Related Posts
ഇതു എന്റെ ആദ്യത്തെ ചെറിയ പ്രണയകഥയാണ്. കഥയുടെ കഴിഞ്ഞ 2 ഭാഗത്തിനും നിങ്ങൾ തന്ന സപ്പോർട്ടിനു നന്ദിയുണ്ട്. ഈ അവസാന ഭാഗത്തിനും നിങ്ങൾ വലിയ സപ്പോർട്ട് തരുമെന്ന് പ്രതീക്ഷിക്കുന്നു. എന്നാൽ തുടങ്ങട്ടെ……..
ജിഷ്ണുവും നീരജും ചെമ്പകത്തിന്റെ അടുത്ത് എത്തി.അവരെ കണ്ടതും ചെമ്പകം ചോദിച്ചു “നിങ്ങൾ എന്താ ഇവിടെ? മറ്റുള്ളവർ എവിടെ? ജിഷ്ണു തുടർന്നു, “ഞങ്ങൾക്ക് നിന്നോട് മാത്രമായി ഒരു കാര്യം പറയാനുണ്ട്. അതാണ് ഞങ്ങൾ മാത്രമായി വന്നത്. പക്ഷെ ഞങ്ങൾക്ക് പറയാനുള്ളത് കേട്ടുകഴിഞ്ഞിട്ടേ നീ തിരിച്ചു മറുപടി പറയാകൂ. അതു “അല്ല” എന്നായാലും “അതെ” എന്നായാലും.”
ചെമ്പകം : അതെന്താ എന്നോട് മാത്രമായി പറയാനുള്ളത്. അത്ര സ്വകാര്യമായ കാര്യമാണോ?
ജിഷ്ണു : അതെ.കിരൺ എന്റെ കസിൻ ആണ്. അതുനു പുറമെ അവനു കുട്ടിയെ ഒരുപാടു ഇഷ്ടമാണ്. ആ ഇഷ്ടം പറയാൻ അവൻ പല തവണ തന്റെ അടുത്ത് വന്നതാണ്. പക്ഷെ നിന്റെ മുന്നിൽ എത്തുമ്പോൾ അവനു ഒരു പേടി. നീ എങ്ങനെ പ്രതികരിക്കും എന്നു അവനറിയില്ല്യല്ലോ. അതാണ് അകാര്യം പറയാൻ ഞങ്ങൾ തന്നെ വന്നത്.
ചെമ്പകം : ക്ഷമിക്കണം എനിക്ക് അവനെ സ്നേഹിക്കാൻ കഴിയില്ല്യ. കാരണം എനിക്ക് ഈ കാടും വീടും വിട്ടു പുറത്തു പോകാൻ കഴിയില്ല്യ. എനിക്ക് പഠിക്കാൻ ആഗ്രഹം ഉള്ളത്കൊണ്ടാണ് ഞാൻ ഇത്രയും നാളും ഇവിടം വിട്ടു പിരിഞ്ഞു നിന്നത്. ഇനി എനിക്ക് എന്റെ വീട്ടുകാരെ വിഷമിപ്പിക്കാൻ കഴിയില്ല. എന്റെ അച്ഛൻ ആരെ ചൂണ്ടി കാട്ടുന്നുവോ അയ്യാളെ മാത്രമേ ഞാൻ സ്നേഹിക്കുകയും കല്യാണം കഴിക്കുകയും ചെയ്യുള്ളൂ.
അതും പറഞ്ഞു അവൾ അവിടെ നിന്നും പോയി. അതിനു ശേഷം ജിഷ്ണുവും നീരജും കിരണിന്റെ അടുത്തേക് പോയി. അവർ വരുന്നത് കണ്ടപ്പോൾ കിരൺ ചെമ്പകം എന്താ പറഞ്ഞതെന്ന് അറിയാൻ വേണ്ടി കാത്തുനിൽകുനുണ്ടായിരുന്നു. അവർ കിരണിന്റെ അടുത്തെത്തി അവിടെ നടന്ന സംഭവങ്ങളെല്ലാം കിരണിനോട് പറഞ്ഞു.അപ്പോൾ അവനു വലിയ സങ്കടമായി. പിന്നെ കിരണിന് ചെമ്പകത്തിനെ നേരിടാനുള്ള ധൈര്യം ഇല്ല്യതായി. അന്ന് വൈകുന്നേരം ഞങളെല്ലാവരും വീട്ടിലേക്കു തിരിച്ചു. പോകുന്നതിനിടയിൽ കിരൺ കാട്ടിൽ വന്നപ്പോൾ മുതൽ തിരിച്ചു പോകുന്നതു വരെയുള്ള കാര്യങ്ങൾ ഓരോന്നായി ഓർത്തു. ജിഷ്ണു സംസാരിക്കുന്നതൊന്നും അവൻ കേട്ടിരുന്നില്യ. ജിഷ്ണു അവനെ തട്ടി വിളിച്ചു ചോദിച്ചു,
“നീ ഏതു ലോകത്താണ് ഇവിടെ സംസാരിച്ചതൊന്നും നീ കേൾക്കുന്നില്ലേ ? നീ ഇപ്പോഴും ചെമ്പകത്തെ ഓർത്തുകൊണ്ടിരിക്കുകയാണോ? നിനക്ക് അവളെ കിട്ടാൻ വിധിച്ചിട്ടില്യ എന്നു കരുതിയാൽ മതി. നിനക്ക് വേറെ നല്ല പെൺകുട്ടിയെ കിട്ടും. നീ അവളെ മറന്നേക്.”
അവൻ എല്ലാം കേട്ടു മൂളുക മാത്രമേ ചെയ്തിരുന്നുളൂ. ഇതിനിടയിൽ കാട്ടിൽ ചെമ്പകം കിരണും ഫ്രണ്ട്സും അവിടെ വന്നപ്പോൾ ഉണ്ടായ സംഭവങ്ങൾ എല്ലാം മൂപ്പനോട് പറഞ്ഞു. മൂപ്പൻ എല്ലാം കേട്ടു ഒരു നിമിഷം നിശബ്ദനായി നിന്നു. എന്നിട്ട് അവളോട് ഇങ്ങനെ പറഞ്ഞു,
“നീ അവരോട് അങ്ങനെ പറയരുതായിരുന്നു. നീ നാടും നഗരവും കണ്ടവളാ. നിനക്കെങ്കിലും നല്ലൊരു ജീവിതം വേണ്ടേ. ഞങ്ങളെപ്പോലെ കഷ്ടപ്പെട്ട് ജീവിക്കാൻ നിന്നെ ഞാൻ സമ്മതിക്കില്ല്യ. ഞാൻ പറയുന്നത് മോള് കേൾക്കുമെങ്കിൽ നീ അവനെ തേടി കണ്ടുപിടിച്ചു അവന്റെ വീട്ടുകാരുമായി സംസാരിച്ചു ഇങ്ങു കൊണ്ടുവരണം നിങ്ങളുടെ വിവാഹം ഈ അച്ഛൻ നടത്തി തരാം.”
ചെമ്പകം : കിരണിനെ എനിക്ക് ഇഷ്ടമില്ല്യാഞ്ഞിട്ടല്ല. എനിക്ക് നിങ്ങളെ വിട്ടു പിരിയാൻ കഴിയില്ല്യ. മാത്രമല്ല അച്ഛനെ എതിർത്തു ഞാൻ ഇതുവരെ ഒരു കാര്യവും ചെയ്തിട്ടില്യ. ഇനി ചെയുകയുമില്ല്യ. അച്ഛൻ പറയുന്നതുപോലെ ഞാൻ അനുസരിച്ചു കൊള്ളാം.
ഇതിനിടയിൽ കിരണും ഫ്രണ്ട്സും അവരുടെ വീട്ടിൽ എത്തികഴിഞ്ഞിരുന്നു.കിരണിനെ വീട്ടിലാക്കി ജിഷ്ണുവും കൂട്ടുകാരും അവരുടെ വീട്ടിലേക്കു പോയി. വീട്ടിൽ എത്തിയപ്പോൾ അമ്മ ദേഷ്യത്തോടെ നിൽക്കുന്ന കണ്ടു. കലി തുള്ളിക്കൊണ്ട് എന്റെ അടുത്ത് വന്നു ചോദിച്ചു “എത്ര നാളായി നിന്റെ പഠിത്തം കഴിഞ്ഞിട്ട് ഇതു വരെ നീ വല്ല ജോലിയും നോക്കിയോ? എന്താ നിന്റെ ഭാവി പരിപാടി എന്നെനിക്കറിയണം. ഇനി ഇങ്ങനെ കയറൂരി വിട്ടാൽ ശരിയാകില്യ.നിന്റെ ജോലി കിട്ടിയിട്ടു വേണം നിന്നെ കല്യാണം കഴിപ്പിക്കാൻ. എനിക്ക് ഒറ്റക് അടുക്കളയിലെ ജോലി ചെയ്തു മടുത്തു. നീ ഏതു കുട്ടിയെ വേണമെങ്കിലും കല്യാണം കഴിച്ചൊള്ളു പക്ഷെ ഉടനെ വേണം.