പാവക്കൂത്ത്‌ 2

Pavakooth Part 2 | Author : MK

[ Previous Part ] [ www.kambi.pw ]

ബസ്സിലായിരുന്നു മാനസിയുടെ മടക്കയാത്ര,,, തൻ്റെ സ്റ്റോപ്പ് എത്തുന്നതുവരെ മാനസിയുടെ ചിന്തകളിൽ മുഴുവൻ മായേച്ചി ആയിരുന്നു,, അവരുമൊത്തു ചിലവഴിച്ച നിമിഷങ്ങൾ ആയിരുന്നു,,,

എന്തു സുഖ സൗകര്യങ്ങളോടു കൂടിയ ജീവിതമാണ് ഇപ്പോൾ മായേച്ചിയുടേത്,, എത്ര ബഹുമാനത്തോടെയാണ് അവിടെയുള്ള സ്റ്റാഫുകൾ മായേച്ചിയോടു പെരുമാറുന്നത്,,,

എന്തു വൃത്തിയും, ഭംഗിയുമാണ് ആ ഹോട്ടലിനു,, എത്ര നല്ല വസ്ത്രങ്ങളാണ് ആ ഹോട്ടൽ സ്റ്റാഫുകൾ പോലും ഉപയോഗിക്കുന്നത്,, അതുപോലെ അവിടുത്തെ ജീവനക്കാർ സംസാരിക്കുന്ന ഇംഗ്ലീഷിന്റെ നിലവാരം,,,

ഇന്ന് കഴിച്ച ഭക്ഷണത്തിൻറ്റെ സ്വാദ്,, ഇപ്പോഴും വായിൽ തന്നെ തങ്ങി നിൽക്കുന്ന കണക്കെ,, പ്രത്യേകിച്ചും അവസാനം കഴിച്ച ആ ചോക്ലേറ്റ് ലാവാ കേക്ക്,,,

താൻ ഇന്ന് കഴിച്ച ഭക്ഷണത്തിൻറെ വില ആ മെനു കാർഡിൽ താൻ ശ്രദ്ധിച്ചതാണ്,, ‘അമ്മോ’,,, മായേച്ചി അടുത്തുള്ളത് കൊണ്ട് മാത്രം എങ്ങനെയൊക്കെയോ കണ്ണ് പുറത്തേക്കു തള്ളാതെ പിടിച്ചു നിന്നു,,,

താനും പുറത്തു നിന്നു ഭക്ഷണം കഴിച്ചിട്ടുണ്ട്,, പക്ഷെ മെനു കാർഡിൽ ഭക്ഷണത്തിൻറെ പേരിനേക്കാൾ മുന്നേ നോക്കുന്നത് അതിൻ്റെ വില ആയിരിക്കും,, നമ്മുടെ ബഡ്ജറ്റിൽ ഒതുങ്ങും എന്ന് തീർച്ച ഉണ്ടെങ്കിൽ മാത്രമേ അതിൻ്റെ പേര് നോക്കൂ,, ഓർഡർ ചെയ്യൂ,,

തൻ്റെ ഫ്ളാറ്റിലേക്കുള്ള ഇടവഴിയിൽ കൂടി നടക്കുമ്പോൾ മാനസി ചിന്തിച്ചത് മാനസിയെ കുറിച്ച് തന്നെ ആയിരുന്നു,, തൻ്റെ ജീവിതത്തെ കുറിച്ചായിരുന്നു,,,

അതി രാവിലെ എഴുന്നേൽക്കുന്നു,, ഹർഷേട്ടനും,, മോൾക്കുമുള്ള പ്രാതൽ തയ്യാറാക്കി അവരെ വിളിച്ചുണർത്തുന്നു,, അവർ അത് കഴിക്കുമ്പോയേക്കും ഉച്ചക്ക് കഴിക്കാനുള്ള ടിഫ്ഫിൻ റെഡി ആകുന്നു,, ഇതിനിടയിൽ മാളൂട്ടിയെ കുളിപ്പിക്കലും, ഒരുക്കലും,, രണ്ടുപേരും വീട്ടിൽ നിന്നും ഇറങ്ങുന്ന വരെ നേരാവണ്ണം ശ്വാസം വിടാതെയുള്ള ഓട്ടം,,

അത് കഴിഞ്ഞാൽ പിന്നെ ഒന്നും ചെയ്യാനില്ലാതെ അവർ രണ്ടുപേരുടെയും വരവും കാത്തു വെറുതെ ഇരിക്കുന്നു,, എത്ര കാലമായി ഒരു മാറ്റവും ഇല്ലാത്ത ഇതേ ജീവിതം??

ഇതേ സമയം മായേച്ചിയുടെ ജീവിതം?? ഓഹ് ശരിക്കും കൊതി തോനുന്നു,,,

ഏതാണ്ട് ഫ്ലാറ്റിന്റെ തൊട്ടടുത്തു എത്തിയപ്പോഴാണ് വീട്ടിലെ പച്ചക്കറികൾ തീർന്നിരിക്കുന്ന കാര്യം മാനസി ഓർത്തത്,,, മാനസി പച്ചക്കറി മാർക്കറ്റ് ലക്ഷ്യമാക്കി തിരിഞ്ഞു നടന്നു,, ആ കടക്കാരനുമായി മല്ലിട്ടു വിലപേശാനുള്ള മാനസിക തയ്യാറെടുപ്പോടെ,,,

***********
അത്തായം കഴിഞ്ഞു, വീടും അടുക്കളയുമെല്ലാം ഒരുക്കിയതിനു ശേഷം പതിവുപോലെ ഒരു കുളിയും കഴിഞ്ഞാണ് മാനസി ബെഡ്റൂമിലേക്ക് പോയത്,,,

മാളൂട്ടി ഉറങ്ങിക്കഴിഞ്ഞിരുന്നു,, ‘ഹർഷൻ’ ഭഗവദ് ഗീതയെക്കാൾ തടിയുള്ള ഏതോ ഒരു പുസ്തകത്തിൽ കണ്ണും നട്ട് ഇരിക്കയാണ്,, തനിക്ക് വലിയ താല്പര്യം ഉള്ള വിഷയം അല്ലെങ്കിലും മാനസി വെറുതെ ഒരു കൗതുകത്തിൻറ്റെ പുറത്തു ആ പുസ്തകത്തിൻറ്റെ തലക്കെട്ട് ഒന്ന് നോക്കി,,

എന്തോ ക്രൈം ത്രില്ലെർ ആണെന്ന് വലിയ അക്ഷരങ്ങളിൽ എഴുതിയിരിക്കുന്നു,, പക്ഷെ വിശദാംശങ്ങൾ അറിയാൻ മാനസിക്ക് ഒന്നുടെ ഒന്ന് കണ്ണ് കൂർപ്പിക്കേണ്ടി വന്നു,,,

അല്പം കഷ്ടപെട്ടാണെങ്കിലും മാനസി അത് വാഴിച്ചെടുത്തു,,

‘തിരോധാനം’,, രചയിതാവ് ‘കബനീനാഥ്’!!

ഞാൻ ഒരു ജോലിക്കു ശ്രമിച്ചാലോ എന്ന് ആലോചിക്കുകയാ,,,

തൻ്റെ ഈറൻ മുടി കണ്ണാടിയുടെ മുന്നിൽ നിന്നും മാടി ഒതുക്കിക്കൊണ്ടായിരുന്നു മാനസി ആ വിഷയം അവതരിപ്പിച്ചത്,, അല്ലാതെ ആ കാര്യം നേരിട്ട് ഹർഷനോട് പറയാനുള്ള ധൈര്യം മാനസിക്ക് ഉണ്ടായിരുന്നില്ല,,,

ജോലിയോ?? നിനക്കോ ??

താൻ വായിച്ചു കൊണ്ടിരിക്കുന്ന പുസ്‌തകത്തിൽ നിന്നും അനിഷ്ടത്തോടെ കണ്ണുകൾ ഉയർത്തി,,, അല്പം പുച്ഛത്തോടെ എന്ന് തോന്നിപ്പിക്കും വിധം,, ചെറു മന്ദഹാസത്തോടെ ആയിരുന്നു ഹർഷന്റെ പ്രതികരണം,,,

അതെന്താ,, എനിക്ക് ജോലിക്ക് പോയിക്കൂടെ?? അതോ കിട്ടില്ലെന്നാണോ??

ഹർഷന്റെ ആ പരിഹാസച്ചുവയുള്ള പ്രതികരണം തനിക്ക് ഇഷ്ടപ്പെട്ടില്ല എന്ന് വ്യക്തമാകുന്ന രീതിയിലായിരുന്നു മാനസിയുടെ ആ മറുചോദ്യങ്ങൾ,,,

മാനസിയുടെ ഭാവവത്യാസം ശ്രദ്ധിച്ച ഹർഷൻ പെട്ടെന്ന് സമചിത്തത വീണ്ടുടുത്തു,,,

ഏയ്,,, ഞാൻ അതല്ല ഉദ്ദേശിച്ചേ,,, നിനക്ക് ഇപ്പൊ ഒരു ജോലിയുടെ ആവശ്യമുണ്ടോ എന്നാണ് ഞാൻ ചിന്തിക്കുന്നത്,,,

വായിച്ചു കൊണ്ടിരുന്ന പുസ്തകം അടച്ചു വെച്ച് , ഹർഷൻ മാനസിയെ നോക്കി ഒന്ന് നിവർന്നിരുന്നു,,, (ഈ വിഷയത്തെ പറ്റി നമുക്ക് സംവദിക്കാം എന്ന് മാനസിയോട് പറയുന്ന കണക്കെ)

എന്താ,, നല്ലതല്ലേ എനിക്ക് കൂടി ഒരു ജോലി ഉണ്ടെങ്കിൽ ?? ഒഴിവു സമയങ്ങൾ എനിക്ക് ബോർ അടിച്ചു തീർക്കേണ്ടല്ലോ,, പിന്നെ ചെറുതാണെങ്കിലും എനിക്കും കൂടെ ശമ്പളം കിട്ടിയാൽ, മാസച്ചിലവിനു അതൊരു സഹായമാവില്ലേ,,,

ഓഹ്,, അപ്പൊ അതാണ് കാര്യം,, തമ്പുരാട്ടിക്ക് ഇപ്പോഴുള്ള ജീവിത സൗകര്യത്തിൽ സുഖം തോന്നുന്നില്ല,,, മാനസി,,, നമ്മൾ ഉള്ളത് കൊണ്ട് സന്തോഷത്തോടെ ജീവിക്കാൻ പഠിക്കണണം, അല്ലാതെ ജീവിതം എന്ന് പറഞ്ഞാൽ വെറും പണം, പണം എന്ന ഒരു കാര്യം മാത്രമെല്ല!!

ഹർഷന്റ്റെ ആ വാക്കുകൾ കേട്ട മാനസിയുടെ ചോരത്തിളപ്പ് കൂടി,,,

ഹർഷൻ ഒന്ന് പുറത്തേക്കു വന്നേ,,,

മുറിയുടെ വാതില്കലേക്കു നടന്നു കൊണ്ടായിരുന്നു മാനസി അത് പറഞ്ഞത് ,,,

നമുക്ക് ഇവിടെ തന്നെ ഇരുന്നു സംസാരിച്ചാൽ പോരെ,,,

മാനസിയുടെ ആ ക്ഷണം ഇഷ്ട്ടപ്പെടാത്ത കണക്കെ ചെറു വിമ്മിഷ്ടത്തോടെ ആയിരുന്നു ഹർഷൻ അത് ചോദിച്ചത്,,

പറ്റില്ല,, നമ്മളുടെ സംസാരം കേട്ട് ചിലപ്പോ മോൾ ഉണരും,, അവൾക്കു കാലത്തു സ്കൂൾ ഉള്ളതാ,, അതിനെ ഉണർത്തണ്ട,,

പിന്നെ, ഹർഷൻ വരുമ്പോൾ ഈ മുറിയുടെ വാതിലും ഒന്ന് ചേർത്ത് അടച്ചേക്കു,,, (മുറി വിട്ടു പുറത്തേക്കു ഇറങ്ങുന്നതിനിടയിൽ മാനസി കൂട്ടിച്ചേർത്തു)

തന്നോട് ഗർവിച്ചു മാനസി മുറിക്ക് പുറത്തേക്കു ഇറങ്ങിയതും, ഹർഷൻ ഒന്ന് നെടുവീർപ്പ് വിട്ടു,, പിന്നെ അൽപ സമയത്തിന് ശേഷം ഹർഷനും മുറിക്ക് വെളിയിൽ ഇറങ്ങി, തന്നെ കാത്തു നിൽക്കുന്ന മാനസിയുടെ അടുത്തേക്ക് ചെന്നു,,, മാനസി ആവശ്യപ്പെട്ടപോലെ കതകു ചേർത്ത് അടക്കാനും അയാൾ മറന്നില്ല,,,

എന്താ നിങ്ങളുടെ പ്രശ്നം???

ഹർഷൻ തൻ്റെ അടുത്തെത്തിയതും അല്പം ഒച്ച എടുത്തായിരുന്നു മാനസി അത് ചോദിച്ചത്,,,

എനിക്ക് എന്ത് പ്രശ്നം?? ഹർഷൻ സംയമനം പാലിച്ചു കൊണ്ട് ചോദിച്ചു,,,

മാനസി തൻ്റെ ദേഷ്യം കടിച്ചമർത്തി പല്ലിറുമ്മിക്കൊണ്ട് സംസാരിച്ചു തുടങ്ങി,,,

ഹർഷൻ!! ഞാൻ നിങ്ങളുടെ ജീവിതത്തിലെ അടക്കവും, ചിട്ടയും, തത്വ ചിന്തകളും എല്ലാം മാനിക്കുന്നു,, പക്ഷെ നിങ്ങൾ ശ്രദ്ധിക്കാത്ത ഒരു കാര്യമുണ്ട്,, ഇവിടുത്തെ മാസച്ചിലവ് എങ്ങനെയാ നടക്കുന്നെ എന്ന കാര്യം,,,