Related Posts
കടപ്പുറത്ത് നല്ല വെയിൽ…. വലിയ വള്ളങ്ങൾ കരയിൽ കയറ്റി വെച്ചിരിക്കുന്നു…
സ്കൂട്ടർ ഒതുക്കി വെച്ചിട്ട് നളിനി പതിയെ നടന്നു… ബീച്ചിന്റെ വടക്ക് ഭാഗത്ത് കടൽഭിത്തി കെട്ടാൻ കൊണ്ടുവന്ന കല്ലുകൾ കൂട്ടിയിട്ടിരിക്കുന്നു…
വെയിൽ ചായാത്തത്കൊണ്ട് കടപ്പുറം വിജനമാണ്…. അവൾ കുറേ നടന്നു കല്ലിൻ കൂട്ടത്തിനടുത്ത് എത്തി… അവിടെ ഒരു കല്ലിൽ ഇരുന്നു…
എന്തിനാണ് താൻ ഇവിടെ വന്നത്…! ആരെയാണ് താൻ അന്വേഷിക്കുന്നത്…! ജീവിതത്തിൽ ഒരു തവണ മാത്രം കണ്ട ഒരാൾ… ഇത്രയധികം ആഗ്രഹത്തോടെ തേടി കണ്ടുപിടിക്കാൻ മാത്രം എന്തു ബന്ധ മാണ് അയാളുമായി തനിക്കുള്ളത്…
താൻ ഭർത്താവിനെ വഞ്ചിക്കുകയല്ലേ… തനിക്ക് ഒരു കുട്ടിയില്ലേ.. സമൂഹത്തിൽ മാന്യമായ സ്ഥാനം ഇല്ലേ…
ഇങ്ങനെ ചിന്തകൾ ഓരോന്നായി മനസിൽ ഓടാൻ തുടങ്ങിയപ്പോൾ എഴുനേറ്റ് പോയാ ലോ എന്ന് ചിന്തിച്ചുപോയി…
പക്ഷേ… പക്ഷേ.. തന്നിൽ ഒരു സ്ത്രീയുണ്ട് ഒരു മനസുണ്ട്… എത്രയോ പുരുഷന്മാരെ കാണുന്നു… അവരിൽ ആരോടും തോന്നാത്ത ഒരു പ്രത്യേക വികാരം ആ മുഖവും നോട്ടവും തന്നിൽ തോന്നിപ്പിക്കു ന്നു….
സൂര്യൻ പടിഞ്ഞാറേക്ക് കുറച്ചുകൂടി താഴ്ന്നു… വെയിൽ ചൂട് കുറഞ്ഞു…. അവൾ പതിയെ എഴുനേറ്റ് നടന്നു…
കുറച്ചു മാറി ആരോ പുരുഷൻ മാരുടെ സംസാരം കേൾക്കുന്നുണ്ട്…എവിടുന്ന് ആണെന്ന് മനസിലാകുന്നില്ല…
കുറച്ചു മാറി ഒരു വലിയ വള്ളം കയറ്റി വെച്ചിരിക്കുന്നുണ്ട്… ആ ഭാഗത്തുനിന്നാണ് സംസാരം കേൾക്കുന്നത്…
ആ വള്ളത്തിനു സമീപം എത്തിയപ്പോൾ ഒന്നു പാളി നൊക്കി… വള്ളത്തിന്റെ നിഴലിൽ അഞ്ചാറു പേർ ചീട്ടു കളിക്കുന്നു..
ഒരു നിമിഷം മാത്രം കണ്ടു ആ കണ്ണുകൾ… അവരിൽ ഒരാൾ അയാൾ തന്നെ… ഒന്നൂടെ നോക്കാൻ കഴിഞ്ഞില്ല… താൻ മുൻപോട്ടു നീങ്ങിയപ്പോൾ അവർ വള്ളത്തിന്റെ മറയിൽ ആയിപോയി…
കുറച്ചു നടന്നിട്ട് നളിനി വള്ളം നിൽക്കുന്ന ഭാഗത്തേക്ക് തിരിച്ചു നടന്നു… വള്ളത്തിനു നേരെ എത്തിയപ്പോൾ ഒന്നുകൂടി നൊക്കി…
ങ്ങും… അയാൾ തന്നെ..ഉറപ്പ്… ഇനി പോയാലോ…
അങ്ങിനെ മിന്നായം പോലെ കണ്ടിട്ട് പോകാനാണോ വന്നത്… അയാളെ തേടിയാണ് വന്നത് എന്ന് അയാളെ അറിയിക്കേണ്ടേ….
എങ്ങിനെ അറിയിക്കും അയാൾ തന്നെ കണ്ടുപോലും കാണില്ല… പിന്നെ എങ്ങിനെ..
നളിനി മുൻപോട്ടു നടന്ന് ആദ്യം ഇരുന്ന കല്ലിൻ കൂട്ടത്തിനടുത്ത് എത്തി , അവിടെയിരുന്നു….
കടപ്പുറത്ത് കൂടി ഒന്നുരണ്ട് പേർ നടന്നു പോയി… അയാൾക്ക് അവിടുന്നെഴുനേറ്റ് വന്നാൽ എന്താ… ഒന്നിനുപുറകെ ഒന്നായി തിരകൾ വന്ന് മണൽ പുറത്ത് തല തല്ലി മരിക്കുന്നു…
ഇരിക്കുന്നതിനു സമീപത്ത് എന്തോ അനക്കം കെട്ട് തിരിഞ്ഞു നോക്കിയ നളിനി ഞ്ഞെ ട്ടിപ്പോയി…. ഒരുകല്ലിൽ കാലുയർത്തി വെച്ചുകൊണ്ട് അയാൾ നിൽക്കുന്നു….
അവൾ പെട്ടന്ന് എഴുനേറ്റ് നിന്നുപോയി… തന്റെ സിരകളിൽ കൂടി ഒരു വിറയൽ കടന്ന് പോകുന്നു… തൊണ്ട വറ്റി പോയ പോലെ… അയാളുടെ മുഖത്തേക്ക് നോക്കാതെ അവൾ തലകുനിച്ചു നിന്നു…
അയാൾ ഒന്നും മിണ്ടുന്നില്ലല്ലോ… തന്നെ നൊക്കിക്കൊണ്ട് നിൽക്കുകയായിരിക്കും.. തലഉയർത്തി അയാളെ നോക്കിയാലോ… അയാൾ അടുത്തു വന്നപ്പോഴേ താൻ ഇത്ര ബലഹീന ആയി പോകുന്നത് എന്തുകൊ ണ്ടാണ്…
ഏകദേശം രണ്ട് മിനിറ്റോളം അയാളെ നോക്കാനാകാതെ തലതാഴ്ത്തി നിന്ന ശേഷം അവൾ പതിയെ അയാളെ പാളി നൊക്കി….
അയാൾ തന്നെ തുറിച്ചു നോക്കിക്കൊണ്ട് നിൽക്കുകയാണെന്ന് മനസിലായ നളിനി വീണ്ടും തല താഴ്ത്തി….
പിന്നെ അവൾ ഒരിക്കലും പ്രതീക്ഷിക്കാത്ത ഒരു ചോദ്യം അയാൾ ചോദിച്ചു…
നീ ഇത്രനേരം എന്നെ അല്ലേ അന്വേഷിച്ചത്..
ആ പരുക്കൻ ശബ്ദം… അന്ന് ടീച്ചർ എന്ന് വിളിച്ചയാൾ ഇപ്പോൾ നീ എന്ന് വിളിക്കുന്നു
ചോദിച്ചത് കേട്ടില്ലേ…
വീണ്ടും കുറച്ചുകൂടി ഗൗരവത്തിൽ അതേ ചോദ്യം…
എന്നെ തേടിയല്ലേ നീ വന്നത്…!!?
ങ്ങും…. അവൾ അറിയാതെ മൂളിപോയി….
എനിക്കറിയാമായിരുന്നു… നീ വരുമെന്ന്…