മഞ്ജിമാഞ്ജിതം 2

Manjimanjitham Part 2 | Author : Kabaninath

 [Previous Part] [www.kambi.pw]

---

 

ശ്രീധരേട്ടൻ കാർ തിരിച്ചിടുന്നത് നോക്കി നന്ദു സിറ്റൗട്ടിൽ നിന്നു…

ത്രീ ഫോർത്തും കയ്യിറക്കമുള്ള ടീ ഷർട്ടുമായിരുന്നു അവന്റെ വേഷം..

ഹാളിൽ നിന്ന് വാക്കിംഗ് സ്റ്റിക്കിലൂന്നി വിദ്യാധരൻ വന്നു..

“”ശ്രീധരൻ ഇന്നു തന്നെ തിരിക്കില്ലേ… ?””

“” വരും……. “

“” നേരത്തെ എത്താൻ ശ്രമിക്ക്… ഇവിടെ ആരുമില്ലാത്തതാ… “

“” അറിയാം.””

ശ്രീധരൻ വിനയാന്വിതനായി……

ഔട്ട് ഹൗസിൽ നിന്ന് വസ്ത്രം മാറി കുമാരി വരുന്നുണ്ടായിരുന്നു……

“” കുമാരി അവിടെ നിൽക്കുമോ… ?””

വിദ്യാധരൻ ചോദിച്ചു……

“” കുറേയായില്ലേ പോയിട്ട് … “

ശ്രീധരൻ തല ചൊറിഞ്ഞു..

“” ഒരു ദിവസം നിന്നോട്ടെ… അതിൽക്കൂടുതലായാൽ സുഭാഷിണിക്ക് പറ്റില്ല… “”

സുഭാഷിണിക്ക് വാതത്തിന്റെ അസുഖമുണ്ട്. വീട്ടുജോലികളൊന്നും ഒരു പരിധിയിൽ കൂടുതൽ അവർക്ക് പറ്റില്ല……

സച്ചുവും പിന്നാലെ, മഞ്ജിമയും വന്നു……

സച്ചു പാന്റും ഷർട്ടുമാണ് ധരിച്ചിരുന്നത്..  മഞ്ജിമ ജീൻസും ഷർട്ടും……

“”നിന്റെ മേമ ഒരുങ്ങിയില്ലേടാ… …. ?””

വന്നതേ അവൾ നന്ദുവിന്റെ മൂക്കിൽ പിടിച്ച്, ഒറ്റ വലി വലിച്ചു കൊണ്ട് ചോദിച്ചു……

“” ദേ… എനിക്ക് വേദനിച്ചു ട്ടോ……”…”

പറഞ്ഞതും നന്ദു കളിയായി അമ്മയുടെ ചുമലിലൊരടി കൊടുത്തു……

“” വയസ്സിത്രയുമായി… …. ഇള്ളാപ്പിള്ളകളാണെന്നാ അമ്മയുടെയും മക്കളുടെയും വിചാരം…… “

വിദ്യാധരൻ പറഞ്ഞതും ശ്രീധരനും കുമാരിയും ചിരിച്ചു…

“” ഇവിടുത്തെ ഭാഗ്യമല്ലേ… വേറെ വല്ല വീട്ടിലും അമ്മയും അപ്പനും മക്കളുമൊക്കെ കീരിയും പാമ്പുമാ… “

ചിരിയുടെ ഇടവേളയിൽ ശ്രീധരൻ പറഞ്ഞു……

അപ്പോഴക്കും അഞ്ജിത വാതിൽക്കലെത്തി..

“”നിനക്കെന്തായിരുന്നു ഇത്ര താമസം… ?””

മഞ്ജിമ സഹോദരിയെ അടിമുടി ഒന്ന് നോക്കി…

അവൾ ചുരിദാറായിരുന്നു ധരിച്ചിരുന്നത്…

“” ഞാനൊന്ന് മേലു കഴുകി… എല്ലാം ഓകെയാണോ… ?””

അഞ്ജിത ചുറ്റിനും ഒന്ന് നോക്കി…

“” നീ ഓകെ ആണെങ്കിൽ എല്ലാവരും ഓകെ………. “

മഞ്ജിമ പടികളിറങ്ങി…

“” പോയി വരാം അച്ഛച്ഛാ…”

നന്ദു വിദ്യാധരന്റെ കവിളിൽ ഒരുമ്മ കൊടുത്തിട്ട് തിരിഞ്ഞു……

വാതിൽക്കലേക്ക് വന്ന സുഭാഷിണിയെ നോക്കി നന്ദുവും സച്ചുവും കൈ വീശി…

കാറിലേക്ക് കയറാൻ പരുങ്ങി നിൽക്കുന്നതു, കണ്ട കുമാരിയെ സച്ചു വലിച്ച് പിന്നിലേക്ക് കയറ്റി…

“ കുറച്ചു ഞാനോടിക്കാം ശ്രീധരേട്ടാ… “

അവൻ ഡ്രൈവിംഗ് സീറ്റിലേക്ക് കയറി…

ശ്രീധരൻ കോ- ഡ്രൈവർ സീറ്റിലേക്ക് കയറി..

മഞ്ജിമ കയറിയതിനു പിന്നാലെ കുമാരി കയറി……

മറുവശത്ത് അഞ്ജിതയെ തള്ളിക്കയറ്റി നന്ദുവും പിന്നാലെ കയറി ഡോറടച്ചു…

“” പോകാം… ….”

സീറ്റ് ബൽറ്റിട്ട് സച്ചു തിരിഞ്ഞു ചോദിച്ചു…

“പോകാം… “

മഞ്ജിമ മറുപടി പറഞ്ഞു……

നാലു പേർ അല്പം ബുദ്ധിമുട്ടിയാണ് പിൻസീറ്റിലിരുന്നത്….

കാർ മുറ്റത്തു നിന്നും റോഡിലേക്കിറങ്ങി…

ഡ്രൈവിംഗ് സച്ചുവിന് വലിയ ഇഷ്ടമാണ്. എന്നു കരുതി അവൻ ഒരാൾ കൂടെയില്ലെങ്കിൽ വണ്ടിയോടിക്കാനും മിനക്കെടില്ല……

ഇടപ്പള്ളിയിലെ ഷോപ്പിൽ നിന്ന് അമ്മയേയും മേമയേയും കൂട്ടി വരാറുള്ളത് കൂടുതലും സച്ചുവാണ്.

വീട്ടിലെ ജോലികളിൽ കുമാരിയെ സഹായിക്കുവാനായി അഞ്ജിതയും മഞ്ജിമയും ഒന്നിടവിട്ട ദിവസങ്ങളിൽ നേരത്തെ വരാറുണ്ട്……

കുട്ടികളുടെ വസ്ത്രങ്ങൾ കഴുകാനും അയൺ ചെയ്യാനുമൊക്കെ ആരും പറയാതെ തന്നെ ഇരുവരും ഉണ്ടാക്കിയെടുത്തു പോയ ഒരു ഉടമ്പടിയാണ്..

വഴി നീളെ ട്രാഫിക്കായിരുന്നു…

“”നിനക്കെന്താ വണ്ടി ഓടിച്ചാൽ……….?””

മഞ്ജിമ അഞ്ജിതയ്ക്കരികിലിരുന്ന നന്ദുവിനെ നോക്കി……

“ ഈ നശിച്ച ട്രാഫിക്ക്……. എനിക്ക് പെട്ടെന്ന് ദേഷ്യം വരും… “

നന്ദു പുറത്തേക്ക് നോക്കി പറഞ്ഞു……

“” അതിനൊക്കെ ക്ഷമ വേണം… അതിനൊക്കെ എന്റെ സച്ചൂട്ടൻ………. “

മഞ്ജിമ കയ്യെത്തിച്ച് മുന്നിലിരുന്ന സച്ചുവിന്റെ മുടിയിലൊന്നു തഴുകി…

“” സത്യത്തിൽ നിങ്ങൾക്ക് മക്കളെ മാറിപ്പോയതാണോ………?””

ശ്രീധരന് ഒരു ചിരിയുടെ അകമ്പടിയോടെ ചോദിക്കാതിരിക്കാനായില്ല…