Related Posts
അദ്യഭാഗം വായിക്കാത്തവർ അത് വായിച്ചതിനു ശേഷം മാത്രം വായിക്കുക.
പെട്ടന്ന് ആരോ എന്റെ തോളിൽ തോണ്ടി
ഞാൻ തിരിഞ്ഞു നോക്കിയപ്പോൾ ശ്രീ ആയിരുന്നു
തുടർന്നുവയിക്കുക…………
“എന്തേ”
ഞാൻ അവളോട് ചോദിച്ചു
“തന്റെ നമ്പർ തന്നെ വൈകുന്നേരം ഞാൻ വിളിക്കാം”
ഞാൻ നമ്പർ പറഞ്ഞു കൊടുത്തു.
അതും വാങ്ങി അവൾ തിരിഞ്ഞു നടന്നു പിന്നെ എന്തോ ആലോചിച്ചന്ന പോലെ തിരിഞ്ഞ് വന്നു കൊണ്ട് ചോദിച്ചു
“താൻ എന്തിനാ ഇയാളെ തല്ലുന്നത് ”
അവളുടെ ചോദ്യത്തിന് ആദ്യം ഒന്നു പരു ങ്ങിയങ്കിലും സ്വാബോധം വീണ്ടെടുത്ത ഞാൻ പറഞ്ഞു
“നീ കൂടുതൽ കാര്യം ഒന്നും അന്നെഷിക്കാതെ ക്ലാസ്സിൽ പോകാൻ നോക്ക്”
എന്റെ മറുപടി കേട്ട് അവൾ ചമ്മിയ ഒരു ചിരിയും ചിരിച്ചു പോയി.
ഞാൻ അഭിയെ ഒന്ന് കടുപ്പിച്ചു നോക്കി കൊണ്ട് പറഞ്ഞു
“നിന്റെ കൂറ സ്വഭാവം അവളോട് വേണ്ട കേട്ടല്ലോ”
“സോറി മച്ചാ”
അവൻ കെഞ്ചികൊണ്ട് പറഞ്ഞു
പിന്നെ ഞങ്ങൾ ക്ലാസ്സിൽ പോയി വൈകുന്നേരം വരെ എങ്ങനയൊക്കെയോ ക്ലാസ്സിൽ ഇരിന്നു.
വൈകുന്നേരം ക്ലാസ്സ് കഴിഞ്ഞു ബൈക്ക് എടുക്കാൻ ചെന്നപ്പോൾ ഫോൺ അടിച്ചു പേരിചയമില്ലാത്ത നമ്പർ ആയിരിന്നു
ഞാൻ ഫോൺ എടുത്തു
“ഹലോ… ആരാ…..”
“ഹലോ ഇത് ഞാൻ ആണ്”
“ആര്… തന്റെ അച്ഛനും അമ്മയും തനിക്ക് പേര് ഒന്നും ഇട്ടിട്ടില്ലേ…”
“ഇട്ടിട്ടുണ്ട്…. ശ്രീദേവി എന്നാണ് അറിയോ ആവോ..”
അപ്പോഴാണ് ഞാൻ അവളെ പറ്റി ഓർത്തത്
‘ഹ.. തനാണോ… ഞാൻ തന്റെ കാര്യം മറന്നിരിക്കുകയായിരിന്നു…. വിളിച്ചത് നന്നായി… അല്ലെങ്കി നടന്നു വീട്ടൽ പോകേണ്ടി വന്നേനെ… ”
ഞാൻ തമാശ രൂപേന്നെ പറഞ്ഞു
“ഹ എനിക്ക് തോന്നി അതാണല്ലോ ഞാൻ വിളിച്ചത്… ഞാൻ ഗേറ്റിനു മുമ്പിൽ ഉണ്ട് ഇങ്ങോട്ട് വാ..”
“ആ”
അതും പറഞ്ഞു അവൾ ഫോൺ കട്ടാക്കി
ഞാൻ അവളെ നമ്പർ “ജാഡ തെണ്ടി” എന്ന് സേവ് ചെയ്തു പിന്നെ ബൈക്ക് എടുത്തു ഗേറ്റിനു മുമ്പിൽ പോയപ്പോൾ അവളെ രണ്ട് മൂന്ന് പേര് റാഗ് ചെയ്യുന്നുണ്ട്. 2nd ഇയരിൽ പഠിക്കുന്ന കുറച്ചു അലമ്പ് ടീം ആയിരുന്നു
ഞാൻ അവന്മാർ എന്ത് ചെയ്യുവാന്നെന്നു നോക്കി കുറച്ചു ദൂരെ വണ്ടി നിർത്തി
അവന്മാർ കുറച്ചു കലിപ്പിടുന്നുണ്ട് പെട്ടെന്ന് ഒരുത്തൻ അവളുടെ കൈ ക്ക് കേറി പിടിച്ചു അവളാന്നെങ്കി ഇപ്പൊ കരയും എന്ന ഭാവത്തിലും പിന്നെ ഞാൻ ഒന്നും നോക്കിയില്ല വണ്ടി നേരെ മുന്നോട്ട് എടുത്തു അവന്മാരുടെ മുന്നിൽ കൊണ്ട് പോയി നിർത്തി അവളുടെ കയ്ക്ക് പിടിച്ചവന്റെ മുഖത്തോട്ടും അവളുടെ കയ്യിലേക്കും നോക്കി അതോടെ അവൻ കൈ വിട്ടു
“ഞാൻ നിങ്ങളോടെക്കെ പറഞ്ഞിട്ടില്ലേ റാഗിംഗ് ചെയ്യുന്നതൊന്നും കുഴപ്പമില്ല പക്ഷെ പെൺകുട്ടികളെ ദേഹത്തു തൊട്ടിട്ടുള്ള റാഗിംഗ് ഒന്നും വേണ്ടെന്ന് ”
ഞാൻ കുറച്ചു കലിപ്പോടെ തന്നെ ചോദിച്ചു
അതിന് അവന്മാർ നിന്ന് പരുങ്ങി പിന്നെ ഞാൻ അവളോട് കേറാൻ പറഞ്ഞു അവമ്മാരെ ഒന്ന് തറപ്പിച്ചു നോക്കി വണ്ടി മുന്നോട്ട് എടുത്തു
കുറച്ചു നേരത്തെ മൗനത്തിന് ശേഷം അവൾ പറഞ്ഞു
“താങ്ക്സ്”
“മ്മ്…. താനെന്താ അവന്മാർ കയ്യിനു പിടിച്ചപ്പോൾ ഒന്നും മിണ്ടാതിരുന്നത്.”
“അതിനെന്താ നീ ഉണ്ടല്ലോ”
അവൾ കൂളായി മറുപടി പറഞ്ഞു
“ജീവിതകാലം മുഴുവനും ഞാൻ ഉണ്ടാകതൊന്നുമില്ലല്ലോ”
ഞാൻ കുറച്ചു നിരാശയോടെ പറഞ്ഞു
“ഏയ്യ് നീ കോളേജ് കഴിഞ്ഞലും എന്റെ ഡ്രൈവർ ആയി കൂടിക്കോ എനിക്ക് കുഴപ്പമൊന്നുമില്ല”
അവൾ ചിരിയോടെ പറഞ്ഞു
“നിന്റെ മറ്റവനോട് പറ”
ഞാൻ കലിപ്പിൽ തന്നെ പറഞ്ഞു
“ആ മറ്റവനെ കിട്ടുന്നത് വരെ മാത്രം മതി”
അവൾ വീണ്ടും ചിരിയോടെ പറഞ്ഞു
അത് പറഞ്ഞപ്പോൾ എനിക്ക് നല്ല സങ്കടം തോന്നി പിന്നെ ഞാൻ ഒന്നും മിണ്ടിയില്ല
കുറച്ചു നേരത്തിനു ശേഷം അവൾ തന്നെ വീണ്ടും സംസാരിച്ച തുടങ്ങി
“അപ്പൊ ആന്റി പറഞ്ഞത് ഒക്കെ സത്യമാണല്ലേ”
“എന്ത്”
അവൾ ചോദിച്ചത് മനസ്സിലാകാതെ ഞാൻ ചോദിച്ചു
“അല്ല ഒരു കൊച്ചു റൗഡി ആണെന്നുള്ളത്”
അവൾ ചിരിയോടെ പറഞ്ഞു
ഞാൻ അതിന് ഒന്ന് ചിരിക്കുകയല്ലാതെ ഒന്നും പറഞ്ഞില്ല
“ഇന്ന് എന്നെ കാണാൻ കുറച്ചു സീനിയർസ് പെൺകുട്ടികൾ വന്നിരുന്നു”
അവൾ വീണ്ടും പറഞ്ഞു
“എന്തിന്”
“അതോ ഞാൻ നിന്റെ ആരാ എന്ന് ചോദിച്”
“എന്നിട്ട് നീ എന്ത് പറഞ്ഞു”
“ഞാൻ പറഞ്ഞു എന്റെ ബോയ്ഫ്രണ്ട് ആണെന്ന് ഓ അപ്പോ അവറ്റകളുടെ മുഖം ഒന്ന് കാണണമായിരുന്നു”
അവൾ ഒരു കള്ള ചിരിയോടെ പറഞ്ഞു
“നീ എന്തിനാ അങ്ങനെ പറഞ്ഞത്”
ഞാൻ അവൾ പറഞ്ഞത് ഇഷ്ട്ടപെടാത്ത പോലെ പറഞ്ഞു
“എന്തേ അങ്ങനെ പറഞ്ഞത് ഇഷ്ട്ടമായില്ലേ”
“ഇല്ല”
“പിന്നെ ഞാൻ എന്ത് പറയണമായിരുന്നു”
അവൾ സംശയത്തോടെ ചോദിച്ചു
‘അത് ഇപ്പൊ….. സത്യം പറയണ്മായിരുന്നു”
ഞാൻ ഒന്ന് ആലോചിച്ചു കൊണ്ട് പറഞ്ഞു
“എന്ത് എന്റെ ഡ്രൈവർ ആണെന്നോ”
അവൾ ചിരിയോടെ ചോദിച്ചു
“പോടീ പുല്ലേ”
ഞാനും ചിരിയോടെ പറഞ്ഞു.
അങ്ങനെ കളിയും ചിരിയും കോളേജ് ഡെയ്സും ആയി ഒരു രണ്ടു മാസം പോയി അതിനിടക്ക് ഞാനും അവളും നന്നായി അടുത്തു എനിക്ക് അവളോടുള്ള ഇഷ്ടവും കൂടി
അങ്ങനെ ഒരു ശനിയാഴ്ച ക്ലാസ്ടില്ലാത്തത് കൊണ്ട് 11 മണി ആയിട്ടും ഞാൻ എഴുന്നേറ്റിട്ടുണ്ടായിരുന്നില്ല ഞാൻ ഉറങ്ങുകയായിരിന്നു നിർത്താതെ ഉള്ള ഫോൺ വിളി കാരണം ആണ് ഞാൻ എഴുന്നേറ്റത് ഫോൺ എടുത്തു നോക്കിയപ്പോൾ ശ്രീ ആയിരുന്നു 7 മിസ്സ്ഡ്കാൾ ഉണ്ടായിരുന്നു
“എന്താടി നിന്റെ ആരെങ്കിലും ചത്തോ”
ഉറക്കം പാതി വഴി പോയതിന്റെ ദേഷ്യത്തിൽ ഞാൻ ചോദിച്ചു
“എടാ നീ ഇന്ന് ഫ്രീ ആണോ”
അവൾ ശബ്ദം കുറച്ചു കൊണ്ട് ചോദിച്ചു
“ആണെങ്കിൽ”
“ആണെങ്കി നമുക്ക് എറണാകുളം പോയാലോ”
“അവിടെ എന്താ പരുപാടി ”
“പരിപാടി ഒന്നുമില്ല എന്റെ ഒരു ഫ്രണ്ട് ബാംഗ്ലൂർ ന്ന് വരുന്നുണ്ട്”
“ഗേൾ ഫ്രണ്ട് ആണോ”
ഞാൻ ഒരു വഷളൻ ചിരിയോടെ ചോദിച്ചു
“അല്ല ബോയ്ഫ്രണ്ട് ആണ് നിനക്ക് വരാൻ പറ്റോ”
“ആ”
“താങ്ക്സ് ഡാ മുത്തേ”
അതും പറഞ്ഞു അവൾ ഫോൺ വെച്ചു ഞാൻ ബാത്റൂമിൽ പോയി ഫ്രഷ് ആയി കീ യും എടുത്തു അവളുടെ വീട്ടൽ പോയി
“ആ നീ വന്നോ മാറ്റവള് രാവിലെ തുടങ്ങിയ മേക്കപ്പ് ആണ് ഇതുവരെ കഴിഞ്ഞിട്ടില്ല മോൻ ഇരിക്ക് ഞാൻ ചായ എടുക്കാം”
ആന്റി ചിരിയോടെ പറഞ്ഞകൊണ്ട് അടുക്കളയുലേക്ക് പോകാനൊരുങ്ങി
“ചായ ഒന്നും വേണ്ട ആന്റി ഞാൻ ഇപ്പൊ കുടിച്ചിട്ടേ ഉള്ളു”
“മ്മ്”
“അങ്കിൾ ഇവിടെ ഇല്ലേ”
“ഇല്ല കമ്പനിയിൽ പോയിരിക്കുകയാണ്”
ഞങ്ങൾ അങ്ങനെ സംസാരിച്ചുകൊണ്ടിരുന്നപ്പോൾ ശ്രീ സ്റ്റെപ്പ് ഇറങ്ങി താഴേക്ക് വന്നു അവളെ കണ്ട എന്റെ കണ്ണ് വരെ തിളങ്ങി പോയി അമ്മാതിരി ലുക്ക് ആയിരുന്നു അവൾക്ക് ഒരു കറുപ്പ് ടോപ്പും നീല ജീൻസും ആയിരുന്നു വേഷം
സ്റ്റെപ് ഇറങ്ങി എന്റെ മുമ്പിൽ വന്ന് അങ്ങോട്ടും ഇങ്ങോട്ടും തിരിഞ്ഞു കാണിച്ചു കൊണ്ട് അവൾ എന്നോട് ചോദിച്ചു
“എങ്ങനെ ഉണ്ട് പൊളി അല്ലെ”