ബ്രോ ഡാഡി

Bro Daddy | Author : Snigdha Nair

ഞാന്‍ ബിനീഷ് (വീട്ടില്‍ ബിനു )ജനിച്ചത് ദല്‍ഹിയിലും പഠിച്ചതും വളര്‍ന്നതുമെല്ലാം ദുബായിലുമാണു . എന്റെ പപ്പ ബാബു ദുബായില്‍ ഒരു കമ്പനിയില്‍ അക്കൗണ്ടന്റ് ആയി ജോലി നോക്കുന്നു . മമ്മി ഷൈനി നഴ്‌സാണു . ഞങ്ങളെ കൂടാതെ എന്നേക്കാള്‍ രണ്ടു വയസ്സിനിളയതായ നീതു എന്ന വിളിപ്പേരുള്ള പെങ്ങള്‍ ബിനീതയും അടങ്ങുന്നതാണു ഞങ്ങളുടെ കുടുംബം . മമ്മിയുടെ നാട്ടിലെ വീട് കോട്ടയത്തും പപ്പയുടേത് തൃശ്ശൂര്‍ ജില്ലയിലുമാണു . നേരത്തെ രണ്ടു പേരും ദല്‍ഹിയില്‍ ജോലി ചെയ്യുകയായിരുന്നു.

പപ്പയുടെ വീട്ടുകാര്‍ക്ക് ഇഷ്ടമില്ലാത്ത ലവ് മാര്യേജ് ആയിരുന്നു അവരുടേത്. അതിനാല്‍ പപ്പയുടെ വീട്ടുകാരുമായി ഞങ്ങള്‍ക്ക് കാര്യമായ അടുപ്പമുണ്ടായിരുന്നില്ല . നാട്ടിലേക്ക് എപ്പോഴെങ്കിലും പോകുന്ന സമയത്ത് ഞങ്ങള്‍ മമ്മിയുടെ വീട്ടിലാണു താമസിക്കുക പതിവ്. അവിടെ മമ്മിയുടെ അപ്പച്ചനും അമ്മച്ചിയും മാത്രമേ ഉണ്ടായിരുന്നുള്ളൂ.

അവര്‍ക്ക് ആകെ മൂന്ന് പെണ്മക്കളായിരുന്നു . മൂത്ത മകള്‍ സൂസന്‍ കുടുംബ സമേതം ദല്‍ഹിയില്‍ താമസിക്കുന്നു . അവരുടെ ഭര്‍ത്താവ് ഒരു കമ്പനിയില്‍ ജോലി ചെയ്യുകയാണു . മമ്മിയുടെ ചേച്ചി അവിടെ ഒരു ഹോസ്പിറ്റലില്‍ പാത്തോളജി ലാബില്‍ ജോലി ചെയ്യുന്നു. രണ്ടാമത്തെ ചേച്ചി സുജ നാട്ടില്‍ സ്‌കൂള്‍ ടീച്ചറായി ആലപ്പുഴയില്‍ ഭര്‍ത്താവിന്റെ വീട്ടില്‍ താമസിക്കുന്നു . അവരുടെ ഭര്‍ത്താവും ഒരു സ്‌കൂള്‍ മാസ്റ്ററാണു.

കൂട്ടത്തില്‍ നല്ല നിലയില്‍ ജീവിക്കുന്നത് ഞങ്ങള്‍ തന്നെ . മമ്മിയുടെ അപ്പച്ചന്റെ മരണ ശേഷം അവര്‍ക്കുണ്ടായിരുന്ന അരയേക്കര്‍ പുരയിടവും വീടുമെല്ലാം മൂന്നു പേര്‍ക്കുമായി വീതം വച്ച് കൊടുത്തു. ചേച്ചിമാരുടെ ഭാഗം കൂടി മമ്മി വിലക്ക് വാങ്ങി വീട് പുതുക്കി പണിത് എല്ലാ സൗകര്യങ്ങളുമുള്ള ഒരു ഇരു നിലക്കെട്ടിടമാക്കി. ഇപ്പോളവിടെ വല്യമ്മച്ചിയും അവരെ വീട്ടു പണി സഹായിക്കാന്‍ നില്‍ക്കുന്ന മേരി ചേടത്തിയും മാത്രമേ ഉള്ളൂ.. അവര്‍ക്കേതാണ്ട് മമ്മിയുടെ പ്രായമുണ്ട്. മമ്മിയും അവരും പണ്ട് സ്‌കൂളില്‍ ഒരുമിച്ച് പഠിച്ചതാണത്രേ .

പഠിക്കാന്‍ ബുദ്ധി കുറവായതിനാലും വീട്ടില്‍ വലിയ സാമ്പത്തിക ശേഷി ഇല്ലാതിരുന്നതിനാലും 12 ക്ലാസ് കഴിഞ്ഞതോടെ അവര്‍ പഠിപ്പ് നിര്‍ത്തി ,നേരത്തെ തന്നെ കല്യാണവും നടന്നു . ഇപ്പോളവരുടെ സ്ഥിതി അല്‍പം മോശമാണു .

ഭര്‍ത്താവ് ഒരുവശം തളര്‍ന്ന് കിടക്കുന്നു . മൂന്നു പെണ്‍കുട്ടികളും ഒരാണ്‍കുട്ടിയുമാണവര്‍ക്ക് . മൂത്ത മകളുടെ മാത്രമേ കല്യാണം കഴിഞ്ഞിട്ടുള്ളൂ . വിവാഹപ്രായമെത്തിയ രണ്ട് പെണ്മക്കള്‍ പുര നിറഞ്ഞ് വീട്ടില്‍ നില്‍ക്കുന്നു.ഒരു മകനുള്ളത് താന്തോന്നിയായി നടക്കുന്നു . ഇക്കാര്യങ്ങളൊക്കെ ഒരു തവണ ലീവില്‍ നാട്ടില്‍ വന്നപ്പോള്‍ മമ്മിയോട് പറഞ്ഞതിനാലാണു അവരെ വല്യമ്മച്ചിക്ക് സഹായത്തിനായി വീട്ടില്‍ നിര്‍ത്തിയത്.

പൊതുവേ നല്ല രീതിയില്‍ എല്ലാ വിധ സൗകര്യങ്ങളോടും കൂടിയാണു ഞങ്ങളെ വളര്‍ത്തി കൊണ്ടു വന്നത്. ദുബായിലെ ഒരു പേരു കേട്ട പബ്ലിക് സ്‌കൂളിലാണു ഞങ്ങള്‍ പഠിച്ചത്. ഞാന്‍ പൊതുവേ ആവരേജും പെങ്ങള്‍ ഒരു പഠിപ്പിസ്റ്റും ആയിരുന്നു. അതിനാല്‍ എനിക്ക് പപ്പയുടെ ം കൈയില്‍ നിന്ന് സ്ഥിരമായി വഴക്ക് കിട്ടുക പതിവായിരുന്നു എന്നാല്‍ പെങ്ങളെ പരീക്ഷക്ക് നല്ല മാര്‍ക്ക് വാങ്ങി വരുമ്പോള്‍ മടിയില്‍ കയറ്റി ഇരുത്തി കൊഞ്ചിക്കുകയും ഉമ്മ വക്കുകയുമൊക്കെ ചെയ്യുമായിരുന്നു.

എന്നെ മറ്റൊരു കണ്ണിലൂടെയായിരുന്നു പപ്പ കണ്ടിരുന്നത്.അതു കൊണ്ട് എനിക്ക് മമ്മിയോടായിരുന്നു കൂടുതല്‍ അടുപ്പം. ഇങ്ങനെ രണ്ടു പേരോടും രണ്ട് രീതിയില്‍ പെരുമാറുന്നത് കൊണ്ട് മാത്രമാണു പപ്പായും മമ്മിയും വഴക്കിടുക പതിവ്. അല്ലാത്ത പക്ഷം അവര്‍ ചക്കരയും തേങ്ങയും പോലെ ആയിരുന്നു.ഒടുവില്‍ മുക്കി മൂളി പതിനെട്ടാം വയസ്സില്‍ ഞാന്‍ പ്ലസ് ടൂ പാസ്സായി. പ്രൊഫഷണല്‍ കോഴ്‌സുകള്‍ക്ക് മെറിറ്റ് ലിസ്റ്റില്‍ സീറ്റ് കിട്ടാന്‍ പറ്റാത്ത മാര്‍ക്കേ എനിക്ക് കിട്ടിയുള്ളൂ .