💞💞മാറ്റകല്യാണം – 3💞💞അടിപൊളി  

അയാൾ എന്നെ നോക്കി അലറി.. എന്നാൽ ഞാൻ ഒന്നും പറയാൻ നിന്നില്ല.. അയാൾ പറഞ്ഞു കഴിയട്ടെ എന്ന് കരുതി.. ആര്യ ഇപ്പോഴും കരഞ്ഞു കൊണ്ട് നിൽക്കുക ആയിരുന്നു…

“താൻ ഇനി ഇവിടെ പഠിക്കാൻ കഴിയില്ല.. ഞാൻ തന്നെ ഡിസ്സ്മിസ്സ് ചെയ്യാൻ പോകുക ആണു.. പിന്നെ ഒരു പോലീസ് കേസ് കൂടി ഉണ്ടാകും.. നീയൊക്കെ കുറച്ചുനാൾ അകത്തു കിടക്കണം.. എന്നാലേ പഠിക്കു ”

അയാൾ എന്നോട് പറഞ്ഞിട്ട് നേരെ കമ്പ്യൂട്ടറിൽ നോക്കി… എനിക്കു പിന്നെയും നല്ല ദേഷ്യം വന്നു.. ഞാൻ അയാളെ നോക്കി..

” താൻ പറഞ്ഞു കഴിഞ്ഞോ.. ഇനി ഞാൻ പറയാം… താനൊക്കെ എവിടത്തെ പ്രിൻസിപ്പൽ ആണെടോ.. ഒരു കാര്യം അറിയാതെ.. ഒന്നും അന്നെഷിക്കാതെ തെരുവ് പട്ടികൾ കുരക്കുന്ന പോലെ കിടന്നു കുരക്കുന്നു… “
ഞാൻ പറഞ്ഞ കേട്ടപ്പോൾ അയാൾക്കു ദേഷ്യം വന്നു…

“വരുൺ മൈൻഡ് യുവർ വേർഡ്‌സ് ”

“നിർത്തേടോ ഞാൻ പറഞ്ഞു കഴിയട്ടെ.. താൻ നടന്ന കാര്യം എന്താന്ന് എന്ന് അന്നെഷിച്ചോ.. അല്ലാതെ വല്ല അലവലാതികളും പറയുന്ന കേട്ടു കുടന്നു ഉണ്ടാക്കാതെ ”

ഞാൻ ആര്യയെ നോക്കി ആണു അത്രയും പറഞ്ഞത്.. അത് അവൾക്ക് മനസ്സിലായി..

“പിന്നെ താൻ എന്നെ ഡിസ്സ്മിസ്സ് ചെയ്യും എന്ന് പറയുന്നത്.. അത് വെറും സ്വപ്നം മാത്രം ആണു തന്റെ.. തനിക്കു അത് കഴിയില്ല….. ഞാൻ വിചാരിച്ചാൽ തന്നെ നാളെ തന്നെ തന്റെ ജോലി ഇല്ലാതാകും.. കാണണോ.. തനിക്കു V.K ഗ്രൂപ്പിനെ കുറിച്ച് അറിയില്ല ”

ഞാൻ പറയുന്ന കേട്ടു അയാൾ ഒന്നു വല്ലാതെ ആയി.. ഞാൻ അങ്ങനെ പ്രതികരിക്കും എന്ന് അങ്ങേര് കരുതിയില്ല… അയാൾ എന്റെ മുഖത്തു തന്നെ നോക്കി… ഞാൻ പിന്നെയും തുടർന്നു…

“പിന്നെ പോലീസ് കേസ് അത് കൊടുത്താലും എനിക്കു ഒന്നും സംഭവിക്കില്ല… കേസ് കൊടുത്താൽ ഇവളുടെ അനിയൻ എന്ന് പറയുന്ന ആ നാറി തന്നെ അകത്താകും.. അല്ലേൽ ഞാൻ അകത്താക്കും… ”

ഞാൻ പറയുന്ന കേട്ടു രണ്ടുപേരും ഒന്നു ഞെട്ടി.. അവർ എന്നെ തന്നെ നോക്കി.. ഞാൻ അപ്പോൾ നേരെ നടന്നു പുറത്തു നിന്ന അച്ചുവിനെ വിളിച്ചു അകത്തു കയറ്റി… അപ്പോഴാണ് ആര്യ അവളെ കാണുന്നത്.. അവളുടെ മുഖം കണ്ടു ആര്യയുടെ മുഖത്തു സംശയങ്ങൾ മിന്നി മറഞ്ഞു….. പ്രിൻസിപ്പളും ഇപ്പോഴാണ് എല്ലാം കാണുന്നത്..

“താൻ ഇവളുടെ മുഖത്തു നോക്ക്… ഇവൾക്ക് വേണ്ടി ആണു ഞാൻ അവനെ അടിച്ചത്.. ഇനിയും ആരെ വേണോ ഞാൻ അടിക്കും.. ഇവൾ ഒരു കംപ്ലയിന്റ് കൊടുത്താൽ തീരും എല്ലാം.. കേട്ടൊടോ ”

ഞാൻ അയാളെ നോക്കി ദേഷ്യപ്പെട്ടു… അയാൾ ഒന്നും മിണ്ടാൻ കഴിയാതെ ഇരുന്നു.. ആര്യയുടെ മുഖത്തു നോക്കിയപ്പോൾ അവളുടെ മുഖം സംശയങ്ങൾ കൊണ്ട് നിറഞ്ഞു… ഞാൻ അച്ചുവിനെ കൂട്ടി അവിടന്ന് ഇറങ്ങാൻ ഒരുങ്ങി.. നടന്നു വാതിലിൽ എത്തിയ ഞാൻ പിന്നെയും തിരിച്ചു വന്നു….
ഞാൻ പ്രിൻസിപ്പലിനെ നോക്കി പോക്കറ്റിൽ കിടന്ന ഐഡി കാർഡ് എടുത്തു അങ്ങരുടെ മുഖത്തു എറിഞ്ഞു.. അയാൾ അത്ഭുതത്തോടെ എന്നെ നോക്കി.. എന്താണ് എന്ന് അയാൾക്കു മനസ്സിലായില്ല. അച്ചുവും ആര്യയും അത് പോലെ എന്നെ നോക്കി…

“താൻ എന്നെ പുറത്താക്കണ്ട… ഞാൻ തന്നെ ഈ വൃത്തികെട്ട കോളേജിൽ നിന്നു.. പൊക്കോളാം… തന്നെ പോലെ ഉള്ള രണ്ടുംകെട്ടവർ ഉള്ള ഇവിടെ പഠിക്കുന്നതിനും നല്ലത്.. പഠിക്കാതെ ഇരിക്കുന്നതാ.. ”

എല്ലാവരും എന്നെ വല്ലാതെ നോക്കി.. പ്രിൻസിപ്പൽ ഞാൻ പറന്നത് കേട്ടു.. നവനങ്ങാതെ നിന്നു.. എനിക്കു അത്ര ദേഷ്യം ഉണ്ടായിരുന്നു.. അച്ചു വല്ലാതെ എന്നെ നോക്കി എന്റെ കയ്യിൽ ചുറ്റി പിടിച്ചു നിന്നു..

“ഇവൾ എന്റെ എല്ലാം ആണു… ഞാൻ ഇവിടെ ഇല്ലന്ന് കരുതി ഇവൾക്ക് എന്തേലും ബുദ്ധിമുട്ട് ഉണ്ടായാൽ പിന്നെ വരുൺ ആരാണെന്നു താൻ അറിയും… ”

ഞാൻ അവിടെ നിന്നു അത്രയും പറഞ്ഞു. അവളെയും കൊണ്ട് പുറത്തു പോയി.. ഞാൻ പോകുന്നവഴി ആര്യയെ നോക്കി.. അവളുടെ മുഖം ഇപ്പോൾ ദേഷ്യം അല്ല. എന്നാൽ എന്തോ നിർവചിക്കാൻ പറ്റാത്ത ഭാവം..

ഞാൻ അച്ചുവിനെയും കൊണ്ട് നേരെ ക്ലാസയിൽ പോയി.. എന്റെ ബാഗും എടുത്ത്.. ക്യാന്റീനിൽ ഇരുന്ന അച്ചുവിന്റെ ബാഗും എടുത്തു ഞാൻ അവളെയും കൊണ്ട് കാറിൽ കയറി കോളേജിൽ നിന്നു പോയി… . . . . . .

പോകുന്ന വഴി മുഴുവൻ അവൾ നിശബ്ദം ആയിരുന്നു.. അവളുടെ മുഖത്തു വിഷമം ഉണ്ടായിരുന്നു.. എന്നാൽ കരയുന്നില്ല.. ഞാൻ അവളുടെ തലയിൽ തലോടി അവൾ എന്നെ നോക്കി എന്റെ തോളിൽ ചാരി ഇരുന്നു…

“വേദന ഉണ്ടോ അച്ചു… നമുക്ക് ഹോസ്പിറ്റലിൽ പോണോ?”

ഞാൻ നിശബ്ദത ഒഴിവാക്കാൻ ആയി ചോദിച്ചു.. അവൾ എന്നെ നോക്കി..

“ഉണ്ട്.. ചേട്ടായി.. എന്നാൽ ശരീരത്തിൽ അല്ല.. മനസ്സിൽ ആണു..”

അവൾ എന്നെ നോക്കി പറഞ്ഞു.. എന്നാൽ എനിക്കു അത് മനസ്സിലായില്ല.. ഞാൻ അവളെ നോക്കി….. അത് മനസ്സിലാക്കിയ അവൾ എന്നെ നോക്കി..

“അവൻ എന്നെയും എന്റെ ചേട്ടനെയും കൂട്ടി ആണു അനാവശ്യം പറഞ്ഞത്… അതാണ് എനിക്കു സങ്കടം ആയത് “
അവൾ പറഞ്ഞു പിന്നെയും കരയാൻ തുടങ്ങി.. എനിക്കും അത് കേട്ടപ്പോൾ വിഷമം ആയി… കൊച്ചുകിട്ടുകളെ പോലെ ആണു അച്ചു.. അവളുടെ പിഞ്ചു മനസ്സിൽ അവൻ വല്ലാതെ മുറിവേൽപ്പിച്ചു…. എനിക്കു അവനോട് പിന്നെയും ദേഷ്യം വന്നു… ഞാൻ അവളെ സമാധാനിപ്പിച്ചു.. അവൾക്കു നല്ല വിഷമം ഉണ്ടായിരുന്നു..

ഞാൻ നേരെ അവളെ വീട്ടിൽ ആക്കി.. അവളുടെ അച്ഛനെയും അമ്മയെയും കാര്യം പറഞ്ഞു മനസ്സിലാക്കി.. അവർ ഒന്നും പറഞ്ഞില്ല.. അവൾ ഞാൻ ഇനി കോളേജിൽ പോകാത്തൊണ്ടു അവളും പോകുന്നില്ല എന്ന് പറഞ്ഞു.. എന്നാൽ ഞാൻ അവളെ എല്ലാം പറഞ്ഞു മനസ്സിലാക്കി… കുറെ കഴിഞ്ഞാണ് ഞാൻ അവിടെ നിന്നു ഇറങ്ങിയതു.. വരുന്ന വഴിയിൽ അനൂപ് വിളിച്ചു അവനോടു കാര്യം എല്ലാം പറഞ്ഞു…

ഞാൻ വീട്ടിലും എല്ലാ കാര്യവും പറഞ്ഞു.. അവർ ഒന്നും പറഞ്ഞില്ല.. അച്ചുവിന്റെ കാര്യം ആയതു കൊണ്ട് ആരും ഒന്നും മിണ്ടിയില്ല…. മണിക്കുട്ടിയോടും എല്ലാം പറഞ്ഞു.. ആര്യയുടെ കാര്യം ഉൾപ്പെടെ.. അവൾക്കു പ്രേതെകിച്ചു ഒന്നും ഇല്ല…… എന്നാൽ എനിക്കു ചെറിയ വിഷമം ഒക്കെ ഉണ്ടായിരുന്നു.. ജീവിതത്തിൽ ആദ്യമായി ആണു ഒരു പെണ്ണിനോട് ഇഷ്ടം തോന്നുന്നത്.. അത് പറയാനും കഴിഞ്ഞില്ല.. ഞാൻ എന്റെ കയ്യിൽ അവൾക്കായി വാങ്ങിയ റിങ് ഇൽ നോക്കി…. ഇന്ന് ഇങ്ങനെ ഒന്നും ഉണ്ടായില്ല എങ്കിൽ ജീവിതത്തിലെ ഏറ്റവും സന്തോഷം ഉള്ളത് ദിവസ്സം ആയേനെ… ഞാൻ ആ മോതിരം അടങ്ങിയ ബോക്സ്‌ അലമാരയിൽ സൂക്ഷിച്ചു വച്ചു……..

ഇടയ്ക്കു കോളേജിലെ കൂടെ ഉള്ളവർ ഒക്കെ വിളിക്കുമായിരുന്നു… അച്ചു എപ്പോഴും വിളിക്കും.. ഞാൻ ഇടയ്ക്കു അവളെ കാണാൻ വീട്ടിൽ ഒക്കെ പോകും.. അവൾ പിന്നെയും കോളേജിൽ പോയി തുടങ്ങി… അവൾക്കു ഞാൻ പഠിത്തം നിർത്തിയതിൽ നല്ല വിഷമം ഉണ്ടായിരുന്നു.. ..

ഇടയ്ക്കു ഞാൻ ആര്യയെ ഓർക്കുമായിരുന്നു….. ഒന്നു ആലോചിച്ചു നോക്കുമ്പോൾ അവൾ ചെയ്തതിൽ ഞാൻ ഒരു തെറ്റും കാണുന്നില്ല.. അവള്ക്കു അനിയനെ അത്ര ഇഷ്ടം ആയിരുന്നിരിക്കണം.. ഞാൻ അവനെ അടിച്ചു കഴിഞ്ഞു അവന്റ അവസ്ഥ മോശം ആയിരുന്നു.. അവനു ബോധം ഒക്കെ പോയിരുന്നു.. അവൾ അവനെ അടിച്ച വിഷമത്തിൽ ആയിരിക്കണം എന്നോട് ചൂടായത്….
എന്നാൽ ഇതെല്ലാം ആലോചിച്ചു വരുമ്പോൾ എന്നിലെ ഈഗോ അതിനെ എല്ലാം മുടക്കും.. അവളോട് ഉള്ള ഈഗോ എനിക്കു കൂടി കൂടി വന്നു….. അവൾ കാര്യം അറിയാതെ എന്നോട് ചൂടായത് ഓർക്കുമ്പോൾ പിന്നെയും ദേഷ്യം വരും… അങ്ങനെ അങ്ങനെ പോയി കൊണ്ടിരുന്നു..

+13

-5