💞💞മാറ്റകല്യാണം – 3💞💞 1അടിപൊളി  

ഞാൻ നേരെ അവളെ വീട്ടിൽ ആക്കി.. അവളുടെ അച്ഛനെയും അമ്മയെയും കാര്യം പറഞ്ഞു മനസ്സിലാക്കി.. അവർ ഒന്നും പറഞ്ഞില്ല.. അവൾ ഞാൻ ഇനി കോളേജിൽ പോകാത്തൊണ്ടു അവളും പോകുന്നില്ല എന്ന് പറഞ്ഞു.. എന്നാൽ ഞാൻ അവളെ എല്ലാം പറഞ്ഞു മനസ്സിലാക്കി… കുറെ കഴിഞ്ഞാണ് ഞാൻ അവിടെ നിന്നു ഇറങ്ങിയതു.. വരുന്ന വഴിയിൽ അനൂപ് വിളിച്ചു അവനോടു കാര്യം എല്ലാം പറഞ്ഞു…

ഞാൻ വീട്ടിലും എല്ലാ കാര്യവും പറഞ്ഞു.. അവർ ഒന്നും പറഞ്ഞില്ല.. അച്ചുവിന്റെ കാര്യം ആയതു കൊണ്ട് ആരും ഒന്നും മിണ്ടിയില്ല…. മണിക്കുട്ടിയോടും എല്ലാം പറഞ്ഞു.. ആര്യയുടെ കാര്യം ഉൾപ്പെടെ.. അവൾക്കു പ്രേതെകിച്ചു ഒന്നും ഇല്ല…… എന്നാൽ എനിക്കു ചെറിയ വിഷമം ഒക്കെ ഉണ്ടായിരുന്നു.. ജീവിതത്തിൽ ആദ്യമായി ആണു ഒരു പെണ്ണിനോട് ഇഷ്ടം തോന്നുന്നത്.. അത് പറയാനും കഴിഞ്ഞില്ല.. ഞാൻ എന്റെ കയ്യിൽ അവൾക്കായി വാങ്ങിയ റിങ് ഇൽ നോക്കി…. ഇന്ന് ഇങ്ങനെ ഒന്നും ഉണ്ടായില്ല എങ്കിൽ ജീവിതത്തിലെ ഏറ്റവും സന്തോഷം ഉള്ളത് ദിവസ്സം ആയേനെ… ഞാൻ ആ മോതിരം അടങ്ങിയ ബോക്സ്‌ അലമാരയിൽ സൂക്ഷിച്ചു വച്ചു……..

ഇടയ്ക്കു കോളേജിലെ കൂടെ ഉള്ളവർ ഒക്കെ വിളിക്കുമായിരുന്നു… അച്ചു എപ്പോഴും വിളിക്കും.. ഞാൻ ഇടയ്ക്കു അവളെ കാണാൻ വീട്ടിൽ ഒക്കെ പോകും.. അവൾ പിന്നെയും കോളേജിൽ പോയി തുടങ്ങി… അവൾക്കു ഞാൻ പഠിത്തം നിർത്തിയതിൽ നല്ല വിഷമം ഉണ്ടായിരുന്നു.. ..

ഇടയ്ക്കു ഞാൻ ആര്യയെ ഓർക്കുമായിരുന്നു….. ഒന്നു ആലോചിച്ചു നോക്കുമ്പോൾ അവൾ ചെയ്തതിൽ ഞാൻ ഒരു തെറ്റും കാണുന്നില്ല.. അവള്ക്കു അനിയനെ അത്ര ഇഷ്ടം ആയിരുന്നിരിക്കണം.. ഞാൻ അവനെ അടിച്ചു കഴിഞ്ഞു അവന്റ അവസ്ഥ മോശം ആയിരുന്നു.. അവനു ബോധം ഒക്കെ പോയിരുന്നു.. അവൾ അവനെ അടിച്ച വിഷമത്തിൽ ആയിരിക്കണം എന്നോട് ചൂടായത്….
എന്നാൽ ഇതെല്ലാം ആലോചിച്ചു വരുമ്പോൾ എന്നിലെ ഈഗോ അതിനെ എല്ലാം മുടക്കും.. അവളോട് ഉള്ള ഈഗോ എനിക്കു കൂടി കൂടി വന്നു….. അവൾ കാര്യം അറിയാതെ എന്നോട് ചൂടായത് ഓർക്കുമ്പോൾ പിന്നെയും ദേഷ്യം വരും… അങ്ങനെ അങ്ങനെ പോയി കൊണ്ടിരുന്നു..

1 മാസ്സം കഴിഞ്ഞാപ്പോൾ ഞാൻ ഞാൻ പഴയത് പോലെ ആയി… ഞാൻ പിന്നെയും വീട്ടിലും പുറത്തും ഒക്കെ ആയി സമയം കളഞ്ഞു.. ഒഴുവ് ദിവസ്സങ്ങളിൽ മണിക്കുട്ടിയുടെ കൂടെ കൂടി….. അവൾ എന്നെയും കൊണ്ട് കറങ്ങി നടന്നു… അങ്ങനെ ദിവസ്സങ്ങൾ പോയി..

വീട്ടിൽ ഇരുന്നു വെട്ടുപിടിക്കും എന്ന് തോന്നിയപ്പോൾ ഞങ്ങളുടെ കമ്പനിയിൽ തന്നെ പോയി.. അവിടെ ഇപ്പോൾ അക്കൗണ്ട്‌ സെക്ഷൻ നോക്കി.. ഇരിക്കുന്നു… അങ്ങനെ പഴയതു പോലെ ജീവിതം പോയി…

⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️⚡️

ഞാൻ എന്റെ ബെഡിൽ കിടക്കുക ആയിരുന്നു പഴയ കാര്യങ്ങൾ ആലോചിച്ചു.. നോക്കുമ്പോൾ എന്റെ അടുത്ത് തന്നെ എന്നെ കെട്ടിപിടിച്ചു എന്റെ മണിക്കുട്ടിയും ഉണ്ട്.. അവളുടെ പൂച്ചാക്കുട്ടിയെ പോലെ ഉള്ള മുഖം കണ്ടപ്പോൾ എനിക്ക് എന്തെന്നില്ലാത്ത ആശ്വസം ആണു തോന്നുന്നത്.. ഞാനും അവളെ കെട്ടിപിടിച്ചു കണ്ണുകൾ അടച്ചു കിടന്നു…

…………………… ⚡️🔥⚡️……………………

പിന്നീട് കാര്യങ്ങൾ എല്ലാം പെട്ടന്ന് തന്നെ ആണു പോയത്.. രണ്ടു വീട്ടുകാർക്കും നല്ല ഇഷ്ടം ആയതു കൊണ്ട് എല്ലാം പെട്ടന്ന് നടന്നു… 2 മാസ്സത്തിനു ഉള്ളിൽ കല്യാണം നടത്തണം എന്ന് അവർ തീരുമാനിച്ചു.. രണ്ട് വീട്ടുകാർക്കും ഈ കല്യാണം ഉറപ്പിച്ചതിൽ വലിയ സന്തോഷം ആയിരുന്നു..

മണിക്കൂട്ടി ആകശുമായി നന്നായി അടുത്ത് .. അവർ നല്ല രീതിയിൽ ഫോണിൽ കൂടി പരസ്പരം ഇഷ്ടം കൈമാറി.. എന്നാൽ എന്റെ ഉള്ളിൽ തീ ആയിരുന്നു.. വീട്ടുകാരെ ആരെയും അറിയിക്കാതെ ഞാൻ എന്റെ ഉള്ളിലെ പ്രശ്നം കൊണ്ട് നടന്നു.. വീട്ടുകാരെ കാണിക്കാനോണം ഞാൻ ഇടയ്ക്കു അവളെ വിളിക്കും.. എന്നാൽ ഒന്നും സംസാരിക്കില്ലായിരുന്നു… അവളും വിളിക്കും എന്നാൽ ഫോൺ എടുത്തു ഞാൻ mute ചെയ്തു എന്തേലും ഒക്കെ പറയും..

അവൾക്കു എന്നോടുള്ള മനോഭാവം എനിക്കു അറിയില്ല…. പെണ്ണ് കാണലിനു ശേഷം ഇതുവരെ അവളുമായി ഞാൻ സംസാരിച്ചില്ല.. എനിക്കു അവളോട്‌ ഇഷ്ടം ഉണ്ടായിരുന്നു എന്നാൽ എന്റെ ഈഗോ അത് സമ്മതിച്ചില്ല.. അവളും എന്നോട് ഒന്നും തന്നെ സംസാരിച്ചില്ല.. അവൾ വിളിക്കുമ്പോൾ തന്നെ ഞാൻ mute ചെയ്യും അല്ലേൽ ഹോൾഡ് ചെയ്യും അങ്ങനെ പോയി കൊണ്ടിരുന്നു….. അവളുടെ അനിയൻ ആനന്ദ് ഇപ്പോൾ അമേരിക്കയിൽ എവിടോ ആണു.. അത് കൊണ്ട് കല്യാണത്തിന് വരാൻ പറ്റില്ല എന്നാണ് ആകാശ് എന്നോട് പറഞ്ഞത്..
ആകാശ് ഒരു പാവം ആണു… എനിക്കു അവനെ വല്ലാതെ ഇഷ്ടം ആയി.. അവൻ മണിക്കുട്ടി വിളിക്കും പോലെ കുട്ടേട്ടാ എന്ന് ആണ് എന്നെ വിളിക്കുന്നെ… അവൻ ഇടയ്ക്കു എന്നെ ഫോണിൽ വിളിച്ചു സംസാരിക്കും.. ഞങ്ങൾ അളിയന്മാർ തമ്മിൽ നല്ല ഒരു ബോണ്ട്‌ ഉണ്ടാക്കിയെടുക്കാൻ അതിനു കഴിഞ്ഞു….