അനുരാധയുടെ കേസ് ഡയറി 1

Anuradhayude Case Diary Part 1 | Author : J. K.

---

ഐ ജി ചന്ദ്ര ശേഖർ അയാളുടെ ഓഫീസ് മുറിയിൽ, അയാളുടെ കസേരയിൽ ചാരി ഇരുന്നു വിശ്രമിക്കുകയായിരുന്നു. ആ ദിവസത്തെ ജോലികൾ എല്ലാം തീർത്തു വീട്ടിലേക്കു ഇറങ്ങാൻ തുടങ്ങുകയാണ്. പെട്ടെന്നാണ് ഒരു മുന്നറിയിപ്പും കൂടാതെ, അനുവാദത്തിന് പോലും കാത്ത് നിൽക്കാതെ ഡി വൈ എസ് പി അനുരാധ അയാളുടെ മുറിയിലേക്ക് കയറി വന്നത്. വന്ന പാടെ അവളുടെ കയ്യിൽ ഉണ്ടായിരുന്ന ഫയൽ ചന്ദ്ര ശേഘരന്റെ മേശയുടെ മുകളിൽ വച്ചു.

” സർ… വീണ്ടും.. ഒരു പെൺകുട്ടിയെ കൂടി കാണാതായി…. ” അനുരാധയുടെ കണ്ണിൽ കോപവും നിസ്സഹായതയും ഒരുപോലെ വ്യക്തമായിരുന്നു.

തന്റെ ഉറ്റ സുഹൃത്തിന്റെ മകളെ അയാൾ ഒന്ന് സൂക്ഷിച്ചു നോക്കി.

” അനുവാദം ചോദിക്കാതെയാണോഡോ അകത്തു കയറുന്നതു…ഞാൻ തനിക്കു ഒരുപാടു സ്വാതന്ത്ര്യം നൽകുന്നുണ്ട് എന്ന് കരുതി….!!” അയാൾ ഒന്ന് നിർത്തി.

” സോറി സർ…. ” അനുരാധ അറ്റെൻഷൻ ആയി അയാളെ സല്യൂട്ട് ചെയ്തു.

” ഏയ്‌… കളയെടോ… ഞാൻ ചുമ്മാ പറഞ്ഞതാ… താൻ ഇരിക്ക്…. എന്നിട്ട് പറ.” ചന്ദ്ര ശേഘർ ഒരു പുഞ്ചിരിയോടെ പറഞ്ഞു.

അവൾ തലയിലെ തൊപ്പി ഊരി മേശയിൽ വച്ചു, അയാളുടെ മുന്നിൽ ഉണ്ടായിരുന്ന കസേരയിൽ ഇരുന്നു.

” സർ… വീണ്ടും ഒരു പെൺകുട്ടി കൂടി മിസ്സിംഗ്‌ ആണ്. 3 മാസത്തിനു ഇടയിൽ ഇത് 5 പെൺകുട്ടികൾ ആയി. ” അനുരാധയുടെ ശബ്ദത്തിലെ അമർഷം അയാൾക്ക്‌ മനസ്സിലാകുന്നുണ്ടായിരുന്നു.

” മ്മ്. ” അയാൾ ഒന്ന് മൂളി.

” സർ… ഇതിന്റെ പിന്നിൽ ‘ഡി ക്ലബ്‌ ‘ ആണ് സർ ” അനുരാധ തറപ്പിച്ചു പറഞ്ഞു.

” ഓഹ്.. അനുരാധ …. നീ ഇത് വരെ ആ ക്ലബ്‌ ന്റെ കാര്യം വിട്ടില്ലേ…. നീ പറയുന്നത് സത്യം ആണെന്ന് തെളിയിക്കാൻ എന്തെങ്കിലും തെളിവ് നമ്മുടെ കയ്യിൽ ഉണ്ടോ? ചന്ദ്രശേഘർ ചോദിച്ചു.

” ഇല്ലാ.. ” അനുരാധയുടെ തല താഴ്ന്നു.

” പിന്നെ എങ്ങനെ നമുക്ക് അത് ഉറപ്പിക്കാൻ ആക്കും??? ” അയാൾ ചോദിച്ചു.

” സർ.. നമ്മൾ ഇവിടെ ഇരുന്നാൽ തെളിവ് കിട്ടില്ല…. അതിനു അന്വേഷിക്കണം… ” അവളിലെ പോലീസ് ക്കാരി വീണ്ടും ഉണർന്നു.

” ആ ക്ലബ്‌ മുൻ മന്ത്രി ദിനകരന്റെ ആണെന്ന് നിനക്കും അറിഞ്ഞൂടെ… യൂണിഫോം ഇട്ട ഒരാളെ പോലും ആ ക്ലബ്‌ ന്റെ ഏഴയലത്തു പോലും പോകാൻ അയാൾ സമ്മതിക്കില്ല.. ” ഐ ജി യുടെ സ്വരത്തിൽ നിരാശ കലർന്നു.

അയാൾ തുടർന്നു. ” അവിടെ ഇലീഗൽ ആയി ഒരുപാടു കാര്യങ്ങൾ നടക്കുന്നുണ്ട് എന്ന് എനിക്കും അറിയാം. പക്ഷെ അവിടെ പോയി, നേരിട്ടൊരു അന്വേഷണം നടക്കില്ല. ”

” പിന്നെ എന്ത് ചെയ്യും… ഇനി ഒരു പെൺകുട്ടി കൂടി മിസ്സ്‌ ആവരുത്…. അങ്ങനെ സംഭവിച്ചാൽ അത് നമ്മുടെ കഴിവ് കേടാണ് ” അനുരാധ മുഷ്ടി ഞെരിച്ചു കൊണ്ട് പറഞ്ഞു.

” ഒരു വഴി ഉണ്ട്, പക്ഷെ റിസ്ക് ആണ്… ” അയാൾ അവളെ നോക്കി പറഞ്ഞു.

” എന്താണ് സർന്റെ പ്ലാൻ? ” അവൾ ആകാംക്ഷയോടെ ചോദിച്ചു.

” ദിനകരന്റെ ക്ലബ്‌ മാത്രം അല്ല അവിടെയുള്ളത് … ഒരു ഗവണ്മെന്റ് കോളേജും ഉണ്ട്.. അവിടെ അയാളുടെ ആളുകളുടെ ഡ്രഗ് വിതരണം യദേഷ്ട്ടം നടക്കുന്നും ഉണ്ട്. അവിടുത്തെ കുട്ടികളെ അയാൾ ഡ്രഗ് വിൽപ്പനക്കും, പെൺകുട്ടികളെ ട്രാപ്പിൽ ആക്കാനും ഉപയോഗിക്കുന്നുണ്ട്. ” ചന്ദ്ര ശേഘർ ഒന്ന് നിർത്തി.

” ആ കോളേജ് വഴി, അവിടത്തെ കുട്ടികൾ വഴിയെ നമുക്ക് ആ ക്ലബ്ബിൽ കയറാൻ പറ്റു…” അയാൾ അവളുടെ കണ്ണുകളിലേക്ക് നോക്കി പറഞ്ഞു.

” പക്ഷെ.. സർ…. ദിനകരൻ നമ്മളെ കോളേജിൽ കയറാൻ സമ്മതിക്കും എന്ന് തോന്നുന്നുണ്ടോ??? ” അവൾ സംശയത്തോടെ ചോദിച്ചു..

” ഹഹഹ.. ഒരിക്കലും ഇല്ലാ…. നമ്മൾ അതിനു പോലീസ് ആയിട്ടല്ല അങ്ങോട്ട്‌ പോകുന്നത്…” അയാൾ ചിരിച്ചുകൊണ്ട് മറുപടി പറഞ്ഞു.

” പിന്നെ? ”

” ആാാ കോളേജിലേക്ക് പഠിക്കാൻ ആയിട്ടാണ് പോകുന്നത്.. ” അയാൾ പറഞ്ഞു.

അനുരാധയുടെ മുഗം തെളിഞ്ഞു.

” സർ ആരെയാണ് അയക്കുന്നത്. ” അവൾ ആകാംഷയോടെ ചോദിച്ചു.

” അതിനു പറ്റിയ ആളേ കണ്ടുപിടിച്ചിട്ടില്ല…. ഞാൻ അന്വേഷിച്ചു കൊണ്ടിരിക്കുന്നു.! ” അയാൾ അവളുടെ കണ്ണുകളിൽ നോക്കി പറഞ്ഞു.