💞🎀💞മൈ ബാംഗ്ലൂർ ഡേയ്‌സ് – 4💞🎀💞 1അടിപൊളി  

 

ശിവ കണ്മുന്നിൽ നിന്നും മായുന്നത് വരെ കണ്ണെടുക്കാതെ ഗേറ്റിൽ ചാരി മാളു നിന്നു.ഇന്നലെ മുതൽ മനസ്സിലുണ്ടായിരുന്ന സന്തോഷം അകന്നത് പോലൊരു തോന്നൽ. കതകും പൂട്ടി മാളു റൂമിലേക്ക് നടന്നു. എന്തോ.. ഇത്രയും നേരമുണ്ടായിരുന്ന ഉഷാറൊക്കെ പോയ പോലെ. വീണ്ടും ഒറ്റപ്പെട്ടത് പോലെ. കയ്യിലിരുന്ന കവർ റൂമിന്റെ ഒരു മൂലയിലേക്ക് വലിച്ചെറിഞ്ഞ ശേഷം മാളു കട്ടിലിലേക്ക് കമഴ്ന്നു വീണു.എന്തെന്നില്ലാതെ ഓരോരോ ചിന്തകൾ അവളുടെ മനസ്സിലേക്ക് കയറി വന്നു. “ജീവിതത്തിൽ ഒരുപാട് പ്രശ്നങ്ങൾ ഞാൻ നേരിട്ടു, അതും ഒറ്റക്ക്.ചിലർ വാട്സാപ്പിൽ ഒറ്റപ്പെടലിലെ സുഖം എന്നൊക്കെപറഞ്ഞു സ്റ്റാറ്റസ് ഇടാറുണ്ട്.അതിൽ എത്ര പേർ ഒറ്റപ്പെടൽ അനുഭവിച്ചുകാണും.ഹും.. അനുഭവിച്ചിട്ടുണ്ടെങ്കിൽ അവരങ്ങനെ പറയില്ല, കാരണം ഒറ്റക്കാകുന്നവർക്കേ  അതിന്റെ വേദന മനസ്സിലാകുകയുള്ളു. ജീവിതത്തിൽ ഇത്രയൊക്കെ നടന്നിട്ടും ഒരു തുണ വേണ്ട എന്ന് തീരുമാനിച്ചതാണ് ഞാൻ, ഒടുവിൽ തുണയായി ഒരുവനെ കണ്ടെത്തിയപ്പോഴോ .” പഴയ കാര്യങ്ങൾ ഓർത്തെടുക്കാൻ ശ്രമിച്ചതും ചുടു കണ്ണീർ മാളുവിന്റെ കണ്ണുകളിലൂടെ പൊഴിഞ്ഞിറങ്ങി.അവളുടെ നനുത്ത ഇളം കവിളുകൾ ചുമന്നു കയറി.

ഇല്ലാ.. ഇനിയും കരഞ്ഞു ജീവിതം പാഴാക്കാൻ വയ്യ.

മാളു ആ വലിയ കട്ടിലിന്റെ ഹെഡ്ബോർഡിലേക്ക് ചാരി ഇരുന്നു. ശേഷം കഴിഞ്ഞ ദിവസങ്ങളിലെ അവളുടെ ജീവിതം ഓർത്തെടുക്കാൻ ശ്രമിച്ചു. അതൊരു പുഞ്ചിരി അവളിൽ വിടർത്തി.

“ഈശ്വര എന്തൊക്കെയാ ഞാനീ ആലോചിച്ചു കൂട്ടുന്നെ. അന്നവനെ ട്രെയിനിൽ കണ്ടപ്പോൾ സത്യത്തിൽ എനിക്ക് ദേഷ്യം തന്നെയാ തോന്നിയത്. പിന്നല്ലാതെ..എല്ലാത്തിനും എന്റെ മുലയിലും ചന്തിയിലുമാണ് നോട്ടം. അവനെ ജോയിനിങ് സമയം കണ്ടപ്പോൾ ഒന്ന് കളിപ്പിക്കാം എന്ന് മാത്രമേ കരുതിയുള്ളു. പേടിച്ചോടും എന്ന് കരുതിയപ്പോൾ എന്റെ PA ആയി നിൽക്കാൻ സമ്മതിച്ചു. ആഹ്.. പാവമാ…നല്ല കഴിവുണ്ട്.. കാണാനും കൊള്ളാം. അവനോട് എന്തിനാണ് എനിക്കാരുമില്ല എന്ന കാര്യം പറഞ്ഞതെന്ന് എനിക്കിപ്പോഴും അറിയില്ല.. നല്ലവനാണ് എന്ന് തോന്നിയതിനാലാണ് അല്പം സ്വാതന്ത്രം നൽകിയത്, പക്ഷെ അവനിതുവരെ അത് മുതലെടുക്കാൻ നോക്കിയിട്ടില്ല. ബെഡിൽ കിടക്കാൻ പറഞ്ഞപ്പോൾ പോലും അവൻ വേണ്ടെന്ന് പറഞ്ഞു.ഇങ്ങനെയുമുണ്ടോ പയ്യന്മാർ, അതും ഈ കാലത്ത്….”  ശിവയെക്കുറിച്ച് ഓർക്കും തോറും മാളുവിന്റെ മുഖത്ത് പുഞ്ചിരി കൂടി കൂടി വന്നു.

ഇന്നലെ ശിവ ഡ്രസ്സ്‌ എടുക്കാനായി ഫ്ലാറ്റിൽ പോയ സമയം നഴ്സുമായി നടത്തിയ സംസാരം അവളുടെ മനസിലേക്ക് കയറി വന്നു.ട്രിപ്പ്‌ മാറ്റുന്ന തിരക്കിലാണ് ആ മലയാളി നഴ്‌സ്‌ മാളുവിനോട് സംസാരിച്ച് തുടങ്ങിയത്.

“നിങ്ങളുടെ കല്യാണം ഇപ്പോൾ കഴിഞ്ഞതേ ഉള്ളല്ലേ..?”

“ങേ..” എന്താണു കാര്യമെന്ന് മനസിലാകാതെ മാളു ഇരുന്നു.

“അല്ല നിങ്ങളെ ഹസ്ബൻഡ് കോരി എടുത്തുകൊണ്ടു വരുന്നത് കണ്ടു.പുതുമോടികളിലാ ഇങ്ങനുള്ള സ്നേഹപ്രകടനങ്ങൾ ഒക്കെ അധികം കാണുന്നത്.

“ഏയ്.. ഞങ്ങൾ ഫ്രണ്ട്‌സ്സാ..

“ഒന്ന് പോ മോളേ…കണ്ടാലും തോന്നും.

“അതെന്താ..?

“തന്നെയും കോരി എടുത്ത് വന്നപ്പോഴുള്ള ആ പയ്യന്റെ ടെൻഷൻ കാണണമായിരുന്നു. പിന്നെ താനും അമ്മയുടെ നെഞ്ചിൽ കുഞ്ഞ് കിടക്കുന്ന പോലെ അല്ലേ കിടന്നത് .

“അത്…

“ലൗവേഴ്സ് ആണോ..

“അത്…

“ഓ.. ഇഷ്ടം പറഞ്ഞില്ലേ രണ്ടാളും..?”

മൗനമായിരുന്നു മാളുവിന്റെ മറുപടി.

“എന്റെ പൊന്ന് മോളേ ഇഷ്ടമാണെങ്കിൽ തുറന്നങ്‌ പറഞ്ഞേക്കണം. വെച്ചോണ്ടിരുന്നാൽ അവസാനം ചിലപ്പോൾ പണി കിട്ടും.

”

“പിന്നെ ഒരു കാര്യം കൂടെ..

“എന്താ..

“രണ്ടാളെയും കാണാൻ നല്ല ചേർച്ച ഉണ്ടായിരുന്നു കേട്ടോ…

 

ആ സംഭാഷം ഓർത്തെടുത്തതും അവളുടെ കവിളുകൾ നാണത്തൽ വീണ്ടും ചുവന്നു.മാളു മെല്ലെ കട്ടിലിൽ നിന്നുമെഴുന്നേറ്റു, ശേഷം അലമാരയിലെ കണ്ണാടിക്ക് മുൻപിലായി ചെന്നു നിന്നു. അവളുടെ പ്രതിബിംബത്തെ നോക്കി അവളൊന്നു ചിരിച്ചു. എന്നിട്ട് ആ പ്രതിബിംബത്തിനോടായി ചോദിച്ചു “മാളവിക.. ആർ യൂ ഇൻ ലൗ….”. അവൾ ഒന്നുകൂടെ പുഞ്ചിരിച്ചു.അവൾ അവളുടെ ആ രൂപത്തിനോടായ് സംസാരിച്ചു തുടങ്ങി..