💞🎀💞മൈ ബാംഗ്ലൂർ ഡേയ്‌സ് – 4💞🎀💞 1അടിപൊളി  

“ആഹാ..ഫുൾ കിടു കോൺസെപ്റ് ആണല്ലോ..

“അല്ല എന്താ മാളുവിന്റെ കോൺസെപ്റ്..

“എനിക്ക് ഒരു കോൺസെപ്റ് മാത്രേ ഉള്ളു. ചതിക്കരുത്, എന്നും എന്നെ സ്നേഹിക്കണം. അത്രയേ ഉള്ളു.

“മ്മ്. കൊള്ളാം.. ആഗ്രഹം പോലെ ഒരുത്തനെ കിട്ടട്ടെ.. അല്ല ആരെയെങ്കിലും നോക്കി വെച്ചിറ്റുണ്ടോ..?

“ആഹ്…. നോക്കണം…അല്ല നീയോ..? ആരെയെങ്കിലും നോക്കി വെച്ചിറ്റുണ്ടോ..?

“ആഹ്.. എനിക്കും നോക്കണം..

 

“മാളൂസേ…ഒരു കാര്യം ചോദിച്ചോട്ടെ….

“ചോദിക്കടാ..

“കലിപ്പ് ആകോ..

“ഒന്ന് ചോദിക്കടോ…

“അതെ.. അന്ന് താൻ പറഞ്ഞല്ലോ.. തനിക്ക് കുറച്ച് വർഷം മുമ്പ് ഒരു റിലേഷൻ ഉണ്ടായിരുന്നു.പിന്നെ ബ്രേക്കപ്പ് ആയെന്ന്.. എന്താ പറ്റിയത്..

“എന്റെയാ ചോദ്യം കേട്ടപ്പോൾ അവളുടെ മുഖമൊന്നു ഗ്ലൂമിയായി..

“ഏയ്.. മാളു.. ആർ യൂ ഓക്കേ.. സോറി.. ഞാൻ ചോദിച്ചത് തെറ്റായി. സോറി.

“ഏയ്.. ഇട്സ് ഒക്കെ.

“സോറി.. അത് വിട്..

“ഏയ്.. ഞാൻ പറയാം..

“ഏയ് വേണ്ട..

“അല്ലടാ പറയണം. ആരോടെങ്കിലും ഒക്കെ പറയണം. നിന്നോട് ആകുമ്പോൾ എനിക്ക് സമാധാനം ആകും.

മാളു എന്താണ് പറയാൻ പോകുന്നതെന്നറിയാൻ അക്ഷമനായ് ഞാനവളെ നോക്കി ഇരുന്നു. ഒടുവിലവൾ പറഞ്ഞു തുടങ്ങി.

 

“6 വർഷം മുൻപാണ് ഞാനവനെ കാണുന്നത്…ഞാൻ ആദ്യമായി ജോലി ചെയ്തിരുന്ന കമ്പനിയിൽ വെച്ചാണവനെ കണ്ടത്. ബാംഗ്ലൂർ അല്ല മുംബൈയിൽ ആയിരുന്നു കമ്പനി. വിവേക്. ദാറ്റ്‌ വാസ് ഹിസ് നെയിം. ദുബായ് സെറ്റിൽഡ് ആയിരുന്നു അവന്റെ ഫാമിലിയൊക്കെ. അന്നൊരു 28 വയസ്സ് കാണും അവന്.ഒരു ഓഡിറ്റിംഗിന്റെ ഭാഗമായി ഞാൻ വർക്ക്‌ ചെയുന്ന കമ്പനിയിൽ വന്നതായിരുന്നു അവൻ .. കാണാൻ ഏകദേശം നിന്നെപ്പോലെ ആയിരുന്നു അവനും.സംസാരം വരെ നിന്നെപ്പോലെ തന്നെയായിരുന്നു.പിന്നെ എല്ലാ കഥകളിലെയും പോലെ ഐ ഫെൽ ഇൻ ലൗ. സ്നേഹം കിട്ടാതെ കിട്ടിയതല്ലേ വിട്ടുകളയാൻ തോന്നിയില്ല. ജീവിതത്തിൽ സ്നേഹിക്കാൻ ഒരാളെ കിട്ടുമ്പോൾ വേണ്ടെന്ന് പറയാൻ പറ്റില്ലാലോ . അവനായിരുന്നു ആദ്യം ഇങ്ങോട്ട് പ്രൊപ്പോസ് ചെയ്തത്, എനിക്ക് നോ പറയാൻ കാരണങ്ങൾ ഒന്നും തന്നെ ഇല്ലായിരുന്നു. ബട്ട്‌ പിന്നീടാണ് ഞാനറിഞ്ഞത്, ഹി വാസ് മാരീഡ്. ഒരു കുഞ്ഞുമുണ്ട്. അതിനെപ്പറ്റി ഞാൻ ചോദിച്ചപ്പോൾ ചിരിച്ചുകൊണ്ട് “അതിന് ദുബായിൽ അല്ലേ ഭാര്യ, ഇന്ത്യയിലും എനിക്കൊരു ഭാര്യ വേണ്ടേ “എന്നാണവൻ ചോദിച്ചത്. ലോകത്തിലുള്ള എല്ലാ പുരുഷന്മാരെയും ഒറ്റ നിമിഷം കൊണ്ട് വെറുത്ത് പോയി. നീ ചോദിച്ചില്ലേ എന്തിനാ കല്യാണം കഴിഞ്ഞെന്ന് കള്ളം പറയുന്നതെന്ന്….! ആരെങ്കിലും ലൈഫ് പാർട്ണർ ആകണമെന്ന് പറഞ്ഞു വരുമ്പോൾ എനിക്ക് പേടിയാ ഇപ്പോൾ…വർഷങ്ങൾക്ക് ശേഷം മനസ്സ് തുറന്ന് ഞാൻ സംസാരിക്കുന്ന പുരുഷൻ നീയാണ്….” മാളുവിന്റെ കവിളിലൂടെ കണ്ണീർ ഒലിച്ചിറങ്ങി.

 

“ഏയ്.. മാളു.. പ്ലീസ്.. കരയല്ലേ..”ഞാനവളെ ആശ്വസിപ്പിക്കാൻ ശ്രമിച്ചു.

“ഏയ്.. യാം ഗുഡ്.. എല്ലാം പറഞ്ഞപ്പോൾ എന്തോ പോലെ..ഇട്സ് ഓക്കേ..

“ടോ.. വിഷമിക്കാതെ…

“ഒന്നുല്ലടോ.. നിർത്തി..ദാ കണ്ടോ ..”അവൾ കൈകൾ കൊണ്ട് മുഖമൊന്നു തുടച്ച ശേഷം മുഖം എനിക്ക് നേരെ നീട്ടി എന്നിട്ടൊരു ചിരി പാസ്സാക്കി..

“വാ നമുക്ക് താഴെപ്പോയി ടീവിയിൽ ഒരു സിനിമ കാണാം..”അവളെ പിടിച്ചെഴുന്നേൽപ്പിച്ചുകൊണ്ട് ഞാൻ പറഞ്ഞു.അവളും എതിർക്കാനൊന്നും നിന്നില്ല. സോഫയിലിരുന്നുകൊണ്ട് tv യിൽ ഒരു സ്റ്റാൻഡ്അപ്പ്‌ കോമഡി ഷോ കണ്ടു. ആദ്യം മന്തിച്ച അവസ്ഥയിലിരുന്ന മാളു 1.30 മണിക്കൂർ നീണ്ടുനിന്ന ആ പ്രോഗ്രാം കഴിഞ്ഞപ്പോഴേക്കും മുൻപ് നടന്ന കാര്യങ്ങളൊക്കെ മറന്ന് ഹാപ്പി ആയിരുന്നു.

 

“ശിവാ…നീ വരയ്ക്കും അല്ലേ..?

“ആഹ്. ഇടക്ക് വല്ലപ്പോഴും.. അല്ല എങ്ങനറിഞ്ഞു.

“എല്ലാമറിയുന്നവൾ ഞാൻ..

“ഓ പിന്നെ.. പറ..

“ഇൻസ്റ്റയിൽ കണ്ടതാ..

“ഓ.. അല്ല.. എന്നെ താൻ ഇൻസ്റ്റയിൽ ഫോളോ ചെയ്യുന്നില്ലല്ലോ.. പിന്നെങ്ങനെ

“അ.. അത്..

“ഉഫ്.. സ്റ്റാൾക്കിങ്.. മോശം മോശം..

“ഒന്ന് പോടാ…

“ഞാൻ വരച്ച പടങ്ങൾ എങ്ങനുണ്ട്..?

“അതല്ലേ പറഞ്ഞത് കിടു എന്ന്..