭാവം കണ്ടാലറിയാം കൂടെയുള്ളവരുടെ കാട്ടിക്കൂട്ടലൊന്നും അവന് പിടിക്കുന്നിലാന്ന്…!!

 

 

 

അടുത്ത മാച്ച് തുടങ്ങാൻ ഇനി കുറച്ചു സമയം മാത്രേ ഒള്ളു… എന്നെപോലെ തന്നെ കൂട്ടത്തിലെ പലർക്കും അവറ്റകളുടെ സെലിബ്രേഷൻ ഒന്നും അത്രക്ക് ദഹിച്ചിട്ടില്ല… അതോണ്ടാണെന്ന് തോന്നുന്നു യദു കാര്യമായിട്ട് എങ്ങനെ കളിക്കണം എന്നൊക്കെ പറയുന്നുണ്ട്… എനിക്കാണേൽ ഇപ്പഴും എന്നെ തന്നെ നോക്കിയുള്ള ആരതിയുടെ ആക്കിയ ചിരികാണുമ്പോ അവൻ പറയുന്നതും ശ്രേദ്ധിക്കാൻ പറ്റുന്നില്ല…! ഇവളേം കൂടി കളിക്കാൻ ഇറക്കാൻ പറ്റോ…? പറ്റിയിരുന്നേൽ രണ്ട് ഫൗൾ വെക്കാമായിരുന്നു…!

 

 

 

ഗ്രൗണ്ടിലേക്കിറങ്ങി ഒരു ഷോർട് ചാറ്റിനു ശേഷം എല്ലാവരും അവരവരുടെ പൊസിഷനിൽ നിന്നതും അധികം ലേഗക്കാതെ കളിതുടങ്ങി… എങ്ങനേലും കളി ജയിക്കണമെന്നുള്ള വാശി എന്റെ ടീമിലെ എല്ലാവർക്കുമുണ്ടെങ്കിലും ഒന്നും വിചാരിച്ച പോലെ എളുപ്പമായിരുന്നില്ല… അവരുടെ ടീമിൽ ഡിഫെൻഡറായി കളിച്ച സന്ദീപും പിന്നെ ആദ്യ ദിവസം യദു വിരട്ടിവിട്ട തടിയനും ഞങ്ങളെ നന്നായി തന്നെ മാർക്ക്‌ ചെയ്യുന്നുണ്ടായിരുന്നു… പോരാത്തതിന് അവന്മാരെല്ലാം ഒരു ദയയും ഇല്ലാതെ ഞങ്ങളെ ഫൗൾ വെക്കാനും കൂടി തുടങ്ങിയതോടെ കളിയിൽ ഞങ്ങൾക്കുണ്ടായിരുന്ന റിതം നഷ്ടപ്പെട്ടു…!

 

 

 

അവരുടെ മുന്നേറ്റം തടഞ്ഞ് യദു ബോൾ എനിക്കുനേരെ ഇട്ടതും ഗാലറിയിൽ നിന്ന് നല്ല രീതിയിലുള്ള കൂവൽ കേൾക്കാമായിരുന്നു… പുല്ല്…! ഗാലറി നമ്മുക്കെതിരാണല്ലോ…!

 

 

 

ഒരുത്തനെ മറികടന്ന് മുന്നോട്ട് പോയ ഞാൻ നല്ലൊരു ഗ്യാപ് കിട്ടിയതും അതിലുടെ ഒരു ത്രൂ ബോൾ ഹരിക്ക് നൽകാൻ ശ്രേമിച്ചെങ്കിലും സന്ദീപിന്റെയും തടിയന്റെയും ഇടയിൽ ആയത്കൊണ്ട് അവനത് വേണ്ട രീതിയിൽ മുതലാകാൻ പറ്റിയില്ല… പിന്നെയും ബോളിന്റെ നിയന്ത്രണം അവരുടെ കയ്യിലായതും അതുമായി അവർ മുന്നോട്ട് നീങ്ങി… എന്ത് വന്നാലും നിന്നെയൊന്നും ഗോൾ അടിക്കാൻ സമ്മതിക്കല്ല എന്നും പറഞ്ഞ് അവന്മാരുടെ ആ മുന്നേറ്റം യദുവും അജയ്യും കൂടി നിഷ്പ്രഭമാക്കി…

ഹാഫ് ടൈം ആവാൻ മൂന്നോ നാലോ മിനിറ്റ് ബാക്കി നിൽക്കേ ഞങ്ങൾക്കൊരു കോർണർ കിട്ടിയതും അതെടുക്കാൻ വേണ്ടി വിച്ചുവിന് യദുവിന്റെ നിർദേശം കിട്ടി… സെറ്റ് പീസിൽ നിന്നും ഗോൾ അടിക്കാനുള്ള ചാൻസ് നഷ്ടപ്പെടാണ്ടിരിക്കാൻ വേണ്ടി ഡിഫെൻസിലെ യദുവും വേറൊരുത്തനും ഒഴികെ ബാക്കി എല്ലാവരും അവരുടെ ബോക്സിൽ സ്ഥാനം പിടിച്ചിരുന്നു…